% Text title : Kashisthitan Shivatirthakshetramahatmyam 1 % File name : kAshIsthitAnshivatIrthakShetramAhAtmyam1.itx % Category : shiva, shivarahasya, tIrthakShetra % Location : doc\_shiva % Transliterated by : Ruma Dewan % Proofread by : Ruma Dewan % Description/comments : shrIshivarahasyam | ugrAkhyaH saptamAMshaH | adhyAyaH 11 | 1-105 , 175-181|| % Latest update : March 8, 2024 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Kashisthitan Shivatirthakshetramahatmyam 1 ..}## \itxtitle{.. kAshIsthitAn shivatIrthakShetramAhAtmyam 1 ..}##\endtitles ## \- shivapArvatIsaMvAde \- shrIshiva uvAcha \- o~NkAraM nAma vimalaM kShetraM kAshyAM varAnane | sarvapApakShayakaraM tiShThatyekaM shubhapradam || 1|| tatra bilvavanaM ramyaM nityaM navadalAnvitam | nakShatraleDhishAkhADhyaM ghanachChAyamabhUchChive || 2|| tasmin bilvavane ramye krIDArthaM ra(ga)myate mayA | kishchitkAlaM vihR^ityAhaM vasAmi pratyahaM shubhe || 3|| vidyamAne mayi prItyA kadAchitpavano mahAn | samAgatastatastena kampitAstaravo bhR^isham || 4|| kampitaM nyapatadbhUmau bilvashakhAgramuttamam | navAruNadalAkrAntaM vitastimitamambike || 5|| tadgR^ihItaM mayA ramyaM tadAprabhR^iti sarvadA | tadbilvavanarakShArthaM yakShAH saMsthApitA mayA || 6|| vedAmUrtidharAstatra navabilvadalaiH shubhaiH | o~NkArarUpiNaM nityaM mAmevAbhyarchayanti hi || 7|| shivatattvamavij~nAya j~nAnArthaM cha munIshvarAH | vedAshcha satataM tatra tapaH kurvanti sAdaram || 8|| tatra pa~nchAgniniratAH nirAhArA jitendriyAH | tapo ghorataraM kR^itvA tiShThanti vimalAshayAH || 9|| ekapAdena saMsthAya prajvaladvahnimadhyagaH | chakAra viShNuratraiva tapo ghorataraM purA || 10|| brahmaNApi tapastaptaM mahAghorataraM mudA | indrAdibhirlokapAlaistapastaptamihaiva hi || 11|| anyaishcha R^iShibhiH siddhairmunibhirbrahmavAdibhiH | tapastaptuM purA nityamatraivo~NkArasannidhau || 12|| sAyamo~NkAranAthasya darshanaM pApanAshanam | kartavya niyataM yatnAtpUjA kAryA nirantaram || 13|| pratishukla chaturdashyAM pUjA kAryA visheShataH | tatprItyarthaM mahAshaivA bhojanIyAH prayatnataH || 14|| o~NkArakuNDamamalaM tatra tiShThati nirmalam | tatra pratidinaM snAnaM kartavyaM prItivR^iddhaye || 15|| tatra shrAddhaM cha kartavyaM pitR^Inuddishya sAdaram | kartavyaM tatra yatnena pratyahaM tilatarpaNam || 16|| tatra shrAddhe kR^ite sarve pitaro narakasthitAH | prayAnti brahmasadanaM modamAnA vasanti cha || 17|| purA kenachidatraiva kR^itaM shrAddhaM yathAvidhi | tena tatpitaraH sarve narakAdgantumudyatAH || 18|| tadA yamabhaTAH sarve yamashAsanakAriNaH | pragR^ihyaiva pitR^In sarvAnyayuryamanikenam || 19|| yamabhaTA UchuH \- prayAnti narakAdete yama bhImaparAkrama | vichArayaitAniti te yamamUchuryamastataH || 20|| uvAcha chitraguptAkhyaM dharmAdharmavichArakam | kimetaiH kR^itamastIti babhAShe vachanaM mudA || 21|| chitragupta uvAcha \- kAshyAmo~NkAranAthasya kuNDe pApaughanAshake | shaivena tadvaMshajena kR^itaM shrAddhaM yathAvidhi || 22|| kR^itaM piNDapradAnaM cha tarpaNaM cha tilaiH kR^itam | tena vai ghoraniyAduddhR^itAH pitaro.akhilAH || 