% Text title            : Gitasundaram
% File name             : gItasundaram.itx
% Category              : shiva, kRitI, gItam, aShTaka
% Location              : doc\_shiva
% Author                : Sadashiva Dikshita
% Latest update         : October 2, 2022
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Gita Sundaram ..}##
\itxtitle{.. gItasundaram ..}##\endtitles ##
|| shrIH ||
|| shivAbhyAM namaH ||
ta~njApurachChatrapatishrItulajAmahArAjasya
AsthAnavidvachChiromaNibhUtasya
shrIchokkanAthadIkShitasya shiShyeNa
sadAshivadIkShitena virachitam gItasundaram |

\section{prathamaH sargaH}
## Sarga 1##

shlokAni
shrImad\-bhosala\-vaMsha\-ratna\-tulaja\-kShmApAla\-chUDAmaNeH
kalyANaM kalayatu santatamamI lIlA\-visheShojjvalAH |
kAmaM hema\-payojinI\-parisare madhye\-kadamba\-drumaM
mInAkShyA saha sundareshvara\-vibhor\-ana~Nga\-nityotsavAH || 1||
tyAgesha\-deshika\-nidesha\-vashaMvadAnAM\-
AjAnabhakti\-vasha\-nIta\-sadAshivAnAm |
shrIchokkanAtha\-makhinAM nikhileDitAnAM\-
ullAsayantu mama vAchaM\-apA~Nga\-lIlAH || 2||
bhAratI\-sarasa\-keli\-mandiraM somasundara\-kathA\-dhurandharam |
shlAghanIya\-sabhAva\-bandhuraM lAlayantu mama gIta\-sundaram || 3||
\section{prathamAShTapadI |}
## Ashtapadi 1##
mAlavirAgeNa gIyate | AditAlaH |
maghavati paryaTati itarair\-anuparatam |
samayasi vR^itra\-vadhodita\-duritam |
somasundara sura\-sArvabhauma jaya madhurAdhipate || 1|| (dhruvam)
kR^ipayA pariharasi airAvata\-tApam |
tApasa\-roShAropita\-shApam |
somasundara gajamukha\-janaka jaya madhurAdhipate || 2||
rachayasi nIpa\-vane nagarIM\-abhirAmAm |
kamalA\-kautuka\-viharaNa\-sImAm |
somasundara vishvavidhAyaka jaya madhurAdhipate || 3||
malayadhvaja\-tanayAM kAmayase dayitAm |
vikR^itoroja\-nimajjana\-muditAm |
somasundara girijAvallabha jaya madhurAdhipate || 4||
sahasAvirbhavasi pANDya\-kuloddharaNe |
shrImInAkShI\-pANi\-grahaNe |
somasundara nava\-mohanA~Nga jaya madhurAdhipate || 5||
niyata\-pata~njalaye lalitAdR^ita\-bharatam |
nR^ityasi sha~Nkara nava\-rasa\-bharitam |
somasundara nityAnanda jaya madhurAdhipate || 6||
kuNDodara\-jaThare amitAshana\-dhairyam |
dishasi taTAkatayApy\-anivAryam ||
somasundara adbhutacharita jaya madhurAdhipate || 7||
kShudhitaM pAlayituM sR^ijasi navAnna\-nidhim |
vegavatImapi\-tatrAnavadhim |
somasundara hAlAsyesha jaya madhurAdhipate || 8||

shlokAni
indrAghaM harate gajendraM\-avate vanyAM puraM kurvate
kanyAM prArthayate sumIna\-nayanA\-pANigrahaM tanvate |
sAnandaM naTate pata~njalikR^ite kuNDodara\-kShut\-kR^ite
gartAn\-namayAn\-nadIM cha sR^ijate sharvAya tubhyaM namaH || 4||
yo.asau kA~nchanamAlayA vala\-ripor\-ardhAsanollAsinaM
hAlAsye malayadhvajaM karuNayA saMyojya saptArNavIm |
snAtuM yogya\-dashAM\-adAdapi tayoH sArUpya\-mukti\-shriyaM
devaH pANDya\-dhurandharaH sa dishatu shreyAMsi bhUyAMsi vaH || 5||
\section{dvitIyAShTapadI}
## Ashtapadi 2##
bhairavIrAgeNa gIyate | mishraChAp tAlaH |
kR^ita\-sapta\-sAgarAkAraNa jagat\-kAraNa |
makuTa\-ghaTita\-himakaraNa jaya jaya pANDyapate || 1||
suraloka\-nIta\-malayadhvaja vR^iShabhadhvaja |
hariNA\-la~NkR^ita\-kara\-sarasija jaya jaya pANDyapate || 2||
janito\-grapANDyAkhya\-nandana jagadAnandana |
kR^ita\-taTAtakA\-manora~njana jaya jaya pANDyapate || 3||
valayAdy\-Ayudha\-dAna\-yojita tanaya\-bhAjita |
madhurApura\-sAmrAjya\-rAjita jaya jaya pANDyapate || 4||
suta\-shakti\-tADita\-vAridhe vidhi\-sArathe |
avyAja\-bhavya\-kR^ipAnidhe jaya jaya pANDyapate || 5||
kanakAdri\-dAraNa\-paNDita\-sUnu\-khaNDita |
vala\-ripu\-mauli\-vishruta jaya jaya pANDyapate || 6||
nigamAnta\-siddhAnta\-bodhana sukR^ita\-sAdhana |
kR^ita\-nata\-janatAnumodana jaya jaya pANDyapate || 7||
navaratna\-vikrama\-kAraka bhava\-tAraka |
hAlAsyoditA\-nanda\-koraka jaya jaya pANDyapate || 8||

shlokAni
devyAH padAbjaM\-upalAd\-avaropya haste
saMvAhayan\-makuTa\-chandra\-sudhAbhiShiktam |
kShantavya\-bhAvi\-sakala\-praNayA\-parAdha
kalyANa\-sundara\-vibhuH kalayed\-abhIShTam || 6||
kalyANotsava\-kautukAd\-upachitair\-a~Ngair\-ana~NgAdhika\-
smerair\-edhita\-hema\-ratna\-ruchirA\-la~NkAra\-shR^i~NgAritAm |
kAntasy\-Agamane vilambana\-vashAt\-kAmAstra\-lakShIkR^itAM
sAmrAj~nIM malayadhvajendra\-tanayAM prAha prabuddhA sakhI || 7||
\section{tR^itIyAShTapadI}
## Ashtapadi 3##
vasantarAgeNa gIyate | AditAlaH |
khelati kA~nchana\-nalinI\-tIre |
chandra\-shikhAmaNi\-ramaravadhU\-maNi\-samarasa\-vividha\-vihAre || 1|| (dhruvam)
sarasa\-kadamba\-parAga\-bharAlasa\-shItala\-surabhi\-samIre |
amR^ita\-tara~Nga\-paramparayA.arpita\-shIkara\-mauktika\-hAre || 2||
dishi dishi niyamita\-chandra\-divAkara\-madhumAdhava\-parivAre |
shashimaNi\-pariNata\-sopAnAntara\-cha~nchala\-chAru\-chakore || 3||
mauktika\-haMsa\-mukhAdR^ita\-pa~Nkaja\-rajasA kR^ita\-paTavAse |
milita\-paraspara\-kusumAyudha\-gatirati\-manmatha\-kR^ita\-hAse || 4||
marakata\-mechakapatra\-nirantara\-sa~Ngata\-kanaka\-rathA~Nge |
harimaNi\-kiraNach\-Churita\-nishAkara\-ruchi\-ghutikAyita\-bhR^i~Nge || 5||
santata\-dara\-chalad\-anila\-samAhR^ita\-sArasa\-saurabha\-sAre |
chintAmaNi\-gR^iha\-shikharoda~nchita\-chandraka\-ruchira\-mayure || 6||
adhara\-sudhAdhika\-madhura\-manohara\-divya\-phalAgama\-ramye |
adhikR^ita\-kautuka\-sura\-nara\-pannaga\-pramadA\-parichaya\-saumye || 7||
jAti\-vihIna\-vasanta\-mahodaya\-samudita\-madhupa\-ninAde |
jAta\-kutUhala\-navayuva\-kalpita\-hAlAsyavAsi\-vinode || 8||

