% Text title            : Kashisthitan Shivatirthakshetramahatmyam 2
% File name             : kAshIsthitAnshivatIrthakShetramAhAtmyam2.itx
% Category              : shiva, shivarahasya, tIrthakShetra
% Location              : doc\_shiva
% Transliterated by     : Ruma Dewan
% Proofread by          : Ruma Dewan
% Description/comments  : shrIshivarahasyam | ugrAkhyaH saptamAMshaH | adhyAyaH 12 | 1-36||
% Latest update         : March 8, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Kashisthitan Shivatirthakshetramahatmyam 2 ..}##
\itxtitle{.. kAshIsthitAn shivatIrthakShetramAhAtmyam 2 ..}##\endtitles ##
\- shivapArvatIsaMvAde \-
kAshya manyanmahatsthAnaM kedArAbhidhamuttamam |
tatrApi li~NgamastyekaM kedAreshvaranAmakam || 1||
kuNDamasnyekamamalaM tatraiva vimalodakam |
satra snAtvA vidhAnena kedAreshaM prapUjayet || 2||
tatrApi munayo bhaktyA kR^itvA malli~NgapUjanama |
tiShThanti koTishaH shuddhAstapodhyAnaparAyaNAH || 3||
tatkuNDasnAnamanishaM kartavyaM prItipUrvakam |
tilaistu pitaro nityaM tarpaNIyAH prayatnataH || 4||
tatkuNDakuharAnnityaM sotsAhaM nAgakanyakAH |
matpriyArthaM samAyAnti nAnAbharaNabhUShitAH || 5||
sahasrajihvaH sheSho.api pratyahaM bhaktipUrvakam |
sabandhustena mArgeNa samAyAti madarchakaH || 6||
kArkoTako.api tenaiva mArgeNAyAti sAdaram |
anye.api bahavo nAgAH samAyAntyanishaM mudA || 7||
tatkuNDadvAri satataM tIkShNashUlAsipANayaH |
sAShTakoTagaNAdhIshAstiShThanti krUravikramAH || 8||
tAnagre pUrjAyatvaiva prasAdya tadanantaram |
nAgalokAtsamAyAnti sarve sheShAdayaH sadA || 9||
mAmabhyarchya yathAshAstraM kR^itvA chAntargR^ihAdikam |
kurvanti kAlanAthasya pUjanaM bhaktipUrvakam || 10||
nR^ityanti nATyanipuNAssarvAstA nAgakanyakAH |
kurvanti nAgamamalaM nAgashAstrAnurodhataH || 11||
nAgachampakapunnAgaratnabilvAdimAdhavaiH |
mAmabhyarchya punaryAnti punarAyAnti yAnti cha || 12||
tasya kedAranAthasya shrAvaNe somavAsare |
pUjA kAryA visheSheNa sAdhanairvividhaiH shubhaiH || 13||
somavAravrataM kAryaM prayatnena yathAvidhi |
shaktenopoShaNaM kAryamanyathA nishi bhojanam || 14||
tasya dakShiNadigbhAge tiShThatyarkavinAyakaH |
tasminneva dine so.api pUjanIyaH prayatnataH || 15||
sarvavighnanivR^ittyarthaM pUrvamarkeNa sAdaram |
tapastaptaM mahadghoramekapAdena sAdaram || 16||
arkeNaiva kR^itaM kuNDamekaM tiShThati nirmalam |
tattu ratnaughakhachitasopAnaistena nirmitam || 17||
lolArkeshAbhidhaM li~NgaM tatrAsti sakalArthadam |
tatpUjA vidhivatkAryA bhAnuShaShThi (?) dine shubhe || 18||
tatprAnte santi li~NgAni sarvAbhIShTapradAni cha |
teShAmapi yathAyogyaM pUjA kAryA prayatnataH || 19||
siddheshvarAbhiShaM li~NgaM kAshyAM tiShThati kAmadam |
tatra pUjA vidhAnena kartavyA pratyahaM janaiH || 20||
tatraiva pUjyAvimalA tiShThatyamalalochane |
sarvadurgaharA nityaM svabhaktAbhayadAyinI || 21||
ashvinI shuklapakSha(AshvayukchChuklapakSha)pratipatprabhR^iti priye |
navamIdinaparyantaM pUjA kAryA prayatnataH || 22||
sA sarvAtiharA devi nityaM kAshInivAsinAm |
pUjitA bhaktavaradA bhavatyeva na saMshayaH || 23||
atraivAmR^itakuNDAkhyaM tIrthamastyekamuttamam |
tatra snAnena duHkhAni na bhaviShyanti sarvathA || 24||
kAmAkShIsthAnamanaghamekamasti varAnane |
tatra kuNDamabhUddivyaM tajjalaM chAmR^itopamam || 25||
tatrApi shrAvaNe mAse pratyahaM vidhivajjanaiH |
pUjA kAryA vidhAnena sarvathA bhaumavAsare || 26||
tatrApi shivali~NgAni santi koTyavadhi priye |
kuNDAnyapi manoj~nAni nirmalAni bhavanti hi || 27||
tAnyapi shraddhyA nityaM pUjanIyAni yatnataH |
nirmaleShu cha kuNDeShu snAnaM kAryaM yathAvidhi || 28||
AdiDhuNDhIshvaro nAma gaNeshastiShThati priye |
sarvavighnaharo nityaM sarvAbhIShTapradAyakaH || 29||
pratishuklachaturthyAM tu sadUrvAlaDDukAdibhiH |
pUjanIyaH prayatnena kAshI vAsepsubhirnaraiH || 30||
kAleshvarAbhidhaM li~Ngamekamasti varAnane |
tatpUjA sarvathA kAryA pratyahaM vidhivajjanaiH || 31||
gokarNAbhidhamastyekaM li~NgaM pApaughanAshanam |
tatrApi kuNDamastyekaM tatra snAnamaghApaham || 32||
shivarAtridine tatra snAnaM kAryaM prayatnataH |
talli~NgapUjanaM chApi kartavyaM taddine shubhe || 33||
divyali~NgAnyanantAni kAshyAM tiShThanti sarvathA |
teShAM prabhAvaH kenApi vaktumeva na shakyate || 34||
agre.api munibhirdivyairbhauMmaishcha kamalAnane |
sthApanIyAni li~NgAni kAshyAmanyairapi dhruvam || 35||
kuNDAnyapi cha kAryANi taireva munisattamaiH |
tapashcharyAM kariShyanti tathaivAtra sadA shubhe || 36||

