% Text title            : Kalamrityujaya Stotram
% File name             : kAlamRRityujayastotram.itx
% Category              : shiva, lakShmInArAyaNIyasaMhitA, stotra
% Location              : doc\_shiva
% Proofread by          : PSA Easwaran
% Description/comments  : lakShmInArAyaNIyasaMhitA | khaNDa 3 | adhyAya 142/1-45||
% Latest update         : April 12, 2026
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Kalamrityujaya Stotram ..}##
\itxtitle{.. kAlamR^ityujayastotram ..}##\endtitles ##
shrInArAyaNIshrIruvAcha |
nArAyaNa jagatkAnta sarvarakShaka sarvaga |
kathaM trikAlajaM mR^ityuM jayati mAnavo bhuvi || 1||
mR^ityuraniparAvR^itto balavAn kena vAryate |
kena rUpeNa vA mR^ityurmAnavAn paridhAvati || 2||
shrIpuruShottama uvAcha |
shR^iNu shrIshivarAj~nIshri nArAyaNi rame.api cha |
lakShmi samudraje chApi shR^iNu chAkSharamANiki || 3||
garuDo mama bhakto vai samAsIno.abhavadgR^ihe |
japan mAlAM mama dhyAyan manmUrtiM divyarUpiNIm || 4||
pR^iShTastadA janakena kashyapena suto nijaH |
kathaM putra mahAbhakta yogin mR^ityurnivartate || 5||
kena rUpeNa mR^ityurvai samAyAti haratyapi |
kathaM niHsparshanaM tasya dehinastviha charyate || 6||
shrutvA pakShI cha pitaraM samuvAcha vadAmi tat |
bhaktyA nivartate mR^ityurAshrayAtparamAtmanaH || 7||
daNDI shastradharo bhikShurnagnAdiH kAladUtakaH |
samAyAti varShma dhR^itvA taddaMshena na jIvati || 8||
chitAvalmIkashailAdau kUpe cha vivare taroH |
daMshe daMShTrAtrayaM lagnaM daShTo dehI na jIvati || 9||
ShaShThyAM cha karkaTe meShe mUlA.a.ashleShAmaghAdiShu |
kakShAshroNigale sandhau sha~NkhakarNodarAdiShu || 10||
vaktre bAhau cha grIvAyAM pR^iShThe daShTo na shrIpati |
sheSho.arkaH phaNipashchandrastakShako bhauma IritaH || 11||
karkoTo j~no guruH padmo mahApadmastu bhArgavaH |
sha~NkhaH shanaishcharo rAhuH kulikashcheti te grahAH || 12||
tattadgraheShu tajjAtisarpadaShTo na jIvati |
pAdAM.aguShThaH pratipadaH syAt pAdapR^iShThau dvitIyakA || 13||
gulphau nu vai tR^itIyA syAjjAnunI cha chaturthikA |
li~NgaM bhagaM pa~nchamIti nAbhiH ShaShThIstithirmatA || 14||
hR^idayaM saptamI proktA stanau chAShTamikAdinam |
kaNThastu navamI proktA dashamI nAsikApuTau || 15||
netre chaikAdashI bodhyA karNau dvAdashikA matA |
bhruvau trayodashIrUpe sha~NkhashchaturdashI matA || 16||
mastakaM pa~nchadashikA tattithau tatsthale dashet |
tadA kAlakavalena daShTo dehI na jIvati || 17||
puMso dakShiNabhAge tu nAryA vAme tvidaM matam |
etAdR^ishakShaNe daShTA na jIvanti kadAchana || 18||
kintu \ldq{}OM garuDa svAhA\rdq{} japellakShapravartanam |
japan spR^ishetpadA~NguShThe tale pR^iShThe cha gulphake || 19||
ja~NghAyAM jAnubhAge cha sakthnoli~Nge bhage kaTau |
jaghane nAbhideshe cha nitambe chodare hR^idi || 20||
stanayoH pArshvadeshe cha bAhvoshcha karayostale |
a~NguliShu kaphoNe cha kaNThe gale kR^ikATake || 21||
hanau mukhe gaNDake cha nAsAyAM cha kapolake |