shlokAni
lIlA\-lola\-dR^iga~nchaleShu sarasAlApeShu kelIchalad\-
ratnA\-la~NkR^ita\-kuNDala\-dyutiShu cha smerAdhara\-sphUrtiShu |
bhAvair\-apsaraso muni\-praNayinIH sammohayan\-modate
svAmI somakalA\-vataMsa\-suShumA\-kAnto vasantodaye || 8||
adyoda~nchita\-pa~nchabANa\-vishikha\-prakhyAta\-pAntha\-vyathA\-
sannaddha\-pratibuddha\-ShaTpada\-shukI\-pArAvata\-prastutAH |
shrIkhaNDAchala\-shItalAnila\-chalan\-mAkanda\-shAkhAshikhA\-
mandAndolita\-nIDa\-nirbhara\-kuhU\-kaNThasvarA vAsarAH || 9||
ete vegavatI\-tara~Nga\-tarala\-pratyagra\-pAthoruhA\-
nItaiH shItala\-saurabhair\-virahiNo bhindanti mandAnilAH |
eShA va~njula\-ma~njarI cha shirasA yadvikramaM shlAghate
so.ayaM sUna\-sharAsano vijayate rantA vasantashriyAm || 10||
chUtA~Nkura\-prathama\-charvaNa\-garvitAnAM
kolAhalair\-mukharitA vanakokilAnAm |
uddIpanena madanasya taTAtakayAM
vAsantikAH sarasa\-saurabhaM\-Arabhante || 11||
surA~NganA\-kalpita\-kautukotsava\-
prapa~nchitAna~Nga\-kalA\-kutUhalam |
udAharantI ghanasAra\-sundaraM
sakhI punaH prAha taTAtakAmiti || 12||
\section{chaturthAShTapadI}
## Ashtapadi 4##
kumbhakAmbhodhirAgaH | AditAlaH |
dharati navaM varaveShaM chirayati tena kadambavane
sakhi tava ujjvala\-bhUSham | (dhruvam ||
champaka\-sundara\-divya\-shubhAkR^iti\-kanakAmbara\-shashidhArI |
madana\-mahotsava\-sambhava\-sambhR^ita\-varayuvatI\-madahArI || 1||
sarasa\-haridrA\-lepa\-miSheNa sudhAMshudharasya shubhA~Ngam |
vimR^ishati kApi sparsha\-sukhAlasa\-lIlA\-mAdyad\-apA~Ngam || 2||
loka\-vilokana\-doSha\-nivAraka\-mR^igamada\-binduM\-udAram |
ekakapole rachayati kAchana nakhalekhana\-sukumAram || 3||
kAmapi shubhikA\-la~NkaraNoddhR^ita\-bAhulatA\-lalitA~NgIm |
smara\-samayochitaM\-anunayati shrita\-kokila\-kalarava\-bha~NgIm || 4||
apsarasAM\-upagAnarasair\-anura~njita\-ma~Ngala\-gItAm |
nayana\-vilAsair\-elAku~njaM gamayati sumashara\-bhItAm || 5||
kAmapi kAmakalA\-parishIlita\-ratisukha\-rachanA\-lolAm |
lajjayati priya\-sarasa\-chamatkR^iti\-satkR^ita\-navanava\-lIlAm || 6||
kAchid\-alaktaka\-rekhAchitraM padakamale rachayantI |
sUchita\-rAga\-navodaya\-rItiM svayaM\-anusarati namantI || 7||
kAmapi gurukucha\-kumbha\-vijR^imbhaNa\-mudita\-madAlasa\-bhAvAm |
sukhayati hAlAsyopavane kR^ita\-kusuma\-dhanurdhara\-sevAm || 8||
iti shrImat\-paramashivAtivAdimUrdhanyasya sadAshiva\-dIkShitasya kR^itiShu
chatuHShaShTi\-lIlAsa~Ngrahe gItasundare prathamaH sargaH ||
\section{dvitIyaH sargaH}
## Sarga 2##

shlokAni
amara\-vanitA\-lAsye dAsye mahendrakR^ite mudA
viharati shive vanyAvanyAM\-amogha\-vilAsini |
praNaya\-vidhutA mAnAdhInA vidhAya rahaH sakhIM
smara\-shara\-parishrAntA kAntA tadAha taTAtakA || 1||
api rajata\-girIshaM prApya jetuM karAbhyAM
vigalita\-shara\-chApA tena kAmAnurUpA |
madhura\-chatura\-mugdhaiH kairapi premasAraiH
sakhi sarasa\-vilAsair\-a~nchitA va~nchitAsmi || 2||
\section{pa~nchamAShTapadI}
## Ashtapadi 5##
mAM\-anubhavituM dhR^ita\-sumachApaM
vasatIvAgre shiva\-shubha\-rUpam ||dhruvam ||
taralita\-mauli\-kalAdhara\-koraka\-kalita\-sudhArasa\-sekam |
madana\-madAlasa\-lochana\-sUchita\-rati\-kaushala\-paripAkam || 1||
darahasita\-sphuritAdhara\-darshita\-vITI\-sorabhasAram |
pIta\-parAga\-vidhUsara\-kesara\-bhAsura\-kurava\-kahAram || 2||
kA~nchana\-rekhA\-traya\-parishobhita\-tilakita\-ratna\-kalApam |
gurukucha\-mR^igamada\-makarI\-mudrita\-ku~NkumasAra\-vilepam || 3||
vidruma\-komala\-raktA~Nguli\-mukha\-nartita\-ratna\-kura~Ngam |
karNottaMsita\-kuvalaya\-vAsita\-lIlApA~Nga\-tara~Ngam || 4||
kara\-dhR^ita\-pAvaka\-kalita\-pratyaya\-niyatAcha~nchala\-bhAvam |
pratikala\-Damaruka\-vAdana\-sAdhita\-kAmakalA\-rasa\-bhAvam || 5||
ma~njula\-shi~njita\-ma~njIrojjvala\-ki~nchid\-uda~nchita\-pAdam |
padagati\-vistR^ita\-tAla\-jhalajjhala\-vihitAndhaka\-tanubhedam || 6||
mandAndolita\-kuNDala\-vilasita\-vitata\-phaNAmaNi\-bhAsam |
AmreDita\-bharatAgama\-phaNiti\-prakaTita\-maNita\-vilAsam || 7||
kusuma\-sharAhava\-kuhanA\-paNDita\-tANDava\-mohana\-veSham |
vegavatIjala\-sIkara\-shItala\-navahAlAsya\-nivesham || 8||

shlokAni
bhuvanavijaya\-rakShA\-chUrNa\-kIrNAni bhUyaH
pathika\-vadana\-shItAMshU\-parAgaiH parAgaiH |
madhurasa\-viShadhArAM\-udvamanti prayu~Ntte
kisalaya\-bhujagA\-strANyantara~NgANy\-ana~NgaH || 3||
kusuma\-vilasan\-mallI\-vallI\-niku~nja\-sasambhrama\-
bhramara\-yuvati\-shreNI\-veNIyute maNimaNDape |
taruNima\-lasadgarve sharve vihAriNi mAM vinA
viShama\-vishikhAdhInaM dInaM mano na vinodyate || 4||
\section{ShaShThAShTapadI}
## Ashtapadi 6##
kAmbojI\-rAgeNa gIyate | mishraChAp tAlaH |
ghaTaya mayA saha sakhi shashibhUSham |
navanava\-bhAva\-visheSha\-manoharayA dhR^ita\-manmatha\-veSham ||dhruvam ||
pariNaya\-maNDapaM\-upagatayA daravalita\-dR^ishA madayantam |
ruchirA~Nuli\-dhR^ita\-karatalayA nakhashirasA mR^idu vilikhantam || 1||
avirala\-varShita\-mauktikayA darahasitollasad\-anumodam |
maNiraNitojjvala\-nUpurayA dR^iShad\-Aropita\-mR^idu\-pAdam || 2||
parichaya\-sa~Ngata\-tanu\-latayA shritagurukucha\-likuchAbhogam |
sarasa\-karagraha\-pulakitayA smara\-chakitodayad\-anurAgam || 3||
keligR^ihaM nishi bhAjitayA ratisukha\-rachane rasayantam |
karayuga\-pihita\-payodharayA maNikA~nchIM vishlathayantam || 4||
nayana\-nivArita\-sAhasayA nakha\-vikasi\-sukalAjAlam |
amita\-madana\-mada\-paravashayA dR^iDha\-parirambhaNa\-bahulIlam || 5||
surata\-sukhAlasa\-lochanayA kR^ita\-madhurAdhara\-rasapAnam |
khinna\-kapola\-kuchasthalayA nava\-nidhuvana\-kutuka\-vidhAnam || 6||
vilulita\-kuntala\-kuNDalayA kara\-lAlita\-kucha\-kalashAntam |
vilasita\-vIrAyita\-kalayA dara\-mukulita\-sarasa\-dR^igantam || 7||
uparata\-kalarava\-kUjitayA chira\-parichita\-hR^idayaM\-udAram |
shramajala\-bindu\-pariShkR^itayA smR^ita\-hAlAsya\-vana\-vihAram || 8||

