% Text title            : Ekalingamahatmyam kAvyamayam 
% File name             : ekalingamAhAtmyamkAvyamaya.itx
% Category              : shiva, vAyupurANa
% Location              : doc\_shiva
% Transliterated by     : Ruma Dewan
% Proofread by          : Ruma Dewan
% Description/comments  : vAyupurANa
% Latest update         : October 19, 2025
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Ekalingamahatmyam kAvyamayam ..}##
\itxtitle{.. ekali~NgamAhAtmyam kAvyamayam ..}##\endtitles ##
|| shrImadekali~Ngo jayati ||
|| shrIgaNeshAya namaH ||
|| shrIH ||
\section{shrImadekali~NgamAhAtmyasya bhinnapAThoddharaNam}

(prArambhe aShTa padyAni kAmadevastutiparANi paThitAni)

atha bAShpadharaNinAyakavaMshotpattiM tu varNayAmyuchchaiH |
yA kIrtanena puruShAn punAti ga~Ngeva kiM bahunA || 9||
shrImadvAyupurANaprabhR^itiShu nAnAvidheShu shAstreShu |
adyApi yA prasiddhA shrutA tu sarvArthasampade bhavati || 10||
kailAshAchalashR^i~Nge rajatAdikadhAturAjiratnayute |
varakinnaragaNavirachitagIte sannirjaropete || 11||
(ataH paraM paurANikaikali~NgamAhAtmyasya chaturthAdhyAyasthavastu AryAchChandasi
varNitam | tadanantaraM kAmadhenuvaradAnasaMj~nasya aShTamAdhyAyasya indravaradAnasaMj~nasya
navamAdhyAyasya tIrthayAtrAphalasaMj~nasya dashamAdhyAyasya cha vastu tattachChandasi
yatki~nchit pAThabhedena niviShTam |)

jayati jagati vikhyAtaM sakalamahIlokapAvanaM sumahat |
shrImadekali~NgadaivatagotraM vaijavApAhvam || 1||
jayati tathA.a.anandapure nAgarakulamaNDano mahIdevaH |
yajanAdikarmakushala vijayAdityAbhidho vipraH || 2||
tattanayo dvijavaryaH keshavanAmA babhUva loke |
shrutayo yatra chatasraH ShaDa~NgasahitA vibhAnti || 3||
tasya suto jagatItalamakhilaM tapasA sukhAspadaM kurvan |
nAgA\-rAula\-nAmA babhUva pAtraM smR^itInAM yaH || 4||
tatputro.ajani bhogArAvalasaMj~no dharAdhipairvandyaH |
asAdharo(?).asya sUnuH shrIdevAhvo tanujanmA || 5||
tattanujaH sarvaj~no dakShAdhvarakR^idvibhUtibhR^idvimalaH |
sa mahAdevo bhagavAn (?) abhidhAnenAbhidheyaH || 6||
tasya kulAla~NkaraNo guhadatto.anvarthannAmadheyo.abhUt |
adyApi yasya nAmnA vaMsho.ayaM khyAtimAn jagati || 7||
yaduktaM (su) purAtanaiH kavibhirAnandapurasamAgataH |
viprakulAnandano (hi) guhadattaH shrIguhilavaMshasya || 8||
shrImAnabhUt sa nR^ipatirguhilAbhidhAno
dharmAchChashAsa vasudhAM madhujitprabhAvAt |
yasmAdyayau guhilavarNanataH prasiddhiM
gauhilya\-vaMshabhavarAjagaNo.atra jAtaH || 9||
guhiladharaNinAthastu~Ngari~NgatpratApa\-
staruNataraNirekho mlAnayan vairichandrAn |
vyacharadativichitraM santataM yatpR^ithivyA\-
madari (para) vadhUTIpadminInAM mukhAbjam || 10||
tanujo.asya chaikali~NgaprasAdasamprAptarAjyalakShmIkaH |
shrImedapATavasudhAmapAlayadbAShpapR^ithvIshaH || 11||
yaduktaM purAtanaiH kavibhi ##. . . .  . . . .  . . . .##
AkAshachandradiggajasa~Nkhye saMvatsare babhUvAdyaH |
shrImadekali~Ngasha~Nkaralabdhavaro bAShpabhUpAlaH || 12||
yo nAgahradanagare toDaramallaH kR^ipANadharatilakaH |
adhyAShTa sa ma(hi)naresho balatanubhojyaiH svayaM bhImaH || 13||
paridhAne yasya paTTI pa~nchatriMshatkarA dukUlasya |
AchChAdanavaravastraM ShoDashahastaM nR^ipasya bAShpasya || 14||
chaturashchaturashChAgAn kavalayati smAsanena yo.agastiH |
pa~nchAshatpalakanakajaToDaradhAraNe tu yo dhIraH || 15||
dvAtrinmaNasughaTitakaravAlaM yo mahAn kare chakre |
ekaprahAradAnAnmahiShadvayapAtane prabalaH || 16||
rAya~Nguru\-chAya~Nguru\-selaguru\-rAyachAyaM\-paramaguruH |
vAgA~NgalA\-rAyA~nchA muhavanavayad (?) vaMsa virudAni || 17||
(sa~NgItarAje puShpikAsu paThitoM.ashastulanIyaH yathA \-rAya~Nguru\-vAya~Nguru\-selaguru\-
rAyA~nchA\-paramaguru\-vAgA~NgalA\-rAyA~nchA\-muhavanarAya\-hiMsallarAya\-mAchallapUrva\-
pashchimottara\-dakShiNachaturdishAM rAyA~nchA AmbulA\-ityAdi\-virudAvalI\-virAjamAnaH |)

