% Text title : Jaiminikritam Shiva Stotram % File name : jaiminikRRitaMshivastotram.itx % Category : shiva, bRRihannAradIyapurANa, stotra % Location : doc\_shiva % Proofread by : PSA Easwaran % Description/comments : bRRihannAradIyapurANa | uttarabhAga | adhyAya 73/29-148|| % Latest update : November 16, 2024 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Jaiminikritam Shiva Stotram ..}## \itxtitle{.. jaiminikR^itaM shivastotram ..}##\endtitles ## athAnandArNave magno dR^iShTvA nR^ityaM maheshituH | jaiminirvedapAdena stavenAstautsamAhitaH || 73\-28|| jaiminiruvAcha | viri~nchiviShNugirishapraNatA~Nghrisaroruhe | jagatsUte namastubhyaM devi kAmpilyavAsini || 73\-29|| vighneshavidhimAtaNDachandrendropendravandita | namo gaNapate tubhyaM brahmaNAM brahmaNaspate || 73\-30|| umAkomalahastAbjasambhAvitalalATakam | hiraNyakuNDalaM vande kumAraM puShkarasrajam || 73\-31|| shivaM brahmAdidurdarshaM naraH kaH stotumarhati | darshanAtte stutirme sA chAbhrAdvR^iShTirivAjani || 73\-32|| namaH shivAya sAmbAya namaH sharvAya shambhave | namo naTAya rudrAya sadasaspataye namaH || 73\-33|| pAdabhinnAya lokAya maulibhinnANDabhittaye | bhujabhrAntadigantAya bhUtAnAM pataye namaH || 73\-34|| kvaNannUpurayugmAya vilasatkR^ittivAsase | phaNIndramekhalAyAstu pashUnAM pataye namaH || 73\-35|| kAlakAlAya somAya yogine shUlapANaye | asthibhUShAya shuddhAya jagatAM pataye namaH || 73\-36|| pAtre sarvasya jagato netre sarvadivaukasAm | gotrANAM pataye tubhyaM kShetrANAM pataye namaH || 73\-37|| sha~NkarAya namastubhyaM ma~NgalAya namo namaH | dhanAnAM pataye tubhyamannAnAM pataye namaH | AtmAdhipataye tubhyaM namo mIDhuShTamAya cha || 73\-38|| aShTA~NgAyAtihR^idyAya kliShTabhakteShTadAyine | iShTighnAya sutuShTAya puShTAnAM pataye namaH || 73\-39|| pa~nchabhUtAdhipataye kAlAdhipataye namaH | nama AtmAdhipataye dishAM cha pataye namaH || 73\-40|| vishvakartre maheshAya vishvabhartre pinAkine | vishvahartre.agninetrAya vishvarUpAya vai namaH || 73\-41|| IshAna te tatpuruSha namo ghorAya te sadA | vAmadeva namaste.astu sadyojAtAya vai namaH || 73\-42|| bhUtibhUShAya bhaktAnAM bhItibha~NgapradAyine | namo bhavAya bhargAya namo rudrAya mIDhuShe || 73\-43|| sahasrAmbAya sAmbAya sahasrAbhIShave namaH | sahasrabAhave tubhyaM sahasrAkShAya mIDhuShe || 73\-44|| sukapolAya somAya sulalATAya subhruve | sudehAya namastubhyaM sumR^iDIkAya mIDhuShe || 73\-45|| bhavakleshanimittorubhayachChedakR^ite sadA | namastubhyamaShADhAya sahamAnAya mIDhuShe || 73\-46|| vande.ahaM devamAnandasandohaM lAsyasundaram | samastajagatAM nAthaM sadasaspatimadbhutam || 73\-47|| suja~NghaM sundaraM kShaumaM rakShobhUtakShatikShamam | yakShesheShTaM