% Text title            : Kashimahatmyam
% File name             : kAshImAhAtmyam.itx
% Category              : shiva, shivarahasya, tIrthakShetra
% Location              : doc\_shiva
% Transliterated by     : Ruma Dewan
% Proofread by          : Ruma Dewan
% Description/comments  : shrIshivarahasyam | ugrAkhyaH saptamAMshaH | adhyAyaH 12 | 405-441||
% Latest update         : March 8, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Kashimahatmyam ..}##
\itxtitle{.. kAshImAhAtmyam ..}##\endtitles ##
\- shivapArvatIsaMvAde \-
kAshInivAsinAM dharmAvihitAH santi bhUrishaH |
tAn kR^ittvA vidhivatkAshyAM vAsaH kAryo narottamaiH || 405||
uktAchAra rataiHkAshyAM sthAtavyaM dharmatatparaiH |
anyairnastheyamamale satyaM satyaM na saMshayaH || 406||
bahuyatnena sAkAshI prAptavyA mokShadA parA |
vinA kAshInivAsena mokShastu na bhaviShyati || 407||
kAshyAmapyati yatnena sthAtavyaM dharmatatparaiH |
adharmalesharahitaiH sarvadA shivapUjakaiH || 408||
kAshItismaraNAdeva mahApAtaka koTayaH |
kShaNAchChive vinashyanti sA kAshI kvopamIyate || 409||
yasyAH smaraNamAtreNa punarjanma na vidyate |
duShTasyApi mahAdevi sA kAshI kvopamIyate || 410||
yasyAH smaraNamichChanti brahmaviShNvAdayaH surAH |
shivAkArAsurArAdhyA sA kAshI kvopamIyate || 411||
kAkAdayo.api kAshIsthA gaNayantyeva nAmarAn |
tAdR^ishI divyarUpAhi sA kAshI kvopamIyate || 412||
yasyAM kAshyAM mR^itAnAM tu maraNaM ma~NgalAyate |
divyAshanAyate parNaM sA kAshI kvopamIyate || 413||
yasyAM kAshyAM jalaM pItvA somapAn prativAsaram |
tiraskaroti kAko.api sA kAshI kvopamIyate || 414||
yasyAM kShaumAyate chIraM vibhUtishchandanAyate |
divyAmR^itAyate nIraM sAkAshI kvopamIyate || 415||
yasyAM rudrAkShamAlApi ratnamAlAyate sadA |
sukhashayyAyate ghAsaH sA kAshI kvopamIyate || 416||
yasyAM tR^iNAsanaM shubhraM ratnasihmAsanAyate |
chakreshvarAyate dInaH sA kAshI kvopamIyate || 417||
yasyAM dhana vihIno.api daridromanujAdhamaH |
tiraskaroti dhanadaM sA kAshI kvopamIyate || 418||
yAvanto muktimichChanti devarShimunimAnavAH |
tAvatAmapi sarveShAM gatiH kAshyeva sarvathA || 419||
kAshI kalpatarurnityaM muktipuShpaphalAnvitaH |
mumukShavo.anishaM tatra vasanti samupAshritAH || 420||
kAshyAmeva munishreShThaiH sthAtavyaM dharmatatparaiH |
vinA kAshIM na chAnyatra mokSho bhavati sarvathA || 421||
anantakAlamamale.anantajihvAbhireva vA |
kAshI prabhAvo na mayA shakyate vaktumambike || 422||
vaidairapi na vij~nAtaM kAshItattvaM varAnane |
kiM punarvidhiviShNvAdyaiH shuddhairmunivarairapi || 423||
kAshIstutiparA jihvA dhanyA dhanyA varAnane |
kAshIdhyAna paraM dhanyaM dhanyaM dhanyaM manaH sadA || 424||
idaM puNya samR^iddhyarthaM kathA pApaughanAshinI |
shrotavyA niyataiH kAshyAmatiyatnena mAnavaiH || 425||
yastvetAnnityamadhyAyAnpaThiShyati shivAlaye |
sa mahApAtakebhyo.api muchyate nAtra saMshayaH || 426||
yaH kAshyAM kR^itapApo.api mAnuShyo nityamAdarAt |
etAnpaThitvAhyadhyAyAnsapApebhyo vimuchyate || 427||
kAshyAM tu kR^itapApAni pratyahaM muditAnane |
pratyahAdhyAyapAThena vinashyanti na saMshayaH || 428||
sahasravAramadhyAyAH paThitA muni sattamaiH |
kAshyAM purAkR^itaM pApanAshayantyagni sannibhAH || 429||
sahasravAramadhyAyAnpaThitvaiva tilAdibhiH |
tanmantrairlakShahomo.api kAryastatpApanAshakaH || 430||
kAshImAhAtmyamamalamidaM pratyahamAdarAt |
yaH paThedyAtanA tasya na bhaviShyati bhairavi || 431||
idaM mAhAtmyamamalaM kAlabhairava sannidhau |
pratyaShTamyAM prayatnena paThanIyaM visheShataH || 432||
etachChloka mahAmantraM lakShAvR^ittyA tilAdibhiH |
shivanindAghashAntyarthaM homaH kAryaH prayatnataH || 433||
bilvAshvatthapalAshAdi samidAjyAnvitAstilAH |
taddhoma sAdhanIbhUtA shuddhAH kITAdyadUShitAH || 434||
svasvashAkhoktamArgeNa pratiShThApya hutAshanam |
tasminnagnau yathA shAstraM homaH kAryo dvijottamaiH || 435||
kAshImAhAtmya mantrasya mahAdevaH svayamR^iShiH |
kAshyeva devatA shaktirbhairavI yAtanApahA || 436||
kIlakaM sarvayatnena kAshIprAptirihepsitA |
Chando.anuShTupphalaM divyaM mokSharUpamudAhR^itam || 437||
sahasravadanAM divyAM sahasrAkShi karAnvitAm |
virADrUpadharAM nityAM dhyAyetkAshyadhidevatAm || 438||
shlokamuchchArya tadanu kAshyaisvAheti chAhutiH |
devA bhavanti yaj~nena yAj~nikairhomakarmaNi || 439||
dasha ShaT dvAdashAvR^ityA tachChlokAnAM yathAkramam |
bhojanIyAH dvijAHshreShThA deyAsyAddakShiNA yathA || 440||
kAshImAhAtmyamamalaM likhitvA pustake shubhe |
deyaM shaivAya li~NgaM cha sasAdhanamanuttamam || 441||

|| iti shivarahasyAntargate kAshImAhAtmyaM sampUrNam ||

\- || shrIshivarahasyam | ugrAkhyaH saptamAMshaH | adhyAyaH 12 | 405\-441||
##
- .. shrIshivarahasyam . ugrAkhyaH saptamAMshaH . adhyAyaH 12 . 405-441..

Notes:
ŚivaRahasyam saptāṃśaḥ ##shivarahasyaM saptAMshaH## has descriptions about and the merits of pilgrimage to and residing in Kaśī ##kAshI##, that constitute Kaśīmāhātmyam ##kAshImAhAtmyam##. Śiva ##shiva## to Pārvatī ##pArvatI## summarizes the merits of  listening to and reading of the text of Kaśīmāhātmyam ##kAshImAhAtmyam##.##
##
Proofread by Ruma Dewan 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}