% Text title            : Dhanushkotisetubandhakshetra Mahima Varnanam
% File name             : dhanuShkoTisetubandhakShetramahimavarNanam.itx
% Category              : shiva, shivarahasya
% Location              : doc\_shiva
% Proofread by          : Ruma Dewan
% Description/comments  : shrIshivarahasyam | bhargAkhyaH panchamAMshaH | adhyAyaH 28||
% Latest update         : June 18, 2023
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Dhanushkotisetubandhakshetra Mahima Varnanam ..}##
\itxtitle{.. dhanuShkoTisetubandhakShetramahimavarNanam ..}##\endtitles ##
IshvaraH \-
shrR^iNu devi priyatame asti kShetravaraM mama |
setubandhamiti proktaM bhuvi sAkShAdvimuktidam || 1||
gandhamAdanasa~nj~nashcha tatrAsti dharaNIdharaH |
sa tu li~Ngamayo devi nAnAtIrthamayo hi saH || 2||
bilvAmalakahintAlalodhrasAlavanAvR^itaH |
rasAlasurasAmodachandanAmodamoditaH || 3||
anyashAkhishatopeto nAnAvallIvirAjitaH |
tachChailashikhare devi shivali~NgAkR^itistvamaham || 4||
madhye tachChailashikharaM dR^ishyate lavaNArNave |
dUrato vApi shikharaM dR^iShTvA shikhariNo.ambike || 5||
tatratyavAtapotena pApatApairvimuchyate |
nivasAmi tvayA gauri sadA gaNavarairvR^itaH || 6||
nAmnA.ahaM bhUdhare tasmingandhamAdana IshvaraH |
tatra shaivavarA nityaM nivasanti shubhAnane || 7||
agnirityAdibhirmantraiH bhasmoddhUlitavigrahAH |
anantarudrAkShakR^itakirITena virAjitAH || 8||
rudrAkShahAravalayabAhuka~NkaNabhUShitAH |
tripuNDraniTilAH sarve tR^iNIkR^itajagattrayAH || 9||
pa~nchAkSharaparA nityaM pa~nchAsyadhyAnatatparAH |
rudrAdhyAyArthavij~nAnatajjapapravaNAH sadA || 10||
shivali~NgArchanaparAstrikAlaM bilvapatrakaiH |
sadAnnapAnavimukhA shivanAmaikajIvanAH || 11||
skandanandIshvaramukhAmareshvaragaNeshvarAH |
tatra mAM bilvapatraishcha gandhamAdanasha~Nkaram || 12||
pUjayanti sadA bhaktyA viShNubrahmAdayaH surAH |
stuvanti stutibhirnityaM mAM sadA li~NgarUpiNam || 13||
\-\-\-
devarShigaNendrAH \-
saMsAradarpoddhR^itasarpadaShTA janA na jAnanti maheshvaraM tvAm |
te vai mahAkAmaviShapradigdhA dagdhA mahAmR^ityumukhAgnimadhye || 14||
santaptabhraShTataptAH shivanativimukhAshChinnahastAstvadarchA\-
      hInA vichChinnamastA bhagavati girishe prakrame pa~Ngavo ye |
tvannAmochchAraNe ye pratidinamasakR^inmUkabhAvaM prapannA\-
      stvalli~NgekShAvihInA yamabhaTapaTalIdaNDakhaNDyA bhavanti || 15||
\-\-\-
evaM stuvanti mAM tatra munidevagaNA gaNAH |
tatra li~NgAnyanantAni surarShisthApitAnyume || 16||
tIrthAni chaiva puNyAni snAtR^INAM muktidAni hi |
dakShiNAmbhonidheH koTiH pinAkadhanuShA mayA || 17||
tripurAMstAMstadA hatvA maddhanuHkoTideshataH |
dakShiNAbdhau tadA rekhA kR^itA lIlArthamambike || 18||
taddhanuShkoTirityAkhyAM gamitaM tIrthamuttamam |
ShaTShaShTikoTitIrthAni svAghatApanivR^ittaye || 19||
tatra snAnti mahAdevi tadA lavaNasAgare |
brahmaviShNvAdayo devAH shakrAdyA marutAM gaNAH || 20||
munInAM koTayo devi snAtvA tatra divaM gatAH |
brahmahatyAdipApAnAM shodhakaM tIrthamuttamam || 21||
mayaivaM dhanuShaH koTyA kR^itaM lokahitAya vai |
snAtAnA tatra deveshi madj~nAnaM paramaM bhavet || 22||
brahmaNApi purA kanyA nirmitA.a.asIt tilottamA |
tAM tadA chakame kAmAt tayA sa mithunaM gataH || 23||
tadA pApanivR^ittyarthaM snAtvA tatra mahodadhau |
dR^iShTvA.abhipUjya mAM bilvaistataH shuddhashchaturmukhaH || 24||
IshAno.api purA gauri hR^itvA brahmashirastadA |
mama nindAkaraM krodhAdbrahmahatyA(?)mavApa saH || 25||
sa chApi dhanuShaH koTau snAtvA pUtashcha kilbiShAt |
shakro.ahatyAM purA gatvA snAtvA pApairvimochitaH || 26||
agnishcha sarvabhakShotthapApaiH snAtvA vimochitaH |
varuNo.api mahArogapIDito munishApataH || 27||
snAtvAtra dhanuShaH koTau rogAnmukto.abhavachChive |
dakShashaptandramApi snAtvA pApairvimochitaH || 28||

|| iti shivarahasyAntargate shivagaurIsaMvAde dhanuShkoTikShetramahimavarNanaM sampUrNam ||

\- || shrIshivarahasyam | bhargAkhyaH pa~nchamAMshaH | adhyAyaH 28||
##
- .. shrIshivarahasyam . bhargAkhyaH panchamAMshaH . adhyAyaH 28..
Notes:
Shiva describes the merits of worshipping the Shiva Linga at Mount Gandhamadana, and bathing at Setubandha Dhanushkoti Kshetra.

The shloka numbers have been maintained per the source text.

Proofread by Ruma Dewan

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}