anekaguNasannidhiH sucharitaikalIlAvadhi\-
rjayaprataptasre(she)vadhiH prahatavairivargopadhiH |
yashojitakalAnidhiH satatasiddhasannidhiH
sa shauryaparamAvadhirjayati bappavaMshAmbudhiH || 18||
pratyarthivAmanayanA\-nayanAmbudhArA\-
saMvardhitaH kShitibhujAM shirasi prarUDhaH |
yaH kuNThitArikaravAla \-kuThAra\-dhAra\-
staM brUmahai guhilavaMshamapArashAkham || 19||
asuravadhaphalorvI\-maNDalIkAvatArA
haraya iva lasantaH prollasanmAvatArAH |
ghanavanaghanapaTTe sachchaturdikkapAThe
balinR^ipajayino.amI svAmino medapATe || 20||
samprApyAdbhutamekali~NgacharaNaM bhojaprasAdAt palaM
chAsmai divyAsuvarNapAdakaTakaM hArItarAshirdadau |
(sad) bAShpaH sa punaH purANapuruShaH prArambhanirvAhaNAt
tulyotsAhaguNo babhUva nR^ipatiH shrAmedapATAdhipaH || 21||
bAShpe shive layamupeyuShi nIlakaNTha\-
prauDhaprasAdamavasAdamavApya tasya |
vaMsho jagattrayapavitra\-charitrapAtra\-
mavApya khaNDamakhilAM jagatIM prashAsti || 22||
iha hi samarasiMhastasya putraH subAha\-
stribhuvana\-parisampat kIrtiga~NgApravAhaH |
dharati dharaNibhAraM kUrmapR^iShThavatAraM
nijakarakamalenApyAyanAyaM(ya) pravAsaM(saH) || 45||
ajani samarasiMhaH kaustubhaH kShIrasindhA\-
viva nidhiradhidhAmnAmanvavAye.atra bhUpaH |
adhigataparabhAgaH puNDarIkAkShavakShaH\-
sthalaparisaradhR^ityA prAptasAmrAjyalakShmIH || 46||
durge shrIchitrakUTe vilasitanR^ipatau sarvasAmantachUDA\-
ratnapradyotitA~NghrAvabhavaditi matirdR^ishyathA samprabhAti |
satyaM kR^iShNaH sa kR^iShNo.abhavaduchitamidaM kR^ittivAsAH shivo.abhU\-
chChItAMshuH pratyahaMyat kShitimatikaluShAM yuktametan babhAra || 47||
asuranR^isarajaitraM chitrakUTaM purA.asmin
bhavati samarasiMhe shAsati kShoNipAle ||
kanakakalashaheti\-prasphuradrashmijAlai\-
rdinamaNi\-kiraNAlI \-samprakAshAnapekSham || 48||
jagati kati na santi prArthitArthapradAna\-
prakaTitanijashaktivyaktakIrtiprapa~nchAH |
paramiha paralokaH shrIbashIkArasAraM
shrayati samarasiMho dAnamastAbhimAnaH || 49||
kvachit kadAchiddAnAmbu hasto varShati vA na vA |
shrImatsamasiMhasya sa tu sarvatra sarvadA || 50||
kiM ko.apyaho samarasiMhanareshvarasya
saddhairyashauryanayakIrtikalAkalApam |
sa~NkhyAtumatra paTudhIrbhavitA.athavA.a.aste
tasmAdalaM lapana\-pallava\-lAlanena || 51||
vidyudvibhramacha~nchalaM khalu nR^iNAmAyurdhanaM yauvanaM
sa~nchintyeti vira~nchi (sa~nchintyaivamakAri) shuddhamanasA
kIrtiH paraM sthAyinI |
chandrAkhyapriyayAnvitaM(taH) svayamimaM(mayaM) dhAreshvaraH kArito
lakShmIH shrIrvadatIva sannipatatA dhArAmbhasA.aharnisham || 52||
kekI kasmAdakasmAdanusarati mudaM kiM marAlaH karAlo
vAchAlashchAtakaH kiM kimiti tarushikhAma~Ngalo.ayaM bakoTaH |
naiShA varShA ghanAlI vilasitabhuvane kintu bhojaprayANe
lakShyaM naivAntarikShaM chalitahayakhurodhUrta(ddhUta) dhUlIpaTena || 53||
tura~NgalAlA\-gajadAnanIra\-
pravAhayoH sa~NgamamudvahantI |
asya prayANe nikhilA.api bhUmiH
prayAgalakShmIM bibharAmbabhUva || 54||
AkarNyaM pannagIgItaM yasya bAhuparAkramam |
shirashchAlanayA sheShashchakre kampaM paraM bhuvaH || 55||
tyAgenApi manohareNa kR^itino yaM karmaNA.a.achakShate
yaM prArthyaM prArthayanti (gaNayanti) vairisubhujaH shauryeNa sattvAdhikam |
yaM ratnAkaramAmananti guNino dhairyeNa maryAdayA
yaM meruM hi samAshrayeNa vibudhAH shaMsanti sarvonnatam || 56||
bhR^igupatiriva dR^iptArAtisaMhArakArI
suragururiva shashvannItimArgAnusArI |
smara iva surateShu preyasIchittahArI
shiviriva sa babhUva trastasattvopakArI || 57||
yasya dhanurguNakiNavati bibhrati vishvambharAM bhujAdaNDe |
kleshavisheShamasheShaM sheShaH parihR^itya mudito.asti || 58||
yo.arthAn pupoShArthijanArthameva
sannItidakSho vyasanairvihInaH |
vihInasaMsargaparA~Nmukhasya
strIsa~Ngraho yasya sutArthamAsIt || 59||
matiratirabhavat tasyAsatIShvapi vadhUShu ramyAsu |
anyAsu puShpajAtiShu jAtyAM khalu madhukarasyeva || 60||
sa ratnasiMha (haM) tanayaM niyojya
svachitrakUTAchalarakShaNAya |
maheshapUjAhatakalmaShaudha
ilApatiH svargapatirbabhUva || 61||
aparasyAM shAkhAyAM mAhaparAhapramukhA mahIpAlAH |
yadvaMshe narapatayo gajapatayashChatrapatayo.api || 62||
rANatvaM prAptaH san pR^ithivIpatirAhapo bhUpaH || 63||
yAdavasaindhavadArbhikamaurikachaulukyachAhumAnAmAnAkhyaH |
maktubAMNahUNatomaraparamArAdyaiH saMsevyate bhuvi yaH || 64||
yathA te mithilAnAthA maithilA iti kIrtitAH |
sIsaudapurabhUpAlAstathA sIsodakA amI || 65||
rAhapamahIpatanayo harasUstannandano babarU rAjA |
ajani yashaHkarNo.asmAt tada~Ngajo nAgapAlanR^ipaH || 66||
putro.asya pUrNapAlastada~NgajaH phekharo.atha naranAthaH |
tajjo.atha bhuvanasiMhastadAtmajo bhImasiMhanR^ipaH || 67||
tattanujo jayasiMhastada~Ngajo lakShmyasiMhanAmA.a.asIt |
saptabhirapyAtmajaiH saha bhittvA ravimaNDalaM divaM yAtaH || 68||
tathA choktaM purAtanaiH kavibhiH ##. . . . . . . .##
ShummANavaMshe khalu lakShmyasiMha\-
stasmin gate durgavaraM rarakSha |
kulasthitiM kApuruShairvimuktAM
na jAtu dhIrAH puruShAstyajanti || 69||
ChittvA shastrANi shastrairatha rathanikarairghAtayitvA rathaughA \-
nashvAnashvairnihatya prabalagajatarAn pAtayitvA gajaishcha |
hatvA yodhAMshcha yodhairatishakanidhanAt kAlakAlopameyo
lakShmIsiMhasya(shcha) kArAtulamatalamasaM(yashaH) (sa~Ngare)
sa~Ngaraj~naH || 70||
itthaM mlechChakShayaM kR^itvA sa~Nkhye saMvatsaraM nR^ipaH |
chitrakUTAchalaM rakShan shastrapUto divaM yayo || 71||
archibhiH kimu saptabhiH parivR^itaH saptArchiratrAgataH
kiM vA saptabhireva saptibhirito yAtaH sasaptirdivi |
itthaM saptabhiranvitaH(te) sutavaraistaiH shastrapUtaiH saha
prApte buddhirabhUt suparvanR^ipateH (?) shrIlakShmI(kShmya)siMhe nR^ipe || 72||
asiryasyAsAterbhramayatitarAM shIrShakamale
sa rAD gogAdevo.api hi samadhibhUrmAlavabhuvaH |
vijigye yenAsau nijabhujabhuja~Ngorjagarala\-
prasArAt siMhAntaH samabhavadasau lakShmyanR^ipatiH || 73||
yo.avanyAM patito.apyastraiH patito na svadharmataH |
chUghalaM pAtayAmAsa yuddhe yodhaM narAdhipaH || 74||
tada~Ngajo rasIrANo (?) rasiyo(ko) raNabhUmiShu |
chitrakUTena nishreNyA tridivaM prAptavAn prabhuH || 75||
abhUnnR^isiMhapratimo.arisiMha\-
stadanvaye bhavyaparamparADhye |
bibheda yo vairi\-gajendrakumbha\-
sthalIman(lU) nAM nakhakha~NgaghAtaiH || 76||
pItavairirudhirAdvipulA~NgAd
udgatAdasikR^iShNabhuja~Ngena |
adbhutaM samabhavat sakalAshA\-
maNDanaM navayasho jaladAbham || 77||
shashidhavalayA kIrtyeva pratApa\-divAkarAd\-
dyutimilitayA manye pratyavApa nijAsanam |
rajatanichayaM dAsye vo mahArajataM tathA
tyajatu vipulAM chintAM sA.avanIpakamaNDalI || 78||
tada~NgajahammIraH (tada~Ngajo.abhUdhammIraH)
prekShya yaddAma(na) muttamam |
lajjayevAdR^ishyabhAvaM prAptAH kalpadrumAdayaH || 79||
rAdhave (Ahave) chelavATeshamaha~NkAramahodadhim |
nistriMshachulukaiH samyak shoShayAmAsa yo nR^ipaH || 80||
prahlAnalapuraM hatvA tathelAdurganAyakAn |
jitavAn jitakarNaM yo jyeShThaM shreShTho mahIbhR^itAm || 81||
balIyAMsaM balIbhujanAmAnaM medinIpatiH |
hammIradevo hatavAn arjayan kIrtimuttamAm || 82||
tathA choktaM purAtanaiH kavibhiH\-
hammIravIro raNara~NgadhIro
vAgmAdhurItarjitakekikIraH |
dharAdhavAla~NkaraNaikahIraH
sadAvanIbhUShitasindhutIraH || 83||
manye.abhUta suragauragoH samabhavat kalpadrumaH kalpanA\-
tIto rohaNaparvato.api sudhiyAM no mAnasaM rohati |