namAmIshamakSharaM paramaM prabhum || 73\-48|| arddhAlakamavastrArddhamasthyutpaladalasrajam | arddhapuMlakShaNaM vande puruShaM kR^iShNapi~Ngalam || 73\-49|| sakR^itpraNatasaMsAramahAsAgaratArakam | praNamAmi tamIshAnaM jagatastasthuShaspatim || 73\-50|| dhAtAraM jagatAmIshaM dAtAraM sarvasampadAm | netAraM marutAM vande jetAramaparAjitam || 73\-51|| taM tvAmantakanetAraM vande mandAkinIdharam | dadhAti vidadhadyo mAmimAni trINi viShTapA || 73\-52|| sarvaj~naM sarvagaM sarvaM kaviM vande tamIshvaram | yatashcha yajuShA sArddhamR^ichaH sAmAni jaj~nire || 73\-53|| bhavantaM sudR^ishaM vande bhUtabhavyabhavanti cha | tyajantItarakarmANi yo vishvAbhirvipashyati || 73\-54|| haraM suraniyantAraM harantamahamAnataH | yadAj~nayA jagatsarvaM vyApya nArAyaNaH sthitaH || 73\-55|| taM namAmi mahAdevaM yanniyogAdidaM jagat | kalpAdau bhagavAndhAtA yathApUrvamakalpayat || 73\-56|| IshvaraM tamahaM devaM yasya li~Ngamaharnisham | yajante saha bhAryAbhirindrajyeShThA marudgaNAH || 73\-57|| namAmi tamimaM rudraM yamabhyarchya sakR^itpurA | avApuH svaM svamaishvaryaM devAsaH pUSharAtayaH || 73\-58|| taM vande devamIshAnaM yaM shivaM hR^idayAmbuje | satataM yatayaH shAntAH sa~njAnAnA upAsate || 73\-59|| tadasmai satataM kurmo namaH kamalakAntaye | umAkuchapaToraska yA te rudrashivA tanUH || 73\-60|| namaste rudrabhAvAya namaste rudrakelaye | namaste rudrashAntyai cha namaste rudramanyave || 73\-61|| vedAshvarathaniShThAbhyAM pAdAbhyAM tripurAntaka | bANakArmukayuktAbhyAM bAhubhyAmuta te namaH || 73\-62|| namaste vAsukijyAya viShkirAya cha sha~NkaraH | mahate merurUpAya namaste astu dhanvane || 73\-63|| namaH parashave te.astu shUlAyAtularochiShe | hayagrIvAtmane tubhyamutota iShave namaH || 73\-64|| suretaravadhU hArahArINi hara yAni te | anyAnyastrANyahaM tUNa idaM tebhyo.akaraM namaH || 73\-65|| dharAdharasutAlIlAsarojAhatabAhave | tasmai tubhyamaghorAya namo asmA shravasya cha || 73\-66|| rakSha mAmaj~namakShINamashikShitamananyagam | anAthaM dInamApanne daridraM nIlalohitam || 73\-67|| durmukhaM duShkriyaM duShTaM rakShamAmIsha durdasham | AdR^ishA tamahaM na tvadanyaM vindAmi rAdhase || 73\-68|| bhavAkhyenAgninA shambho rAgadveShamadArchiShA | dayAlo dahyamAnAnAmasmAkamavitA bhava || 73\-69|| paradAraM parAvAsaM paravastraM parAshrayam | hara pAhi parAnnaM mAM puruNAmanpuruShTuta || 73\-70|| laukikairyatkR^itaM duShTairnAvamAnaM sahAmahe | devesha tava dAsebhyo bhUridA bhUri dehi naH || 73\-71|| kulokAnAmayatnAnAM garviNAmIsha pashyatAm | asmabhyaM kShetramAyushcha vasu spArhaM tadA bhara || 73\-72|| yA~nchAto mahatIM lajjAmasmadIyAM ghR^iNAnidhe | tvameva vetsi nastUrNamidaM stotR^ibhya Abhara || 73\-73|| jAyA mAtA