% Text title            : Dharmapuri Ramalingeshvara Suprabhatam
% File name             : dharmapurIrAmaliNgeshvarasuprabhAtam.itx
% Category              : shiva, koriDevishvanAthasharmA, suprabhAta, prapatti
% Location              : doc\_shiva
% Author                : koriDe vishvanAthasharmA, dharmapurI
% Transliterated by     : koriDe vishvanAthasharmA
% Proofread by          : koriDe vishvanAthasharmA
% Description/comments  : Includes second suprabhAtam and prapatti
% Acknowledge-Permission: Koride Vishwanatha Sharma
% Latest update         : March 15, 2018
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{..Shri Dharmapuri Ramalingeshvara Suprabhatam ..}##
\itxtitle{..shrIdharmapurI rAmali~Ngeshvara suprabhAtam ..}##\endtitles ##

suprabhAtaMstotram prapattI cha
								
shrImaddharmapurInAtharAmachandrapratiShThita |
uttiShTharAmali~Ngesha rakShitavyaM jagatrayam || 1||
uttiShTottiShTagaurIsha uttiShTha vR^iShavAhana |
uttiShThajagadadhAra udayAdriM gato raviH || 2||
aishAnyakoNagatamandiragogaNesha
bhaktairbhavAn prathamataH khalu vandanIyaH |
dantaikaghAtavinipAtitaduShTadaitya
shrIrAmali~Ngasuta te nanu suprabhAtam || 3||
dAkShayaNItiprathamaM dhR^itanAmadheye
shrIpArvatIti tadanu prathite hyaparNe |
vishveshvarItipatidattatadardhadehe
shrIrAmali~Ngadayite tava suprabhAtam || 4||
devAdhidevaphaNibhUShaNa nIlakaNTha
shambhomahesha  shashibhUShaNa vedavedya |
rakShyAHsadA sakalaloka janAMstvameva
shrIrAmali~Ngabhagavan tava suprabhAtam || 5||
pitrAj~nayAvanagatena sabhAryakeNa
rAmeNadharmaniratena hi dharmapuryAm |
tvaMgautamI ??katayA kR^itali~NgarUpaH
shrIrAmali~Ngabhagavan tava suprabhAtam || 6||
ekAdashaishchalaghurudramahAtirudraiH
rudrAnuvAkachamakAdika vedaghoShaiH |
AyAntivipravibudhAshcha tavArchanAya
shrIrAmali~Ngabhagavan tava suprabhAtam || 7||
godAvarIsujalapUrNaghaTAngR^ihItvA
bhaktAlalATasamala.nkR^itabhasmarekhAH |
dvAre.atrasanti bhavato hyabhiShechanArthaM
shrIrAmali~Ngabhagavan tava suprabhAtam || 8||
brAhmImuhUrtamanugamyaviha~NgamAstu
ashvatthavR^ikShamadhiruhyajanAn svarAvaiH |
techaiva darshanaphalaM nanu bodhayanti
shrIrAmali~Ngabhagavan tava suprabhAtam || 9||
tithyAdikaMshukamukhAt paThatIha jIvaH
tenAradaH pikamukhAt kurute.atra gAnam |
bhR^i~NgIcha nR^ityati mudA.atra mayUrarUpaH
shrIrAmali~Ngabhagavan tava suprabhAtam || 10||
chandrArkanetra bhavataH khalu sevanAya
chandro.abhavachchashirastava bhUShaNaM hi |
pAdauhi ra~njayati te svakarai stvihArkaH
shrIrAmali~Ngabhagavan tava suprabhAtam || 11||
yattvanbaraMtava tanutvamupetya bhaktyA
bhaktaprakIrtitabhavat stutigItirAvam |
tuShyattanoticha dishAH shrutighoSharUpaM
shrIrAmali~Ngabhagavan tava suprabhAtam || 12||
yastvachCharIrapadavIMgamito.analo.asau
tvanmandiraMsvakiraNaistu prakAshayaMshcha |
tvAMsevate.atra khalu nishchaladIparUpaH 		
shrIrAmali~Ngabhagavan tava suprabhAtam || 13||
yomArutastava tanutvamupetya bhaktaH
tvAMsevituM tviha hipUritaveNu yaShTiH |
shambhokaroti tava kIrtimayaM sa gAnaM
shrIrAmali~Ngabhagavan tava suprabhAtam || 14||
yAgautamena kR^itagohatipApanAshA
godAvarItava jaTodbhavavAhinI cha |
tvAMsevituM puramimAM tu gatAhi saiShA
shrIrAmali~Ngabhagavan tava suprabhAtam || 15||
vArANasIpurapatestavadarshanArtham
vishvashvaretitapataH khalu bhaktavR^indAn |
saMrakShituMtviha samudbhavali~NgarUpaH
shrIrAmali~Ngabhagavan tava suprabhAtam || 16||
mAtrAsvarakShaNakR^ite hyavArito yaH
vighnAndhakAravinivArakabhAnureShaH|
tedarshanArthamagajAsuta IkShate.atra
shrIrAmali~Ngabhagavan tava suprabhAtam || 17||
tejohi yattava nipAtitamagnimUrtau
skandastadevavinighAtitatArako.abhUt |
ShANmAturaHsa bhavate.atra nirIkShate hi
shrIrAmali~Ngabhagavan tava suprabhAtam || 18||
yAtvAj~nayaiva khalu te mahiShAsurAkhyaM
siMhasthtitAhyagamayat yamarAjasadma |
durgAmudA.atra tava darshanalolupaiShA
shrIrAmali~Ngabhagavan tava suprabhAtam || 19||
tvattulyaputramabhikAmayitAshilAdaH
yattvatprasAdamadhigamyasa yaM hyavApa |
tvaddarshanAyasa tu te purato.asti nandI
shrIrAmali~Ngabhagavan tava suprabhAtam || 20||
yashchAmbudhestumathane kR^itavAn sahAyaM
yovAsukI cha gaLabhUShaNatAM gataste |
so.ayaMphaNI tava sudarshanalolupo.atra
shrIrAmali~Ngabhagavan tava suprabhAtam || 21||
yadvishvanAthakR^itasha~Nkara suprabhAtaM
prAtastuye nilayametya paThanti bhaktyA |
terAmali~NgasadanugrapAtrabhUtAH
AjIvanaMhi sadabhIShTaphalaM labhante || 22||

