% Text title            : Kashimahatmye Jnanavapiprashamsakathanam
% File name             : kAshImAhAtmyejnAnavApIprashaMsAkathanam.itx
% Category              : shiva, shivarahasya, tIrthakShetra
% Location              : doc\_shiva
% Transliterated by     : Ruma Dewan
% Proofread by          : Ruma Dewan
% Description/comments  : shrIshivarahasyam | ugrAkhyaH saptamAMshaH | adhyAyaH 6 | 1-83||
% Latest update         : March 8, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Kashimahatmye Jnanavapiprashamsakathanam ..}##
\itxtitle{.. kAshImAhAtmye j~nAnavApIprashaMsAkathanam ..}##\endtitles ##
\- shivapArvatIsaMvAde \-
shrIpArvatyuvAcha \-
shiva kalyANada shrIman sarvaj~nAmitavikrama |
j~nAnavApIti sa.nj~neyamasyAH kathamabhUdvada || 1||
shrIshiva uvAcha \-
trishUlAgreNa subhage sA vApi khanitA purA |
ApAtAlaM jalaM tatra tiShThatyatimanoharam || 2||
kAshmIramaNibhiH shubhraiH puShparAgairmanoharaiH |
ratnairanyaishcha vividhairbaddhA sA tadanantaram || 3||
tatrAdbhutaM samabhavaddhemapadmaM varAnane |
vichitragandhasambaddhaM shatayojanamAyatam || 4||
sahasradalasaMsaktaM kesarAgarura~njitam |
tatsugandhena nirgandhaM sugandhamabhavajjalam || 5||
tatprAntakalpataravastatsugandhasamanvitAH |
svataH sugandhA iva te bhAnti nityaM varAnane || 6||
tatpadmamakarandena saMyutaM rAjate jalam |
tattiraskR^itapIyUShaM surANAmapi durlabham || 7||
sadA vikAsamApannaM sadA prekShyamanuttamam |
kadAchidapi tanmalAnaM na bhavatyeva sarvadA || 8||
kanatkanakanAlADhyaM taddhemakamalaM shubham |
hemachChatramivAbhAti kAshyAH kamalalochane || 9||
tatkarNikAmadhyadeshe sundare mR^idule sadA |
kadAchillIlayA samyaguvishya vasAmyam || 10||
saMviShTastatra (ShTaM tantra) mAmekA kadAchidvavarNinI |
stutvA tu bahudhA stotraiH sampUjya vidhipUrvakam || 11||
kR^itA~njalipuTA tasthau pInavakShojabhAsurA |
vidyullateva vimalA kamalAmalalochanA || 12||
tato mayaiva sA pR^iShTA kAsi tvamasi (miti) sA tataH |
uvAcha vachanaM chAru sarvalokahitAvaham || 13||
sha~NkarAhamiha svAminnetattIrthAdhidevatA |
matprArthitaM varaM dehi varadAnavichakShaNa || 14||
idaM jalaM mahAdeva shaivo yaH pAtumichChati |
tasya tvacha~nchalA bhaktistvayi tattvamatistathA || 15||
j~nAnavApIti mannAma prasiddhaM bhavatu prabho |
sarvapApakShayakaraM jalaM bhavatu sarvadA || 16||
iti samprArthyaM (rthitaM) tatsamyak tathA lekeShTasiddhaye |
tadyAchitaM varaM datvA tAmAshvAsya punaH punaH || 17||
mayA tatraiva satataM sthIyate varavarNani |
rochate vasatistatra kamale gandhasaMvR^ite || 18||
tAdR^ishaM tIrthamamalaM sarvalokeShu durlabham |
snAnaM kR^itvA prayatnena dvAdashIsomavAsare || 19||
tatra devAnR^iShInsamyak tarpayitvA pitR^Inapi |
tajjalaiH svAdubhiH samyagj~nAneshamabhiShichya cha || 20||
gandhapuShpakShatAdyaishcha pUjayitvA yathAvidhi |
pradakShiNanamaskArairArAdhya tadanuj~nayA || 21||
muktyarthaM triH pibetsamyagj~nAneshasnApanodakam |
tattoyapAnamAtreNa shuddho bhavati mAnavaH || 22||
tatastaddhR^idaye shuddhe jAyate li~Ngamuttamam |
ata eva hi tattIrthaM tIrthottamamiti shrutam || 23||
tattIrtharAjarakShArthaM daNDapANirbalonnataH |
mayA saMsthApitaH shaktastattIre vimale shubhe || 24||
vinA tadAj~nayA loke yena kenApi vA shubhe |
spraShTuM na shakyate nUnaM tattIrthaM muktisAdhanam || 25||
purA brahmAdibhiH sAkaM viShNuH kAshIdidR^ikShayA |
samAyayau tato dR^iShTvA dUrAtkAshIM manoharAm || 26||
praNamya daNDavadbhUmau bhUyobhUyaH kR^itA~njaliH |