pitA chAnye mAM dviShantyamitaM kR^isham | dehi me mahatIM vidyAM rAyA vishvapuShA saha || 73\-74|| adR^iShTArtheShu sarveShu dR^iShTArtheShvapi karmasu | merudhanvannashaktebhyo balaM dhehi tanUShu naH || 73\-75|| labdhAniShTasahasrasya nityamiShTaviyoginaH | hR^idrogaM mama devesha harimANaM cha nAshaya || 73\-76|| ye ye rogAH pishAchA vA narA devAshcha mAmiha | bAdhante devatAH sarvA nibAdhasva mahAnasi || 73\-77|| tvameva rakShitAsmAkamanyaH kashchinna vidyate | tasmAtsvIkR^itya devesha rakShA No brahmaNaspate || 73\-78|| tvamevomApate mAtA tvaM pitA tvaM pitAmahaH | tvamAyustvaM matistvaM shrIruta bhrAtota naH sakhA || 73\-79|| yatastvameva devesha kartA sarvasya karmaNaH | tataH kShamasva tatsarvaM yanmayA duShkR^itaM kR^itam || 73\-80|| tvatsamo na prabhutvena phalgutvena cha matsamaH | tato deva mahAdeva tvamasmAkaM tavasmasi || 73\-81|| susmitaM bhasmagaurA~NgaM taruNAdityavigraham | prasannavadanaM saurmya gAye tvA namasA girA || 73\-82|| eSha eva varo.asmAkaM nR^ityantaM tvAM sabhApatim | lokayantamumAkAntaM pashyema sharadaH shatam || 73\-83|| arogiNo mahAbhAga vidvAMsashcha bahushrutAH | bhagavaMstvatprasAdena jIvema sharadaH shatam || 73\-84|| sadArA bandhubhiH sArddhaM tvadIyaM tANDavAmR^itam | pibantaH kAmamIshAnaM nandAma sharadaH shatam || 73\-85|| devadeva mahAdeva tvadIyA~Nghrisaroruham | kAmaM madhumayaM pItvA modAma sharadaH shatam || 73\-86|| kITA nAgAH pishAchA vA ye vA ke vA bhavebhave | tava dAsA mahAdeva bhavAma sharadaH shatam || 73\-87|| sabhAyAmIsha te deva nR^ityavAdyagalasvanam | shravaNAbhyAM mahAdeva shR^iNuyAma sharadaH shatam || 73\-88|| smR^itimAtreNa saMsAravinAshanakarANi te | nAmAni khalu divyAni prabravAma sharadaH shatam || 73\-89|| iShusandhAnamAtreNa dagdhatripura ghUrjaTe | AdhibhirvyAdhibhirnityamajitAH syAma sharadaH shatam || 73\-90|| chAruchAmIkarAbhAsaM gaurIkuchapaTorasam | kadA nu lokayiShyAmi yuvAnaM vishpatiM kavim || 73\-91|| pramathendrAvR^itaM prItavadanaM priyavAsasam | seviShye.ahaM kadA sAmbaM subhAsaM shukrashochiSham || 73\-92|| bahvenasaM mAmakR^itapuNyaleshaM cha durmatim | svIkariShyati kiM nvIsho nIlagrIvo vilohitaH || 73\-93|| kAlashUlAnalAsaktaM bhItaM vyAkulamAnasam | kadA nu drakShyatIsho mAM tuvigrIvo anAnataH || 73\-94|| gAyakA yUyamAyAta yadi rAgAdi lipsavaH | dhanadasya sakhAyaM tamupAsmai gAyatA naraH || 73\-95|| svastyastu sakhi te jihve vidyAdAturumApateH | stavamuchchataraM brUhi jayatAmiva dundubhiH || 73\-96|| chetayAjana shAntastvaM nedaM vedAkhilaM jagat | asya tR^iptyAkhilaM shabhorgauro na tR^iShitaH piba || 73\-97|| sugandhiM cha sukhasparshaM kAmadaM somabhUShaNam | gADhamAli~Nga machchittaM yoShA jAramiva priyam || 73\-98|| mahAmayUkhAya mahAbhujAya mahAsharIrAya mahAmbarAya | mahAkirITAya maheshvarAya maho mahIM suShTutimIrayAmi || 73\-99|| yathAkatha~nchidrachitAbhirIShatprasannatashchArubhirAdareNa | prapUjayAmi stutibhirmaheshamaShADhamugraM sahamAnamAbhiH || 73\-100|| namaH shivAya tripurAntakAya jagattrayeshAya digambarAya | namo.astu mukhyAya harAya bhUyo namo jaghanyAya cha budhniyAya || 73\-101|| namo vikArAya vikAriNe te namo bhavAyAstu bhavodbhavAya | bahuprajAtyantavichitrarUpa yataH prasUtA jagataH prasUtiH || 73\-102|| tasmai sureshorukirITanAnAratnAvR^itAShTApadaviShTarAya | bhasmA~NgarAgAya namaH parasmai yasmAtparaM nAparamasti ki~nchit || 73\-103|| sarpAdhirAjoShadhinAthayuddhakShubhyajjaTAmaNDalagahvarAya | tubhyaM namaH sundaratANDavAya yasminnidaM sa~nchavichaiti sarvam || 73\-104|| murArinetrArchitapAdapadmamumA~NghrilAkShApariraktapANim | namAmi devaM vR^iShanIlakaNThaM hiraNyadantaM shuchivarNamArAt || 73\-105|| anantamavyaktamachintyamekaM harantamAshAmbaramambarA~Ngam | AjaM purANaM praNamAmi yUpamaNoraNIyAnmahato mahIyAn || 73\-106|| antaHsthamAtmAnamajaM na dR^iShTvA bhramanti mUDhA girigayahvareShu | pashchAdudagdakShiNataH purastAdadhaH svidAsIdupari svidAsIt || 73\-107|| imaM namAmIshvaramindumaule shivaM mahAnandamashokaduHkham | hR^idambuje tiShThati yaH parAtmA yatashcha sarvAH pradisho dishashcha || 73\-108|| rAgAdikApaTyasamudbhavena bhAntaM bhavAkhyena mahAmayena | vilokya mAM pAlaya chandramaule bhiShaktamaM tvA bhiShajAM shR^iNomi || 73\-109|| duHkhAmburAshiM sukhaleshahInamaspR^iShTapuNyaM bahupAtakaM mAm | mR^ityoH karasthaM bhava rakSha bhItaM pashchAtpurastAdadharAdudaktAt || 73\-110|| girIndrajAchArumukhAvalokasushItayA deva tavaiva dR^iShTyA | vayaM dayApUritayaiva pUrNamapo na nAvA duritA tarema || 73\-11|| apArasaMsArasamudramadhye nimagnamutkroshamanalparAgam | mAmakShamaM pAhi maheshajuShTamojiShThayA dakShiNayeva rAtim || 73\-112|| smaranpurA sa~nchitapAtakAni kharaM yamasyApi mukhaM yamAre | bibhemi me dehi yatheShTamAyuryadi kShitAyuryadi vA paretaH || 73\-113|| sugandhibhiH sundarabhasmagaurairanantabhogairmR^idulairaghoraiH | imaM kadA.a.ali~Ngati mAM pinAkI sthirebhira~NgaiH pururUpa ugraH || 73\-114|| kroshantamIshaM patitaM bhavAbdhau nAkusthamaNDUkamivAtibhItam | kadA nu mAM rakShati devadevo hiraNyarUpaH sa hiraNyasandR^ik || 73\-115|| chArusmitaM chandrakalAvataMsaM gaurIkaTAkShAruhayugmanetram | AlokayiShyAmi kadA nu sAmbamAdityavarNaM tamasaH parastAt || 73\-116|| AgachChatAnAdi mumukShavo ye yUyaM shivaM chintayatAntare.abje | dhyAyanti muktyarthamamuM hi nityaM vedAntavij~nAnasunishchitArthAH || 73\-117|| AyAta yUyaM bhavatAdhipatye kAmaM