% Text title            : Ghusrineshvara Mahatmya Varnanam
% File name             : ghusRRiNeshvaramahAtmyavarNanam.itx
% Category              : shiva, shivarahasya
% Location              : doc\_shiva
% Proofread by          : Ruma Dewan
% Description/comments  : shrIshivarahasyam | bhargAkhyaH panchamAMshaH | adhyAyaH 19| 1-34||
% Latest update         : June 18, 2023
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Ghusrineshvara Mahatmya Varnanam ..}##
\itxtitle{.. ghusR^iNeshvaramahAtmyavarNanam ..}##\endtitles ##
IshvaraH \-
astyekaM kShetramabale ghusR^iNIshvarasa~nj~nakam |
jyotirli~NgaM mahAdevi shrR^iNu tanmahimAM punaH || 1||
hR^itaratnAH purA sarve kShIrasAgarapUrvakAH |
samudrAsteShu sambhUya tapo.atapyanta dAruNam || 2||
parimlAnamukhAH sarve velAkallolavarjitAH |
hR^itamaNDaM yathA bhAti dadhibhANDaM surAdhipe || 3||
nissArabhUtA niHsArAH sAgarA mAmupAyayuH |
bhasmanoddhUlya sarvA~NgaM rudrAkShavaraka~NkaNAH || 4||
japantaH shatarudrIyaM pa~nchAkSharaparAyaNAH |
li~NgapUjAparA nityaM ghusR^iNIshArchane ratAH || 5||
bilvapatraishcha kamalaiH raktanIlotpalairapi |
tataH kAlAntare devasteShAM prAdurabhUtpuraH || 6||
dR^iShTvA shivaM tuShTuvaste samudrA mAM tadAmbike |
puNyamAryaM purArAtimarAtiM manmathasya cha || 7||
antakasya cha deveshaM maheshaM vR^iShabhadhvajam |
andhakAntakamAshAsyaM triyambakamumAsakham || 8||
praNamAmo mahAdevamudArA~NgaM kapardinam || 9||
      mahodArAdratnahArorukaNThaM bhusuNThIkarAbjaM garAnIlakaNTham |
gR^iNadrudrajApyAghahAraM harantaM mahAkAmaThatvak(?) parItaM luThantaH |
      sadA no bhavAbdhau paritrAhi shambho || 10||
tavA~NghridvandrArchyAvidhiniyatabhArAtmakatayA
      sadA nediShushchettvayi cha sahito jApanaparaH |
sa evAnugrAhyastava hi satataM hR^idyatama ityaho
      bhAvo bhAvairbhavahara bhavAbdhiM sa tarate || 11||
tava guNagaNagaNanA vA kena kAryA mahesha
      shrutishikharaniviShTaH shAntachittaikagamyaH |
bhuvanabhavanamadhye kashchidastyeva shambho
      tava padakamalotthAmodasammoditAtmA || 12||
asminmahatyarNavagastvamIsho
      vishvesha AshAsya iti pratItaH |
niSha~NgabhUtAnbhayatashcha sAgarAn
      asmAnatho pAhi mahesha diShTyA || 13|| (dR^iShTyA)

iti sAgaravAkyAni shrutvA.ahaM girije tadA |
teShAM prasanno hyabhavaM tAMstadA pUrayAmi vai || 14||
ratnairanarghyaiH shatashastimi~NgilagaNaistadA |
purAndhakAsuraM hatvA tadraktAktaM kare mama || 15||
na dhAryamiti deveshi bhUmau shUlaM mahattaram |
tadA tyaktaM mayA devi ghusR^iNIshvarasannidhau || 16||
shUlapAtamabhUnnAmnA tattIrthaM sumanoharam |
tatsAgarajalaiH pUrNaM shUlapAtaM mahatsaraH || 17||
vasanti shaivA niyataM shUlapAtasarastaTe |
pa~nchAgniniratAshchAnye vAyubhakShAstathApare || 18||
ashmakuTTA mahAdevi dantolUkhalinastathA |
sarve malli~NgapUjAbhiH nayantyAyurmunIshvarAH || 19||
bhasmAbhyaktAH sadA gauri shivanAmajapAdarAH |
tatra tAnsatataM dR^iShTvA nilimpA bhayakampitAH || 20||
indropendrA vachayitvA viShNordevapadeShu cha |
teShAM vA~nChA naiva gauri matpAdArchAparAyaNAH || 21||
tR^iNAya te maheshAni viShNvAdInAM padaM shubham |
matpAdabhAva sakalA bhAvAnAM bhUtayaH sadA || 22|| (saktAnAM)

pade pade bhaviShyanti bhAvukAni na saMshayaH |
bhavAni niyataM satyaM mama bhaktasya kevalam || 23||
madbhaktavaryairdhyartyastA lokAH sarve chaturdasha |
agastyenApi bhaktena sAgarAshchulakIkR^itAH || 24||
vIrabhadragaNenApi brahmaviShNvAdayaH surAH |
dakShayaj~ne tadA gauri shikShitAshchApi khaNDitAH || 25||
etAdR^ishAnAM bhaktAnAM sureShu gaNanA.api na |
kiM chaturdahalokotthashriyA teShAM bhaviShyati || 26||
ApAtamadhurA sA shrIH saMyogA hi viyogajAH |
dhanadhAnyAni sarvANi ratnAni vividhaM vasu || 27||
nashvarANyatiduHkhAni bhayamUlAni sha~Nkari |
mama bhaktiH sadA gauri anashvarasukhaM dhanam || 28||
muktaye mama bhaktishcha bandhAya narakAya cha |
dhanaM tadbhautikaM gauriM sarvApannilayaM sadA || 29||
AnandakandaM madbhaktirmokShadA kAmadA dhruvam |
tayA bhaktyA virAjante chandrarekheva shAradI || 30||
madbhaktA niyatAH sarve vasanti shivapUjakAH |
tR^iNIkR^itendrachandrAnAM teShAM svargastu tuchChakaH || 31||
achChAnAM cha nirichChAnAM machChAsanayatAtmanAm |
AnandananditasvAnta AnandaghanapUjayA || 32||
te vai shivarasAsvAdananditAkhilavR^ittayaH |
ghusR^iNIshapadadvandvapUjAkShapitakalmaShAH || 33||
vasanti satataM shaivAH tasminkShetre girIndraje || 34||

|| iti shivarahasyAntargate shivapArvatIsaMvAde ghusR^iNeshvaramahAtmyavarNanaM sampUrNam ||

\- || shrIshivarahasyam | bhargAkhyaH pa~nchamAMshaH | adhyAyaH 19| 1\-34||
##
- .. shrIshivarahasyam . bhargAkhyaH panchamAMshaH . adhyAyaH 19. 1-34..
Notes:
Shiva describes to Parvati, the glory and merits of worshipping at Ghusrneshwara Jyotirlinga located near Bhimarathi river.

The shloka numbers are maintained per the source text.

Proofread by Ruma Dewan

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}