shlokAni
AyAntyA kanakAbjinI pathi mayA sAkUtaM\-Alokite
deve nirjara\-kAminI\-pariShadi pratyagra\-lIlA\-rasam |
sadyaH svidyad\-uraHsthalaM sachakita\-vyAparitArdhekShaNaM
savyAja\-smayamAna\-vaktra\-kamalaM vailakShyaM\-AlakShyate || 5||
udyad\-vegavatItara~Nga\-nikara\-vyaktAnupUrvyA spR^ishan\-
romA~nchaM janayan\-kadamba\-mukulollAsopalambha\-kramAt |
bhR^i~NgI\-koka\-kapota\-kokila\-ravair\-AshAntaraM pUrayan\-
bandhur\-gandhavahastanandhaya iha pratya~NagaM\-Ali~Ngati || 6||
prAnta\-bhrAnta\-dR^iganta\-lIla\-mudita\-bhrU\-vallarI\-chApalaM
chintA\-nishchala\-karNapUraM\-asama\-prashnottara\-prakriyam |
AkalyAnati\-kautukaM suravadhU\-bibvoka\-jAta\-spR^ihaM
bhAvaiH kairapi sha~NkaraH pratilatAgehaM parikrAmati || 7||
smaropadesha\-smR^ita\-bhAva\-bandhAM
taTAtakAM vegavatI\-taTeShu |
anviShya rathyAsu latA\-gR^iheShu
rasAlamUlaM girishaH siSheve || 8||
\section{saptamAShTapadI}
## Ashtapadi 7##
bhUpAla\-rAgeNa gIyate | mishraChAp tAlaH |
shiva shiva vasanta\-samaye sAdhunA viraheNa | (dhruvam ||
tAM\-avApya vinodayAmi kadA mano madanena |
tApakAritayAbhiyAtirivAdya yo mama tena || 1||
tAM\-abhinna\-tanuM bibhemy\-adhunA hR^idi praNidhAtum |
janmabhUmi\-gatAM smaro bahu bAdhayen\-madahetum || 2||
bhAvachitra\-vilekhane kalaye kathaM kara\-pallavam |
tatkalA api mAninIva na sAgaso viShayA dhruvam || 3||
tAM viyoga\-kR^ishAM vidhAya vR^ithA yadAcharitaM mayA |
tatphalAni vivR^iNvate kimu kokilA madasUyayA || 4||
kopa\-rakta\-dR^isheva koka\-nadena vegavatI\-kShate |
kIrNa\-shIkaraM\-udyatormikareNa kupyati matkR^ite || 5||
kiM karomi kathaM vadAmi bhajAmi kaM madanAdR^ite |
jIvitA\-vadhir\-Anatir\-muhur\-a~NgajAya dhanuShmate || 6||
hanta kR^intati chintayA tanuM\-AtmabhUriva mAnasam |
tAM\-upetya kR^ita\-vyathAM\-abhinetuM\-enaM\-anAgasam || 7||
tAM\-ahaM pratipadya satvaraM\-Atta\-ramya\-vilAsinIm |
ra~njayAmi kadA ratau hAlAsya\-saudha\-nivAsinIm || 8||

shlokAni
tavavimataM\-apAstaM vahninetraM niTAle
sapadi dahati chen\-mAM manmatha tvach\-CharAgniH |
apahR^ita\-nijarekhe vaMsharatnA\-parAdhin\-
ahaha hima\-mayUkho duHsahaM kiM na kuryAt || 8||
purA sAra~NgAkShyA vividha\-rasa\-bhAvair\-upachito
viyog\-erShyA\-krodhAt\-sapadi madano mAM vyathayatu |
kaThora\-shrIr\-antar\-dahana\-tuhinAsAra\-taralA
dashAyAM\-asyAM me bata mukuTa\-bhUShApi vimatA || 9||
bANaiste madhu\-saMskR^itair\-avirahI vadhyaH kathaM syAd\-ataH
svAntaM prApya manAg\-anArya chalayan\-dhatse dashAM\-IdR^ishIm |
shrIchetobhava bhAvaya trijagatAM sammohakaM tvAM vinA
dehArdha\-pratipanna\-mUrtimapi tAM ko vA viyoktA mayA || 10||
dR^ishyaM sarvamapi priye tava vapuH shrAvyaM vachas\-tAvakaM
spR^ishyaM tvatkucha\-kumbha\-yugmamapi cha ghrAtavyaM\-AsyaM tava |
AsvAdyaM cha tavAdharA\-mR^itamapi dhyeyaM tvad\-Ali~NganaM
sarvaM tvan\-mayameva ko nu virahaH kA vA niyoga\-vyathA || 11||
ambhoruhaM vadanaM\-utpalaM\-IkShaNaM cha
chUta\-pravAlaM\-adharaM likuchAvurojau |
chAmpeyadAma vapur\-AdadhatI vanashrIr\-
eShA tanoti kutukAni taTAtakeva || 12||
Amodair\-madhumedurair\-alikulair\-Arabdha\-chAru\-svanaiH
sotkaNThaiH kalakaNTha\-kaNTha\-raNitaiH shItaishcha vAtA~NkuraiH |
nIto hanta vanAd\-vanAntaraM\-asau dR^iShTvA cha tatrottaraM
hAlAsyaM navaratna\-saudhaM\-agamad\-bAlendu\-chUDAmaNiH || 13||
madhurA\-nagaropAnta\-ratna\-saudha\-vihAriNam |
jagAda mInanayanA\-sakhI karpUra\-sundaram || 14||
\section{aShTamAShTapadI}
## Ashtapadi 8##
rAjasutA ratirUpA shiva
chandana\-malaya\-samIra\-sudhAkara\-virachita\-shataguNa\-tApA | (dhruvam ||
pashyati na kimapi dR^ishyaM\-udAste vishati viShAdaM\-avAryam |
sha~Nkara tAvaka\-viraha\-vichAre cha~nchati mu~nchati dhairyam || 1||
kanaka\-saroja\-rajobhara\-dhUsaramapi tanayAkR^ita\-haMsam |
bhasita\-tirohita\-pAvakamiva saMspR^ishya kShipati natAMsam || 2||
phAla\-vilochana phaNipati\-ka~NkaNa khaNDita\-chandra\-lalAma |
anala\-sharIra kirAta\-vareti cha japati sadA tava nAma || 3||
navaghanasArai ruchira\-sharIraM rachayati mR^igamada\-kaNTham |
nija\-shashikalayA kalita\-vataMsaM shliShyati lasad\-upakaNTham || 4||
dhyAyati ki~nchana vilikhati ki~nchana kupyati janaM\-upayAntam |
tuShyati vijane kShaNamapi shuShyati smR^itaM\-anapekShya bhavantam || 5||
kShaNamiva marakata\-gR^ihaM\-adhishete kShaNamiva nalinI\-patram |
kShaNamapi kadalIvedIbhAgaM pArada\-tarala\-charitram || 6||
kAma\-sharAnala\-kavachitamapi nija\-jIva\-kusuma\-mR^idu\-bandham |
dhyAnarasena muhuH parirakShati sha~Nkara bhavad\-anubandham || 7||
alasa\-vilochanaM\-a~Nkurita\-smitaM\-anitara\-parichita\-dAsyam |
amita\-kutUhalamiha vA~nChati tava hAlAsyesha rahasyam || 8||
iti shrImat\-paramashivAtivAdimUrdhanyasya sadAshiva\-dIkShitasya kR^itiShu
chatuHShaShTi\-lIlAsa~Ngrahe gItasundare dvitIyaH sargaH ||
\section{tR^itIyaH sargaH}
## Sarga 3##