maheshaM girishaM yajadhvam | evaM purAbhyarchya hiraNyagarbho bhUtasya jAtaH patireka AsIt || 73\-118|| ekAyanaM te vipulAM shriyaM te shrIkaNThamenaM sukR^itA namantAm | shrImAnayaM shrIpativandyapAdaH shrINAmudAro dharuNo rayINAm || 73\-119|| suputrakAmA api ye manuShyA yuvAnamenaM girishaM yajantAm | yataH svayambhUrjagato vidhAtA hiraNyagarbhaH samavartatAgre || 73\-120|| alaM kimuktairbahubhiH samIhitaM samastamasyAshrayaNena sidhyati | purainamAshritya hi kumbhasambhavo divA na naktaM palito yuvAjani || 73\-121|| anyatparityajya mamAkShibhR^i~NgAH sarvaM sadainaM shivamAshrayadhvam | AmodavAneSha mR^iduH shivAya svAduHShkilAyaM madhumA.N utAyam || 73\-122|| bhaviShyasi tvaM pratimAnahIno vinirjjitAsheShanarAmarashcha | namashcha te vANi maheshamenaM stuhi shrutaM gartasadaM yuvAnam || 73\-123|| yadyanmanashchintayasi tvamiShTaM tattadbhiviShyatyakhilaM dhruvaM te | duHkhena vR^ittiM viShaye kadAchidyakShvAmahe saumanasAya rudram || 73\-124|| aj~nAnayogAdapachArakarma yatpUrvamasmAbhiranuShThitaM te | tadeva soDhvA sakalaM dayAlo pitevaputrAnprati no juShasva || 73\-125|| saMsArAkhyakruddhasarpeNa tIvrai rAgadveShonmAdalobhAdidantaiH | daShTaM dR^iShTvA mAM dayAluH pinAkI devastrAtA trAyatAmaprayuchChan || 73\-126|| ityuktvAnte ye samAdhernamante rudra tvAM te yAnti janmAhidaShTAH | santo nIlagrIvasUtrAtmanAhaM tattvA yAmi brahmaNA vandamAnaH || 73\-127|| bhavAdhibhIShaNajvareNa pIDitAnmahAmayA\- nasheShapAtakAlayAnadUrakAlalochanAn | anAthanAtha te kareNa bheShajena kAlahA udUShuNo vaso mahe mR^ishasva shUra rAdhase || 73\-128|| jayema yena sarvametadiShTamaShTadiggaNaM bhuvaH sthalaM divaH sthalaM nabhaHsthalaM cha tadgatam | ya eSha sarvadeva dAnavaprabhuH sabhApatiH sa no dadAtu taM rayiM puruM pisha~NgasandR^isham || 73\-129|| namo bhavAya te harAya bhUtibhAsitorase namo bhavAbhibhUti bhItisa~Ngine pinAkine | namaH shivAya vishvapAya shAshvatAya helaye na yasya hanyate sakhA na jIyate kadAchana || 73\-130|| surapatipataye namo namaH prajApatipataye namo namaH | kShitipatipataye namo namo.ambikApataya umApataye namo namaH || 73\-131|| vinAyakaM vandanamastakAhatasvanAdyasa~NghR^iShTakirITamastakam | namAmi nityaM praNatArtinAshanaM kaviM kavInAmupamashravastamam || 73\-132|| devA yuddhe yAge viprAstrepyAhvayaM dha dvayaM vindanti skandam | vande subrahmaNyoM subrahmaNyoM subrahmaNyom || 73\-133|| namaH shivAyai jagadambikAyai shivapriyAyai shivavigrahAyai | samudbabhUvAdripateH sutA yA chatuShkapardA yuvatiH supeshAH || 73\-134|| hiraNyavarNAM maNinUpurA~NghriM prasannavaktrAM shukapadmahastAm | vishAlanetrAM praNamAmi gaurIM vachovidaM vAchamudIrayantIm || 73\-135|| namAmi menAtanayAmameyAmimAmumAM