chittasyAdhipaterjaDAchcha jaDatA dhatte.adhikAM bhUdhave
dAnapronnatachArupANikamale karNAdayaH ke punaH || 84||
yadarpitairarthijanastura~Ngamai\-
ranarghyaMhemA~NgadahArakuNDalaiH |
ala~NkR^itaH kalpatarau kR^itAshrayaM
sa (su) rAdhirAjaM hasatIva vaibhavAt || 85||
kaTakaturagahreShAvishrutestyaktadhairye
vrajati cha raghubhUpe kAndishaM ko.apalAyi |
ahaha viShamadhATI\-prauDhapa~nchAnano.asA\-
varipuramatidurgaM chelavATaM vijigye || 86||
IshvarArAdhane dAne vIrashrIvaraNe raNe |
kadAchinneva vishrAntaH karo hammIrabhUpateH || 87||
sa kShetrasiMhe tanaye nidhAya
tejaH svakIyaM tridivaM jagAma |
badhnau yathArko.astamayaM hi bhAvo (vaM)
mahAntamatra (sva) nisargasiddham || 88||
tato.aribhUmIshamahebhasiMhaH
snAnAdavitrAsitamattasiMhaH |
saMsrAvanAmoditabhR^ityasiMha:
shashAsa bhUmiM kila khetasiMha: || 89||
saMgrAmAjirasImni shauryavilasaddordaNDahelollasa\-
chchApaprodgatabANadR^i(vR^i)ShTishamitArAtipratApAnalaH |
vIrashrIraNamallamUrjitashakakShmApAlagarvAntakaM
sphUrjadgurjaramaNDaleshvaramasau kArAgR^ihe.avIvasat || 90||
vyartho hi nUnaM mahadudyamo.aya\-
mitthaM vasa(da)n (ttaM)saphalaM kariShNuH |
shodhyAM purImAtalamUladhAraM
taM delavATaM puramAninAya || 91||
vIrasya yasya samare.adhikaraM kR^ipANi(NIM)
ku~nchIkR^itAM ripubhaTAnilavR^iddhatR^iShNAm |
dR^iShTvA bhuja~NgayuvatImiva vairivargA\-
strAsAt samudramapi goShpadatAmanaiShuH || 92||
mAdyanmAdyanmahebhaprakharakarahatikShiptarAjanyayUtho
yaM svAnaHpattanesho daphara(?) iti samAsAdya kuNThAmbabhUva |
so.ayaM mallo raNAdiH krakulavanitAdattavaidhavyadIkShaH
kArAgAre yadIye nR^ipatishatayute saMstaraM nApi lebhe || 93||
shashvachcha~nchalavAjivIchitaralaM sachChastra timyAkulaM
mAdyankumbhisapakShakheladachalaM sotpAtamIlajjalam |
##. . . . . . . . . . . . . . . . . . . . . . . . . . . . . . . .##
yo roShAdapibat shakArNavamagastyaM taM samUhe.akhilam || 94||
hADAvaTIdeshapatIn sa jitvA
tanmaNDalaM chAtmavashaM chakAra |
tadatra chitraM khalu yatkarAntaM
tadeva teShAmiha yo babha~nja || 95||
yAtrottu~Ngatara~Ngacha~nchalakhurAghAtotthitai reNubhiH
sehe yasya na luptarAshipaTalo vyAjAt pratApaM raviH |
tachchitraM kila sAntalAdikanR^ipA yatprAkR^itAstatra su\-
stavyaikaH sa purANakastu balinAM sUkShmo gururva.aparaH || 96||
yenAnargalabhalladInahR^idayA shrIchitrakUTAntike
tattatsainikaghoravIraninadapradhvastavIryodayA |
manye yAvanavAhinI nijaparitrANasya hetoralaM
bhUmikShepaNabhI(tibhiH)paravashA pAtAlamUlaM yayau || 97||
anIkaM sadA.abhakShi(?) yenAhineva
sphuradbhekasekA~NgavIravraje(te)na |
jagattrANakR^idyasya pANI kR^ipANaH
prasiddho.abhavadbhUpatiH kShetrarANaH || 98||
shaMsan yo bhR^ishamAjilampaTabhaTavrAtochChalachChoNita\-
chChannaprodgatapAMshupu~njavisaraprAdurbhavatkardamam |
asto.asau mahito raNa shakapatiryasmAttathA mAlava\-
kShmApo.adyApi yathA bhayena sha(cha)kitaH svapne.api taM
pashyati || 99||
vAraM vAramanekavAraNaghaTAsa~NghaTTavitrAsitA\-
.anekakShmApativIramAlavashakAdhIshaikagarvAntakaH |
sa~NgrAmAjirasa~NgatArinagarIluNTAkabAhUn nR^ipAn
kArAgAranivAsino vyarachayadyo gurjarAn bhUmipAn || 100||
ripUn sasarjAtha sarojajanmA\-
.apeto.api tAn saMharate sadaiva |
vanaM(yaM) na vidmaH katarasya hastaM\-
gato dvayoryAsyati kaNTha(kAnta) bhAvam || 101||
guroH prasAdAdadhigamya vidyA\-
maShTA~NgayogasthirachittavR^ittiH |
brahmaikatAM(yaH) paramAtmabhUyAn
jagAma saMsAranivR^ittabuddhiH || 102||
lIkhA lekhyaH ##. . . . . . . . . . . . . .##
vimochitAn bahuvidhaghora saMsyatta\- (saMsR^ite ?)
rvilokitu jananichayAnivAgamat |
shivAntikaM shivacharitaH shivAdhacha (?)
ka(?) mAmbujArchana marihINa (?) kalmaShaH || 103||
arNo dhoraNipArijAta (su) tarushchaNDadyuterdaNDabhR^it
yadyatsarvasuparvaNAmadhipaterAsIrja(jja)yanto yathA |
Ishasyeva prajananI(?) raghupateryadvat kusho bhUpate\-
rasyAsIdatulapratApatanayaH shrImokalendro gajaH || 104||
aishvaryeNa divaspatiM mR^igapatiM shauryeNa pAthaH patiM
gAmbhIryeNa vapuHshriyA ratipatiM kIrtyA triyAmApatim |
audAryAtishayena karNanR^ipatiM nyAyena sItApatiM
chAturyeNa bR^ihaspatiM vyajanayat shrImokalorvIpatiH || 105||
yo viprAn namitAn ha(ka)liM kalayataH kArshyena vR^itteralaM
vedaM sA~NgamapAThayat kalimalagraste dharitrItale |
daityAn (?) mIna ivAparaH shrutavatAmAnandakandaH kalA\-
kaushalyAditatirnavInajaladhau bhUmaNDalAkhaNDalaH || 106||
dR^iShTvainaM rachayantamadbhutatulAM hemnaH sadA sampado
yAgAjyAhutitarpito vyarachayan manye talopAyanam |
tatpUrtyai kanakAchalaM karamahArajjU cha chelopamau
sUryAchandramasau himAddhimakarau daNDaM suragrAmaNIH || 107||
evaM muktayAM vimuktapitR^ibhiH prolla~NghyamAnAM haThAd
dR^iShTvA saMyamanI likhatyanushayAditthaM na bhUmeryamaH |
kiM sAmarthyammapohitaM khalu kaleryAtAH kva kAmAdayo
yuktaM yAti na ko.adhikAravirateshchakre.adhikAM kAlatAm || 108||
nalaH kimailaH kimu manmatho vA
kimAshvineyadvitayAdihaikaH |
kala~NkamuktaH kimu yAminIshaH
itthaM jano yatra vitarkameti || 109||
AlokyAshu sapAdalakShamakhilaM jAlandharAn kampayan
dillIM sha~NkitanAyakAM vyarachayannAdAya shAkambharIm |
pIrojaM samahammadaM sharashatairApAtya yaH prollasat
kuntavrAta nipAtadIrNahR^idayAn tasyAvadhIddantinaH || 110||
nR^ipaH samAdhIshvarasiddhatejAH
samAdhibhAjAM paramaM rahasyam |
ArAdhya tasyAlayamuddadhAra
shrIchitrakUTe maNitoraNA~Nkam || 111||
tIrthamatra R^iNamochanaM mahat
pApamochanamapi kShitIshvaraH |
chArukuNDamapi setumaNDanaM
maNDanaM trijagatAmapi vyadhAt || 112||
yaH sudhAMshumukuTapriyA~NgaNe
vAhanaM mR^igapatiM manoramam |
nirmitaM sakaladhAtubhaktibhiH
pITharakShaNavidhAviva vyadhAt || 113||
pakShirAjamapi chakrapANaye
hemanirmitamasau dadau nR^ipaH |
yena nIlajaladachChavirvibhu\-
shcha~nchalAyutadravAdhikaM babhau || 114||
jagati vishrutimApa sa mokalaH
pratibhaTakShitipAla (?) sa mokalaH |
ravisurAdhipa sheSha (?) sa mokalaH
pratinidhirbhavane (Shu) sa mokalaH || 115||
sa nR^ivaro nR^ivarochitaveShabhR^it
pavanabhR^itpavanoditavaibhavaH |
avanato.avanato.api mahattaraH
sakalamokalamokalamokalaH || 116||
daNDashChatreShu bhItirviha(ga)tivihatito bandhanaM sAraNIShu
prAyaH sArAmbu (?) hiMsA ratitatiShu kaTAkSho.a~NgulIShvaiva(ChedaH) |
bhedaH koshe.ambujAnAM hR^itirapi manasashchAru geheShu nityaM
yasmin shAsatyanarghye.abhavadiha vasudhA rAja\-
rAjanvatIttham || 117||
vyastai rAjananandinaM (?) dinamadhi (?) patyairdadhIchyAdibhi\-
rdAnairebhirala~NkR^itA hyanukR^itirvyApArapAra~NgamaiH |
manye.atIva nirAkR^itAdyavasudhAnAthorudAnakramaH
shrImAnatra samastadAnanilayaM brahmANDadAnaM vyadhAt || 118||
AyuShmAn udbhUtaH satatamanu bhUtArthanigamaH
kShamaH prauDhakShoNIparidR^iDhadR^iDhonmAnadahati(tau) |
charitre svIye.anvarthamati (su) pavitreNa kalayan
kalau dharmAdhAro gurugarimabhUrmokalavibhuH || 119||
a~NgAH samprAptabha~NgAH smR^itavanaviTapAH kAmarUpA virUpA
ba~NgA ga~Ngaikasa~NgA gatavirudamadA jAtasAdA niShAdAH |
chInAH sa~NgrAmadInAH skhaladasidhanuSho bhItishuShkAsturuShkA
bhUmeH pR^iShThe gariShThe sphurati mahimani kShmApatermokalasya || 120||
tApaM tApaM bAhushauryAgninAsau
kShepaM kShepaM vairiraktaudakaughe |
nAyaM nAyaM dArDhyamevaM kR^ipANIM
bhedaM bhedaM bhAnubimbaM vivesha || 121||
 || iti vaMshavarNanam ||
\section{mukhavAdyakShIrasAgare rAjavarNanam ?}