shlokAni
dR^iShTiM vastuShu na prachodayati sA dR^iShTAni nApekShate
sApekShANi na chAdadAti na tathA dhatte gR^ihItAnyapi |
supteva pratibodhiteva vimatevApteva bhIteva cha
pratytpanna\-baleva te virahiNI pratyAshayA prANiti || 1||
chitre tvAM chira\-nirmitaM punarapi draShTuM na shaknoti sA
kandarp\-AkR^iti\-sha~NkayA shashibhayAn\-nAdarshaM\-Alokate |
kiM vakShye virahe tava pramathitA nirvega\-sha~NkA\-shatair\-
a~NgAnAmapi saurabhair\-apakR^itiM jAnAti mInekShaNA || 2||
\section{navamAShTapadI}
## Ashtapadi 9##
deshAkShirAgeNa gIyate | mishraChAp tAlaH |
ambikA jagadambikA
jagatAM\-adhinAyikA || dhruvam ||
sharad\-amR^ita\-kiraNa\-shubhraM\-udAram |
virahochitamiva vahati sharIram || 1||
shirasi karoti sudhAkara\-kalikAm |
sumashara\-chITImiva bhaya\-janikAm || 2||
ravikiraNAruNamapi cha kapardam |
vratamiva vidadhAtyalakavimardam || 3||
kara\-vivalita\-chandrakalA\-ghuTikA |
japati kimapi tava sukhasa~NghataTikA || 4||
karadhR^ita\-pustakaM\-eti samodam |
sarasa\-kavitayA kamapi vinodam || 5||
himakiraNopala\-tanuriva shashinA |
bhavatA kiratu sudhA\-rasa\-madhunA || 6||
alamiha manmatha\-vikrama\-vidhinA |
paraM\-upayAhi pureti suvachanA || 7||
manasi vachasyapi vapuShi vasantam |
prathayati hAlAsyesha bhavantam || 8||

shlokAni
vimohitAM vismR^ita\-bAla\-lIlAM
viyoga\-dInAM\-amR^itAMshu\-maule |
sa~njIvaya tvaM sarasA~Nga\-sa~NAd\-
ana~Ngadeve shapatho.anyathA te || 3||
vyAptA shItakara\-tviSheva taralA tasyAs\-tanuH pANDarA
sa~NkrAntaM smara\-kArmukairiva mukhaM karNAnta\-mugdhekShaNam |
hR^itvA dhairyaM\-upAgato bahiriva shvAsAnilo vegatash\-
chaitanyaM tvayi gUhitaM viShadhare nAdyApahartuM kShamaH || 4||
api vapuShi samarpitArdhabhAgA
tava purabhAga\-nigUhanotsukA yA |
paruSha\-virahiNI kathaM nu saiva
jvalada\-sameShu\-sharAnalaM saheta || 5||
iha maNi\-sadane vasAmi tasyA
jhaTiti samAnayane sakhi tvarethAH |
iti shiva\-vachasA kShaNAd\-upetA
tarala\-dR^ishaM punarAha tAM vayasyA || 6||
\section{dashamAShTapadI}
## Ashtapadi 10##
AnandabhairavI rAgeNa gIyate | AditAlaH |
girijAte pura\-vairI
majjati vipula\-viShAde | dhruvam ||
garamiva navaghanasAraM gaNayati chakitena |
ravimiva rajanIkaraM praNamati bahu vinayena || 1||
ripumiva nija\-hita\-lokaM kalayati karuNena |
girimiva mR^igashAvakaM vicharati chira\-chalitena || 2||
vanamiva maNi\-gR^iha\-jAtaM prathayati shvasiteShu |
maNimiva kara\-chAlitaM vicharati tvAM vipineShu || 3||
shuchimiva kisalaya\-jAlaM shamayati salilena |
shaThamiva malayAnilaM prashapati saha shapathena || 4||
adhivapur\-udayati tApe tyajati chandra\-lalAma |
ninadati vana\-madhupe shlathayati dhR^ita\-sumadAma || 5||
vilasati dhuri hAlAsye nayanasukhaM\-upaiti |
sphurati viraha\-rahasye sIdati rujaM\-upayAti || 6||

shlokAni
dattA jIva\-kalA rati\-praNayine yatra tvayA mugdhayA
tasmin\-nIpa\-parAga\-pATalatare mANikya\-siMhAsane |
pashyan\-utsukaM\-antarAntarachalan\-netrA~nchalais\-tvAmiva
svAmI tAvaka\-yAvakAruNa\-darasmerAdharaM dhyAyati || 7||
\section{ekAdashAShTapadI}
## Ashtapadi 11##
kedAragaularAgeNa gIyate | AditAlaH |
nIpa\-vanAnte madhuropAnte nivasati rAja\-kirITI |
chature tAdR^isha\-navarasa\-rasikaM sukhayati nAnyavadhUTI ||dhruvam ||
taruNa\-shashA~NkaM mR^igamada\-pa~NkaM
tava shivakR^itaM\-apahAram |
sakhi parishIlaya sapadi vilokaya
ghumughumitaM ghanasAram || 1||
cha~nchad\-apA~NgaM chatura\-kura~NgaM naTayati kara\-kamalena |
smarati tavAlasa\-valita\-sasAdhvasa\-nayana\-vilAsamanena || 2||
nayati samIraM kuvalaya\-hAraM pariNata\-mukula\-kalApam |
navahima\-salilaM malayajaM\-atulaM ghaTayati shayana\-samIpam || 3||
madana\-kalambaM tava cha vilambaM na hi sahate puravairI |
tava shikhi\-chandraka\-ruchira\-navAMshuka\-parimala\-visaravihArI || 4||
chalati vataMse shrayati cha haMse mR^idugatiM\-anusara dhIram |
shrutisukha\-rachanaM karashuka\-vachanaM lAlaya pathi sukumAram || 5||
dalati nichole galati dukUle dR^iDha\-parirambhaNa\-shIlam |
ramaya visha~NkaM rachita\-nakhA~NkaM shivaM\-adharAmR^ita\-lolam || 6||
sama\-rati\-sarasaM shivaM\-atirabhasaM sukha\-shayitaM kuchabhAre |
kR^itamaNi\-raNitaM vilasita\-maNitaM ra~njaya navasukhasAre || 7||
madana\-nidAnaM mada\-kala\-gAnaM rahasi nivedaya lAsye |
sakhi maNi\-sadane sarasija\-vadane bhaja taM navahAlAsye || 8||

shlokAni
kisala\-chalitaM kIrAlApaM puro na samIhate
lalita\-valita\-grIvaM sAsraM disho muhur\-IkShate |
kalayati kare vaktrAmbhojaM tavAgama\-sammukhaM
glapayati vanaM gADha\-shvAsaiH shive ramaNas\-tava || 8||
astaM chaNDa\-karasya vIkShya vimukho devaH pratIkShyAntare
kAntyA teShu narAvR^itaM jagaditi prINAti sandhyAruNe |
dhvAntaM gADhamiti pramugdha\-karaNo bhUyaHkalAM\-aindavIM
sambhAvya praNayArpitAM tava tanu\-jyotsnAmapi shlAghate || 9||
sa~nchAras\-timirasya mugdha\-taruNIM\-ArAhava\-prakriyA\-
sAra\-khyApaka\-sUtradhAra iva hi vyagrAbhisAra\-kramaH |
satyasmin\-dR^ishi baddha\-puShpa\-dhanuSho yUnor\-apAraM rahaH\-
saMlApaiH saha sambhramaiH saha ratArambhaiH sahAli~NganaiH || 10||
idamiha taTaM hemAbjinyAs\-tato navachampakaH
kuravaka\-taruM vAme kR^itvA rasAlaM\-upAshritaH |
tadanu nikaTe draShTuM shakyAM\-upetya sa sambhramAt\-
sudati bhavatIM gADhAshleShair\-nayen\-maNivedikAm || 11||
aya tAM guru\-kucha\-tAntAM
gamana\-shrAntAM nitamba\-bhAreNa |
dR^iShTvA niku~nja\-shayitAM
tachcharitaM prAha sha~NkarAya sakhI || 12||
\section{dvAdashAShTapadI}
## Ashtapadi 12##
deva vibho mahAdeva vibho
tvayi chirasaktA pANDyasutA ||dhruvam ||
kathamapi katipaya\-padaM\-anuchalitA |
gurukucha\-jaghana\-bhareNa vivalitA || 1||
shvasiti na saurabha\-milad\-ali\-bhItA |
na chalati malaya\-samIra\-vidhUtA || 2||
gaNayati kimapi manoratha\-jAlam |
hasati vinindati vibhavaM\-avelam || 3||
muhurapi kalayati maNDanaM\-amitam |
dishi dishi kirati dR^ishaM saha\-chakitam || 4||
timirAgatamiva tatrabhavantam |
gAyati sUchita\-vAsa\-gR^ihAntam || 5||
bhavad\-abhisAra\-vilokana\-kutukam |
saphalayataralita\-chandira\-kalikam || 6||
apachita\-mR^idula\-rasAla\-kisAlA |
rachayati shayanaM ratisukha\-lolA || 7||
jIvati sA tava purAkR^ita\-kalayA |
hAlAsye bhavad\-arpitA\-dhara\-sudhayA || 8||
iti shrImat\-paramashivAtivAdimUrdhanyasya sadAshiva\-dIkShitasya kR^itiShu
chatuHShaShTi\-lIlAsa~Ngrahe gItasundare tR^itIyaH sargaH ||
\section{chaturthaH sargaH}
## Sarga 4##