avApa paramAnandaM dR^iShTA kAshIti sAdaram || 27||
idamakShiyugaM dhanyaM puNDarIkanibhaM shubham |
yena (yataH) shivasvarUpeyaM kAshI dR^iTA mayA.adhunA || 28||
ratnapa~Nkajasa~NkAshAvimo dhanyau karau mama |
yena (yAbhyAM) kAshI mayA pUjyA maheshasyAparA tanUH || 29||
idaM dhanyaM sharIraM me yena kAshI shivAtmikA |
Ali~NganIyA yatnena sarvapApApanodinI || 30||
dhanyo.asmyahaM punIto.asmi (supUto.asmi) bhAgyavAnasmi sarvadA |
yataH shivasvarUpeyaM kAshI samprApitA mayA || 31||
madanyo bhAgyavAMlloke nAsti nAstyeva sarvathA |
yato mokShapradA divyA kAshI samprApitA mayA || 32||
kR^itArtho.asmi kR^itArtho.asmi kR^itArtho.asmi na saMshayaH |
yataH sAmbamayI kAshI prApyate puNyasaMshrayAt || 33||
mahadbhAgyaM mahadbhAgyaM mahadbhAgyaM mayA dhunA |
yato mayA shivAkArA kAshI samprApyate shivA || 34||
sakR^itkAshIti nAmaiva smR^itvA pAtakinaH purA |
shivasArUpyamApannAH sA kAshI dR^ishyate mayA || 35||
yasyAM sarveshvaraH shambhuH sAmbaH saMsAramochakaH |
vasanti (vasatiM) sarvadA chakre sA kAshI dR^ishyate mayA || 36||
yasyAM vaishveshvaraM jyotirli~NgarUpaM sanAtanam |
nivasatyanishaM shreShThaM sA kAshI dR^ishyate mayA || 37||
yasyAmambAsametaH san divyarUpadharaH shivaH |
karoti lIlAmanishaM sA kAshI dR^ishyate mayA || 38||
yasyAM j~nAnapradA nityaM j~nAnavApI manoharA |
tiShThatyamalakallolA sA kAshI dR^ishyate mayA || 39||
yasyAM pUrNenduvadanA paramAnnapradAyinI |
annapUrNA sthitiM chakre sA kAshI dR^ishyate mayA || 40||
yasyAM tiShThati DhuNDhIshaH sarveShTaphaladAyakaH |
sarvavighnaharo nityaM sA kAshI dR^ishyate mayA || 41||
yasyAM shivarato nityaM daNDapANiH shivapriyaH |
tiShThatyatIva santuShTaH sA kAshI dR^ishyate mayA || 42||
yasyAM sarveshvaraH shrImAn karuNAnidhiravyayaH |
chakAra vasatiM nityaM sA kAshI dR^ishyate mayA || 43||
yasyAM tiShThati vedeDyaH sadA pashupatIshvaraH |
pashupAshavimokShAya sA kAshI dR^ishyate mayA || 44||
yasyAM tiShThati sarveShAM shAstA shrIkAlabhairavaH |
bhaktakalpataruH shrImAn sA kAshI dR^ishyate mayA || 45||
yasyAmantargR^ihaM nAma kShetraM shivamayaM shivam |
tiShThati shrIkarAvAsaM sA kAshI dR^ishyate mayA || 46||
yasyAmasti vishAlAkShI shivasyArdhA~NgabhAginI |
bhaktAbhIShTapradA nityaM sA kAshI dR^ishyate mayA || 47||
yasyAM tyaktatanurmartyaH shaivaH shivaparAyaNaH |
shivAkAramavApnoti sA kAshI dR^ishyate mayA || 48||
yasyAM mokShArthinaH shaivAH nirAhArAH shivArchakAH |
nivasantyanishaM shuddhAH sA kAshI dR^ishyate mayA || 49||
yasyAM prAtyahikaM karma kR^itvA tiShThanti sAdaram |
pApaleshavihInAshcha sA kAshI dR^ishyate mayA || 50||
yasyAH prabhAvaM vedAshcha na jAnantyeva sarvathA |
kimanyAni purANAni sA kAshI dR^ishyate mayA || 51||
yayA tulayituM vastu nAsti brahmANDagolake |
sarvArtinAshinI dhanyA sA kAshI dR^ishyate mayA || 52||
evaM vadaMstadA viShNuH kAshInikaTamAdarAt |
tatashchakre praNAmAni (?) daNDavatsa punaH punaH || 53||
tato nAnAvidhaiH puShpaidivyaratnairmanoharaiH |
nAnAvidhopachAraishcha kAshIpUjAM chakAra saH || 54||
tato nAnAvidhAn krUrAnkAshIsaMrakShaNA (kA)n gaNAn |
sampUjya tadanuj~nAtaH kAshImAvishama(da)mbike || 55||
tataH sa shivaga~NgAyAM yathAshAstraM yathAkramam |
snAnaM kR^itvA prayatnena chakAroddhalanaM tataH || 56||
tripuNDradhAraNaM kR^itvA mantrapUtena bhasmanA |
rudrAkShadhAraNaM chakre sarvapAtakanAshanam || 57||
AgnIdhreshvaramAsAdya pUjAdravyeNa sAdaram |
sampUjya natvA vividhaiH stotraM stutvA sadAshivam || 58||