23|| AbrahmakalpamanishaM brahmaNA pUjitA mudA | brahmaloke nivAsaM cha kariShyanti na saMshayaH || 24|| iti tadvachanaM shrutvA yamaH shIghra samutthitaH | pratyekamAsanaM datvA pUjAM chakre yathAvidhi || 25|| tato vimAnamAruhya brahmalokaM yayurmudA | indreNa pUjitAH samyaktathA dikpAlapUjitAH || 26|| abhyAgatAn pitR^In dR^iShTvA sampUjya vidhivadvidhiH | svarloke vimalAnsarvAn sthApayAmAsa sAdaram || 27|| ato.atra vidhivachChrAddhaM kartavyaM pitR^imuktaye | o~NkAreshArchanaM chAtra kartavyaM prativAsaram || 28|| trilochanAkhyamamalaM kShetraM kAshyAM varAnane | tiShThatyekaM mamAtyanta.avilAsAspadamuttamam || 29|| hemaprAkArashR^i~NgADhya rAjamAnamaharnisham | kinnarAmaragandharvasevitaM prativAsaram || 30|| pilipilAkhyaM tatrAsti kuNDamekaM varAnane | tatra snAtvA yathAshAstraM shrAddhaM kR^itvA yathAvidhi || 31|| trilochanAkhyali~Ngasya pUjA kAryA yathAvidhi | puShpairnAnAvidhairdravyairbilvapatraistilAkShataiH || 32|| shanitrayodashI devi bhaviShyati yadA tadA | tasmin pilipile kuNDe snAnaM kAryaM prayatnataH || 33|| tarpayitvA pitR^In sarvAn pradoShe samupasthite | trilochaneshvaraM samyagabhiShichya shubhodakaiH || 34|| gandhaistilAkShataiH puShpaibilvapatraishcha komalaiH | pUjayitvA vidhAnena dhUpadIpAdibhiH kramAt || 35|| savyAsavyavidhAnena tataH kArya pradakShiNam | praNamya bahudhA samyakstutvA stotrairanekadhA || 36|| svagR^ihyoktaprakAreNa pratiShThApya hutAshanam | paramAnnaM goghR^itaM cha sampAdya navamAdarAt || 37|| tathA bilvasamidbilvadalAnyAnIya sAdaram | homaH kAryaH prayatnena R^itvigbhiH saha vaidikaiH || 38|| mokShArthibhiH sArdhakoTihomaH kAryo yathAvidhi | putrArthibhiH sArdhalakShahomaH kAryo yathAvidhi || 39|| vidyArthibhistrilakShaM tu homaH kAryo yathAvidhi | svargArthimbhistu kAryaH syAddhomo lakShachatuShTayam || 40|| evaM hutvA haviH samyagdatvA chaivAtha dakShiNAm | kR^itaM homadikaM sarvaM shivAya vinivedayet || 41|| bhojanIyAstato viprA yathechChaM svAdubhojanaiH | suvAsinyo bhojanIyA devaprItyarthamAdarAt || 42|| vidhyuktena prakAreNa kR^itahomAdinA shivaH | prIto.apaShTaM yathA yogyaM prayachChati na saMshayaH || 43|| shanitrayodashIM prApya kAshyAM sthitvA trilochanam | yo nArchayati mUDhAtmA sa bhavatyaghasaMshrayaH || 44|| upoShya sAyamanaghaiH snAtvA tantra trilochanaH | shaniyuktatrayodashyAM pUjanIyaH prayatnataH || 45|| purA kashchid dvijashishurdaridro vyAdhipIDitaH | shanitrayodashIM prApya chakAropauShaNaM mudA || 46|| tataH pilipilAkuNDe snAtvA bilvadalairjalaiH | pUjAM kR^itvA praNamyAtha nanarta cha punaH punaH || 47|| tataH parNakuTIM prApya nidrAM chakre sa bAlakaH | trilochano.api santuShTastadbAlakR^itapUjanAt || 48|| sarvAbharaNasampanno divyama~NgalavigrahaH | pratyakSho.abhUtkR^ipAsindhustamuvAcha dvijArbhakam || 49|| prIto.asmi pUjanAdvatsa varaM vR^iNu tavepsitam | varado.ahaM varaM dAsye mA bhaiShIrdhairyamAvaha || 50|| ityukto bAlakaH shIghraM yayAche varamuttamam | deva dehi mamAnandamavichChinnamanAmayam || 51|| janmAdiduHkhaM shamaya garbhavAsaM vinAshaya | dehi muktiM kR^ipAsindho