shlokAni
achiraM\-abhisara tvaM prINaya prANa\-kAntAM
tvadadhara\-madhu\-lolA kAtarA sA viyoge |
chalituM\-anavakAshA mudritA mohakoshe
gaNita\-rajani\-sheShA bhR^i~Nga\-yoSheva khinnA || 1||
api chirayasi chettvaM bhAvajaM vA rujaM vA
parihara paramesha prANituM preyasI te |
parichaya\-sarasAnAM sA sakhInAM viyoge.apy\-
anukalayati tApaM kiM punaH prANa\-bandhoH || 2||
adyaiva hanta kusumAyudha\-jaitra\-yAtrA
vistAritA paTa\-kuTI makarA~Nkiteva |
Aloka\-bhIta\-sakalAri\-kalA dashAbhir\-
Abaddha\-rashmir\-uditA hariNA~Nka\-mUrtiH || 3||
tapati tanuM himamAnau
viraha\-kR^ishAnau cha dahati bahubhItA |
aviralita\-bAShpa\-pUraM
shokaM\-adhIraM vitene sA || 4||
\section{trayodashAShTapadI}
## Ashtapadi 13##
AharirAgeNa gIyate | jhampAtAlaH |
kiM karomi kathaM sahe
viphalita\-kaThora\-jIvitAham ||dhruvam ||
ati\-paruSha\-kAmasharaM\-anusarati himakare |
rati\-kutukaM\-aparAsu nayati shiti\-kandhare || 1||
api tamasi mama vasatiriva vipina\-kaumudI |
girisha\-matiriva bahula\-kusuma\-vana\-ShaTpadI || 2||
anushochya bahu khedayati chakravAkI |
nIlakaNThatayeva naTati kekI || 3||
tanumiva hi shoShayati bhUShaNa\-kadambam |
kalayati cha paravashe girishe viDambam || 4||
suraloka\-vanitAbhir\-api yad\-anuyAtam |
bhAvi shalyaM tadiha mama hR^idi nikhAtam || 5||
ativirahi\-vapur\-idaM kimiti dhR^ita\-chetanam |
anubhaviShyati kiM nu vimukha vR^iSha\-ketanam || 6||
anuchalita\-chandrakalaM\-anuvalita\-kandharam |
sphurati mama mAnasaM sphurita\-madhurAdharam || 7||
madana\-shashi\-malaya\-giri\-pavana\-vairasyam |
jitvA kadA yAmi navya\-hAlAsyam || 8||

shlokAni
devaH puShpavane vilAsa\-rasikaH kiM hemanAthArataH
kiM vA sAra\-tareNa bhadra\-vanitA\-gAnena sammohitaH |
yadvA vaishyasutA\-kara\-graha\-sukhAnneShTe nivR^ityai kutaH
sAraj~naH praNayI yuvA samaraso.apyadyApi naivAgataH || 5||
athAnunetuM shashikhaNDa\-chUDaM
chirAd\-alabdhA\-vasarAM\-upetAm |
sakhIM vilokya priyaM\-anyakAntA\-
vashIkR^itaM duShTaM\-ivAha gaurI || 6||
\section{chaturdashAShTapadI}
## Ashtapadi 14##
kApi navalalitA vashayati shivaM\-a~Ngaja\-pAlitA ||dhruvam ||
madana\-madodita\-vadana\-vikAsA |
ratisukha\-lAlasa\-nayana\-vilAsA || 1||
darahasita\-sphuritAdhara\-bimbA |
taruNima\-mada\-matta\-vitata\-nitambA || 2||
sarabha\-saparirambha\-gumphita\-pulakA |
chira\-parishIlita\-nakha\-danta\-kalikA || 3||
sakutuka\-samarasa\-keli\-kalApA |
kucha\-kumbha\-kausumbha\-kalita\-vilepA || 4||
nava\-madanAhava\-sambhR^ita\-lIlA |
maNi\-kuNDala\-bimba\-chumbi\-kapolA || 5||
She enjoys ever\-new passionate sports, during which the ear\-rings kiss her cheeks. (5||
kA~nchI\-maNi\-raNitochita\-maNitA |
smara\-samaroddhata\-naTana\-vivalitA || 6||
chala\-dalakAhata\-karNa\-shirIShA |
dara\-mIlitekShaNa\-darshita\-toShA || 7||
prANapriyAsIti kathita\-manoj~nA |
hAlAsya\-pura\-vAsa\-rachita\-pratij~nA || 8||

shlokAni
kAntaH kanduka\-khelad\-a~Nghri\-kamala\-vyatyasta\-nR^itya\-kramai\-
rAgaH svIyaM\-apAkariShNurapi hA tiShTheta mahyaM kadA |
autsukyAd\-anura~njanAd\-anupadasparshAd\-anuprApya mAM\-
AshliShyed\-anulAlayed\-anuvaded\-AnandayedvA kadA || 7||
mando nindatu chandanAchala\-marud\-vyAlIva kelIshukI
kAnto.aruntuda\-vAchaM\-uchcharatu hA kAmo.api bhImAyatAm |
kiM vakShyAmi kathaM kaThora\-virahe santaptatayA yanmayA
shItAMshur\-mama janma\-vaMsha\-gururapy\-adyaiva vairAyate || 8||
atrAntare puShpa\-vanAbhisAre
saundaryaM\-anyAdR^ishaM\-AvahantIm |
kaivarta\-kanyAM chakame purArir\-
itthaM sakhI prAha sumIna\-netrAm || 9||
\section{pa~nchadashAShTapadI |}
## Ashtapadi 15##
mukhArirAgeNa gIyate | mishraChAp tAlaH |
yatate kusumAyudha\-samare
madhura\-sudhAMshur\-adhunA ||dhruvam ||
jita\-maNi\-mukure smita\-pura\-ruchire kAminI\-gaNDa\-tale |
ghaTayati vadanaM savilAsa\-madanaM vidhumiva sudhA\-maNDale || 1||
shitamukha\-rachane ramaNI\-rashane shukatuNDa\-shikharopame |
navanava\-madhuraM jita\-bimbaM\-adharaM vitarati rati\-sambhrame || 2||
parichaya\-pR^ithule gurukucha\-yugale ma~njula\-makarIdale |
sR^ijati visha~NkaM sarasa\-nakhA~NkaM maNimiva kanakAchale || 3||
ratigati\-chature rashanA\-mukhare khelati pR^ithu\-jaghane |
parichita\-naline yamunA\-puline haririva ruchira\-ghane || 4||
chikura\-vibhAgaM nayati sarAgaM lAvaNya\-pUra\-patham |
vilasad\-akuTilaM sindUra\-paTalaM ravimiva timir\-AvR^itam || 5||
smara\-chApa\-tarale bhrukuTI\-yugale lochana\-guNa\-ra~njite |
shrita\-phAla\-phalakaM mR^igamada\-tilakaM sharamiva kAmayate || 6||
kuchagiri\-vahane kachabhara\-nahane madayati bahu modate |
gAyati gItaM rati\-sukha\-jAtaM nR^ityati vivashAyate || 7||
upavana\-savidhe pratikala\-vividhe chumbana\-bandha\-shate |
taralita\-chikure taruNI\-nikare hAlAsyapatI rAjate || 8||