|| iti shivarahasyAntargate kAshIsthitAn shivatIrthakShetramAhAtmyaM sampUrNam ||

\- || shrIshivarahasyam | ugrAkhyaH saptamAMshaH | adhyAyaH 12 | 1\-36||
##
- .. shrIshivarahasyam . ugrAkhyaH saptamAMshaH . adhyAyaH 12 . 1-36..

Notes:
Śiva ##shiva## describes to Pārvatī ##pArvatI##, several ŚivaTīrthaKṣetra ##shivatIrthakShetra## located in Kaśī ##kAshI## and the key tithi-s ##tithi## with regards to the observations at these Kṣetra ##tIrthakShetra##. These include -
Kedāra ŚivaTīrthaKṣetra ##kedAra shivatIrthakShetra##; that has Kedāreśvara Ṣivaliṅga ##kedAreshvara shivali~Nga## and Kedārakuṇḍa ##kedArakuNDa##, where Pitṛtarpaṇa ##pitR^itarpaNa## with Tila ##tila## can be performed. Several nāga-s ##nAgAH## (Śeṣa ##sheSha##, Kārkoṭaka ##kArkoTaka## et al) worship Śiva ##shiva## at this place, and the Kedārakuṇḍa ##kedArakuNDa## is especially guarded by the fierce Aṣṭakoṭa Gaṇādhīśa ##aShTakoTa gaNAdhIsha##. Worship is observed especially on Śrāvaṇa Somavāra ##shrAvaNa somavAra##.
Lolārkeśa Śivaliṇga ##lolArkesha shivali~Nga## is worshiped by Arkavināyaka ##arkavinAyaka##, who also established the Arkakuṇḍa ##arkakuNDa## nearby. Worship can be conducted there especially on Bhānu Ṣaṣṭhī ##bhAnu ShaShThI##.
Siddheśvara Śivaliṇga ##siddheshvara shivali~Nga## here has an Amṛtakuṇḍa ##amR^itakuNDa## nearby, and the devotees here are blessed by the Devī ##devI##. Worship here is to be conducted especially from Āśvin Śukla Pratipadā ##Ashvin shukla pratipadA## to Navamī ##navamI##.
 Kāmākṣīsthāna ##kAmAkShIsthAna## and associated Kuṇḍa ##kuNDa## have several Ṣivaliṅga ## shivali~Nga## and worship is to be conducted here during the entire Śrāvaṇa māsa ##shrAvaNa mAsa##, Bhaumavāsara ##bhaumavAsaraH## (Tuesday).
Ādiḍhuṇḍhīśvara Gaṇeśa ##AdiDhuNDhIshvara gaNesha## there is worshipped on every Śukla Caturthī ##shukla chaturthI##.
Kāleśvara Śivaliṇga ##kAleshvara shivali~Nga##  is worshipped daily.
Gokarṇa ŚivaTīrthaKṣetra ##gokarNa shivatIrthakShetra## has a Kuṇḍa ##kuNDa##, where bathing and worship should be performed especially on Ṣivarātri ##shivarAtri##.
Kaśī ##kAshI## harbors several DivyaṢivaliṅga ## divyashivali~Nga## and ŚivaTīrthaKṣetra ## shivatIrthakShetra## that are outlined in ŚivaRahasyam saptāṃśaḥ ##shivarahasyaM saptAMshaH##.##
##
Proofread by Ruma Dewan 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}