karNayoH karNapR^iShThe cha lalATe netrayorbhruvoH || 22||
kapAle mastake chApi shikhAyAM vinyasenmuhuH |
sa eva garuDo dehI jAyate mantramantraNAt || 23||
nAkramanti cha tachChAyAM svapne.api viShapannagAH |
kAlarUpAshchApi sarpAstadbhayAdvidravanti vai || 24||
viShaM mantrasya vinyAsAt sarvaM nashyati lIyate |
\ldq{}OM sheSheshvara nAginIpate garuDapR^iShThaga || 25||
AstIkavAkphalada shrIhare viShiviShaM hara\rdq{} |
itimantraM lakShavAraM japet siddho bhavettataH || 26||
prayu~njIta mahAkAlo.apyapi dUrAyate bhayAt |
mamA.anAdikR^iShNanArAyaNanAmajapAttadA || 27||
mahAkAlo.api saMyAti viprakR^iShTo bhayAnmama |
jIvA.ayogyo.api dehyatra jIvatyeva na saMshayaH || 28||
shrIdharasyA.archanaM kuryAt parivArAnvitasya me |
dhyAtvA.a.atmAnaM shrIdharAkhyaM sha~NkhachakragadAdharam || 29||
OM shrImate puruShottamAya namaH parAtmane |
akSharAya namashcheti mANikyAyai namo namaH || 30||
padmAvatyai jayAyai cha lalitAyai namo namaH |
sukhadAyai cha praj~nAyai lakShmyai chApi namo namaH || 31||
rAdhikAyai kriyAyai cha j~nAnAyai cha namo namaH |
ichChAyai kamalAyai cha mahAlakShmyai namo namaH || 32||
OM hrIM shrIdharAyApi viShNave me namo namaH |
abhiShekaM tathA vastraM tato yaj~nopavItakam || 33||
gandhaM puShpaM tathA dhUpaM dIpamannaM pradakShiNam |
dadyAjjapenmanuM me cha dhyAyenmAM cha hR^idi sthitam || 34||
shuddhasphaTikasa~NkAshaM koTisUryasamaprabham |
prasannavadanaM saumyaM sphuranmukuTakuNDalam || 35||
kirITinamudArA~NgaM vanamAlAvibhUShitam |
parabrahmasvarUpaM me chintayechChobhanaM param || 36||
shrInivAsAya kR^iShNAya namaH shrIpataye namaH |
shrIdharAya sashAr~NgAya shrIpradAya namo namaH || 37||
shrIvallabhAya shAntAya shrImate te namo namaH |
shrIparvatanivAsAya namaH shreyaskarAya cha || 38||
shreyasAmpataye chApi shrIvishrAmAya te namaH |
namaH shreyaHsvarUpAya shrIkarAya namo namaH || 39||
shriyA sAkaM shayAnAya sharaNyAya namo namaH |
puShpA~njaliM tato datvA shrIshvaraM vai visarjayet || 40||
evaM pUjAprakartA cha nirviSho jAyate dhruvam |
sa vidhUyeta pApAni me prayAti paraM padam || 41||
\ldq{}OM shrIM hrIM shrIdharAya shrIviShNave jiShNave namaH\rdq{} |
sarvavyAdhiharashchAyaM sarvapIDAharo manuH || 42||
sarvapApaharashchApi bhuktimuktipradAyakaH |
sarvagaralasaMhartA hyabhichAravinAshakaH || 43||
sarveShTapUrakashchApi mama dhAmaprado.api cha |
matsvarUpaH svayaM bhUtvA japejjIvenna saMshayaH || 44||
yanmAse yadR^itau yashcha sUryeNa saha bhogavAn |
sarpo.api vartate tasya nAmnA shapathamAdishet || 45||
tena sarpaviShaM tUrNaM shAmyatyeva na saMshayaH |

iti shrIlakShmInArAyaNIyasaMhitAyAH dvAparayugasantAnAtmakasya
tR^itIyakhaNDe
143\-adhyAyAntargataM kAlamR^ityujayastotraM sampUrNam |

lakShmInArAyaNIyasaMhitA | khaNDa 3| adhyAya 142/1\-45||
##
lakShmInArAyaNIyasaMhitA . khaNDa 3. adhyAya 142/1-45..

Proofread by PSA Easwaran 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}