iti mahArAjAdhirAjarAdyarAyAMrANerAya\-
mahArANA shrIkumbhakarNaM mahendreNa virachite mukha\-
vAdyakShIrasAgare rAjavarNano nAma ##. . . . . . .## |
bAShpAt pa~nchAshatpa~nchabhiH puruShairala~NkR^ito.ayaM vaMshaH
shrImadekali~NgapUjA kartavyA tato mahAn (mahat)
shreyo bhaviShyatIti vachanAt ||

mUrla dharmantaroH phalaM shrutavatAM puNyasya gehaM shriyA\-
mAdhAraH suguNotkarasya janibhUH satyasya dhAmaujasaH |
dhairyasyApi parAvadhiH pratinidhiH kalpadrumasyAkhilAM
vIrastattanayaH prashAsti jagatIM shrIkumbhakarNo nR^ipaH || 1||
(kumbhalagaDhaprashastigataM 233 sa~Nkhyakapadyam |)

samastadigmaNDalalabdhavarNaH
sphuratpratApAdharitArkavarNaH |
svadAnabhUmnA jitabhojakarNa\-
stato mahIM rakShati kumbhakarNaH || 2||
shrIchitrakUTe surarAjavarNaH
prakR^iShTadAnAdavadhUtakarNaH |
bhUteShu sarveShu cha kumbhakarNaH
prakAshate viShNurivAvatIrNaH || 3||
upAsya janmatritaye gajAsya\-
kanIyaso mAtaramekashakteH |
shrIkumbhakarNo.ayamalambhi sAdhvyA
saubhAgyadevyA tanayastrishaktiH || 4||
ataH kShitibhujAM gaNe nijakulasya chUDAmaNiH
prasiddhaguNasambhramo jaga(ya)ti kumbhanAmA nR^ipaH |
pravIramadabha~njanaH pramuditaH prajAra~njanA\-
dajAyatAbhi(ku)jAyatekShaNa jitendriyANAM
mandiraH (varaH) || 5||
vedAnuddhR^itya pashchAdbhuvamapi bhujayostAM birbhAta kShiNoti
kShudrAn badhvA balidviDbalamahitataraM kShatramutsAdya hatvA |
rakShorUpArimurvI (?) bharanR^ipashamanaH sukShamI mlechChaghAtI
jIyAt shrIkumbhakarNo darshAvidhakR^itikR^it shrIpatiH ko.api
navyaH || 6||
lakShmIshAnandakR^itvA tribhuvanaramaNIchittasammohakR^itvA
lAvaNyAvAsabhR^itvA vapuramalatayA kumbhakarNo mahIndraH |
kAmaM kAmo.astu so.astrI guruta iha paraM strIjanaM jetukAmaH
sa~NgrAme.anena sAkShAtkriyata iti mataM strIjano.astrI\-
jano.api || 7||
vibhrAjate sakalabhUvalayaikavIraH
shrImedapATavasudhoddharaNaikadhIraH |
yasyaikali~Nganijasevaka ityudArA
kIrtiprashastirachalAn surabhIkaroti || 8||
A(nI)tAH kAshchiddhaThena pratinR^ipatibhaTAn
daNDayitvA cha kAshchit
kAshchidrAjanyavaryairdhannagajaturagaiH sArddhamAnIya dattAH |
anyAH proDhA vidhATIbalakR^itaharaNapratyahaM rAjakanyA
navyA navyA mahIbhR^it savidhapariNayatyeSha kAmo navInaH || 9||
yavAlI davAlI shikhAvat shikhAlI
samAlIDhabhAlI karAlI pratAlI (?) |
munerandhakAre kShaNAdyasya sa~Nkhye
kShipakShepamanyairnayadbhUpadIpaiH || 10||
tyaktA dInAdIna dInAbhighAta\-
dInA baddhA yena sAra~NgapuryAm |
yoShAH proDhAH pArasIkAdhipAnAM
tAH sa~NakhyAtuM naiva shaknoti ko.api || 11||
(kumbhalagaDhaprashastau 268 tamaM padyam |)

mahAmahoyuktataro na chaiSha
svasvAbhighAtena dhanArjanAnte |
i (a) hIva sAra~NgapuraM viloDya
ma (na) hemadaM (va) tyA jitavAn bhavaM (cha) || 12||
(jitavAn mahaM bhavam iti mUlapAThaH)

garjanmlechChatimi~NgalAkulataraM ra~Ngattura~Ngormiman
mAta~NgoddhatanakrachakramamitaprAkArakhelAchalam |
etaddagdhapurAgnivADavamasau yanmAlavambhonidhiM
kShoNIshaH pibati sma kha~NgachulukaistasmAdagastyaH sphuTam || 13||
(kumbhalagaDhaprashastau 270 tamaM padyam |)

ADhillikumbhanR^ipatistarasaiva mAsa\-
mAtreNa nAgapuravAsishakAnnirasya |
ApashchimArNavamilAmajayachcha chitraM
shAkambharIvasudhayA.ajayameruNA cha || 14||
sA dhArA yena bhUmiH pratibhaTavasudhArAjajaitrogradhAmnA
dIneShu svarNadhArA dharaNivitaraNAdekadhArAdharo yaH |
nirdhArA yasya nAnAguNagarimagateH kaH sudhArAshimauli\-
ryatkha~NgasyogradhArAmasahata samare naiva dhArApurIndraH || 15||
amIsAhaM hatvA raNabhuvi purA mAlavapatiM
jayotkarShaM harShAdalabhata kila kShetranR^ipatiH |
tathaiva shrIkumbhaH khilivimahamadaM gajaghaTA\-
vR^itaM sa~Nkhye.ajaiShInna hilajaH (?) ##. . . . . ## (?) ko.apyasadR^ishaH || 16||
helonmUlitamallavaMshakakudaM bandIma(ka)rannarbudaM
durgAdrAvitaduShTatApamR^igakaM bha~NktvA puraM vAyasam |
toDAmaNDalamagrahIchcha sahasA jitvA shakaM durjayaM
jIvyAdvarShashataM sabhR^ityaturagaH shrIkumbhakarNo bhuvi || 17||
sheShA~NgadyutigarvahR^innarapateryasyendudhAmojjvalA
kIrtiH sheShasarasvatI vijayinI yasyAmalA bhAratI |
sheShaH sphItidharaH kShamAbharabhR^itau yasyorushauryo bhujaH
sheShaM nAgapuraM nipAtya cha kathAsheShaM vyadhAdbhUpatiH || 18||
shakAdhipAnAM vrajatAmadhastA\-
dadarshayannAgapurasya mArgam |
prajvAlya perojamashItimuchchAM
nipAtya taM nAgapuraM pravIraH || 19||
nipAtya durgaM parikhAM prapUrya
gajAn gR^ihItvA yavanIshcha baddhvA |
adaNDayadyo yavanAnantAn
viDambayan gurjarabhUmibhartuH || 20||
mUlaM nAgapuraM mahachChakatarorunmUlya nUnaM mahI\-
nAtho yaH punarachChidatsamadahachchAshvAn mashItyA sah |
tasmAnmlAnimavApya dUramapatan shAkhAshcha patrANyaho
satyaM yAti na ko vinAshamadhikaM mUlasya nAshe sati || 21||
lakShANi cha dvAdashagomavallI\-
ramochayadduryavanAlayebhyaH |
taM gocharaM nAgapuraM vidhAya
chirAya yo brAhmaNasAdakArShIt || 22||
18\-23\-tamapadyAni kIrtistambhaprashastau
18\-28\-tamapadyeShu kramabhedena prAptAni |

