% Text title            : Kashivishveshvara Stotram or Dinakrandanam
% File name             : kAshIvishveshvarastotramdInAkrandanam.itx
% Category              : shiva
% Location              : doc\_shiva
% Transliterated by     : Sivakumar Thyagarajan shivakumar24 at gmail
% Proofread by          : PSA Easwaran
% Latest update         : March 24, 2020
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Kashivishvesvara Stotram or Shri Dinakrandanam ..}##
\itxtitle{.. shrIkAshIvishvesvarastotraM athavA shrIdInAkrandanam ..}##\endtitles ##
OM shrIgaNeshAya namaH |
chuNThIjalairiva sukhaiH pariNAmaduHkhaiH
     AsvAditairapi manAgaviluptatR^iShNaH |
shrAnto.asmi hA bhavamarau suchiraM charitvA
     tachChAyayA charaNayoH shiva mAM bhajethAH  || 1||
durvArasaMsR^itirujA bhR^ishakAndishIkaH
     tvAmoShadhIpatibhR^itaM sukR^itairavApya |
AvedayAmi yadahaM tava tannidAnaM
     tatrAvadhehi mR^iDa mA kuru mayyavaj~nAm || 2||
durvAsanAshatavashAdashuchitvamIkShya
     yA me haThAtkR^itavatI manasi pravesham |
sA.anekajanmamaraNAvaTapAtanena
     mAM rAkShasIva bahu nAtha tudatyavidyA || 3||
ghore kShaNaM vinipatannarake kShaNaM cha
     puNyaM padaM diviShadAM sahasA.adhirohan |
mohena kandukadashAmiva nIyamAnaH
     svAmin sahe kimavadhIni gatAgatAni || 4||
kA me gatirvishati naiva mano vivekaH
     svapne.api pakkaNamiva pravaro dvijAnAm |
ruddhe.api tatra na sa roDhumalaM muhUrtaM
     vishvesha mauktikamivopari darpaNasya || 5||
pitrorjaghanyarasabinduyugaM gR^ihItvA
     hantAsakR^itpatitavAnadhigarbhavAsam |
tadduHkhamanvabhavamIsha gabhIrakumbhI\-
     pAko varAka iti yasya puro gR^iNanti  || 6||
tatra sthitastadanu tattadanekapUrva\-
     janmAntarasmaraNavismayaduHkhitAtmA |
asmAnnisR^itya punarudbhavabha~NgahetoH
     cheto vidhAsya iti chAkaravaM pratij~nAm || 7||
tenAdhvanAtha nisR^ito.asmi tataH smR^ite.api
     yasminnikAmamabhimAnadhanAstrapante |
saMsparshatastu shatashaH shitikarmavAyoH
     prAyo nigUDhadR^iDhamUDhadashAmavApam || 8||
tiryagdashAmiva shanairavivekasekAt
     varShANyavApya parameshvara pa~nchaShANi |
tattatkR^itaM patadapi smR^itisImni yadyat
     sadyo hriyaM jaDadhiyo.api hR^idi prasUte || 9||
AsAdya yauvanamatho bahubhiH prakAraiH
     shR^i~NgArabha~NgyanuguNairguNitAvivekaH |
jAto.asmi ghoranarakAvahakarmayogAt
     bhogAshayA prashamitobhayalokashuddhiH || 10||
mohAtkR^itaH pariNayo.apyanayo mahIyAn
     mUlaM samastabhavabandhanadurgatInAm |
yasmAdudetya durapatyajanena sR^iShTa\-
     sneho.asmi veShTIta ivotkaTanAgapAshaiH || 11||
tatpoShaNAya viduShA.api mayA samastaM
     auchityamujjhitavatA.a.attavatA kukR^ityam |
dvAri shvavallaDitameva kadIshvarANAM
     soDhAvamAnashataviklavamAnasena || 12||
prANAdhikairatha viyogamavApya taistaiH
     iShTairaruntudaviShAdavashaMvadena (mayA)|
strIvanmayA vilapitaM vihitaM na ki~nchit
     kR^ityaM satAM samuchitaM hahahA hato.asmi || 13||
sAMsArikeShu viShayeShu nipatya rAga\-
     dveShaikaniShThahR^idayo bhagavannabhUvam |
AsIdadantakabhayapratikUlavR^itti
     ki~nchinmayA na rachitaM viditaM na vApi || 14||
itthaM na kiM vyavahR^itaM na kimuktamAttaM
     kiM vA na kiM na kalitaM lalitaM na vApi |
sarvatra tatra sharaNaM kR^ipaNasya me tvaM
     ehyohi dehi charaNaM shirasIndumaule || 15||
yAH protkaTA bhrukuTayo yamaki~NkarANAM
     pIDAshcha yA navanavA narakAvanIpu |
tAshchintitA api bhayAya mamAdhunaiva
     soDhAsmi tAH kathamaho viShamo viShAdaH || 16||
bhIto.asmi durgatatamo.asmi kadarthito.asmi
     pApo.asmi vismR^itasadadhvaparigraho.asmi |
tatkena kena na pathAsmi kR^ipA.a.aspadaM te
     matveti sha~Nkara yathochitamAcharethAH || 17||
no yatra bandhuratha naiva pitA na mAtA
     no vA suhR^iddhR^itimupetya vidhAtumIShTe |