iti suprabhAtaM samAptam |

athashrI dharmapurI shrIrAmali~NgeshvarasuprabhAtANtargataM stotram |

dhanuShIkR^itamerugirIndravibho
varachApaguNIkR^itanAgapate|
svasharIkR^itaviShNuhatatripura
jayarAmapratiShThitali~Nga shiva || 1||
shishuchandravibhUShitamauLitaTa
ghanasarpalasadbhujadaNDavibho|
girijApragatasvakavAmatano
jayarAmapratiShThitali~Nga shiva || 2||
nijabhaktavachaHparituShTa hara
nijashUlavibhItayamAditate|
nijapAdapavitritagotramaNe
jayarAmapratiShThitali~Nga shiva || 3||
madamattagajAjinavastradhara
sthirabaddhajaTA bhR^itadevanade |
dhR^itakAntavapuHparamAtmavibho
jayarAmapratiShThitali~Nga shiva || 4||
tripurAntakachAndhakarAkShasahan
praLAyAntakabhItakR^itAnta vibho |
varatANDavananditabhaktatate
jayarAmapratiShThitali~Nga shiva || 5||
shipiviShTadigambara shUlakara
shashishekharanAgavibhUShatano |
avatAjjagatIMnijabhaktayutAM
jayarAmapratiShThitali~Nga shiva || 6||
nanudharmapathaM svayamAcharituM
dhR^itarAmavapurhariNApraNutaH |
shivakeshavayorna hi bheda iti
jayarAmapratiShThitali~Nga shiva || 7||
manasAvachasA vapuShA satataM
karaNaishchatribhistava nAma japan |
bhavatohi naro nilayaM labhate
jayarAmapratiShThitali~Nga shiva || 8||
kR^itayA.archanayAhR^itapApachayAH
jitayogihR^idastavabhakta varAH |
paTavonilayAdhigame hara te
jayarAmapratiShThitali~Nga shiva || 9||
bhavabhasma vilepitadehadharaH
shatarudravidhAnaka pUjayitA |
sacha tuShTikarastava bhaktavaro
jayarAmapratiShThitali~Nga shiva || 10||
haripAdasamudbhavadevanadI
nijanAthagR^ihAdhigame.abhiratA |
bhuvanatrayaMkhalu pAvayituM
harate nilayaM gamitA sA || 11||
bhavamUDamatiM tava bhaktamamuM
harapashya sadA dayayA varada |
nijabhaktamanorathasiddhikara
jayarAmapratiShThitali~Nga shiva || 12||