trilochana jagatprabho || 52|| ityuktvA praNipatyeshaM devadevaM muhurmuhuH | kR^itA~njalipuTo bhUtvA nyavasannatakandharaH || 53|| tatantasmai mahAdevaH kR^ipAbdhirbhaktavatsalaH | gANApatyaM dadau prItaH sa evAhaM trilochanaH || 54|| kR^ittivAseshvaraM nAma kShetramastyekamuttamama | tatrApi bilvataravastiShThanti navapallavAH || 55|| tavApi munayaH shAntA nirAhArA jitendrayAH | tiShThantyatyantasantuShTAH shivadhyAnaparAyaNAH || 56|| adhomukhA dhUmrapAnaM kechitkurvanti sAdaram | kechidekA~NghriNA sthitvA tapaH kurvantyanAkulAH || 57|| kechidabhyarchya mAmIshaM nR^ityaM kurvanti yatnataH | kechilli~NgArchanaM kR^itvA praNamanti punaH punaH || 58|| kechinmAM hR^idi saMsthApya dhyAnaM kurvanti sAdaram | kechidgAyanti satataM shivanAmAni pAvanAH || 59|| tatrApi kuNDamastyekaM sannidhau kR^ittivAsasaH | snAnaM prayatnataH kAryaM tasminkuNDe shubhAvahe || 60|| tatra snAtvA vidhAnena kR^ittivAsasamarchayet | tattu mokShapradaM li~NgaM darshanAdaghanAshanam || 61|| muktikAmairmunIndraistu sarvadA sevitaM mudA | munibhiH saMstutaM nityaM stutaM devaishcha sarvadA || 62|| mAghakR^iShNachaturdashyAmupoShya niyatendriyaH(yaiH) | tatra jAgaraNaM kArya sannidho kR^ittivAsasaH || 63|| pratiyAmaM yathAyogyaM pUjA kAryA prayatnataH | dIpapradAnaM kartavyaM goghR^itena manoharam || 64|| navabilvadalaiH shuddhaiH pUjA kAryA visheShataH | upoShayAtrApramAdena li~NgapUjAparAyaNaH || 65|| sarvaghorAghashAntyarthaM koTijanmatapo.adhikam | samyagjAgaraNaM kAryaM taddine samupasthite || 66|| shivarAtrivrataM yastu mohena na kariShyati | svadharmaprachyuto nityaM narake nivasiShyati || 67|| purA himAlayaprAnte kashchidAsInnarAdhipaH | tena ramyAH shivakathAH shrutAH sarvAmudAvahAH || 68|| shivarAtrivratasyAsya mAhAtmyaM shrutamekadA | tatraiva saMshrutaM chApi mAhAtmyaM kR^ittivAsasaH || 69|| tataH kAshIprayANArthammudyukto.abhUnnarAdhipaH | tato vighno mahAnAsIttadyAtrApratibandhakaH || 70|| tato vighnavinAshArthaM sa rAjA dR^iDhanishchayaH | tapaH kartuM samArebhe tatraiva girishAlaye || 71|| jvalatpa~nchAgnimadhyastho nirAhAro jitendriyaH | shivali~NgArchanaM kurvan chakArograM tapo nR^ipaH || 72|| sa lakShayugaparyantaM kR^itvA ghorataraM tapaH | tato duHkhena santaptastyaktvA nirviNNamAnasaH || 73|| rurodochchairatiklinnaH shiraHsantADya pANinA | pAShANamapisa~NgR^ihya tADayannurasassthalam || 74|| kathaM kAshI mayA prApyA drakShyo vishveraH katham | kR^ittivAseshali~NgaM cha kathaM drakShyAmyataH param || 75|| prAyaH parvatasa~NkAshAnyatighorANi santi me | pAtakAni bahUnyevaM kiM kartavyamataH param || 76|| iti kR^itvA mahAduHkhaM tapashchakre punarnR^ipaH | sahasrayugaparyantaM jalamadhyagatastadA || 77|| tataH kadAchittaddhairyaM draShTukAmachaturmukhaH | vR^iddhabrAhmaNa rUpeNa gatastannikaTe shubhe || 78|| tamAgataM dvijaM dR^iShTvA praNamya dvijasattamam | chakAra vidhivatpUjAmuvAcha cha vachastadA || 79|| vedashAstrAshraya shrImaddvijavaryAghanAshana | kAshIprAptikaraM puNyaM kimasti vada tattvataH || 80|| brAhmaNa uvAcha \- rAjan rAj~nA tvayA dharmo na bhaviShyati