% Text title            : Kashisthitam Pashupatakshetramahatmyam
% File name             : kAshIsthitaMpAshupatakShetramAhAtmyam.itx
% Category              : shiva, shivarahasya, tIrthakShetra
% Location              : doc\_shiva
% Transliterated by     : Ruma Dewan
% Proofread by          : Ruma Dewan
% Description/comments  : shrIshivarahasyam | ugrAkhyaH saptamAMshaH | adhyAyaH 10 | vAvRittashlokAH ||
% Latest update         : March 8, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Kashisthitam Pashupatakshetramahatmyam ..}##
\itxtitle{.. kAshIsthitaM pAshupatakShetramAhAtmyam ..}##\endtitles ##
\- shivapArvatIsaMvAde \-
shrIsadAshiva uvAcha \-
kAshyAM pashupatIshasya sthAnamatyuttamaM shubhe |
nityaM sannihitastatra nivasAmyahamAdarAt || 2||
mahApAshupataistatra vasatiH kriyate sadA |
shaivashAstrapraNetAraH santi tatraiva koTishaH || 3||
bhasmadigdhakarAdya~NgAH tripuNDrA~NkitamastakAH |
rudrAkShamAlAbharaNAH dIrghapi~NgajaTAdharAH || 4||
aghoramUrtimanishaM dhyAyante mAmajaM shivam |
aghoramantravinyAsajapaniShThA nirAkulAH || 5||
niShkalaM nirguNaM shAntaM shivamakSharamavyayam |
turIyamanaghaM matvA bhajanti shivameva mAm || 6||
tyaktvA pashupatIshasya sthAnamanyatra sarvadA |
na gachChantyeva niyatAH shaivadIkShAparAyaNAH || 7||
nityaM shivakathAsveva saktAntaHkaraNA mudA |
shivanAma vihAyAnyanna vadantyeva sarvadA || 8||
tatra pAshupataM nAma kuNDamasti varAnane |
tatkAshmIramaNishreShThai rachitaM nirmalodakam || 9||
tatra kurvanti ye snAnaM bhUyaste sarvadA shubhe |
nArakIM yAtanAM prApya na shochanti kadAchana || 10||
tatra snAtvA cha pItvA cha tajjalaM pApanAshakam |
sudhArmikA maNichChAyAsamAkrAntamaharnisham || 11||
spR^iShTvA.api yAnti mallokaM nirdhUtAghA na saMshayaH |
punarAvR^ittirahitaM sarvAshAsyamanAmayam || 12||
tasminnevAbhavatkuNDe maNDUkaH kashchiduttamaH |
sa shivAnnAnyadastIti vadaMstiShThati sarvadA || 13||
shivabhaktasharIraM tu charali~Ngamato mayA |
shivatuShTyarthamatraiva pUjA kAryA visheShataH || 29||
shivabhaktasharIrAkhye charali~Nge sadAshivaH |
nityaM sannihitaH sAmbo modate bhaktavatsalaH || 30||
tataH shaivasharIrAkhye li~Nge dattaM dhanaM priyam |
gR^ihNAti sAdaraM shambhurbhaktadehAshrayaH sadA || 31||
dhanyAH shaivajanAH sarve shivanAmaikajIvanAH |
yatpUjayA mahAdevastuShTo bhavati sAnugaH || 32||
ito.apyanye shivaratAH kITAstatkuNDavAsinaH |
kAlena kAshyAmanishaM vasantaH shivasammatAH || 71||
shaivaM padamavApyAnte sthAsyanti sukhinaH sadA |
dharmasampAditenaiva kAshIvasena sarvadA || 72||
kAshI pAshupataM kShetraM mahApAshupatAshrayam |
sA pAshupatavaryANAM mokShadA nAvasaMshayaH || 73||
shaivAH pAshupatAH shuddhA yatra tiShThanti sarvadA |
li~NgArchanAvR^i(navra)tAdhIshAstatraiva nivasAmyaham || 74||
mannAma japasaMsaktA malli~NgArchanatatparAH |
yatrakvachana tiShThanti tatrasannihito.asmyaham || 75||
shambho sha~Nkara vishveshetyanishaM yatra nR^ityati |
shaivaHshivaratastatra nivasAmi varAnane || 76||
yatra pAshupatA dharmAH shivadharmAshcha santatam |
vasanti tatra satataM nivasAmyahamAdarAt || 77||
mahApAshupataM shaivaM mahAshaivaM shivapriyam |
dR^iShTvA pUjAM yathAshakti kartavyA sarvathA janaiH || 78||
shaivAnapUjayitvaiva yo gachChatyabhimAnataH |
sa yAti narakaM ghoraM satyamevochyate mayA || 79||
shivadIkShAparaiH(raH)shaivaH ashaivebhyaH kadAchana |
namaskAro na kartavyo yataH shaivA janottamAH || 80||
shaivairanyonyapUjA tu kartavyA vidhivatsadA |
anyonyaM pUjakAH pUjyAste bhavantyanaghAH shubhe || 81||
na kAshIsadR^ishaM kShetraM na sha~NkarasamaH suraH |
na shaivasadR^isho vipro na matto.anyo.api mokShadaH || 82||
shrImatpashupatIshasya sannidhau patriNo.api mAm |
j~nAtvA shiva shivetyevaM vadantyanishamAdarAt || 83||
dhanyaM pAshupataM sthAnaM dhanyAH pAshupatA janAH |
dhanyAH pashupatIshasya pUjakAH sarvadA mudA || 84||
yasminpAshupatasthAne vasatAM patriNAmapi |
shivatattvamatiH shuddhA vartate buddhidurlabhA || 85||
kAshyAM pashupatIshasya sannidhAne sthitiH sadA |
pUrvoktadharmanirataiH kartavyA yatnataH shubhe || 86||
nirAhAravrataiH shudvairmahAshaivaiH shivArchakaiH |
stheyaM pashupatIshasya kShetre yatnena sarvadA || 87||
tatra japto mahAmantraH shaiva shIghraphalapradaH |
bhavatyeva na sandeho japanIyaH prayatnataH || 88||
shaivadIkShAM(kShA) shubhAM(bhA)tatra shaivebhyo dIyate mayA |
tataH pa~nchAkSharo mantrastatra japyo nirantaram || 89||

|| iti shivarahasyAntargate kAshIsthitaM pAshupatakShetramAhAtmyaM sampUrNam ||

\- || shrIshivarahasyam | ugrAkhyaH saptamAMshaH | adhyAyaH 10 | vAvR^ittashlokAH ||
##
- .. shrIshivarahasyam . ugrAkhyaH saptamAMshaH . adhyAyaH 10 . vAvRRittashlokAH ..

Notes:
Śiva ##shiva## narrates to Pārvatī ##pArvatI## about the Pāśupatakṣetra ##pAshupatakShetra## located in Kāśī ##kAshI## and the merits of worshiping Him as Pāśupatī ##pashupati## while being able to live there - not just the humans, but also insects, birds, animals etc.
Kaśī ##kAshI## harbors several ŚivaTīrthaKṣetra ##shivatIrthakShetra## that are outlined in ŚivaRahasyam saptāṃśaḥ ##shivarahasyaM saptAMshaH##.##
##
Proofread by Ruma Dewan 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}