kailAshAchalasundaraM himagirishrIgarvasarva~NkaShaM
nAnAhemavadAnataM (su) kiraNairmerohaMsantaM shriyam |
sa(rvo)rvItilakopamaM mukuTavachChrIchitrakUTAchale
kumbhasvAmina AlayaM vyarachayachChrIkumbhakarNo vibhuH || 23||
samakarodachaleshvarasannidhA\-
vachaladurgamasau jagatIpatiH |
yavanavAravadhAdiva toShito
mukuTamarbudabhUmibhR^ito vyadhAt || 24||
(atratye 24\-25 sa~Nkhyake kIrttistambhaprashastau 147 \-148 sa~Nkhyake staH |)

yo.ayaM rAjagurushcha dAnagururityurvyAM prasiddhashcha yo
yo.asau selagurugurushcha paramaH proddAmabhUmIbhujAm |
yo valgAdhikavIravanditapadaH prAchyapratIchyottara\-
prodyaddakShiNabhUpamaNDanamaNiH kumbho vijejIyate || 25||
amUmuchachchaturvedavichArachaturAnanaH |
gayAM yavanakArAto gaM (?) jAtastApasIbhishcha || 26||
(kIrttistambhaprashastau 155 sa~Nkhyakapadyamidam |)

gayAkAshIprayAgAdivimuktiH prativatsaram |
na stutiH kumbhabhUbhartuH kulAchAro yato.asya saH || 27||
vedapArAyaNaM yasya sahasraM brAhmaNottamAH |
gAyanti sarvatIrtheShu rAjaveshmasuveshmasu || 28||
pAtrasAdakR^itavittamAdarAt viprasAdakR^itabhUyasIrbhuvi(vaH) |
kR^iShNasAdakR^itamAnasaM nR^ipaH shAstrasAdakR^itadR^iShTigauravam || 29||
(kIrttistambhaprashastau 156 sa~NkhyaM padyam |)

AloDyAkhilabhArataM vilasitaM sa~NgItarAjaM vyadhAt
auddhatyAvadhira~njasA samatanot sUDaprabandhAdhipam |
nAnAla~NkR^itisaMskR^itAM vyarachayachchaNDIshatavyAkR^itiM
vAgIsho jagatItalaM kalayati shrIkumbhadambhAtkila || 30||
(kIrttistambhaprashastau 157 sa~Nkhyam |)

aj~nAnArNavamagnamaj~najanatA.aha~NkAravelAvalI\-
ChannaM vyAptamaninditairakaluShairnavyeragAdhai rasaiH |
sa~NgItAmR^itamadbhutaM nipuNadhIruddhR^itya bhUmIpati\-
rdevAn viShNurivAmR^itaM kShitisurAn yo.apAyayannityashaH || 31||
vedA yanmauliratnaM smR^itivihitamataM sarvadA kaNThabhUShA
mImAMse kuNDale dve hR^idi bharatamunivyAhR^itaM hAravallI |
sarvA~NgINaM prakR^iShTaM kavachamapi pare rAjanItiprayogAH
sArvaj~naM bibhruduchchairagaNitaguNabhUrbhAsate kumbhabhUpaH || 32||
aShTavyAkaraNI vikAsyupaniShatspaShTAShTadaMShTrotkaTaH
ShaTtarkI vikaToktiyuktivisarat prasphAragu~njAravaH |
siddhAntoddhR^itakAnanaikavasatiH sAhityabhUkrIDano
garjadvAdigaNAnvidArya(jayate) praj~nAsphuratkesarI || 33||
yenAkAri murArisa~NgatirasaprasyandinI nandinI
vR^ittirvyAkR^itichAturIbhiratulA shrIgItagauvindake |
shrIkarNATakamedapATasumahArAShTrAdike yoda(.aja) yad\-
vANIgumphamayAM chatuShTayamayaM sannATakAnAM vyadhAt || 34||
(kIrttistambhaprashastau 157 sa~Nkhyam |)

shrIvAsudevacharaNAmbujabhaktilagna\-
chetA mahIpatirasau svarapATatenAn |
dhAtUnanindyajayadevakavIndragIta\-
govindakaM vyarachayatkila navyarUpAn || 35||
sakalakavinR^ipAlImaulimANikyarochi\-
rmadhuraraNitavINAvAdyavaishadyabinduH |
madhukarakulalIlAhArishArIrashAlI
jayati jagati kumbho bhUrishauryAMshumAlI || 36||
(kIrttistambhaprashastau 160 sa~Nkhyam |)

rAjAnaH kati vA na santi bhuvane bhUyastarashrIbhR^itaH
ki tairakShatatattvashUnyahR^idayairuddhairyaM bhAvAshrayaiH (ruddhagatashrayaiH) |
sAhityAmR^itasindhurakSharavidAM bandhuH prabandhe kR^itI
dordaNDAdhinR^ipAndhakArataraNiH kumbho.agraNIH kShmAbhR^itAm || 37||
tAvatkalpataruvibhAti vipulastAvachcha chintAmaNi\-
stAvat kAmagavI cha dAnajanibhUstAvat suvaNachilaH |
tAvat karNamahIpatishcha sumatistAvadbalirbhUpati\-
rno yAvat kanakAtimArgaNagaNaiH shrIkumbhakarNo.arthyate || 38||
(kIrtistambhaprashastI 161 sa~Nkhyam |)

AbAlyAdvijayotsukasya vibharvairviShNoH priyAM puNyataH
pAtraprINanameva dharmamavataH satyoktamAtanvataH |
dAne daityabhidaH satAM guNayato rakShArthapakShasthite
shrImatkumbhanareshvarasya sudhiyaH ke ke na ramyA guNAH || 39||
vichitrachaitrotsavasa~NgatAri\-
sAmantasImantavattIMshiraHsu |
sindUrapUrAnapasAryaM dUraM
senArajo yasya padaM nyadhatta || 40||
vipa~nchIM vinyasya svakarakamale komalabharaiH svaraiH |
svasthAnasthairnakhamukha(gaditairnAdayan) tantutatibhiH || 41||
nATakaprakaraNA~NkavIthikA\-
nATikAsamavakArabhANake |
prollasatprahasanAdirUpake
navya eSha bharato mahIpatiH || 42||
(kIrtistambhaprashastI 166 sa~Nkhyam |)

sphUrjandgurjaramAnaveshvarasuratrANo(hi)sainyArNava\-
vyastAvyastasamastavAraNavanaprAgbhArakumbhodbhavaH |
auddhatyaprathamAnapArthivaraNaprArambhadIkShAguru\-
rvarNyaH (kumbha) mahIpatirvasumatIvishveshvaro rAjate || 43||
(kIrtistambhaprashastI 172 sa~Nkhyam |)

gatatrANaH suratrANo gurjaro jarjarIkR^itaH |
kheditaH khilachIkShetre(.ane)kashaH kumbhabhR^ibhujA || 44||
lATaH svidyallalATaH sphuTaraTanapaTurbhoTabhUpapradAtA
karNATaH pUHkapATo mukhapaTaghaTitasvA~NgulirjA~NgalendraH |
nashyanna~NgaH kali~NgaH kurururuchitayo (?) mAlavaH kAlachakra\-
styaktaujA gurjareshaH samajani jayino yasya rAj~naH prayANe || 45||
yenAsa~Nkhyeyasa~NkhyAvanibhaTasubhaTau vairighAtaikadakShau
tattaddhastAshvapatyAkulatarakaTakau DhillikAgurjareshau |
Chatre ratnaugharashmiprakaraparilasatsampadau daNDitau tat
kITAH ke koTisho.anye hi jagadapasadA mAlavAdhIshvarAdyAH || 46||
svATchAT(?pAT) paTuH (?) samaNDalakaraM maNDovaraM maNDayan
bhUmiM yo.ajayamerugAM suphaNajAM bhu~njan bhujorjasvalaH |
senAsAgaragaurjarottarasuratrANAtapatrAsimAn
bhUpAlAvalibhAlabhUShaNamaNiH shrIkumbhakarNo jayI || 47||
re mUDhAH kimupAsyate guNigaNaprAvINyapATachcharo
bhUbhR^idvR^indamanekakAkurachanAchAturyachATUktibhiH |
shrIkumbhaH sakalAbhilAShaphaladashchedUrjitaH prApyate
saurabhyaM yadi mauktike kimaparaM shlAghyaM bhavedbhUtale || 48||
(rasikapriyetyAkhyAyAM gItagovindavR^ittyAmantimapuShpikAntargataM padyamidam |)

shrImanmokalabhUpateH samuditaH saubhAgyabhUmAvadhi\-
ryA prAsUta lasatpratAparaNiM saubhAgyadevI sutam |
yenAsAdya guroH kalAshcha sakalA datvA dvijebhyo bhuvaM
bhu~Nkte kumbhanareshvaraH kuchabharAbhugnAmiva preyasIm || 49||
(kIrtistambhaprashastau 180\-181 sa~Nkhye padye |)

veNIvyAjalasadbhuja~NgalalanAlAvaNyalIlAlayA
saundaryAmR^itadIrdhikAparilasannAlIkanetradvayA |
kumbhArambhakuchadvayoparilasannAmuktamuktAchayA
yasyAna~NgakutUhalaikapadavI kumbhalladevI priyA || 50||
kR^iShNaH kumbhendrabhUpaH pramuditakamalA kumbhalAdevikeyaM
bhoginyo gopakanyA bhuvi navamathurA chitrakUTAchalasthA |
nandaH shrImokalendraH prakaTitashubhasaubhAgyanAmnI yashodA
rakShovrAtaM nihantuM punarajani jagadgoparUpo murAriH || 51||
sa shrIkumbhamahIpatirakhilAM jagatIM pratipAlayan
shrImatkumbhalameru(shauryAn) durgaM kR^itvA balajitArigaNaH || 52||
tadanu svapUrvapuruShakarNanareshvarasya durgamahAram |
shrIkalashamerusa~nj~naM karoti kudharAdhIshaH || 53||
shrImedapATaM deshaM rakShati yo durgamanyadeshAMshcha |
tasya guNAnakhilAnapi vaktuM nAlaM chaturvadanaH || 54||
tatrAdau brahmasUtaH pulastyanAmA babhUSha(va) R^iShirAjaH |
tasyAshramaH pavitro hyAhore parvate.adyApi || 55||
suranaraphaNigaNavandyo yatra pulastyeshvaro mahAdevaH |
shrIvipro.asau sma labhate kaikasyAM rAvaNAdisutAn || 56||
yasminnAhoragirau matimAn dashakandharo mahAtejAH |
ArAdhya chandrachUDaM la~NkApatibhAvamApannaH || 57||
yatra vaTAH shrIrAvaNakumbhavibhIShaNasahodarairuptAH |
adyApi mUrtimanto jaTAH pratibhAntIva dhUrjaTereva || 58||
yaH pUrvaM bharatAya nATyanigamaM padmodbhavaH prItitaH
sA~NgaM shambhuradIdishat sa samayAdutsannakalpo.abhavat |
lokAnAM hitakAmyayA sa bhagavAn shrIkumbhakarNaH kShamA\-
dhIshavyAjamupetya vItaviShayaM taM vakti bhUyo vashI || 59||
granthAn samyagadhItya buddhiviShayaM nItvA.anubhUyArthataH
kR^itvA darshanagocharAnabhinayairnAnAbhineyAshritaiH |
tAn shiShyapratishiShyashikShaNapathaM netuM yathA.avasthitAn
shrIkumbhaH pR^ithivIshvaraH prayatate svopaj~nasandarbhataH || 60||
yaH pUrvaM chaturAnanena chaturaH saMsmR^itya vedAMstatas
tattraivarNikatAM vidhAnaparatAM chAvekShya samyak smR^itaH |
shrIkumbhaH sakalAgamaikanilayaH shAstAkhilakShmAbhR^itAm |
saM(badhnAti hi) sArvavaNikamimaM vedaM vidAmagraNIH || 61||
yaH shrutvA bharataM chaturbhirakhilairbhAShyaishcha ratnAkaraM
sopAyaM bahusho vilokya nikhilAn nATyAgamAn vIkShya cha |
gaurInandimate mata~Ngashivasa~NgIte sashArdUlake
dR^iShTvA dattiladurgashaktibhaNatIstA nAradoktIrapi || 62||
vAyusvAtimahendrakashyapamarutsUnvarjunAdyaiH kR^itAn
rambhAtumburukambalAshvatararakShorAjasandarbhitAn |
shrIsomeshvarabhojarAjarachitAn granthAn vilokya tvamuM
tatsAreNa samuchchitena kurute kumbho nR^ipagrAmaNIH || 63||
(atratyAni 51\-63 sa~NkhyakAni padyAni sa~NgItarAje 1\.1\.1\.36\-40
sa~NkhyakAni |)