iti stotraM sampUrNam |


athashrI dharmapurI shrIrAmali~NgeshvarasuprabhAtANtargatA prapattiH |

yobrahmAdi samasta devavinuto li~NgAtmakasyAtmajaH
yaMlabdhvA hi mudAnvitA sutanayaM gaurI jaganmAtR^ikA |
yasyeShTAnuguNaMsamastavipado dUrIkR^itA bhaktagAH
vandetaM vararAmali~NgatanayaM  shrIvighnanAthaM sadA || 1||
ayikarikarNikamUShikavAhana parvatajAsuta sAmbapriya
nutajanapoShakaShaNmukhasevita  sha~NkarachumbitaphAlataTa |
varachaturAnanadevagaNArchitadAnavabha~njaka dAsarata
jayagaNanAyaka vighnavinAshaka dharmapurIjanapAla vibho || 2||
yaiShAduShTanivAraNe suniratA bhaktArtinirhAriNI
yasyAstviShTatayAhi labdhavibhavA niShki~nchanAH prANinaH |
mUDhAnj~nAnavataH karoti satataM yA svaprasAdAnmudA
vandedharmapurIsthitAM bhagavatIM tAM rAmali~NgeshvarIm || 3||
haranijamUrdhajapAshajaTodbhavagautamajAsikatodbhava bhoH
vararaghuvaMshakaLAnidhikIrtitarAghavasevitali~Ngatano|
nijavarabhaktakR^itAghavinAshakadAsajanArthitadAnarate
jayarajanIkarabhUShitashekhara dharmapurIvilasannilaya || 4||
dhyAnelInayatIndravR^indahR^idayaM sammodayaMshchaikataH
vAmA~NgasthitapArvatImapinijAM saMlAlayaMshchAnyataH |
svarlokAdbhuvanatrayaM jigamiShuM ga~NgAM tathA dhArayan
yobhaktAn khalu rakShatIha varadastaM rAmali~NgaM bhaje || 5||
bhasmoddhUlitavigraho.apisatataM bhaktebhya aishvaryadaH
nAmnArudrakamUrtirapyavirataM shAntasvabhAvashcha yaH |
dArAyattasharIrako.apiniyataiH saMstUyate .aharnishaM
vandedharmapurI sthitaM bhavaharaM tvAM rAmali~Ngeshvara || 6||
yAga~NgA chaturAnanasya kalashAt shrIviShNupAdaM gatA
yAlokatrayapAvanAya bhavato mUrdhni sthitA pAvanI |
saiShAte hyabhiShechanAya gamitA godavarItvaM tviha
vandedharmapurI sthitaM tvaghaharaM tvAM rAmali~Ngeshvara || 7||
brahmAdidevamakuTAgramaNipradIptau
yAbhyAMhi pAvita tanur himavAn nitAntam |
yaurAvaNasya bhukadarpavinAshahetU
taurAmali~Nga charaNau sharaNaM prapadye || 8||
vedAntibhiHshiva bhavAn praNato hi brahma
yaHsA~NkhyAkai stu puruShaH prakR^iter vibhinnaH |
viShNurviri~nchiriti naikabudhai stvamekaH
tvAMrAmali~Nga shubhadaM sharaNaM prapadye || 9||
yorAjannasulochanaH phaNidharaH rAmAramaH sha~NkaraH |
prArthIrAjyaprasAdadaHshashidharaH yo vishvanAtho jayaH |
yo.asauhaimavatI sukAntavaradaH bhAgIrathI shekharaH
vandetvAM naTarAja rAmavaradaM hIndUttamA~NgAdvika || 10||
brahmAtvameva jagataH khalu sR^iShTi kArye
viShNustvameva nanu sUddharaNe cha tasya |
rudrastvamevavilayI karaNe cha tasya
tvAMrAmali~Nga shubhadaM sharaNaM prapadye || 11||
bhUmyAdayohi bhavatastanavo.aShTamUrte
nissvArthatAMprakaTayanti na kevalaM tu |
techaiva lokasuhitAya bhavanti nUnaM
tvAMrAmali~Nga shubhadaM sharaNaM prapadye || 12||
hepArvatIsha varada tvayi bhaktishUnyaH
vedAntashAstranikhilAgamapaNDitoyaH |
tajjIvanaMgirisha tasya nirarthakaM syAt