shlokAni
kA~nchI\-cha~nchala\-ki~NkiNI\-kalaravaiH karNAmR^itaM kalpayed\-
veNI\-saurabha\-sampadA sahajayA ghrANpsitaM pUrayet |
bhAgyAnAm\-adhidevatA nayanayoH saivopalabhyeta vety\-
AshAste sa visha~Nkate vivalate tvAM vIkShate sha~NkaraH || 10||
Amodo rati\-kaushale bahumatiH kandarpa\-sArasvate
saujanyaM mR^idu\-bhAShaNe sakhi kathaM vismAryate mAyinA |
sthAne dhUrta\-shikhAmaNiH sa ramate dhanyAsu vanyAsu vA
yAtAyAtadaye samAna\-hR^idaye chintA durantA mama || 11||
\section{ShoDashAShTapadI}
## Ashtapadi 16##
yA sukhitA sakhi shambhunA
yA sukhitA | (dhruvam ||
mukuTa\-ghaTita\-shashadhara\-shakalena |
na bibheti sA navahima\-salilena || 1||
madhura\-samadhurima\-lasad\-adhareNa |
na jahAti sA mudaM\-ali\-nikareNa || 2||
sahakAra\-kisalaya\-mR^idula\-shayena |
na dunoti sA hR^idi madhu\-samayena || 3||
darahAsa\-vikasita\-mukhamadhureNa |
na tanoti sA shuchaM\-atanu\-shareNa || 4||
mR^igamada\-surabhita\-vasanA~nchalena |
na dadhAti sA paribhavaM\-anilena || 5||
pratikala\-navanava\-shubha\-rachanena |
na tanoti sA rujamapi vijanena || 6||
salalita\-samarasa\-suviharaNena |
na bibharti sA ruShaM\-upacharaNena || 7||
anurata\-hAlAsya\-pura\-nilayena |
samupaiti sA navamaNi\-valayena || 8||
iti shrImat\-paramashivAtivAdimUrdhanyasya sadAshiva\-dIkShitasya kR^itiShu
chatuHShaShTi\-lIlAsa~Ngrahe gItasundare chaturthaH sargaH ||
\section{pa~nchamaH sargaH ||}
## Sarga 5##

shlokAni
na kiM te dAkShiNyaM pavana na kiM\-Amoda\-samayaH
prasIda prANo.asi praNayinaM\-anuprApaya manAk |
shvasantaM hA hantajvalayasi manojAgniM\-adhunA
jagatprANasyedaM bata malaya\-bandho kiM\-uchitam || 1||
ki~nchich\-chalApA~Nga\-nidesha\-mAtrAl\-
lIlAvatInAM kushalaM vidhAtuH |
kandarpa kutr\-Atmabhuvas\-tavApi
saMhAra\-pAruShyamidaM prasaktam || 2||
nirveda\-sa~Nkalpa\-vikalpa\-jAlair
nItvA katha~nchid\-rajanIM prabhAte |
smarAturApi praNamantaM\-agre
navAgasaM sha~NkaraM\-Aha gaurI || 3||
AliptaM niTile tava priyatamA\-sImanta\-sindUrakaM
sa~NkrAnto nayanA~nchale navavadhU\-karpUra\-vITI\-rasaH |
inddhe kajjala\-kAlimA kaluShavad\-bandhUka\-shoNAdhare
labdhaM sarvaM\-abhIShTaM\-Ashu bhavatA dhanyo.asi mAnyo.asi me || 4||
\section{saptadashAShTapadI |}
## Ashtapadi 17##
malaharirAgeNa gIyate | AditAlaH |
sAdhu purahara sAdhu viShadhara
sAdhitavAnasi kAmam |
tAM\-upalAlaya somakalAdhara
yA tava dishati lalAmam ||dhruvam ||
mR^idupada\-ra~njita\-navalAkShArasa\-
saMvalitaM tava phAlam |
udayAruNa\-ruchirArdha\-vibhAsita\-
vidhiM\-anusarati salIlam || 1||
pR^ithula\-payodhara\-ku~Nkuma\-rasa\-dR^iDha
mudritaM\-urasi samoham |
kathayati vartula\-maNDala\-yugalaM
varatanu\-kucha\-pariNAham || 2||
ekakalAvati bhavati purA shiva
shekharamAtraM\-udAram |
bahula\-nakhendu\-kalAbhir\-ala~NkR^itaM\-
adhunA lasati sharIram || 3||
rajanI\-jAgara\-chumbana\-lAlasa
kokanadAdhika\-shoNam |
lochana\-yugalaM tava rati\-sAhasaM\-
anuvadati smayamAnam || 4||
vidruma\-marakata\-mauktika\-ghaTitaM
ku~Nkuma\-pa~Nkila\-hAram |
urasi nidhAya vR^ithA vachanairapi
kirasi sudhArasa\-sAram || 5||
navanavabandha\-visheSha\-vinodita\-
yuvati\-shataM tava gAtram |
mR^igamada\-ku~Nkuma\-rajanI\-kajjala\-
yAvaka\-virachita\-chitram || 6||
kaitava\-kaushalamapi tava viditaM
tAM\-upayAhi samaunam |
svAdusaktu\-gamita\-praNayAmiva
na gaNaya mAmapi nUnam || 7||
tAvaka\-janamapi tAdR^isha\-sukhamapi
kimiti vihAya viShAdam |
kalayasi hAlAsyAdhipa mA kuru
punar\-alasAsu vivAdam || 8||

shlokAni
a~NgaM shR^i~NgAra\-tu~NgaM taruNima\-vitater\-antara~NgA apA~NgA
vaktraM shItAMshu\-mitraM jayatu madhukara\-shreNikA veNikA te |
dakSho vakShoja\-bhAraH smara\-samara\-samArambha\-sambhAvanIyaH
kAnte klAnte sakhi tvaM kathamasi vimukhI mAnmathe.api prapa~nche || 5||
tadanu smR^ita\-virahAM tAM virasa\-svAntAM viShAda\-sa~NkrAntAm |
prakaTita\-pashupati\-charitAmAlI malayadhvajAM prAha || 6||
\section{aShTAdashAShTapadI}
## Ashtapadi 18##
yarakalakAmbhojirAgeNa gIyate | AditAlaH |
sundaraM somasundaram |
nandaya sakhi sharad\-indu\-mukham ||dhruvam ||
ayi shivaM\-anunaya santyaja kopam |
janayasi sarase kimu paritApam || 1||
ruchira\-tad\-a~Nguli\-parichaya\-pR^ithulam |
saphalaya sapadi payodhara\-yugalam || 2||
tava madhurAdhara\-madhurima\-rasikam |
sakR^id\-avalokaya samarasa\-kutukam || 3||
viphala\-vichAra\-viShAda\-vidUnA |
sIdasi kimiti kalAvati dInA || 4||
prativadasi priyatamaM\-upayAtam |
taM ghaTayasi parayuvatI\-jAtam || 5||
karagataM\-amR^itaM vikirasi bAle |
ahaha kutUhala\-kusumita\-lIle || 6||
achiraM\-upAshraya kuvalaya\-nayane |
sha~NkaraM\-abhinava\-kisalaya\-shayane || 7||
suguNa\-nidhe devi kuru mama vachanam |
smara\-hAlAsyAdhipa\-ratirasa\-rachanam || 8||