sa shrokumbho dharAdhIsha(shaH) shrIvAdyakShIrasAgaram |
kallolakeliM kalantaM (?) tara~Ngodbha~Ngasantatim || 64||
tAlapATakadambADhyaM ChandonadyAgamotkaTam |
sadvAdyadvIpasandohaM viradAmbudasauhR^idam || 65||
pATaratnavidhAneddhaM rAjavarNormirAjitam |
laghugurudrutavrAtaplutaparvatashobhitam || 66||
(shrI) matkalashavAdyashrInArAyaNaparAyaNa (NaH) |
tanute shrImatenaiva saukhyapIyUShavR^iddhaye || 67||

iti mahArAjAdhirAjarAdyarAyAMrANerAya\-
mahArANA shrIkumbhakarNaM mahendreNa virachite mukha\-
vAdyakShIrasAgare rAjavarNano nAma ##. . . . . . .## |
bAShpAt pa~nchAshatpa~nchabhiH puruShairala~NkR^ito.ayaM vaMshaH
shrImadekali~NgapUjA kartavyA tato mahAn (mahat)
shreyo bhaviShyatIti vachanAt ||
\section{|| atha pa~nchAyatanastutiH ||}
dhyAtvA shrIgaNanAyakaM bhagavatIM devIM tathA bhAratIM
smR^itvA shrIbharatAdikAn munivarAn sa~NgItavidyAgurUn |
kR^itvA bhAratashAstrasArachaturaM sa~NgItarAjaM navaM
shrImAn kumbhanareshvaraH prakurute vAdyaprabandhAn sudhIH || 1||
ChandobhiH sumanoharaiH shravaNayoH pIyUShadhArotkarai\-
rvarNaiH prAsavibhUShitairyatilayasvasthAnasaMveshitaiH |
tAle kutrachidIpsite kaviriva prAyaH prabandhAn sudhI\-
dhuryaH ko.api sukAvyakAranR^ipatirbadhnAti bandhoddhurAn || 2||
  \section{|| atha gaNeshaH ||}
      || yatitAle ||
avyayamadvayaradanaM shubhasadanaM dviradavaravadanam |
gaNapatimatiguNagaNapatimiha seve kumbhanR^ipasukhadam || 1||
ShaNmukhamukhAni pAtuM paya Ashu kuchadvaye yasyAH |
vivadante sA gaurI shrIkumbhakShmApatiM pAtu || 2||
vande varadAM varadA~NkushapAshAbhayakarAM tu tAmAryAm |
pathyAM kumbhanR^ipaprArthyAM hariharabhujadR^iShTimuditaruchirAm || 3||
shrIkumbhabhUmipakulodayasetuhetu\-
rjIvAturAturanR^iNAM jhaShaketuhetuH |
ga~Ngottara~Ngarasara~NgasaduttamA~NgaH
stAdekali~Nga upali~Nga haro harA~NgaH || 4||
      || AditAle ||
sarvArambhe prathamatayaivArAdhyaH
kumbhAdhyAtaH saphalitasampatsAdhyaH |
sindUraughaH prakaTitasampAsho yaH
siddhIsho.avyAjjaladharamAlArUpaH || 5||
jaya jaya kumbhanR^ipAghanivAraNa
jaya jaya ku~NkumakalitanavAraNa |
jaya jaya vadanavirAjitavAraNa
Chando.aDillAjitaharivAraNa || 6||
yadvaktre madalekhA yaM dhyAyanti cha lekhAH |
yo lokatrayapAtA.asau kumbhodayadAtA || 7||
lambodaradevaH kumbhAdR^itasevaH |
pUrNA paramadhyA deyAt tanumadhyA || 8||
      || pratimaNThatAle ||
herambo nirvilambo.avitanatarachitAnandakandaprasAdaH
kelikroDatkapoladvayamadamadhupashroNijha~NkAranAdaH |
santAnasragdharAmbAkR^itasukhasuShamAsArasallAsahAsyaH
so.astu shrIkumbhakarNAvaniramaNamaNeH siddhidaH sindhurAsyaH || 9||
shuNDAdaNDoddaNDaM chaNDaM vaktre tuNDaM bibhrANaM
##. . . .## dityai kShmAkhaNDaM khaNDaM khaNDaM kurvANam |
kAmakrIDAsavrIDaM shrIkumbhashreyodAtAraM
durgAbhargo.apatyaM seve devaM (pAre) saMsAram || 10||
gaNanayA gaNanAyako guho mukhapa~NktigurunAsikAmaho |
vadatoriti (? ) kumbhabhUpatervaitAlIyaravaiH shubhAyate || 11||
      || yatitAle ||
matividyAsAgarakAruNyAkaragaurIsha~Nkarasa~njAtaM
guNalIlAnirbharabhUtAroddharakumbhAdhIshvaravikhyAtam |
suravIthIvanditavishvAnanditasindUrA~nchitasAmodaM
bhajatAdhAraM sukR^itAgAraM surashR^i~NgAraM paramAnandam (sAnandam) || 12||
vR^iShadvijavirAjitadeha kapola (vi) lolamadhukR^itageha |
trinetrachaturbhujashobhitadhAmada dhajjaya (?) nirmalamauktikadAma |
modakavallabha vallabhadaivata modakavallabha mukhyasurArchita |
vighnapa shailasutAshivamodaka rAjasi kumbhamahIpatimodaka || 13||
|| iti gaNeshaH ||
  \section{|| atha sUryaH ||}
karamodaka dhAmasulochana deva dinesha jagattrayanAyaka ||
## . . . . . . ## kumbhamahIpamahodayadAyaka || 1||
      || adbhu(ta)tAle ||
rAge sahasrakiraNA ##. . . . . .## shrIH
ki~NkillikiMshukashukAnanakAnanashrIH |
prAptA vasantatilakA tilakaprakAshA
shrIkumbhabhUpati (vi)rAjavirAjitAshA || 2||
achaladigvAsitA vyomachUDAmaNe
kalashabhUpollasitachintAmaNe |
namati yastvAmudAraM sadAraM shubhA
bhajati taM bhAminI tUrvashIsannibhA || 3||
vidyAlayagrAhitejaHprapannaH sevAsamArambha ##. . . . ## prasannaH
pUrvAdrisAndrArdra sindUrapUraH hR^iddhvAntavidhvaMsane bhAti shUraH |
sUryo bhAsvAn dharmadhAmenti nAmA bhUyAtkumbhaprAptadharmArthakAmaH |
addhA shraddhAshAlinIShTA hi chitte bhuktiM muktiM bhaktirevAsya datta || 4||
      || jhampAtAle ||
atha toTakaghoTakayAnavaraM nalinIvanakokavishokakaram |
nR^ipakumbhakR^ipAkaramuShNakaraM bhaja mAnavadAnavadarpaharam || 5||
bhuja~NgaprayAtadviShadbandhatastaM trishambhutrayItattvatejaHprabhUtam |
mahAdehasandoharakShaHpramAthaM bhaje bhAsvaraM bhAskaraM kumbhanAtham || 6||
sragviNItvaShTakanyesatoraNe (?) yaH kShamo.apArasaMsArasantAraNe |
bhAsate.ahaskaraH saumanastaskaraH kumbhabhUpaprabhArUpasampatkaraH || 7||
      || maNThatAle ||
padminIparAgarAgayuktaraktarashmirAshi\-
bhAsamAnasAnashailasAnuchitrabhAnurAja |
rAjamAnamoShapoShahR^iShTatuShTasarvadeva
sarvadA jayAvanItakumbhagItavR^ittaseva || 8||
graheshavighnanAshavAsudevasha~NkarIshvarAH
prapa~nchapa~nchabhUtabhUtidAstu pa~nchachAmarAH |
ime hi ye.api pa~nchateShu mukhya eva rAjase
namo dinesha deva ! te.astu dattakumbhatejase || 9||
|| iti sUryaH ||
  \section{|| atha nArAyaNaH ||}
      || ?? tAle ||
charAcharaM jagachchiraM svalIlayA sR^ijedidaM
dadhAti pAti sevito dadAti yaH sthiraM padam |
narA narAyaNaM namantu kumbharANatAraNaM
kShamAramAmanoramaM paraM tamAdikAraNam || 1||
yatpadAbjavandanaM mahAghakhaNDakhaNDanaM
vatsa rAma rAma rAma nAma yAmadaNDanam |
tUNakopanItabANabhinnaraudrarAvaNaM
(taM) bhajAmi rAghavaM hi kumbhakAmapUraNam || 2||
pInamInakUrmakolanArasiMharUpatA
vAmanograrAmarAmakR^iShNa(rAma)buddhakalkitA |
sevyatAmanantadevatAvatArasAratA
bhAti bhaktakumbhabhaktichAmarAbhivIjitA || 3||
vAsudevabhaktireva muktidA
kumbhakarNasevitA.astu siddhidA |
shyenikA.api tu~Ngara~Ngara~njanI
shyenikA bhavAghasainyabha~njanI || 4||
      || drutamaNThatAle ||
shrIkR^iShNajayodayadharmadhIra
shampaddhaDibandhususindhutIra |
kumbheshakR^ipAlayakelikIra
namrAmarakoTikirITaMhIra || 5||
bhujagashashibhR^itAdhyAtaH sa sadupaniShadA khyAtaH |
hariharavapurAkAraH kalashanR^ipavarAdhAraH || 6||
kumAralalitA durgA svabANakR^ipayodagrA |
yamAshrayati (yamAshraya kila) gopIshaM sa pAtu kalashAdhIsham || 7||
vishvagururmANavakaH sarvapitA yaH shishukaH |
bhUpatikumbhAbhimataM yachChatu viShNuH satatam || 8||
viShNorbhaktirnR^iNAM pathyA vaktre chandrAghikA tathA |
pApottApAttinAshADhyA.astu shrIkumbhAshritA dR^iDhA || 9||
vidvanmAnasagamyaM seve (seve.ahaM) santataramyam |
kumbhasvAminamantaM satyaM dhAriNikAntam || 10||
sarvAntaryAmI shrIkumbhavAmI |
eko vA.ali~NagaH shambhurbhAtyugraH || 11||
|| iti nArAyaNaH ||
  \section{|| atha shivaH ||}
      || yatitAle ||
shivasha~Nkaravishvavasha~Nkaradurddharaki~Nkarasha~NkaradoShaharaM
shashishekhararAjitarAjatabhUdharavAsavilAsakalAsakaram |
sacharAcharakandamukundamukhAmitadaivatasevitadivyapadaM
bhaja shailabhavAvibhumeva nR^ipaprabhukumbhamathArpitasharmamudam || 1||
      || tripuTatAle ||
kavitAlikAnalachandranirmalachitrabhAnusulochanaM
shraya siddhasAdhakashambhusevakakumbhakilbiShamochanam |
bhavasharvarudramaheshamuktidasiddhisiddhidasarvadaM
puradakShasanmakhakakShadAraNadakShamujjvala (saM) vidam || 2||
AdidevamanAdimujjvaladhAmakAmadamadvayaM
brahmarudramaheshamudritapAdapa~Nkajamavyayam |
hastashUlanirastamUlasamastadurjayadAnavaM
sarvadA nR^ipakumbhasarvadamAshrayet sukhasambhavam || 3||
shubhashubhada ! sarvada ! sarvadA (shiva) shambhushivashivashivakaraH
sarvaj~naharihara kumbhasukhakara vibhavabhavabhavabhayaharaH |
sArasI sadhuravarasitamAnasahaMsamahasArasI (? )
parabrahmaparamAnandakandavinodanAda (?) mudAvalI || 4||
      || ekatAlItAle ||
sadvR^iShavAhanamadbhutavAhanamarpitakumbhanR^ipeshajayaM
ku~Nkumapi~njaravajrasupi~njaraku~njaramu~njaravAjijayam |
shAradapadmavishAradalochanachandramukhIsukhakelikaraM
taM bhajatAM madirAmadarAgatamoharaNaM tadaghaughaharam || 5||
kailAsavilAsaM trikuTanivAsaM himaruchihAsaM bahubhAsaM
surasurabhijanIlaM prakaTitalIlaM sahajasushIlaM vishvesham |
ekAdhikali~NgaM tribha~Ngaga~NgaM suchittara~NgaM yogIshaM
guNagaNagaurIshaM gaNatagirIshaM kumbhanR^ipeshaM bhogIsham || 6||
pR^ithvIpAthovishvatrANasvAhAghoshAnantAkAraM
viShvaktejaH shItAdyotiryaj~neshAtmAdheyAdhAram |
khunmANashrIkumbhakShoNIshaH shreyaHshreNInirmANaM
##. . . . . . . . . . . . . . . . . . . . . . . . . . . .## || 7||
amR^itakiraNaviShaviShaSharamitra
narabarayuvativapuShamupachitram |
niTilamukuTataTapaTushikhiga~NgaM
virachitakalashanR^ipatirasara~Ngam || 8||
chatuShpadIkR^itaviShanirataM nijagaNakumbhanareshanibham |
sasurAsurasevakabahusukhadaM surasaridambumudaM vishadam || 9||
|| iti shivaH ||
  \section{|| atha chaNDikAshaktiH ||}
guNagaNasadana (virA) jitakamale
muraripuhR^idayanivAsini kamale |
jaya jaya surasevitapadakamale
nR^ipakumbhasamarpitajayakamale || 1||
shrIbhuvaneshI bhavabhayahantrI
kumbhamahIshodayasukhakartrI
chandrakirITA raviruchiranyA
sA jayati (tIha) sudurgAgamyA || 2||
nikhilakalasakalA sukhI
rachitajayA vijayAtisakhI |
jayati jayA nR^ipa eSha sukhI
nija(hita)vahamR^iganAbhinakhI || 3||
bhAti vibhAsvarachampakamAlA
kumbhanR^ipeShTashrIjayamAlA |
##. . . . . . . . . . . . . . . . . . . . .##
##. . . . . . . . . . . . . . . . . . . . .## || 4||
godhikayAsanachitragatiM kumbhakR^itebhatura~Ngajitim |
tvAM bhuvaneshi bhavAni nave sa~ncharaNaM sharaNaM hi shive || 5||
chaNDI khaNDIkR^itaripukhaNDA kumbhapra(pro)tAvaninavakhaNDA |
mattAkR^ittAsurahatichaNDA bhUtodbhUtau pR^ithulavichaNDA || 6||
yA madhukaiTabhamishraishchitrapadA mahiShAshraiH |
shumbhanishumbhadura~NgA sA.avatu kumbhamabha~NgA || 7||
prAmANI paurANI vANI yomA proktA (sA) sharvANI |
yasyAmotA vishvashreNI shrIkumbhashreyonishreNI || 8||
himagiritanujA vidalitadanujA |
madhumatimuditA kalashanR^ipasutA || 9||
kR^iShNAbhA madhukaiTabhAntakanibhA kumbhaprasAdaprabhA
yA lakShmI mahiShApahA.atimahatI dhUmrAsuraghnI shubhA |
chAmuNDA kShatachaNDamuNDarudhirodbhUtA cha vAgIDitA
pAyAddhvastanishumbhashumbhadanujA shArdUlavikrIDitA || 10||
shauryaudAryAryadharmoddharaNaraNaraNatkArakIrte rasAktA
ShummANakShoNijAnerguNagarimagirA vyAsakanhaprayuktA |
yAvat sUryendutArA jaladhijaladharAdhAraga~NgAtara~NgA
tAvat pa~nchAshikeyaM vasatu hR^idayamatAM kumbhabhUbhR^itsura~NgA || 11||
vighnesho vighnahartA tadanu dinakaro dhvAntavidhvaMsakartA
shrIkAntaH shrInivAsaH parapuradahanaH sha~Nkaro vishvakartA |
chaNDI chaNDAsuraghnI tridashagaNavarAH pa~ncha puNyaprapa~nchAH
pAntu shrIkumbhakarNaM bahusukhavidhaye mUrtimanto vira~nchAH || 12||
shrIkumbhadattasarvArthA shrIgovindakR^itasatpathA |
pa~nchAshikA.arthadAsena kahtavyAsena kIrtitA || 13||
 || iti chaNDikA shaktiH ||
|| iti pa~nchAyatana stutichChandaHpa~nchAshikA sampUrNA ||
\section{|| ekali~NganamaskAraH ||}
chAndraM kumbhanR^ipasya tApashamanaM sauraM tamaHstomahR^it
puNyaM pAvakabandhubandhuramaghavrAtendhanadhvaMsakR^it |
bibhrANaM prativaktramakShaviShamaM pa~nchAnanaH sha~Nkara\-
strayakSho rakShatu pArvatIpriyatamaH shrI ekali~NgeshvaraH || 1||
ga~NgA tu~Ngottara~NgA shirasi shashikalA chArukoTIrakoTI
kAdyAM (?) kaTyAmahIndraH karayugalagataM kANDakodaNDadaNDam |
tanva~NgI vAmabhAge girivaratanayA svardhunospardhinI sA
rUpaM yasyeti ki~nchijjayati sa bhagavAnekali~NgastrinetraH || 2||
ko.api nAke pinAkIshaH somaH somashiromaNiH |
lokapAlI kapAlIstAchChambhuH kumbhasamudbhavaH || 3||
sphUrjanmudraH surendrastapasi kR^itayuge bhojayuktendratIrthe
tretAyAM kAmadhenurnikhilaphalanidhistakShako dvApare.arthI |
hArIto.ayaM vinItaH samabhajata kalau bAShpasatsa~Ngara~NgaH
kumbhendrastUyamAno.anishamiha dishatAn ma~NgalAnyekali~NgaH || 4||
tadbhaktaShummANadhareshadhIro
hammIravIro nR^ipamaulihIraH |
shrIkShetrasiMho hatashatrusiMho
lakSho.abhavallakShaguNairvilakShaH || 5||
|| shrImadekali~NgAya namaH ||
  \section{|| prAchyAni ||}
indraH sarvasureshvaraH kR^itayuge bhaktyA yamArAdhayat
tretAyAM sakalAbhilAShaphalinI dhenustathA dvApare |
nAgeshaH kila takShakaH kaliyuge hArItanAmA muniH
so.ayaM sarvajagadguruvijayate shrI ekali~NgaH prabhuH || 1||
jayati jagattrayanAtho jagatIpatipUjitaH sadAshambhuH |
vA~nChitaphalaprado.ayaM shrImAnnityaikali~NgAkhyaH || 2||
kuTilAsaritsamIpe trikUTagirigahanabhUShaNI nityam |
abhimataphalapradAtrI devI shrIvindhyavAsinI jayati || 3||
ghanavaMshakadamba(ka)madhyagataM rasakUpamavaihi durApamataH |
parigR^ihya rasaM sarasaM vapuShA sthiratAM kuru tApasavIra tataH || 4||
kUpAntare sahajasiddharasaM dadhAno
devaH svayaM vasati yatra sadaikali~NgaH |
vidyAprabodhaparibhAvita siddhabodhaH
saMshuddhanirmalamahomahanIyamUrtiH || 5||
 || iti prAchyAni ||
  \section{|| atha AshIH ||}
shrIlakShasUnurbahudAnadakShaH
shrImokalastattanayo.atidakShaH |
pratApadIpojjvalakIrtivartI
rAjeta kumbho nR^ipachakravartI || 6||
shambhuprasAdAlayashAtakumbha\-
kumbhaprabhuH kAntirasaughapUrNaH |
anekali~NgAnayamekali~NgaM
dhyAtvaikako.anekamahIdharADhyaH || 7||
tatsvAminaM girisutAkAminaM dattakAminam |
ekali~NgaM shiroga~NgaM mudA staumi sadAshivam || 8||
yaH shrImAnekali~Ngo vidhiharigiribhR^inmukhyalokeshvaroktaiH (loShe rasoShe)
sarveShAmAdirIshaH svamatigati sadA stUyate gadyapadyaiH |
taM devaM bhavyasevaM vividhaguNanidhiM mokalendrasya sUnu\-
rjAtichChandobhirebhirnarapatitilakaH kumbhakarNaH stavIti || 9||
subhagaikali~NgamAle rAjati rajanIsu ra~njano rAjA |
amarasaridbahulaharIprakaTIkR^itaDumpADiDIraH (? ) || 10||
## . . . . . . . . . . . . . ## tryambaka !
tavAmbikApriya ! jaTAtaTe dhUrjaTe
dhunI dhvaniti tvayyekali~NgarachitA |
kumbhanR^ipeNeva sumAlatImAlA || 11
(kumbhanR^ipeNe vana mAlatImAlA || 11) ||
ChandojAtiguNAtigaM vidhimahAsUktAdyameyashriyaM
Chando.ala~NkR^itijAtigauravaguNaiH shrIgIrbhiruktAdibhiH |
ShummANAnvayamedapATajagatIsAmrAjyadaM daivataM
bhUbhR^itkumbhamanorathArthakaraNaM staumyekali~NgaM shivam || 12||
shiva shiva shivakartA sevito.aghaughahartA
bhava ! bhava bhavabhettA bhaktibhAvasya vettA |
hara ! hara haraduHkhaM sarvasarvaM tvakharvaM
girigirishagurutvaM dehi me stUyase tvam || 13||
 || ityAshIH ||
  \section{|| athaH jAtInAmuddeshaH ||}
(atra pa~nchAyatanastuti prakaraNasthAdimapadyadvayaM dhyAtvA
shrIgaNanAyakamityAdikaM bandhoddhurAnityantaM punarAvR^ittam |)

