% Text title : Gaurashankaravivahavarnanam % File name : gaurAshankaravivAhavarNanam.itx % Category : shiva, shivarahasya % Location : doc\_shiva % Transliterated by : Ruma Dewan % Proofread by : Ruma Dewan % Description/comments : shrIshivarahasyam | IshAkhyaH dvAdashamAMshaH | adhyAyaH 18 gaurAshaNkaravivAhaH | 13-57 || % Latest update : December 28, 2024 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Gaurashankaravivahavarnanam ..}## \itxtitle{.. gaurAsha~NkaravivAhavarNanam ..}##\endtitles ## (shivarahasyAntargate IshAkhye) (skandaproktam) || 1 | devaiH kR^itA gaNeshastutiH|| devA UchuH | pAshA~NkushakarAsaktamodakaM vighnanodakam || 13|| bodhakaM sarvashAstrANAM bhajAmo vighnanAshakam || 14|| vetaNDagaNDaM shashikhaNDasUnuM dAnodagaNDaM natadevaShaNDam | svabhaktavighnArtiharaprachaNDaM namAmkhaNDaM surahastichaNDam || 15|| nAkinAyakanatAbjapAdukaM vighnanAshavinAyakaM bhaje | viShNusAyakasubhaktidAyakaM praNamatAdya surA gaNanAyakam || 16|| hR^idantarvibhAntaM dhiyaM chodayantaM umAkAntamodapradaM satsudantam | prashAntaM sudAntaM hasantaM nadantaM vasantaM mudA taM bhajAmyekadantam || 17 (prashAntaM sudAntaM nadantaM hR^idanta\- rvasantaM mudA taM bhajAmyekadantam) || 17|| surAvanaM supAvanaM namajjanArtinAshanaM satAM hR^idekavAsinaM bhaje mata~NgajAnanam | sanAtanaM nira~njanaM phalAdisArabhojanaM svabhaktavighnanAshanaM bhaje mata~NgajAnanam || 18|| charAtarAdikAraNaM svabhaktapApahAriNaM bhavAmbudheH sutAraNaM prashAntakAmapUraNam | gajAnanaprasAdanaM paThanti ye manIShiNaH na te bhavanti duHkhitAnanA gaNeshashAsanAt || 19|| || 2 | mahAdevasya vedipraveshavarNanam|| vediM praveshayAmAsa mahAdevaM suraiH saha | ratnasihmAsane divye saMsthApya parameshvaram || 21|| pAdau prakShAlya devasya ratnabhR^i~NgArajairjalaiH | menAkarAntaniryAtaiH samprokShyAtha svAmauliShu || 22|| brahmaviShNvAdivibudhAH kR^itArthA giriNA saha | tatrAha viShNurdevesho brahmANaM taM vilokayan || 23|| bhavAnahaM samutpannau devasya bhujayoH purA | lalATataTato rudraH surA munigaNaiH saha || 24|| eShA haimavatI gaurI mAyA sA parameShThinaH | sa~njAnan lokasidhyarthamudvAhArthamihAgataH || 25|| bhavo.asau jagatAM dhAtA pitA tava mamApi cha | mAtA devI sadA.asmAkaM yayorudvAhama~Ngalam || 26|| pashyAmo dhanyanetrAbhyAM vimuktabhavabandhanAH | asyaiva mUrtibhirvyAptaM jagatsarvaM charAcharam || 27|| kShityambvagnyanilAkAshasUryendvAtmA cha dIkShitaH | mahAdevo mahAnAtmA svatantraH sarvahR^idgataH || 28|| tadA sa girirAT tatra menayA.apUjayadvaram | madhuparkeNa vidhinA puShpairgandhairmanoramaiH || 29|| dhUpairdIpaishcha naivedyairvAso.ala~NkArabhUShaNaiH | gAmarghyaM shambhave datvA tAmanuj~nApya sha~NkaraH || 30|| saMsthitaH surasa~Nghaishcha gaNairvIjitachAmaraH | nadatsu devatUryeShu gAyatsu sumanoharam || 31|| kIryamANeShu puShpeShu sAkShateShu sabhA~NgaNe | sadasyeShu surendreShu gaNeShu cha mahatsu