% Text title            : Gokarnamahalinge Vasumanonripanushthita Pradoshapujakainkarya Varnanam
% File name             : gokarNamahAlingevasumanonRRipAnuShThitapradoShapUjAkainkaryavarNanam.itx
% Category              : shiva, shivarahasya, pUjA
% Location              : doc\_shiva
% Proofread by          : Ruma Dewan
% Description/comments  : shrIshivarahasyam | bhargAkhyaH panchamAMshaH | adhyAyaH 23| 58ba-87||
% Latest update         : June 18, 2023
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Gokarnamahalinge Vasumanonripanushthita Pradoshapujakainkarya Varnanam ..}##
\itxtitle{.. gokarNamahAli~Nge vasumanonR^ipAnuShThita pradoShapUjAkai~NkaryavarNanam ..}##\endtitles ##
(shivagaurIsaMvAde)
IshvaraH \-
purA vasumanA nAma rAjAsIdatidhArmikaH || 58||
vidarbhaviShaye devi sa kai~Nkaryaparo mama |
nAnAprakArashobhADhyairbhUdharAkAragopuraiH || 59||
prAkArarAjadvR^iShabhairdhUyamAnapatAkakaiH |
navaratnachitAnekamaNDapaiH shobhitaM nR^ipaH || 60||
vAhanaishchaiva deveshi rathaishcha shatachakrakaiH |
madAgAraparo rAjA muktyagArAdhinAyakaH || 61||
ChatrachAmarajAlaishcha svarNashayyAdibhAjanaiH |
kShaumAmbaraiH svarNaklR^iptaiH bhUShaNairmaNikalpitaiH || 62||
kArayAmAsa nR^ipatirgolakaM ratnanirmitam |
dhUpairdIpaishcha naivedyaiH snApanIyairaharnisham || 63||
salakShagoghR^itApAradIpairdIpayadambike |
tAmbUlaparvatAMshchApi dattavAnmatkR^ipAptaye || 64||
karpUrakhaNDaiH shatasho dIpayAmAsa mAM shive |
ChatrachAmarakoTIbhirvyajanAdarshakairapi || 65||
nAnAvAdyaravairdevi pUrayAmAsa madgR^iham |
nATyA~NganAstadA tena kalpitAH sumanoharAH || 66||
sahasraM kambukaNThyastAH pInashroNipayodharAH |
shaivAnsambhojayAmAsa shivanaivedyarAshibhiH || 67||
praphullapuShpArAmaM cha matpUjArthaM prakalpayat |
somavArapradoSheShu chaturdashyaShTamIShu cha || 68||
shivarAtriShu deveshi parvasvapi visheShataH |
pUjayatyeva bhUpAlo nityAddashaguNaM shive || 69||
tatpradoShe kR^itAM pUjAM shrR^iNu tvamagaje shubhAm |
shrutvA.api labhate gauri mama lokaM na saMshayaH || 70||
pradoShe pUjanaM kurvannityamAste prahR^iShTadhIH |
gokarNeshaM mahAli~NgaM pashyannaShTorukilbiShaH || 71||
pradoShapUjAratachittavR^ittiH nR^ipastadA matpadapUjanotsavaiH |
samabhyaShi~nchadgirije maheshaM gokarNali~NgasyamapArabhAgyaiH || 72||
kShIrAjyAdighaTaiH sutailajaghaTaiH sakShaudrasachCharkarAbhAraiH
      khaNDadadhiprasarpitasusarpyutthAjyamaNDAdibhiH |
rambhAmrAdiphalaistathekShujarasairjambIranI raiH shivaiH
      sannArikelodbhavadravatsukShaudramahorukoshaiH || 73||
Asichya gandhodakaratrapuShpasauvarNanIraishcha sugandhapUraiH |
pATIrasArairmR^iganAbhipUraiH karpUrasAraishcha sushodhitairjalaiH || 74||
Alimpya gandhaishcha tadoruli~NgaM saMveShTya shubhrottamadhautavastraiH |
datvopavItAnyupavItine me akhaNDashAlyudbhavataNDulAkShataiH || 75||
anarghyaratnottama bhUShaNairmAmabhUShayaddevi tadA nR^ipAgraNIH |