tatastadAj~nayA viShNurvakratuNDamupAgataH |
tatra snAtvA vidhAnena vakratuNDaM vinAyakam || 59||
samyagArAdhya vidhivatpunaHsAdarapUrvakam |
samabhyarchyAtiyatnena kAlabhairavamAgataH || 60||
kAlakuNDe yathAshAtraM snAtvA viShNustataH param |
kShIrAjyamadhubhiH samyagabhiShichya cha bhairavam || 61||
divyamandArapuShpaughairupahAraishcha shobhanaiH |
prasAdya bhairavaM devaM praNamya cha tadAj~nayA || 62||
tatprAntadivyali~NgAni pUjayAmAsa sAdaram |
pApabhakSheshvaraM chaiva sampUjya tadanantaram || 63||
tataH santoShamAshritya (mApanno) vIreshaM samupAgataH |
tatra vIreshakuNDe.api punaH snAtvA visheShataH || 64||
tato dadarsha vIreshaM bhaktavatsalamavyayam |
dR^iShTvA praNamya bahudhA pUjAM chakre sa sAdaram || 65||
tatastadAj~nAM samprApya yayau pashupatIshvaram |
tatra pAshupataM kuNDaM vilokyAtimanoharam || 66||
snAnaM chakre vidhAnena natvA pashupatIshvaram |
chakre pUjAM vidhAnena pUjAdravyANi(vyeNa) sAdaram || 67||
tatastadAj~nayA tuShTo daNDapANimupAgataH |
daNDapANiM samabhyarchya prasAdya tadanuj~nayA || 68||
j~nAnavApIM praNamyAgraM sampUjya cha yathochitam |
snAnaM chakre tataH samyagvidhipUrvakamAdarAt || 69||
tato j~nAneshamabhyarchya natvA pa~nchavinAyakAn |
DhuNDhirAjArchanaM chakre sa viShNurvidhipUrvakam || 70||
tataH sa tadanuj~nAto muktimaNDapamAyayau |
tato nandIshamabhyarchya dvArapAlAnapi kramAt || 71||
chakAra madanuj~nAto mamArAdhanamAdarAt |
Adau pa~nchAmR^itaiH samyagabhiShichya yathAvidhi || 72||
kAmadhenuprasAdena samprAptairamalairnaraiH(rghaTaiH) |
tIrthodakaM samAhR^itya svayameva janArdanaH || 73||
abhiShekaM tatashchakre rudrasUktena sAdaram |
tataH parimalaitdravyairabhipUjya yathAvidhi || 74||
anarghyaratnairakarotpUjAM tadanu sAdaram |
navaiH svopahR^itaiH shuddhairbilvapatrarmanoharaiH || 75||
mandArapuShpairamalairanyaishcha kusumairnavaiH |
vichitraratnamAlAbhiH suvarNAbharaNairapi || 76||
bhaktyA sampUjayAmAsa viShNuH shraddhAsamanvitaH |
tato manoharairdivyairnaivedyairatishobhanaiH || 77||
dhUpadIpAdibhishchApi toShayAmAsa mAM shubham |
tataH pradakShiNAdIni kR^itvA natvA yathAvidhi || 78||
stotraishcha vividhaiH stutvA chakArAntargR^ihAdikam |
evaM varShAyutaM viShNurnityaM yAtrAparAyaNaH || 79||
upAsya kAshyAM santuShTaH shR^iNvanshivakathAH shubhAH |
shivaikasharaNo nityaM sthirali~NgArchane rataH || 80||
gantukAmastato viShNuH kadAchididamabravIt |
j~nAnavApItaTe ramye tapaH kR^itvA yathAvidhi || 81||
gamiShye yatra kutrApi shivena preritastataH |
tyaktedAnImiyaM kAshI duHkhaM dAsyatyasaMshayam || 82||
anantajanmatapasA samprAptA shivarUpiNI |
ityuktvA tadanu prItyA j~nAnavApItaTe shubhe || 83||

|| iti shivarahasyAntargate j~nAnavApIprashaMsAkathanaM sampUrNam ||

\- || shrIshivarahasyam | ugrAkhyaH saptamAMshaH | adhyAyaH 6 | 1\-83||
##
- .. shrIshivarahasyam . ugrAkhyaH saptamAMshaH . adhyAyaH 6 . 1-83..

Notes:
Śiva ##shiva## describes to Pārvatī ##pArvatI## about the visit paid by Viṣṇu ##viShNu## to Viśveśvara Jyotirliṅga ##vishveshvara jyotirli~Nga##, Jñānavāpī ##j~nAnavApI## and Kaśī ##kAshI##; where, He spends time in worshiping  Śiva ##shiva## at the Viśveśvara Jyotirliṅga ##vishveshvara jyotirli~Nga## and performing austerities at Jñānavāpī ##j~nAnavApI##.
Kaśī ##kAshI## harbors several ŚivaTīrthaKṣetra ##shivatIrthakShetra## that are outlined in ŚivaRahasyam saptāṃśaḥ ##shivarahasyaM saptAMshaH##.##
##
Proofread by Ruma Dewan 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}