turyo vR^ittasya bhAgashcharaNa iti matastAdR^ishA yatra sarve
tadvR^ittaM (vai) samaM syAdiha yadi charaNau varNamAtrastadoktaH |
evaM chaikaikavarNAdhikacharaNatayA jAtayaH syustadAdyAH
ShaDviMshatyAvagamyAstaduparichalanAdvR^itta(daNDa)kAnyukta(kA)ni || 1||
uktA.ayuktA madhyA pratiShThA tadanu supratiShThA cha |
gAyatryuShNiganuShTubbR^ihatI pa~NktistathA triShTup || 2||
jagatI chAtijagatI sharkaryantisharkarI tadanyAShTiH |
atyaShTirdhR^itiratidhR^itikR^itiprakR^ityAkR^itirvikR^itiH || 3||
sa~NkR^ityabhikR^itirutkR^itirityuktAprabhR^itijAtayaH kramataH |
kumbhanR^ipendreNoktA bhaktena shrImadekali~Ngasya || 4||
tadvyaktInAmekamekaM krameNa
shrImukhyAnAM ChandaseShTaM vishiShTam |
yadyadvR^ittaM (syAt) svanAmnA.atra jaitraM
stotraM shambhoruchyate tena tena || 5||
|| iti jAtInAmuddeshaH ||
  \section{|| AditAle ||}
OM shrIH soktA || 1||
yo.astrIsho.abhUt | mAtA tyaktA || 2||
sanmadhyA.ardhannArI bhUtesho.antaHkArI || 3||
vande bhUbhR^itkanyAsaktaM | pratyaShTA (?) tAyastaM bhaktam || 4||
sarvasyoddhR^itA kumbhashrIkartA | bhAtyastA tiryak svAmyA jAtiH || 5||
nigamasavitrInuta ddaha satrI | shashivadanArthaH sa kalashanAthaH || 6||
uShNik strIhayahreShA sarvebhonmadalekhA |
saMsArArNavapotaM tvAmAptA kalashoktam || 7||
sthANuranuShTubudagraH chitrapadA kala udayaH |
dakShamakhakShamadakShaH kumbhakR^ipArpitalakShaH || 8||
bhujagashashibhR^itAmUrtiH shiva tava bR^ihatI kIrtiH |
vidhiha(ri)paramApAraH kalashanR^ipakR^ipAsAraH || 9||
  \section{|| ekatAlItAle ||}
champakamAlA pa~Nkajapa~NktirbhrAjitabhUtAdhIshvarayuktiH |
kumbhanR^ipechChAvatsalashaktirbhAti mahesho.aShTAmitamUrtiH || 17||
achalasutAdayitAsumukhI
shirasi shashI niTile.asya shikhI |
trimukhaparaShTubanantaguNaH
sa jayati pAlitakumbhagaNaH || 11||
smarahara ! sha~Nkara ! ki~NkaratA
tava gatajanmani yena kR^itA |
hitagR^ihiNIM labhate sumukhI\-
miha sa sadaiva visheShasukhI || 12||
dadhAsi mahoragamaukti(ka)dAma
varaM jagatIvaravishvalalAma |
mahIshvarakumbhamahIshasura~Nga
virAjasi rAjasitAsitasa~Nga || 13||
  \section{|| jhampAtAle ||}
atijagatyurvashIsvarvashIkArakaH
samatiShaTtriMshadastraughasaMhArakaH |
dashamukhollAsikailAshalIlAspadaH
priyatamAli~NgitaH kumbhakAmapradaH || 14||
garimagarvorvashI sarvalIlodayA
lalitalAvaNyalIlArasA lIlayA |
padayoryA (padatale)yA narInR^ityate te vibho
madhukarIvAdarAdekali~Nga prabho || 15||
shubhanilaya dalaya ripumupachitraM
pR^ithulaviShamabhavajaladhitarIshaH |
shuchiruchirahitahatakashabarIshaH
kalaya kalashanR^ipamuchitacharitram || 16||
  \section{|| maNThatAle ||}
sarvadAli shakvarIkR^itAtapatrachAmaraH
kauTilApagAtaTesu(Shu) maidapATasha~NkaraH |
ekali~Ngadeva eva siddhivindhyavAsinI
kumbharANadevatA jagajjayaprakAshinI || 17||
trikUTachitrakUTakAshihemabhUSharoddhuraM
trinetrapa~nchavaktramIshamuchchapa~nchachAmaram |
##. . . . . . . . . . . . . . . . . . . . . . . .##
praNomi kumbharAjyadaM kR^itAstrachaNDapANDavam || 18||
sudR^iShTirdR^iShTi(ryA)tridashalatikA te shikhariNI
phalatyevA(ShA)meshA(ShA.a)khilasumanasAmiShTakariNI |
shatAnandAnandAdyamaravarasevArpitapada
prabho rakSha tryakSha tribhuvanapate kumbhasukhada || 19||
  \section{|| tripuTatAle ||}
ujjvalaM hasitaM sitaM nishitaM tapodhvaniradbhutA
nIlakaNThavikuNThitA surabhImabhAsuratA matA |
ekali~Ngamanekali~Ngamana~Ngara~NgamanoharaM
kumbharANasharaNya ! naumi bhavantameva tamoharam || 20||
  \section{|| pratimaNThatAle ||}
bibhraddaityakura~Ngaku~njaradale shArdUlavikrIDitaM
devAnAM phalitaM hi tArakarujaH sarvaj~na ! te krIDitam |
sAmudrograviShAdanAdatidhR^itiste rudra ! raudrAshrayA
kumbhadhyAnasudhAnidhAna ! jaryAta shrIkaNThasarvodayA || 21||
  \section{|| tripuTatAle ||}
bhuvi tAlikAdhikakAlikAlikamAlikAkR^itakovidaM
nR^ipakumbhanAyakabhaktidAyakashaktisAyakasampadam |
bhaja chitravAraNacharmadhAraNabhaktatAraNavibhramaM
lasaduttamA~Ngatara~Ngaga~Ngamihaikali~Ngamurukramam || 22||
  \section{|| pratimaNThatAle ||}
yA vidyA(sA) na vidyA prakR^itiritiguNasragdharA tatturIyaH
ShaDviMshaH sA~NkhyayogaH shrutipathavishadAnandakando dvitIyaH |
sa shrImAnekali~NgaH shubhakalashanR^ipastUyamAnorutejaH
pUrakarpUragaurastripuraharagirau rAjate rAjatejaH || 23||
deshe.adrau medapATe paTutalakuTilAsindhutIre trikUTA
satkUTo.akUTamaindraM sara iha nikaTe sragdharAshreNisevyam |
shaktiH sA vindhyavAsA prathitamatha tathA tAkShikaM tIrthameta\-
nmadhye vai li~NgarUpaprakaTitatanukastvekali~NgAshrito naH || 24
(nmadhye tvali~NgarUpaprakaTatitanuj~no rayekali~NgAshrito naH || 24) ||
  \section{|| ekatAlItAle ||}
AkR^itirunmadirAmbha(?)galAntalasanmadirAruNadR^iShTi (shubhA ?)
tryambakatAratarastvayi tiShThati hemalatA lalitAnupamA |
tvAmupamanyunahI(dI)dadhidugdhadayApara ##. . . . . . . . . . .##
naumi(su)kumbhakR^ipAkarasha~Nkarasundaramandarakelikaram || 25||
taM kambukachakragadAdharavajradharAdicharAcharachintyapadaM
vi(vai)ra~nchikR^itivrajavarjitamUrjita ##. . .## kumbhanR^ipapramadam |
seve kuTilAtaTinInikaTe trikuTAchalakAshikanAgahradaM
svAhaM(yaM) bhava sharmadanarmadasarva~Ngakebala ##. . .## mudAramudam || 26||
shrutisaMsmR^itisaMvidagamyamumeshamukundatanuM (?) nR^ipakumbhanutaM
suranAyakabhojasarovararakShakatakShakadhArakakuNDayutam |
iha madhyamahAkalamekalali~NgamupetamunIshamaheshavaraM
praNamAparapAlitalAlitabAShpanR^ipAla(kR^ipA)lavarAjyadhuram || 27||
suranaramunibhirabhikR^iti(sa)kR^itibhirhaMsalayochitamavadhAnaM
bhujabhujabhujagavalayamatilayamujjvalashUladharaM vR^iShayAnam |
grahilaguNaguhilakulakalashanR^ipAchalarAjyanivAsanidhAnaM
pashupatimatishikhigaNapatijanakaM kanakapriyamadbhutadAnam || 28||
  \section{|| pratimaNThatAle ||}
brahmANDAkR^itiShu bhavati bhavati vividhavitaraNavaramayavAhatvaM
shambho tvatpAdayuganatikushalakalashanR^ipatirachitajagatIshatvam |
devendra tridashasurabhiphaNimuninR^ipakR^itayugayutasukR^itAkAraM
tvAmoDe mR^iDamatijaDaniviDanigaDa hara (hara shiva) mahimAgAram || 29||
  \section{|| jhampAtAle ||}
jaya jaya jaya mAlavR^ittesha sarvantrilokeshvaroddaNDachaNDeshachaNDo vibho
varada varamudArakedArakAshItrikUTAchalottu~Ngaga~Ngaikali~Ngaprabho |
bhava bhavadavakAlakIlAprashAntau sudhAchaNDavR^iShTishcha mAlAsuvR^itteshvaraH
prabalanR^ipatikoTikoTIrakumbhakShamAdhIshavaMsavaM(sva)dastvaM namaste hara || 30||
puravarajalaM(?)cha mAlAvR^ittavidyAvinodA\-
na(va)dyAmoghasanmeghamAlA prakAsphurat(?)##. . . .##
sachchidAkAshakailAsalIlAvilAsAdhivAsottara~Ngaikaga~NgottamaikAgna\-
li~Ngaprabho kumbhakarNaprasAdodayAnandakArI namaste namaste namaste || 31||
jagadina(?) jayamAlAvR^ittavikhyAtakIrte !
dharAdyaShTamUrte milanmeghamAlAbR^ihadvishvamUrte ||
mahAdeva devesha tu~Ngaikali~Ngesha karpUragauresha
gaurIsha kumbhaprabhodagra shambho namaste namaste namaste || 32||
  \section{|| shrImAlAvR^ittaM yathA ||}
jaya jaya jaya shambho.athekali~Nga smarAre pinAkin
jaya tvaM jaya tvaM jaya tvaM jaya jaya devesha trinetrendumaule
kapAlin kapardin namaste namaste namaste || 33||
praNayatu jayamAlA durgalokeshvaraM taM (loketsarokam) |
jaya tvaM jaya tvaM jaya tvaM namaste namaste namaste || 34||
kuru kuru jayamAlAvR^ittakumbhaM visha~NkaM sada~NkaM
jaya tvaM namaste jaya tvaM namaste || 35||
|| iti mAlAvR^ittam ||
  \section{|| jAtichChandAMsi yathA ||}
ShaDviMshaH prakR^itaH paro.api paramAnandaH pumAn vishrutaH
ShaDviMshAdhika(vR^itta)jAtirachanAshrImukhyavR^ittaH sutaH |
so(.astu)svastikR^idekali~Ngagirisho brahmANDapiNDAspadaH
ShaTtriMshatkulashastrashAstrakushalaH shrIkumbhasarvArthadaH || 36||
AdAvArAdhito yaH kR^itayugasamaye nAkinAM nAyakena
tretAyAM kAmadhenvAbhimataphaladayA dvApare takShakeNa |
hArItenApi bAShpAnuga(ta)miha kalau bAShpavaMshodbhavena
shrIkumbhenApi bhaktyA jayati sa bhagavAnekali~Ngo girIshaH || 37||
kAshI puNyaprakAshIkR^itashivavasatishchitrakUTastrikUTo
vishveshastvekali~NgaH saridiha kuTilA svardhunIspardhinIyam |
shrIbhojendrastaDAgo mukharachitamaNiH karNikA kumbhakarNo
vidyAnandI vinodI jayati gurugaNairyastu jIvanvimuktaH || 38||
AnandavR^iddhAdipurAbhinandI
nandIshavR^indI nR^ipakumbhakarNaH |
tadAj~nayA prerita eva kahna\-
vyAso vyadhAttArakamauktikAlim || 39||
durgA.ambikA.adrI jayamAladurge
kaumbhe pure dhAtunidhau samudre |
stAchchandrachUDastutachandrakAntA
kumbhashriye kahnakR^itA suvR^ittA || 40||
kumbho nandatu bhUtale hariharau kumbhaM sadA rakShatAM
kumbhenaiva vashIkR^itA vasumatI kumbhAya tuShTAH surAH |
kumbhAdAptadhano janastribhuvane kumbhasya kIrtiH sthirA
kumbhe paNDitamaNDalI sthitimatI tvaM kumbha rAjyaM kuru || 41||
|| iti jAtichChandobhiH shrImadekali~NgastutiH sampUrNA ||
\section{|| ekali~NgamAvaliH ||}
OM namaH shrIgaNeshAya |

