% Text title            : Hiranyakashipukritam Brahmarudra Stotram
% File name             : hiraNyakashipukRRitaMbrahmarudrastotram.itx
% Category              : shiva, lakShmInArAyaNIyasaMhitA, stotra
% Location              : doc\_shiva
% Proofread by          : PSA Easwaran
% Description/comments  : lakShmInArAyaNIyasaMhitA | khaNDa 1 | adhyAya 135/71-83||
% Latest update         : December 25, 2025
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Hiranyakashipukritam Brahmarudra Stotram ..}##
\itxtitle{.. hiraNyakashipukR^itaM brahmarudrastotram ..}##\endtitles ##
rudraH prAha tadA daityaM kiM te manasi rochate || 71||
yadarthaM tapa AtiShTho vR^iNu varAndadAmyaham |
shrutvA dR^iShTvA cha varadaM natvA gadgadayA girA || 72||
namaH sarvAdhibhUtAya sarvAntaryAmiNe namaH |
tapaHphalapradAtre te brahmaNe shambhave namaH || 73||
namo.astu janakAyA.atrabhavate kashyapAya cha |
namo marIchaye tadvat sarvarShibhyo namo namaH || 74||
sarve shubhapradAtAro bhavantu mama sarvadA |
yadi deyA varA mahyaM pAtraM chAhaM mato.asmi vaH || 75||
surA.asuramanuShyANAM gandharvoragarakShasAm |
pashupakShimR^igANAM cha siddhAnAM cha mahAtmanAm || 76||
yakShavidyAdharANAM chodbhijjAnAM kinnarAtmanAm |
kimpuMsAM sarvarogANAM mantryAyudhAstrayantriNAm || 77||
sarveShAM dattashApAnAmavadhyatvaM cha me bhavet |
nA.antarbahirna divase na rAtrau chijjaDairna cha || 78||
na pR^ithvyAM nA.ambare mR^ityurmama syAdajasR^iShTitaH |
yuddhe chA.apratidvandvatvamaikapatyaM cha dehinAm || 79||
sarveShAM lokapAlAnAmIshvaratvamakhaNDitam |
tapoyogaprabhAvANAmavinAsho mamAstviti || 80||
ityete tu varAH sveShTA dIyantAM pitR^ibhishcha me |
brahmAj~nayA tadA rudraH prAha shiShyaM tapasvinam || 81||
shiShya chaite varAH janmavatAM tu durlabhAH sadA |
tathApi vitarAmo.adya kaH sR^iShTau shAshvato janaH || 82||
iti dattvA varAn rudrabrahmAdyAH ketanaM yayuH |
hiraNyakashipushchApi nivavR^ite tapaHsthalAt || 83||

iti shrIlakShmInArAyaNIyasaMhitAyAM prathame kR^itayugasantAne 135\-adhyAyAntargataM
hiraNyakashipu kR^itaM brahma\-rudrastotraM sampUrNam |

lakShmInArAyaNIyasaMhitA | khaNDa 1| adhyAya 135/71\-83||
##
lakShmInArAyaNIyasaMhitA . khaNDa 1. adhyAya 135/71-83..

Proofread by PSA Easwaran 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}