bilvaishcha padmaiH karavIramallikAjAtIphalaiH gandhaphalIsaraishcha || 76||
utphullanIlotpalapuNDarIkaiH kalhArajAlairaravindapuShpaiH |
samarchayannAmasahasrato nR^ipastadA mudA mAM shashishekharaM shivam || 77||
bilvatvakparikalpitAgarurasairdhUpastadA dIyate
      dIpairgoghR^itapUritairatisitairvartIbhiratyujjvalaiH |
naivedyairddadhikhaNDasArasubhagaiH satsopadaMshAnvitaiH
      sUpApUpAdirAshiprabhavaparimalAmodisvAdvannajAlaiH || 78||
shubhradroNasumaprabhAnnajamahArAshIbhirIshaM shive
      sUpApUpamarandasunadaramahAhaiya~NgavInotthitaiH |
AjyaiH prAjyaiH sutaptaprabhavaparimalaiH kAlakAle nivedya
      hR^iShTo.abhUt prArthivendro janishatavitatAnandapuNyaikamUrtiH || 79||
sannAgavallIdalabhArakalpitaiH niShTaptahemAdivishAlapAtraiH |
tAmbUlaiH katakairlava~NgamukharaiH pUgIphalaishchUrNakaiH || 80||
uDugaNapatimauliM dhenukarNeshali~NgaM turagaNagaNakR^iShTaiH vAdyajAlotthashabdaiH |
gaNapatikarashuNDAlagnaka~njotthanAdaiH dashashatavaradIpairdIpayAmAsa bhUpaH || 81||
sudhArasAragaNhotthitApAradIpairasraNDaishcha bilvaistadA.a.akhaNDalAdyAH |
sudhAdhAmakhaNDojvalanmaulili~NgamakhaNDekabodhAya nIrAjayanti || 82||
hara hara shiva sha~Nkara prasIda duritotthitatApaharAstadoShe |
iti suravarakinnaroktishabdaiH karabaddhA~njalibhistadA pradoShe || 83||
ChatraishchAmarakoTibhishcha girije mAM vIjayantyAdarA \-
      nmAyUrairvyajanaistathaiva vimalAdarshaishcha nATyairapi |
devi prastavanapradakShiNanamaskAraiH shivaM toShaya \-
      dbherIsha~NkhamR^ida~NgakAhalaravairnATyA~NganAkalpitaiH || 84||
nATyaistAlamR^ida~NganUpurajhaNatkArAravaiH sha~NkaraM santoShya
pramatheshvaraM sa mumude dhanyaH sa bhUpAgraNIH || 85||
rAjA \-
shrImadgokarNa shambho bhavashatajanitApAratApaikabha~NgaM
      tvalli~NgaM dR^iShTisa~NgaM yadi bhavati mahAbhAgyapUrNe jane.asmin |
kAle vItabhaye pradoShasamaye sarvaiH suraiH sevite
      tvatpAdAmburuhaM prakR^iShTabhavajApAravyathAM saMharet || 86||
shivaH \-
itthaM mAmambikeshaM suravaranikaraiH shA~Nkarairdevi puNyaiH
      kAle tasminpradoShe girivaratanaye sarvasaukhye.astadoShe |
bhUpastApairvihIno muditavasumanAH sanmAnAstatpadAbjaM
      sampUjyAlokya pUto mama gaNavarabhAgbhAgyavaryaH kR^ito me || 87||

|| iti shivarahasyAntargate shivagaurIsaMvAde gokarNamahAli~Nge vasumanonR^ipAnuShThita pradoShapUjAkai~NkaryavarNanaM sampUrNam ||

\- || shrIshivarahasyam | bhargAkhyaH pa~nchamAMshaH | adhyAyaH 23| 58ba\-87||
##
- .. shrIshivarahasyam . bhargAkhyaH panchamAMshaH . adhyAyaH 23. 58ba-87..
Notes:
Shiva describes to Devi, the Pradosha Puja conducted by King Vasumana at Gokaraneshwara MahaLinga; especially on Mondays (Somavara), (Krishna) Chaturdashi and (Krishna) Ashtami tithi-s, and Shivaratri-s.
The shlokas are maintained per the source text.

Proofread by Ruma Dewan

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}