% Text title            : Dvijaproktam Shivarchanopadesham 3
% File name             : dvijaproktaMshivArchanopadesham3.itx
% Category              : shiva, shivarahasya, upadesha, advice
% Location              : doc\_shiva
% Proofread by          : Ruma Dewan
% Description/comments  : shrIshivarahasyam | ugrAkhyaH saptamAMshaH | adhyAyaH 23| 571-586||
% Latest update         : June 16, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Dvijaproktam Shivarchanopadesham 3 ..}##
\itxtitle{.. dvijaproktaM shivArchanopadesham 3 ..}##\endtitles ##
(shivarahasyAntargate ugrAkhye)
dvija uvAcha |
vibhUtidhAraNaM kR^itvA shivaikasharaNo.adhunA |
sarvAghaughanivR^ittyarthaM rudramAvartaya dvija || 571||
shivamantrasamUho.ayaM rudrAdhyAyaH shivAtmakaH |
atastadrudrapAThena nashyatyaghakulaM kShaNAt || 572||
nAmaikamapi rudrasya sarvapApavinAshakam |
svargApavargaphaladaM shaivaM japtaM na saMshayaH || 573||
kR^itvApyaghakulaM nityaM shivaikasharaNo dvija |
yadi raudraM japenmantraM sarvapApaiH pramuchyate || 574||
rudrasmaraNamAtreNa mahApAtakakoTayaH |
vinashyantyanalakrAntAH shalabhA iva tatkShaNe || 575||
tAvadeva hi pApAni yAvanna smaryate shivaH |
smR^ite shive pAtakAni vinashyanti bahUnyapi || 576||
ashaivA ye bhaviShyanti te mahApAtakAlayAH |
pApAni svAlayaM tyaktvA tiShThanti na kadAchana || 577||
puNyAlayeShu shaiveShu puNyAnyeva na saMshayaH |
na tiShThanti hi shaiveShu pAtakAni kadAchana || 578||
puNyaikanilayaH shaivo nAshrayaH puNyapApayoH |
puNyapApAshrayo naikastejastimirayorapi || 579||
yadA yatrojjvalaM tejo na tatra timiraM tadA |
tato yadA yatra puNyaM tadA tatra na pAtakam || 580||
tato yadA yatra puNyaM tadA tatra na pAtakam |
mR^idghaTe sa~NgR^ihItasya jalasya kSharaNaM yathA || 581||
tathA shaivakR^itAghAni kSharantyeva kShaNe kShaNe |
adyaprabhR^iti bho vipra shaivo bhUtvA shivaM yaja || 582||
shivaH shaivakR^itAM pUjAM prItyA gR^ihNAti sAdaram |
shaivo bhUtvA bilvapatrairyaH pUjayati sha~Nkaram || 583||
sarvapApavinirmukto bhuktiM muktiM cha vindati |
shivali~NgArchanenaiva tuShTo bhavati sha~NkaraH || 584||
santuShTaH pArvatInAthaH prayachChatyeva vA~nChitam |
shaivo bhUtvA mahAdevaM pUjaya shraddhayAnvaham || 585||
shivapUjAM kuru prItyA pAtakebhyo bhayaM tyaja |
karmaNA manasA vAchA bhavAnIramaNaM yaja || 586||

|| iti shivarahasyAntargate dvijaproktaM shivArchanopadeshaM 3 sampUrNam ||

\- || shrIshivarahasyam | ugrAkhyaH saptamAMshaH | adhyAyaH 23| 571\-586||
##
- .. shrIshivarahasyam . ugrAkhyaH saptamAMshaH . adhyAyaH 23 . 571-586..

Notes:
Dvija ##dvija## delivers a detailed Upadeśa ##upadesha## about the merits worship of Rudra-Śiva ##rudra-shiva##.##
##
Proofread by Ruma Dewan 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}