% Text title            : Dvijaproktam Shivarchanopadesham 1
% File name             : dvijaproktaMshivArchanopadesham1.itx
% Category              : shiva, shivarahasya, upadesha, advice
% Location              : doc\_shiva
% Proofread by          : Ruma Dewan
% Description/comments  : shrIshivarahasyam | ugrAkhyaH saptamAMshaH | adhyAyaH 26 kumbhaghoNamahimAnuvarNanam | 399-418||
% Latest update         : June 16, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Dvijaproktam Shivarchanopadesham 1 ..}##
\itxtitle{.. dvijaproktaM shivArchanopadesham 1 ..}##\endtitles ##
(shivarahasyAntargate ugrAkhye)
dvijaH (uvAcha) |
yenaikamapi dR^iShTaM syAt shivali~NgaM shivAtmakam |
tasyApyenAMsi nashyanti vividhAnyapi tatkShaNe || 399||
shivali~NgAnyameyAni revAyAM santi sarvataH |
eteShAM darshane prApte vinashyantyaghakoTayaH || 400||
vastutaH shivali~Ngasya smaraNenApi satvaram |
pAtakAni vinashyanti vichitrANyamitAni cha || 401||
shivali~NgapradeshotthavAyusparsho.api tatkShaNe |
vinAshayati pApAni ghorANi vividhAnyapi || 402||
shivali~NgAshritaM deshaM yaH prAptuM yatate yadA |
tadaivAkhilapApAni nashyantyasti hi sA shrutiH || 403||
asmAkaM shivabhaktAnAM shrutipramANyavAdinAm |
dharmAdharmavichArArthaM shrutirevAvalamvanam || 404||
shivoktAH shrutayo.asmAbhiH shivabhaktaiH samAdR^itAH |
shivali~NgAni dR^iShTAni sAyamadya tvayAdhunA || 405||
ataH tava pAtakAni na sthAsyanti tvayi dhruvama |
yAni pApAnyanantAni pratijanmArjitAnyapi || 406||
tAni sadyo vinashyanti sAyaM sha~NkaradarshanAt |
sAya~NkAle manuShyANAM durlabhaM shivadarshanam || 407||
maheshadarshanaM sAyaM devAnAmapi durlabham |
yasminkR^ipA maheshasya pUrNA tiShThati sarvadA || 408||
tasya sAyaM maheshasya darshanaM bhavati dhruvama |
sarvathA hatabhAgyAnAM puruShANAM durAtmanAm || 409||
shivasya darshanaM sAyaM pradoShe durlabhaM dhruvam |
sAyaM dR^iShTvA mahAdevaM yaH pUjayati sAdaram || 410||
sa sarvapApanirmuktaH shivasAyujyameShyati |
prAtamadhyAhnataH sAyaM nishi vA yo.archayechChivam || 411||
sa janmakoTipApebhyaH sadyo muchyeta sarvathA |
tAvatpApAni tiShThanti na yAvachChivamarchayet || 412||
pApakShayo bhAgyavR^iddhirAyurvR^iddhiH kShaNe kShaNe |
bhavatyavashyaM martyAnAM shrImahAdevapUjayA || 413||
AyurArogyamaishvaryaM tatvaj~nAnamanAmayam |
bhavatyavashyaM martyAnAM shrImahAdevapUjayA || 414||
shatrunAsho duHkhanAsho mohanAshashcha sarvathA |
bhavatyavashyaM martyAnAM shrImahAdevapUjayA || 415||
vidyAvR^iddhiH putravR^iddhirvaMshavR^iddhistathaiva cha |
bhavatyavashyaM martyAnAM shrImahAdevapUjayA || 416||
shivali~NgArchakAsAdhyaM na ki~nchidapi sarvathA |
yatprasAdAMshaleshasya leshenApi janArdanaH || 417||
vaikuNThaM prApa shatrUMshcha jaghAnArchyaiva sha~Nkaram |
yatante yatprasAdArthaM viShNubrahmAdayaH surAH || 418||

|| iti shivarahasyAntargate R^iShi dvijaproktaM shivArchanopadeshaM 1 sampUrNam ||

\- || shrIshivarahasyam | ugrAkhyaH saptamAMshaH | adhyAyaH 26 kumbhaghoNamahimAnuvarNanam | 399\-418||
##
- .. shrIshivarahasyam . ugrAkhyaH saptamAMshaH . adhyAyaH 26 kumbhaghoNamahimAnuvarNanam . 399-418..

Notes:
While speaking in context of Revāliṅgam ##revAli~Ngam## (Nārmadaliṅgam ##nArmadali~Ngam##), the Dvija ##dvijaH## delivers Upadeśa ##upadesha## about merits of worshiping or even seeing / looking at a Śivaliṇga ##shivali~Nga## and about worshiping Mahādeva Śiva ##mahAdeva shiva##.##
##
Proofread by Ruma Dewan 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}