shlokAni
prAptashcha prArthanIyaH sudati vadati cha premasArAnusAraM
vAme kAmeShu\-bhinnaM vapur\-atimR^idulaM pashya pashyAlikasya |
mAnaM maunaM cha mA gAH sakhi sukhaya ratau satvarA jitvarA tvaM
rantur\-bhartur\-vadhUnAM\-abhilaShita\-sukha\-prApaNaH shlAghanIyaH || 7||
tasmin\-dinAnta\-samaye sahasA girIsho
doShA\-nuchintana\-kaShAyita\-lochanAM tAm |
ArAd\-upetya vinayena muhuH shvasantIM
savrIDa\-namra\-vadanaH svayaM\-ityuvAcha || 8||
\section{ekonaviMshAShTapadI |}
## Ashtapadi 19##
mukhArirAgeNa gIyate | jhampAtAlaH |
priye mInanayane
visR^ija mayi roShaM\-avichAram |
rahasi kR^ita\-dUShaNaM ramaNi mama bhUShaNaM
kalaya parirambhaM\-upahAram ||dhruvam ||
prasaratu tava praNaya\-sarasaM\-avalokanaM
bhajatu jagad\-amR^itarasa\-sekam |
vachanamapi saprema yadi bhavati tAvakaM
vashayAmi madanaM\-atilokam || 1||
taruNi tava lochanaM na kalaya ruShAruNaM
dalita\-kokanada\-dala\-samAnam |
vividha\-rati\-sAhasair\-adhirajani jAgarAd\-
anurAgaM\-anuvahatu nUnam || 2||
kalakaNThi kimiti mayi doSha\-parigaNanena
mukharayasi mukha\-kamala\-nAlam |
smara\-samara\-kAhalI\-kalakala\-vijR^imbhitaM
maNitaM\-anunaya madhura\-lIlam || 3||
shvasita\-pavanena parishIlayasi vepathuM
vidruma\-latA~Ngi kiM\-adhIram |
viShama\-rati\-rabhasena kucha\-likucha\-tANDavaM
viyati kalpaya tarala\-hAram || 4||
pratiphalita\-tATa~Nka\-maNi\-kiraNa\-ra~njitaM
na tiraya kareNa sukapolam |
ghanasAra\-vITikA\-kabalaM\-atisaurabhaM
dehi mama jita\-madhura\-jAlam || 5||
lalita\-valita\-grIvaM\-unnamita\-vadanaM\-ayi
mayi kiM\-anuchintanaM\-apAram |
radanadara\-saMsarga\-nirgalan\-madhurasaM
vitara madhurAdharaM\-udAram || 6||
gajadanuja\-kumbha\-dR^ita\-muktAphalojjvalaM
maNisaraM gamaya kucha\-bhAram |
anuyAtu shashikalA tAraka\-samAjamiva
mama karaja\-rekhAnuvAram || 7||
haMsaka\-jhala~njhalita\-mukhara\-pada\-pa~NkajaM
mama hR^idi nidhehi sukumAram |
smara\-tApa\-shamanAya varShatu sudhArasaM
hAlAsya\-kR^ita\-rAjya\-bhAram || 8||

shlokAni
yadi cha kupitaM cheto hetuM vinaiva tava priye
prahara paruShaM veNyA vANyA vininda ruShaM tvaja |
ahaha dahati krUro mAraH prayujya sharAn\-bahUn\-
vyathita\-vapuShaM vAme bhAme kathaM samupekShase || 9||
dishi mama darasmerAM dR^iShTiM dished\-avalokya\-mAM
trichatura\-padaM pratyudgachChen\-nitamba\-bharAlasA |
upagatamapi premAveshAn\-nigUhana\-chumbana\-
prathama\-vachanair\-dhanyaM kuryAt\-priye bhavatI kadA || 10||
anunaya\-vinayAbhyAM prApayitvA prasAdaM
gatavati madhureshe ma~nju sa~Nketa\-ku~Njam |
tadanu shabara\-netrAM prApya kAchit\-pradoShe
chaturataraM\-avAdId\-ratnapeTIM dadhAnA || 11||
\section{viMshAShTapadI}
## Ashtapadi 20##
kalyANIrAgeNa gIyate | mishraChAp tAlaH |
kAnte shashimakutaM\-abhisara |
kAtara\-lochane ||dhruvam ||
tava hR^idayA\-nusaraNa\-chaturaM rati\-kaushala\-garima\-dhurINam |
vegavatI\-taTa\-kusumita\-va~njula\-ku~nje kR^ita\-mR^idugAnam || 1||
navamaNi\-kA~nchI\-kalarava\-bodhita\-shuka\-kokila\-parivAram |
pratipadaM\-anunaya jaghana\-stana\-bhara\-vighnita\-gamana\-vichAram || 2||
ahamahamikayA navanava\-kusuma\-madhUli\-chalad\-aligu~nje |
naTati vilokaya nava\-pavanAhata\-ma~njarikA\-navaku~nje || 3||
kanaka\-dukUla\-chakachchakita\-stana\-kalasha\-yugAntara\-lagnam |
mR^idu parivelaya maNisaraM\-upakuru karakamalena valagnam || 4||
sha~Nkita\-navajalad\-Agama\-timira\-vilokana\-naTita\-mayUram |
ayanaM\-upAshraya vividha\-parAga\-bharAlasa\-malaya\-samIram || 5||
nayana\-vilAsa\-vinirmita\-kuvalaya\-mAlikayaiva vanAntam |
bhUShaya darahasitA~Nkura kusumair\-upasara sakhi tava kAntam || 6||
avagatameva sakhIbhir\-udAhara tava pati\-samarasa\-bhAvam |
sphurad\-adharaM muhur\-upachita\-pulakaM na tiraya bhavad\-anubhAvam || 7||
anati\-vibhUShaNaM\-akhilA\-vayavaM priya\-ghaTanAya tavA~Ngam |
kalaya vilAsini vashitAna~NgaM hAlAsyAdhipasa~Ngam || 8||
iti shrImat\-paramashivAtivAdimUrdhanyasya sadAshiva\-dIkShitasya kR^itiShu
chatuHShaShTi\-lIlAsa~Ngrahe gItasundare pa~nchamaH sargaH ||
\section{ShaShThaH sargaH}
## Sarga 6##

shlokAni
rantuH puShpavatIM divA dinamaNer\-bhUyaH pradoShAgame
tAmisrAli\-miShAd\-akIrtti\-paTalI vyApnoti sarvA dishaH |
kiM chehAbhisarad\-vadhUkachamarAmoda\-priyA ShaTpada\-
shreNir\-nIla\-saroja\-kAnana\-dhiyA vyagrA parikrAmati || 1||
tanu\-prabhA\-kalpita\-chAru\-chitrakaM
salIla\-saMvyAnamiva stanAntare |
nirantarAyaM parirambha\-sambhramaM
kalAvatInAM tanute chiraM tamaH || 2||
\section{ekaviMshAShTapadI}
## Ashtapadi 21##
ghaNTArAgeNa gIyate | jhampAtAlaH |
pashya lalite sha~Nkara\-vilAsam |
pashya lalite ||dhruvam ||
jalada\-ruchi\-valabhid\-upalAkara\-ghane |
vilasa sakhi vidyudiva mInanayane || 1||
kanakamahi\-parilasita\-dhAtu\-nikare |
iha nivasa maNiriva sugandhi\-chikure || 2||
shashi\-kiraNa\-vishada\-taTa\-saudha\-nikaTe |
iha bhava chakorIva chandra\-makuTe || 3||
nalinI\-dalA\-rachita\-mR^idula\-shayane |
iha chara marAlIva manda\-gamane || 4||
vanapavana\-daradalita\-sumavitAne |
iha ninada ratiriva sulalita\-gAne || 5||
komala\-tamAladala\-kR^ita\-kuTIre |
iha jaya mayUrIva suguNahAre || 6||
atiruchira\-navaratna\-kuTTimapade |
iha vihara ma~njIra\-shi~njita\-pade || 7||
atishayita\-hAlAsya\-sthala\-sad\-upavane |
iha ramaya shivamavita\-sakala\-bhuvane || 8||