1\. OM namaH siddhali~Nga 2\. OM namaH shivali~Nga
3\. jaya jaya jaya (? ) 4\. jaya tvamakhilalokasha~Nkarali~Nga
5\. harali~Nga 6\. harili~Nga 7\. hiraNyagarbhali~Nga
8\. shivali~Nga 9\. sharvali~Nga 10\. sarvaj~nali~Nga 11\. shrI o~NkArali~Nga
12\. udayali~Nga 13\. Adili~Nga 14\. udyamali~Nga 15\. uditali~Nga 16\. utthitali~Nga
17\. guruli~Nga 18\. laghuli~Nga 19\. mathanali~Nga 20\. lambali~Nga 21\. guruli~Nga 22\. gurutarali~Nga
23\. shrIdevali~Nga 24\. shrIdeveshali~Nga 25\. anekali~Nga
26\. nandanali~Nga 27\. nandakali~Nga 28\. nandikeshvarali~Nga
29\. Anandali~Nga 30\. nandali~Nga 31\. rasali~Nga 32\. rahavaTa(?)li~Nga
33\. shrImadekali~Nga 34\. dashali~Nga 35\. shatali~Nga 36\. sahasrali~Nga
37\. ayutali~Nga 38\. lakShali~Nga 39\. koTili~Nga 40\. koTIshvarali~Nga
41\. kaTakali~Nga 42\. anekali~Nga 43\. agaNitali~Nga 44\. bahuli~Nga
45\. mahAli~Nga 46\. li~Ngali~Nga 47\. lokeshvarali~Nga
48\. gaNeshali~Nga 49\. guNagaNali~Nga
50\. shrIkAmeshvarali~Nga 51\. shrIkumbheshvarali~Nga
52\. shrImokaleshvarali~Nga 53\. shrImadIshvarali~Nga 54 mahAli~Nga
55\. mahAdevali~Nga 56\. shrImaheshali~Nga
57\. shrIrAjali~Nga 58\. rAjeshvarali~Nga
59\. jAgeshvarali~Nga 60\. yAgeshvarali~Nga
61\. yogIshvarali~Nga 62\. bhogIshvarali~Nga
63\. ja~Ngamali~Nga 64\. sthAvarali~Nga
65\. jagajjIvanali~Nga 66\. jagadIshvarali~Nga
67\. jananIli~Nga 68\. yoginIli~Nga 69\. janakali~Nga
70\. bhuvanali~Nga 71\. bhuvaneshvarali~Nga
73\. bhavAnIshvarali~Nga 73\. bhuvaneshvarIli~Nga
74\. shrI bhagavAn (bhagava) li~Nga 75\. ana~Ngali~Nga
76\. bhagali~Nga 77\. bhagabhagali~Nga
78\. shambhuli~Nga 79\. svayambhUli~Nga
80\. gaurIli~Nga 81\. ga~NgAli~Nga 82\. ga~Ngodakali~Nga
83\. gIrli~Nga 84\. goli~Nga
85\. shrIgopAlali~Nga 86\. shrIgovardhanali~Nga 87\. gokulali~Nga
88\. guhila vaMshavardhanali~Nga
89\. li~Ngaikali~Nga 60\. anantali~Nga 91\. jagadekali~Nga
92\. ekastvamekali~Nga 93\. eka eka eva li~Nga 94\. shrImadekali~Nga
95\. ekali~Nga ekali~Nga ekali~Nga namaste namaste namaste ||
kIrtanena tu rudrasya pApaM yAti sahasradhA |
prachaNDapavaneneva ghanaM jaladamaNDalam ||
yaM shaivAH samupAsate shiva iti brahmeti vedAntino
bauddhA buddha iti pramANapaTavaH karteti naiyAyikAH |
arhannityatha jainashAsanaratAH karmeti mImAMsakAH
so.ayaM vo vidadhAtu vA~nChitaphalaM devo jagajjIvanam ||
trayI sA~NkhyaM yogaH pashupatimataM vaiShNavamiti
prabhinne prasthAne paramidamadaH pathyamiti cha |
ruchInAM vaichitryAdR^ijukuTilanAnApathajuShAM
nR^iNAmeko gamyastvamasi payasAmarNava iva ||
(shivamahimnaH stotre saptamaM padyamidam |)

bhItirnAsti bhuja~Ngapu~NgavaviShAt prItirnaM chandrAmR^ite
nAshauchaM nR^ikapAladAmaluThanAt shauchaM na ga~NgAjalAt |
nodvegashchitabhasmano na cha sukhaM gaurIstanAli~NganA\-
dAtmArAmatayA hitAhitasamaH svastho haraH pAtu vaH ||
jagada~Nkuraku(Che) dAya vishadAnandamUrtaye |
galitAkhilabhedAya namaH shAntAya viShNave ||
 || shuklAm ||
ma~NgalaM bhagavAn viShNurma~NgalaM garuDadhvajaH |
ma~NgalaM puNDarIkAkSho ma~NgalAyatano hariH ||

iti shrImadeka(li~Nga) mAhAtmyaM sampUrNam |

 || iti shrImadekali~NgAya namaH ||

\section{shrImadekali~NgamAhAtmya (kAvyamaya) kA viShayAnukrama}

prArambha meM ATha padya kAmadevastuti ke haiM phira bAShpavaMshavarNana kI pratij~nA tona shlokoM meM tadanantara paurANika ekali~NgamAhAtmya (chaturthAdhyAya) kI viShayavastu AryAChanda meM kahI hai | phira usI meM se aShTama navama aura dashama adhyAya prAyaH avikala rUpa se uddhR^ita kiye haiM Chanda nahIM badale haiM yatarkichit pAThabheda avashya hai| isake bAda ``purAtana kaviyoM'' ke vachana uddhR^ita karate hue guhadatta ke pUrvajoM kA varNana (shloka 1\-6) Arambha hotA hai|

vaMsha varNana\-guhadatta (shloka 6\-10) bAShpa (shloka 11\-22) (shloka 23\-44 hamAre parishiShTa meM se ChUTa gaye haiM kR^ipayA shuddhipatra dekheM|) kAlabhoja khummANa govinda AlurAula vishvanAtha shaktikumAra shAlivAhana naravAhana  kIttivarmA naravarmA karaNasiMha bhAdUka gAtaDi haMsa (yogirAja) vairaDa shrIpu~nja kaNa jitasiMha tejasiMha (23\-44) samarasiMha (45\-60) ratnasiMha (61) anyashAkhA (62\-65) babarU nAgapAla pUrNapAla phekhara bhuvanasiMha bhImasiMha jayasiMha (66\-68) lakShmyasiMha (68\-74 ) rasIrANa (75) arisiMha (76\-78) hammIra (79\-87) kShetrasiMha (88\-103) mokala (104\-121 ) |

kumbhAstuti\-shlo0 1\-67|

pa~nchAyatanastuti\-geyaprabandhanirmANa kI pratij~nA (1\-2) gaNeshastuti ( 1\-13) sUryastuti (1\-9) nArAyaNastuti (1\-11) shivastuti (1\-9) chaNDikAstuti (1\-12) prakINaM padya ( 1\-5 ) ekali~Nga sambandhI prAchya padya (?\-5) prakIrNa padya (6\-13) vibhinna ChandoM ke udAharaNa (1\-35) kumbhastuti (36\-41 ) |

ekali~NganamaskAra (gadya) |

anta meM kuCha prasiddha prAchIna padya|

##
Notes:

EkaliṅgaMāhātmyam - Kāvyamayam ##ekali~NgamAhAtmyam - kAvyamayam## includes description of the lineage of Baṣpa Rājā ##bAShpa rAjA##, Stuti ##stuti## of the erudite Mahārāṇā Kumbhā ##mahArANA kumbhA## i.e. Kumbhakaraṇa ##kumbhakaraNa##, and the Pañcāyatana Stuti ##pa~nchAyatana stuti##. The latter comprises of Stuti-s of Ganeśa ##gaNesha##, Sūrya ##sUrya##, Nārāyaṇa ##nArAyaNa##, Śiva ##shiva##, Caṇḍikā ##chaNDikA## and Ekaliṅga Śiva ##ekali~Nga shiva##. 

It is noteworthy that the Pañcāyatana Stuti ##pa~nchAyatana stuti## has some names associated with Kumbhā ## kumbhA## such that he is remembered with each of the Deity worshipped with this stuti. Towards conclusion, there is EkaliṅgaNamaskāra ##ekali~NganamaskAra##.

EkaliṅgaMāhātmyam ##ekali~NgamAhAtmyam##, that constitutes a SthalaPurāṇa ##sthalapurANa## and SthalaMāhātmyam ##sthalamAhAtmyam##, has been composed in two styles - Paurāṇika ##paurANika## and Kāvyamaya ##kAvyamaya##. It includes the descriptions about the manifestation of the Ekaliṅga Śiva Kṣetra ##ekali~Nga shiva kShetra## in relation to the story of the duo - Baṣpa Rājā ##bAShpa rAjA## - Hārīta Muni ##hArIta muni##, and the lineage of kings of Citrakūṭa ##chitrakUTa## (now k.a. Cittaur̤agar̤ha ##chittau.Daga.Dha##) and Medapāṭa ##medapATa## (now k.a. Mevār̤a ##mevA.Da##) including Mahārāṇā Kumbhā ##mahArANA kumbhA##. 

Baṣpa Rājā ##bAShpa rAjA## is now popularly known as Bappā Rāvala ##bappA rAvala##.

The VāyuPurāṇam ##vAyupurANam## has been attributed to be the source composition of EkaliṅgaMāhātmyam ##ekali~NgamAhAtmyam## as the main narrator of the same is Vāyu ##vAyu##.

EkaliṅgaMāhātmyam - Paurāṇika ##ekali~NgamAhAtmyam - paurANika## is composed in 32 chapters that, with a brief summary of each chapter can be accessed from the respective link given below.

Encoded and proofread by Ruma Dewan

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}