kAntimatImameyAm | karoti yA bhUtisitau stanau dvau priyaM sakhAyaM pariShasvajAnA || 73\-136|| kAntAmumAM kAntanibhA~NgakAntibhAntAmupAttAnataharyajendrAm | nato.asmi yAste girishasya pArshve vishvAni devI bhuvanAni chaShTe || 73\-137|| vande gaurIM tu~NgapInastanIM tAM chandrAchUDAM kliShTasarvA~NgarAgAm | yaiShA duHkhiprANinAmAtmakAntiM devIM devIM rAdhase chAdayantIm || 73\-138|| enAM vande dInarakShAvinodAM menAkanyAM mAnadAnandadAtrIm | yA vidyAnAM ma~NgalAnAM cha vAchAmeShA netrI rAdhasaH sUnR^itAnAm || 73\-139|| saMsAratAporubhayApahantri bhavAni bhojyAbharaNaikabhoge | dhiyaM varAM dehi shive nirargalAM yayAti vishvAduritA tarema || 73\-140|| shive kathaM tvatsamatA kva dIyate jagatkR^itiH kelirayaM shivaH patiH | haristu dAso.anucharIndirA shachI sarasvatIM vA subhagA dadirvasu || 73\-141|| vasuruvAcha | ityanena staveneshaM stutvetthaM sa mahAmuniH | snehAshrupUrNanayanaH praNanAma sabhApatim || 73\-142|| muhurmuhuH pibannIshaM tANDavAmR^itama~Ngalam | sarvAnkAmAnavApyAnte gANapatyamavApa ha || 73\-143|| imaM stavaM jaimininA vachoditaM dvijottamo yaH paThatIha bhaktitaH | tamiShTavAksiddhimatidyutishriyaH pariShvajante janayo yathA patim || 73\-144|| mahIpatiryastu yuyutsurAdarAdamuM paThatyasya tathaiva sAdarAt | prayAnti shIghraM pramadAntakAntikaM bhiyaM dadhAnA hR^idayeShu shatravaH || 73\-145|| traivarNikeShvanyatamo ya enaM nityaM kadAchitpaThatIshabhaktitaH | kalevarAnte shivapArshvavartI nira~njanaH sAmyamupaiti divyam || 73\-146|| labhante paThanto matiM buddhikAmA labhante tathaiva shriyaM puShTikAmAH | labhante hi dhAnyaM narA dhAnyakAmA labhante ha putrAnnarAH putrakAmAH || 73\-147|| pAdaM vApyarddhapAdaM vA shlokaM shlokArddhameva vA | yastu dhArayate nityaM shivalokaM sa gachChati || 73\-148|| yatra nR^ittaM shivashchakre tANDavaM tatsthalaM shubhe | puNyAtpuNyataraM tIrthaM tatra snAtvA vimuchyate || 73\-149|| yastatra kurute shrAddhaM pitR^INAM manujottama | pUrvajAnsa nayetsvargaM nAtra kAryA vichAraNA || 73\-150|| gAM suvarNaM dharAM shayyAM vastramAtapavAraNam | pAnamannaM dvije dadyAttatra tatsarvamakShayam || 73\-151|| etadAkhyAnakaM puNyaM puNDarIkapurodbhavam | shR^iNuyAchChrAvayedvApi so.api rudrapriyo bhavet || 73\-152|| iti shrIbR^ihannAradIyapurANe bR^ihadupAkhyAne uttarabhAge vasumohinI saMvAde tryambakeshvaramAhAtmye vedapAdastavo nAma trisaptatitamo.adhyAyaH || 73|| bR^ihannAradIyapurANa | uttarabhAga | adhyAya 73/29\-148|| ## bRRihannAradIyapurANa . uttarabhAga . adhyAya 73/29-148.. Proofread by PSA Easwaran \medskip\hrule\obeylines Please send corrections to sanskrit@cheerful.com Last updated \today https://sanskritdocuments.org \end{document}