cha || 32|| gargodite shubhe lagne girirAT menayA tadA | girijAM samala~NkR^itya vimalAM varabhUShaNaiH || 33|| samAnIya mahAdevIM tadA pratya~NmukhasthitAm | vIjitAM chAmaraistatra sakhIbhiH saMvR^itAM shivAm || 34|| madhyepaTadharAvAstAM tadA shakraharI mudA | surAH sArdrAkShatAhastAstasthuH prA~njalayo gaNAH || 35|| stimite vAdyaghoShe cha jepustatra maharShayaH | vasiShTho vAmadevashcha gautamo.atrirbhR^igustathA || 36|| jamadagniH kAshyapashcha bharadvAjo maharShayaH | pratyekaM ma~NgalaM padyaM paThanti sma shivotsave || 37|| || 3 | R^iShibhiHproktaM ma~NgalapAThaH|| vasiShTha uvAcha | maurvImUrdhnirathaH sharAsanashiraHsa~nchArichakradvayaM chakrAntarnihitaH sharastadudare sUtastadAsye hayAH | teShAmeva shiraHsu devavasatiryasyeti yasyashrutaM devAshchitraparichChadaH sa bhagavAn kuryAtsadA ma~Ngalam || 38|| vAmadeva uvAcha | yo devaH shrutishekhareShu vidito yaM bhAsakaM jAnate yena bhrAmyati lokajAlamakhilaM yasmai namaskurvate | yasmAnnAparamasti ki~nchidapi vai yasyA~Ngametajjagat yasmiMstiShThati sarvameva bhuvanaM kuryAtsadA(sa me)ma~Ngalam || 39|| gautama uvAcha | vishvAtmA bhagavAn charAcharatanurvishvAtmako.ayaM shivo vedAntaprathiruvaibhavapado niHshvAsavedo haraH | yo gaurIramaNo.atra nirjaravaro vishvaprakAshAtmako vidhvastAkhilabhaktapAtakakulaH kuryAtsa me ma~Ngalam || 40|| atriruvAcha | yaM devA na hi jAnate puraharaM shambhuM bhavAnIpatiM vishvAtmAnamanantaviShNuvidhibhiH saMsevyapAdAmbujam | taM sarvAdiguruM manojavapuShaM gaurIvivAhotsukaM vande tachcharaNAmbujanmayugalaM kuryAtsadAma~Ngalam || 41|| bhR^iguruvAcha | yadbhItyA pavate.anilo.api sahasA vishvodayastho raviH agnishchordhvashikho bhavatyanudinaM shakraH surAn pAti vai | mR^ityurdhAvati yadbhayena sutarAM mR^ityu~njayasyAj~nayA yaM sAmbaM hR^idaye bhajanti munayaH so.ayaM shivAyAstu naH || 42|| jamadagniruvAcha | yo viShNorjanitA surAsuragururvedAntavedyo haro yatpAdAmbujapUjanena jagatI dhanyA kR^itArthA.abhavat | dhanyo.ayaM girirAjarAjatilakaH satpAtrakanyArpaNAt nAnyaM jAnatha sha~NkarAt suravarAH kuryAtsa vo ma~Ngalam || 43|| kAshyapa uvAcha | sevArthAgatavighnarATguhalasadvAhekShaNAbhyuttha ta\- tpratyAyAta bhuja~NgaphUtkR^itikanadbhAlAgnikIlotkaraiH | indusyandisudhopajIvitakarivyAghrAdinAdArbhaTI\- bhItAkShAvanatatparAgirisutAkAntekShaNAnma~Ngalam || 44|| bharadvAja uvAcha | kAruNyAmR^itasArapUritalasannetrAntasaMvIkShaNa\- trailokyAvanadIkShitaM japavaTIrAjatkarAmbhoruham | sAmbaM nirjaradIrdhikApravilasatsamphullapadmAvalI\- dhUlIdhUsarakarburojjvalajaTArekhaM bhaje shreyase || 45|| itthaM ma~NgalavAkyAni prayu~njAnA maharShayaH | || 4 | shivashivApANigrahaNavarNanam|| akShatAn vyakiran gaurIsha~Nkaropari sAdaram || 46|| tatrAbhivIkShya ratimeva suduHkhitAM tA\- mambAmudaikShata shivaH smarasampradAne | sA sharvavaktramabhivIkShya dayAntara~NgA chakre.a~Ngasa~Nginamana~NgaM mapA~NgapAtaiH || 47|| ajo.api lAjairvaravahnimaulau juhAva mantrairmunivaryajuShTaH | svachAruvaktraiH shashikhaNDabhUShaNaM vilokya naitrairmudamApa vismitaH || 48|| dadau sa bhR^i~NgArikadhArayA samaM sa menayA bhUdharanAyakaH kare | harasya hastAbjatale bhavAnyAH pANiM dadatpAtramaho babhUva || 49|| surAstadochurmunayo girIshvaraM dhanyo hi mAnyo harapAtradAtA | pratigrahItApi maheshvaraH svayaM dhanyA kilaiShA jagatAM janitrI || 50|| pANigrahe parvatarAjaputryAH pAdAmbujaM pANisaroruhAbhyAm | ashmAnamAropayataH smarAre\- rmandasmitaM ma~NgalamAtanotu || 51|| pradakShiNAvartashikhaM hi vahniM bibhyantaM enaM kramaNena tau shivau | parItya sheShaM vidhinA samApya mudA tadA tasthatureva harShitau || 52|| nIrAjya gaurIsahitaM maheshvaraM menA tadA sA praNanAma hR^iShTA | girIshvarashchApi tadAdidampatI nanAma hR^iShTo girivaryajuShTaH || 53|| tAmbUlavishrANanagandhapuShpaiH surAsurAn bhUdharanAyakAMshcha | chakAra pUjAbhiratIva hR^iShTAn tuShTAntara~Ngo.atha shivAj~nayA hariH || 54|| gobhUhiraNyaM kanakAmbaraM vasu dvijeShu sarvarShiShu sha~NkarAj~nayA | vishrANako vaishravaNo mudA.abhUt tadA shivAyAH suvivAhama~Ngale || 55|| rudraM haridrA~NgamumA chakAra sA nyastatandrApi suchandrashekharam | tadAdripatnI gaNagItamandraiH suchandanArdra paTavAsabhUShitam || 56|| haro.api devyA vijahAra harShita\- shchakAra puShpaiH sahakArapUjAm || 57|| || iti shivarahasyAntargate gaurAsha~NkaravivAhavarNanaM sampUrNam || \- || shrIshivarahasyam | IshAkhyaH dvAdashamAMshaH | adhyAyaH 18 gaurAsha~NkaravivAhaH | 13\-57 || ## - .. shrIshivarahasyam . IshAkhyaH dvAdashamAMshaH . adhyAyaH 18 gaurAshankaravivAhaH . 13-57 .. Notes: || 1 | Devaiḥ Kṝtā GaṇeśaStutiḥ|| ##|| 1 | devaiH kR^itA gaNeshastutiH ||## Deva-s ##devAH## eulogize Gaṇeśa ##gaNesha## upon being instructed by Śiva ##shiva## to do so as He reaches the gates of the abode of Himācala ##himAchala##, for the Ceremony of Pāṇigrahaṇa ##pANigrahaNa## of Pārvatī ##pArvatI##. || 2 | Mahādevasya VedipraveśaVarṇanam|| ##|| 2 | mahAdevasya vedipraveshavarNanam ||## Mahādeva ##mahAdeva## makes entry into the Vedi ##vedi## where the procedure of Pāṇigrahaṇa ##pANigrahaNa## would be conducted. Mahādevī ##mahAdevI## is escorted to the Vedi ##vedi## in due course amidst a musical ambience. || 3 | ṚṣibhiḥProktaṁ MaṅgalaPāṭhaḥ|| ##|| 3 | R^iShibhiHproktaM ma~NgalapAThaH ||## Ṛṣi-s ##R^iShayaH## individually recite the MaṅgalaPāṭhaḥ ##ma~NgalapAThaH## ahead of the Pāṇigrahaṇa ##pANigrahaNa## ceremony. || 4 | ŚivaŚivāPāṇigrahaṇaVarṇanam|| ##|| 4 | shivashivApANigrahaNavarNanam ||## Pāṇigrahaṇa ##pANigrahaNa## ceremony of Mahādeva ##mahAdeva## and Mahādevī ##mahAdevI## comes to be to the delight of everyone present.## ## Proofread by Ruma Dewan \medskip\hrule\obeylines Please send corrections to sanskrit@cheerful.com Last updated \today https://sanskritdocuments.org \end{document}