sarvathA | kintu kartavyamanishaM prajAnAM paripAlanam || 81|| niShkaNTakamidaM rAjyaM tyaktvA kiM tapyate tapaH | idAnImakhilaM rAjyaM naShTameva bhaviShyati || 82|| sharIraM chAbhavatkShINaM nR^iparvarya manoharama | kAshIprAptikaraM ghoraM tapaH kartuM na shakyate || 83|| anekajanmanAmante kR^itvA kR^itvA tapo muhuH | ante shivaprasAdena sA kAshI dR^ishyate janaH || 84|| kva bhavAn kva tapo ghoraM tAdR^ishaM shivatuShTidam | kva mAnuShamidaM rUpaM kva kAshIprAptisAdhanam || 85|| maurkhyaM mA kuru rAjendra tyaja vratamataH param | pAlayasva prajAH sarvAH dharmeNaiva parantapa || 86|| iti tadvachanaM shrutvA dhairyavAnamitaprabhuH | vipraM visR^ijya bhUyo.api tapastepe durAsadam || 87|| sa lakShayugaparyantamekapAdena saMsthitaH | chakAra duHsahaM ghoraM tapo matprItisAdhanam || 88|| tatashcha matprasAdena nivR^ittA vighnarAjayaH | tataH kAshIM yayau rAjA hR^iShTAntaHkaraNaH shubhe || 89|| tena ghorataraM taptaM pUrvapUrvabhaveShvapi | bahukAlaM prayatnena kAshIprAptyarthamAdarAt || 90|| kAshyAM visheShatIrtheShu snAtvA pratyahamAdarAt | nityayAtrAdikaM kR^itvA nyavasanniyatedriyaH || 91|| tatastatraiva nivasanmAghakR^iShNachaturdashIm | samprApya paramaM lebhe santoShaM nR^ipatiH sadA || 92|| tatastu nR^ipatistasmin shivarAtridine shuchiH | kR^itvA yAtrAdikaM sarvamupoShya niyatavratI || 93|| pUjopakaraNaM sarvaM sampAdya dR^iDhamAnasaH | kR^ittivAseshvaraM samyak sampUjya vidhipUrvakam || 94|| kR^iShNagoghR^itadIpAMshcha chakAra sa manoharAn | taddIpaprabhayA lokAH dIpitAH sarvameva hi || 95|| stotrapAThaishcha nR^ittai~ncha purANashravaNAdibhiH | chakre jAgaraNaM rAjA kR^ittivAseshamarchayan || 96|| tatastatraiva pUtAtmA shivali~NgArchane rataH | pa~nchAgnimadhyadeshasthashchakArograM tapo nR^ipaH || 97|| kAlena sa mR^itaH so.api mamA~Nke sanniveshitaH | mayA pa~nchAkSharo datto muktimApa nR^ipottamaH || 98|| sarvArthasAdhakaM kShetramIdR^ishaM kR^ittivAsasaH | tatrAnvahaM pUjanArhakR^ittivAseshvarAM janaiH || 99|| tatprAnte santi li~NgAni koTishaH kamalAnane | tAnyapyetAni dR^ishyAni sarvamuktikarANi cha || 100|| tIrthamastyekamamale R^iNamochannAmakam | tattIrthasnAnamAtreNa R^iNebhyo muchyate janaH || 101|| tatra shrAddhaM vidhAnena kartavyaM ratnataH shubhe | tena muktA bhavantyeva pitR^INAnR^iNabandhanAt || 102|| pishAchamochanaM nAma tIrthamasyekamuttamam | tAtra snAtvA pishAcho.api muchyate sarvapAtakaiH || 103|| shrAddhaM cha vidhivattatra kartavyamatiyatnataH | pishAchabhUtAH sarve.api muchyante pitarastataH || 104|| tatrApi santi li~NgAni bhaktAbhIShTapradAni cha | pUjanIyAni yatnena kAshIkShetranivAsibhiH || 105|| shrIkAlabhairavaprAnte kuNDamastyekamuttamam | kAlAShTamIdine tatra snAnaM kAryaM vidhAnataH || 175|| tatkuNDanikaTe ramyaM li~NgaM kAleshvarAbhidham | bhairavasthApitaM tiShThatyekaM pApaughanAshanam || 176|| tatpUjanaM yathAshAstraM kAryaM bilvadalAdibhiH | tataH pUjA yathAshAstraM kartavyA bhairave.ahani || 177|| pradakShiNanamaskArAH kAryA aShTottaraM shatam | jAgareNopavAsena prINanIyo hi bhairavaH || 178|| shuchibhistailapakvAnnaiH