tvAMrAmali~Nga shubhadaM sharaNaM prapadye || 13||
gANAdhipatyamadhigantumahonu dantI
yattepradakShiNavidhiM kR^itavAn subhaktaH |
tebhaktishUnyamitarattu nirarthakaM tat
tvAMrAmali~Nga shubhadaM sharaNaM prapadye || 14||
mAraHsharIkR^ita su puShpanipAtanena
tvatkrodhajanyaniTalekShaNavahnidagdhaH |
mattasyabhaktirahitasya phalaM nuchaitat
tvAMrAmali~Nga shubhadaM sharaNaM prapadye || 15||
nAdiMhyajo tava samaikShata li~NgamUrteH
nAntaMcha viShNurapi te shiva mUrtimattvam |
vettuMtu kaistava vilAsamaho nu sAdhyaM
tvAMrAmali~Nga shubhadaM sharaNaM prapadye || 16||
rAmohi dharmanirato bhavatashcha bhaktaH
bhaktastvadharmaniratastvatharAvaNo.api |
dharmo.abhavaddhivijayI bhavataH prasAdAt
tvAMrAmali~Nga shubhadaM sharaNaM prapadye || 17||
kairAtakenavapuShA suparIkShataH san
prApArjunohi tava pAshupataM kR^ipALo |
yenArinashanavidhAvabhavatsamarthaH
tvAMrAmali~Nga shubhadaM sharaNaM prapadye || 18||
rAmastushatrumavadhIchcha tavArchanena
kR^iShNaHpriyasutamavApa tavArchanena
viShNuHsudarshanamavApa tavArchanena
tvAMrAmali~Nga shubhadaM sharaNaM prapadye || 19||
samprApyamR^ityusamayaM tu mR^ikaNDusUnuH
tyaktoyamena bhavato nu dayAM sa labdhvA |
bhaktArtinAshanavidhautvamaho nibaddhaH
tvAMrAmali~Nga shubhadaM sharaNaM prapadye || 20||
dugdhAmbudheHsumathitAttu surAsuraishcha
tasmAddhijAtagaraLaM bhavatA nipIya |
henIlakaNTha jagato vihitA surakShA
tvAMrAmali~Nga shubhadaM sharaNaM prapadye || 21||
yaHstrI miShAddhariramohayada~Nga bhostvAM
prAsUtasaiSha bhuvanArivinAshaputram |
sarvAHkriyAstava hi lokahitA bhavanti
tvAMrAmali~Nga shubhadaM sharaNaM prapadye || 22||
bAlyAttvamevashiva me nanu chAtmabandhuH
natvAM vinA mama sakhA hudaya~Ngato yaH |
tvayyevadattahR^idayastu karomi sarvaM
tvAMrAmali~Nga shubhadaM sharaNaM prapadye || 23||
herAmali~Nga bhagavan tava sevaneShu
kiMvA kR^itaM tvayi mayA tva vichintya doSham |
yasmAttavasmR^iti pathAddhi visR^iShTa eShaH
tatprAptumIsha karavANi kimadya hR^idyam || 24||
yAchetvahaM na hi dhanaM nanu nIlakaNTha
kIrtiMcha naiva na tu vistR^ita sArvabhaumam |
yAchetu kevalamahaM bhavataH kR^ipAM tAM
yAMchintayAmi bhuvanAdhipateranUnAm || 25||
shrIrAmali~Nga bhagavAn varapAThakebhyo
nityaMtvabhIShTa shubha saukhya phalaM dadAtu |
lakShmIHsamAvishatu bhaktagR^ihANi bhadrA
sarvatrachAstu vijayaH sakalastu teShAm || 26||

|| iti saMskR^itasAhityaratnabirudA~nchitasya budhakoTinutasya
prathitakavipaNDitagaNAgraNIvarasyaakhilashiShyakoTivR^indArchita\-
pAdapadmayugaLasyAchAryakoriDerAjannashAstriNaH dvitIyaputreNa
koriDevishvanAtha sharmaNA virachitA shrIdharmapurIrAmali~Ngeshvara
prapattiHsamAptA ||
##
Composedby Koride Vishwanatha Sharma, Dharmapuri, Telangana
Proofread by Koride Vishwanatha Sharma.

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}