% Text title            : Gautamamaharshikritam Shiva Stotram
% File name             : gautamamaharShikRRitaMshivastotram.itx
% Category              : shiva, brahmapurANa, stotra
% Location              : doc\_shiva
% Proofread by          : PSA Easwaran
% Description/comments  : brahmapurANa | adhyAya 75/4-24||
% Latest update         : September 29, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Gautamamaharshikritam Shiva Stotram ..}##
\itxtitle{.. gautamamaharShikR^itaM shivastotram ..}##\endtitles ##
gautama uvAcha |
bhogArthinAM bhogamabhIpsitaM cha dAtuM mahAntyaShTavapUMShi dhatte |
somo janAnAM guNavanti nityaM devaM mahAdevamiti stuvanti || 4||
kartuM svakIyairviShayaiH sukhAni bhartuM samastaM sacharAcharaM cha |
sampattaye hyasya vivR^iddhaye cha mahImayaM rUpamitIshvarasya || 5||
sR^iShTeH sthiteH saMharaNAya bhUmerAdhAramAdhAtumapAM svarUpam |
bheje shivaH shAntatanurjanAnAM sukhAya dharmAya jagatpratiShThitam || 6||
kAlavyavasthAmamR^itasravaM cha jIvasthitiM sR^iShTimatho vinAshanam |
mudaM prajAnAM sukhamunnatiM cha chakre.arkachandrAgnimayaM sharIram || 7||
vR^iddhiM gatiM shaktimathAkSharANi jIvavyavasthAM mudamapyanekAm |
sraShTuM kR^itaM vAyuritIsharUpaM tvaM votsi nUnaM bhagavanbhavantam || 8||
bhedairvinA naiva kR^itirna dharmo nAtmIyamanyanna disho.antarikSham |
dyAvApR^ithivyau na cha bhuktimuktI tasmAdidaM vyomavapustavesha || 9||
dharmaM vyavasthApayituM vyavasya R^iksAmashAstrANi yajushcha shAkhAH |
loke cha gAthAH smR^itayaH purANamityAdishabdAtmakatAmupaiti || 10||
yaShTA kraturyAnyapi sAdhanAni R^itvikpradeshaM phaladeshakAlAH |
tvameva shambho paramArthatattvaM vadanti yaj~nA~NgamayaM vapuste || 11||
kartA pradAtA pratibhUH pradAnaM sarvaj~nasAkShI puruShaH parashcha |
pratyAtmabhUtaH paramArtharUpastvameva sarvaM kimu vAgvilAsaiH || 12||
na vedashAstrairgurubhiH pradiShTo na nAsi bud.hdhyAdibhirapradhR^iShyaH |
ajo.aprameyaH shivashabdavAchyastvamasti(meva)satyaM bhagavannamaste || 13||
AtmaikatAM svaprakR^itiM kadAchidaikShachChivaH sampadiyaM mameti |
pR^ithaktadaivAbhavadapratarkyAchintyaprabhAvo bahuvishvamUrtiH || 14||
bhAvo.abhivR^iddhA cha bhave bhave cha svakAraNaM kAraNamAsthitA cha |
nityA shivA sarvasulakShaNA vA vilakShaNA vishvakarasya shaktiH || 15||
utpAdanaM saMsthitirannavR^iddhilayAH satAM yatra sanAtanAste |
ekaiva mUrtirna samasti ki~nchidasAdhyamasyA dayitA harasya || 16||
yadarthamannAni dhanAni jIvA yachChanti kurvanti tapAMsi dharmAn |
sA.apIyamambA jagato janitrI priyA tu somasya mahAsukIrtiH || 17||
yadIkShitaM kA~NkShati vAsavo.api yannAmato ma~NgalamApnuyAchcha |
yA vyApya vishvaM vimalIkaroti somA sadA somasamAnarUpA || 18||
brahmAdijIvasya charAcharasya bud.hdhyakShichaitanyamanaHsukhAni |
yasyAH prasAdAtphalavanti nityaM vAgIshvarI lokaguroH suramyA || 19||
chaturmukhasyApi mano malInaM kimanyajantoriti chintya mAtA |
ga~NgA.avatAraM vividhairupAyaiH sarvaM jagatpAvayituM chakAra || 20||
shrutIH samAlakShya haraprabhutvaM vishvasya lokaH sakalaiH pramANaiH |
kR^itvA cha dharmAnbubhuje cha bhogAnvibhUtireShA tu sadAshivasya || 21||
kAryakriyAkArakasAdhanAnAM vedoditAnAmatha laukikAnAm |
yatsAdhyamutkR^iShTatamaM priyaM cha proktA cha sA siddhiranAdikartuH || 22||
dhyAtvA varaM brahma paraM pradhAnaM yatsArabhUtaM yadupAsitavyam |
yatprApya muktA na punarbhavanti sadyogino muktirumApatiH saH || 23||
yathA yathA shambhurameyamAyArUpANi dhatte jagato hitAya |
tadyogayogyAni tathaiva dhatse pativratAtvaM tvayi mAtarevam || 24||

iti brahmapurANe pa~nchasaptatitamAdhyAyAntargataM
         gautamamaharShikR^itaM shivastotraM samAptam |

brahmapurANa | adhyAya 75/4\-24||
##
brahmapurANa . adhyAya 75/4-24..

Proofread by PSA Easwaran 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}