shaivabrAhmaNapu~NgavAH | bhojanIyAH prayatnena bhairavaprItikAmukaiH || 179|| shrIpArvatyuvAcha \- kA vA kalAShTamI shambho sA kAlasya priyA katham | jAgareNopavAsena kathaM tR^ipyati bhairavaH || 180|| shrIshiva uvAcha \- kAlAShTamIti vij~neyA kArtikasyAsitAShTamI | tasyAmupoShaNaM kArya tathA jAgaraNaM nishi || 181|| || iti shivarahasyAntargate kAshIsthitAn shivatIrthakShetramAhAtmyaM sampUrNam || \- || shrIshivarahasyam | ugrAkhyaH saptamAMshaH | adhyAyaH 11 | 1\-105 , 175\-181|| ## - .. shrIshivarahasyam . ugrAkhyaH saptamAMshaH . adhyAyaH 11 . 1-105 , 175-181.. Notes: Śiva ##shiva## describes to Pārvatī ##pArvatI##, several ŚivaTīrthaKṣetra ##shivatIrthakShetra## located in Kaśī ##kAshI## and the key tithi-s ##tithi## with regards to the observations at these Kṣetra ##tIrthakShetra##. These include - Oṃkāranātha ŚivaTīrthaKṣetra ##oMkAranAtha shivatIrthakShetra## that is a revered spot for those seeking Śivatattvajñāna ##shivatattvaj~nAna##, and worship of Oṃkāranātha ##oMkAranAtha## is observed especially on Śukla Caturdaśī ##shukla chaturdashI##. Pitṛtarpaṇa ##pitR^itarpaNa## and śrāddha ##shrAddha## can be performed at the Oṃkārakuṇḍa ##oMkArakuNDa##. Trilocaneśvara ŚivaTīrthaKṣetra ##trilochaneshvara shivatIrthakShetra## has the Trilocanaliṅga ##trilochanali~Nga## and Pilapilā Kuṇḍa ##pilapilA kuNDa## where śrāddha ##shrAddha## can be performed especially during Śani Trayodaśī ##shani trayodashI## and its Pradoṣa ##pradoSha##. Several other kinds of homam-s homam can also be performed here. Kṛttivāseśvara ŚivaTīrthaKṣetra ##kR^ittivAseshvara shivatIrthakShetra## has Kṛttivāseśvaraliṅga ##kR^ittivAseshvarali~Nga## and Kṛttivāseśvarakuṇḍa ##kR^ittivAseshvarakuNDa##; where observations including night vigil, can be made especially on Māgha Kṛṣṇa Caturdaśī ##mAgha kR^iShNa chaturdashI## (amānta ##amAnta##) and Śivarātri ##shivarAtri## towards seeking liberation (mukti ##mukti##). Ṛṇamocan ŚivaTīrthaKṣetra kuṇḍasnāna##R^iNamochan shivatIrthakShetra kuNDasnAna## can be performed for relief from various kinds of ṛṇa ##R^iNa##, including pitṛṛṇa ##pitR^iR^iNa##. Piśācamocana ŚivaTīrthaKṣetra ##pishAchamochana shivatIrthakShetra## is where observing kuṇḍasnāna ##kuNDasnAna## and śrāddha ##shrAddha## can be performed to seek relief from issues related to pitṛ-s ##pitR^i##, piśāca-s ##pishAcha## and bhūta-s ##bhUta##. Kālabhairavaprānta ##kAlabhairavaprAnta## has a kuṇḍa ##kuNDa## for snāna ##snAna## can be observed especially on Kālāṣṭamī ## kAlAShTamI## i.e. Kārtika Kriṣṇāṣṭamī ##kArtika kR^iShNAShTamI##. There also, is a Kāleśvaraliṅga ##kAleshvarali~Nga##, where Bhairava ##bhairava## can be worshiped, and night vigil be observed. Kaśī ##kAshI## harbors several ŚivaTīrthaKṣetra ##shivatIrthakShetra## that are outlined in ŚivaRahasyam saptāṃśaḥ ##shivarahasyaM saptAMshaH##.## ## Proofread by Ruma Dewan \medskip\hrule\obeylines Please send corrections to sanskrit@cheerful.com Last updated \today https://sanskritdocuments.org \end{document}