shlokAni
nisarga\-kacha\-saurabha\-pratipada\-pratiShThApake
tava priyatame sakhi prasava\-chApa\-tApAdhike |
pramardita\-ghanastana\-stabaka\-lipta\-kastUrikA\-
karambita\-karAmbuje na kalaya pratIpaM vR^ithA || 4||
AlIShu kila dAkShiNyAt\-kelIshuka\-sahAyinI |
sAnanda\-madanA prApa mInAkShI sundareshvaram || 5||
\section{dvAviMshAShTapadI}
## Ashtapadi 22##
madhyamAvatIrAgeNa gIyate | AditAlaH |
madhurAdhipatiM parichita\-samarasa\-bhAvam |
sA nananda samavekShya samAhita\-kusuma\-sarAsana\-bhAvam ||dhruvam ||
mInAkShI savilAsa\-samAgama\-samudita\-bahuvidha\-lIlam |
vimala\-kalAnidhimiva sharad\-ujjvala\-rAkA\-ra~njana\-shIlam || 1||
vishadaM\-uraHsthalaM\-adhigata\-navamaNi\-khachita\-manohara\-bhUSham |
amR^ita\-payonidhi\-madhyabhAgamiva samaNidvIpa\-visheSham || 2||
gaurI\-kucha\-bharaM\-anukalayantaM sarasa\-kaTAkSha\-vihAram |
kanaka\-mahIdhara\-shikharA~nchitamiva pArijAta\-sumahAram || 3||
ku~Nkuma\-rajasA galanIla\-ruchiM vidadhataM\-upari sudUram |
chalita\-kadamba\-parAga\-vidhUsaramiva madhukaraM\-anuvAram || 4||
kalita\-kapola\-vikAsa\-darasmitaM\-anurata\-madakala\-gItam |
premapUraM\-atila~Nghita\-velaM bahiriva muhur\-anuyAtam || 5||
sita\-sukumAra\-sharIraM\-uda~nchita\-vidruma\-rAga\-dukUlam |
rAjahaMsamiva navayAvaka\-rasa\-ra~njita\-pakSha\-vilolam || 6||
marakata\-valaya\-vibhUShita\-pATala\-komala\-karayuga\-sImam |
vara\-tApi~nCha\-stabakAla~NkR^ita\-pallava\-sharamiva kAmam || 7||
niTila\-virAjita\-kAshmIra\-tilakaM\-amita\-kutUhala\-sAndram |
hAlAsya\-purI\-saudha\-shR^i~Nga\-maNi\-ruchi\-ra~njitamiva chandram || 8||

shlokAni
darasmerApA~Nga\-sphurita\-mR^idu\-shoNAdhara\-dalaM
chalat\-karNottaMsaM kusuma\-shayanopAntagamane |
tadAnIM mInAkShyAH pati\-samarasA\-loka\-kutukAd\-
udIto romA~nchaH smara\-samara\-rakShA\-kavachitaH || 6||
lIlAshukaM priyatamasya kare vidhAtuM
savrIDa\-sasmita\-sasAdhvasaM\-udyatAyAH |
tasyA manobhava\-vilAsa\-vashaMvadAyA
AlIjanair\-upagatA bahireva vR^ittiH || 7||
tadanu vijane kelI\-ku~nje sapallava\-mallikA\-
kuvalaya\-dalAkalpe talpe tara~Ngita\-vIkShaNAm |
sarasa\-lalita\-prema\-sthema\-prapa~nchana\-kAtarAM\-
anukala\-navavrIDAM kAntAM jagAda jagatpatiH || 8||
\section{trayoviMshAShTapadI}
## Ashtapadi 23##
nAdanAmakriyArAgeNa gIyate | AditAlaH |
lalite sapadi sadAshivam |
samarasaM\-anubhava kAtaram ||dhruvam ||
pravisha yavanikAM nivisha mamA~Nke rambhoru priyasAre |
mAmiva pANi\-sparsha\-vilolaM tava shukaM\-anuvada dhIre || 1||
visR^ija vishR^i~Nkhala\-ratigata\-vaibhava\-virasa\-vilajjita\-bhedam |
vidalita\-sheSha\-nicholaM\-ivArpita\-gurukucha\-sandhi\-viShAdam || 2||
mardana\-cha~nchala\-nakhakiraNair\-avalokaya kucha\-taTa\-rAgam |
madana\-mada\-dvipakumbha\-vijR^imbhitamiva sindUra\-parAgam || 3||
vinamita veNikaM\-unnamitA\-nanaM\-adharA\-svAda\-visha~Nkam |
na gamaya nakhamukha\-ghAtaM\-imaM sakhi punariva virahAta~Nkam || 4||
mR^idula\-bhujAntara\-valayita\-kandhara\-bahulita\-rAgaM\-apAre |
mAM\-Ali~Ngya sumAshuga\-taptaM snapaya sukhAmR^ita\-sAre || 5||
rUpa\-vilokana\-vachanAkarNana\-vadanAsvAda\-sarUpam |
anura~njaya mAM\-atanu\-parAjitaM\-abhimukha\-sarasAlApam || 6||
akR^ita\-shruti\-patha\-la~Nghanamiva tava nayanAkarNa\-vilAsam |
amR^ita\-vila~Nghana\-bhIrumivA\-~nchasi muhur\-adharAvadhi\-hAsam || 7||
samarati\-paravasha\-sa~njIvanamiva malaya\-samIra\-kumAram |
anurata\-maNita\-vilAsair\-anunaya navahAlAsya\-vihAram || 8||

shlokAni
AshAsyaM mama pUrayeti sarasaM samprArthitAyAs\-tadA
vaktuM ki~nchid\-uda~nchite.adharadale mandAkShamagnaM vachaH |
aMsAvartitaM\-AnanaM pulakitaM tATa~Nka\-ratna\-prabhA\-
ramyaM gaNDatalaM muhur\-vivalitA dR^iShTiH priyasyAdhare || 9||
prema\-pUra\-parIvAha\-kaTAkSh\-AviShkR^it\-AshayaH |
sha~NkaraH prAha mInAkShIM sAkUtaM rantuM\-ichChayA || 10||
\section{chaturviMshAShTapadI}
## Ashtapadi 24##
kalayAdhunA madanAhavaM mInAkShi nayanotsavam | (dhruvam ||
sarasa\-dR^iga~nchalabhalla\-puraskR^ita\-nakhArdha\-chandra\-prakare |
vilasati niShkramamANa\-manobhava\-ku~njara\-kumbha\-kuchAntare || 1||
shuka\-pika\-kokila\-chandira\-mAruta\-madhumAdhava\-parivAre |
dishi dishi sajjita\-madhura\-sharAsana\-sumashara\-vividha\-vihAre || 2||
maNita\-vijR^imbhita\-kAhali\-kalakala\-rava\-mukhare ratyagAre |
maNi\-rashanAkR^ita\-jayaghaNTAdhvani\-mishrita\-haMsaka\-raNita\-bhare || 3||
navanava\-vikasita\-romA~ncha\-kavachita\-tadid\-upamAna\-sharIre |
vashayati mAM\-avashaM rati\-sAhasa\-tatva\-nirUpaNa\-sundare || 4||
avirala\-sa~Ngata\-sUna\-sharA~nchita\-sarasa\-rasAla\-kisAle |
virahi\-manogata\-marma\-nikR^inta\-nakrakacha\-dhurandhara\-shIle || 5||
dR^iDha\-parirambhaNa\-chumbana\-tADana\-kArita\-gharmaja\-shIkare |
madhurima\-bharita\-sharAsa\-vilAsa\-kandalitAsya\-nishAkare || 6||
malaya\-samIraNa\-cha~nchala\-kuntala\-madhupAvR^ita\-mukha\-pa~Nkaje |
trijagad\-aha~NkR^iti\-jalanidhi\-shoShaNa\-maNDana\-maNDita\-kumbhaje || 7||
vijayaramA\-prathamAgama\-ma~Ngala\-vAdyaka\-vAdana\-sambhrame |
navarasa\-bharita\-vilAsa\-samedhita\-navahAlasya\-gR^ihottame || 8||

shlokAni
pratya~NgaM spR^ishataH karau niyamitau yad\-bAhumUle tayA
sthAnAd\-uchchalato yad\-Uru\-ghaTanaM shroNI\-taTenAhatam |
vakShojAta\-valI\-tara~Nga\-jaghanAbhoga\-shriyaM pashyato
daShTo.ayaM madhurAdharo.asya tadidaM shR^i~NgAra\-vIrAyitam || 11||
tattad\-bhAva\-kalA\-vilAsakatayA kAmaH kR^itArthas\-tayor\-
unmR^iShTa\-shramavAri\-shIkaratayA dhanyo.astu mandAnilaH |
dattAnyonya\-jayashriyoH samarati\-protsAhana\-prauDhayor\-
gaurIsha~Nkara\-maulichandrakalayor\-bhAgyaM tadanyAdR^isham || 12||
iti shrImat\-paramashivAtivAdimUrdhanyasya sadAshiva\-dIkShitasya kR^itiShu
chatuHShaShTi\-lIlAsa~Ngrahe gItasundare ShaShThaH sargaH ||
|| samAptaM gItasundaram ||
|| shivArpaNamastu ||

##

Composed by
Sadashiva Dikshita
Disciple of Sri Chokkanatha Dikshita Crest jewel
of Asthana Vidvans of Chatrapati
Sri Tulaja Maharaja of Thanjavur


\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}