tAsvetya nAtha mama nArakabhUShu kuryAH
     trANaM tvameva hi jagatsu dayArdrachetAH || 18||
bhraShTo.asmi yadyApi satAM charitAttathApi
     mAM trAtumarhasi kR^itAntAbhiyA shrayantam |
prehveShu vihvalatayA sharaNAgateShu
     no sAdhavo vidadhate sadasadvivekam || 19||
yeShvandhakAranikareNa karAlitA bhUH
     yatra jvalanti narakeShvanishaM hutAshAH |
dhAmatrayInayana nirjarasindhumUrdhan
     tatretarastvamiva kaH sharaNaM narANAm || 20||
prAgyAvadindriyagaNaH paTushaktirAsIt
     svAmin sa tAvadagamadviShayeShu niShThAm |
shaktikShaye.adya sa kathaM bhajate bhavantaM
     janmeti me viphalamIsha kimAH karomi || 21||
nAdAyi dAnamatha naiva tapo vyadhAyi
     nAsevi tIrthadigasAdhyataraH samAdhiH |
tatkA.aparatra gatirastyanavAptapuNya\-
     j~nAnasya me bhava bhavatsmR^itimantareNa || 22||
kAlAnna me bhayamatho kanake na lipsA
     naivAsmi shaishavavashena payaH pipAsuH |
tvaddarshanAya tu shiva spR^ihayAmi lobhAt
     tatrApi kiM tava na vA sukaraH prakAraH || 23||
yajjanma durlabhamushanti manuShyaloke
     tatprAptamapyatanupUrvashubhaprabhAvAt |
jAtaM vR^ithaiva mama yatra muhuH kadA.api
     naivAnvabhAvi bhavadarchanabhaktisaukhyam || 24||
jAtirmaheshvara bhuja~Ngamapu~NgavAnAM
     stutyA varaM bhavadala~NkR^itivAhakR^ityaiH |
mAnuShyakaM tu mama dhikkalayA kayApi
     yannopayogamagamattvayi machChirIram || 25||
shashvadbhR^ishavyasanitAmapi me.avadhArya
     dhatse kathaM paramakAruNiko.apyavaj~nAm |
kiM nAtha pashyasi na yatparihR^itya sha~NkAM
     lagno.anishaM shiva shiveti mama pralApaH || 26||
raktArdracharmavasanAya mahAsmashAna\-
     dhAmne.asthibhUShaNavate phaNika~NkaNAya |
rakShaHpishAchasachivAya baliM prayAmaH
     rUpAya te hara yugAntanishAcharAya || 27||
divyottarIyabhR^iti kaustubharatnabhAji
     deve.apare dadhatu lubdhadhiyo.anubandham |
rUpaM digambaramakhaNDanR^imuNDachUDaM
     bhAvatkameva tu batesha mama spR^ihAyai || 28||
jIvAmi chedatha pR^ithupriyaviprayoga\-
     rogAdayo narakaduHkhabhiyo.anyathA.api |
ghnantyeva mAmubhayathA.apyasukho.ahamitthaM
     atrochitaM hara chara svakR^ipAlutAyAH || 29||
yatrendriyANi viramanti nijakriyAbhyaH
     yAtyAntaro.api karaNaprasaro.avasAdam |
prANAstruTanti cha samastanirAshabhUtaM
     mAmetya sha~Nkara kuto.api tadA dayethAH || 30||
svAsheShapUrvaduritasmaraNAdudeti
     yatrAsamaM bhayamasuprashamaprasa~Nge |
kaH kAndishIkamanasaH sharaNaM tadA me
     svAmiMstavaiva samayaH sa kR^ipAlutAyAH || 31||
adyaiva yAmi sharaNaM parameshvara tvAM
     shakShyAmi kiM tanu tadA.a.ahatasarvashaktiH |
mR^ityuryadA mama bhayAya patatyakasmAt
     andhasya vaktra iva hastatalaprahAraH || 32||
ArtikShaNe sapadi vismara tAta mAtaH
     ityAdikaM cha viphalaM kR^ipaNApalApam |
sharvesha sha~Nkara shiveti nutiM bhajasva
     jihve yato vighaTate.akhiladuHkhabhAraH || 33||
svAsthye madAtkati na dushcharitAni nAma
     nAtha vyadhAM gatavivekatayA visha~NkaH |
saMsmR^itya mR^ityubhayamadya tu vihvalo.asmi
     shrIkaNTha bhoktumapi yena na pArayAmi || 34||
pUrvaM na chedvirachitA tava deva sevA
     tenaiva naiva dayase shrayato mamArtim |
kiM prAgasaMstuta iti pratipannamUla\-
     chChAyaM gatashramarujaM na taruH karoti || 35||
j~nAnaprakAshasulabhaM shiva darshanaM te
     jAtyandhataiva cha paraM mama tadviyogAt |
tattAM tvameva kila kAmapi dehi yuktiM
     vyaktiM yayaiShyasi mama shramamantareNa || 36||
prApyedR^ishImapi manuShyadashAM na puNye
     j~nAne.athavA vidhihato.apyagamaM pratiShThAm ||
sAmagryasAvatha kutaH punarapyato mAM
     svAminnadhanyamanukampitumarhasi tvam || 37||
lInena bhUri viShayAdhvani saukhyalobhAt
     nAmApi mohitadhiyA kalitaM na mR^ityoH |
AsidataH sapadi tadbhayato mayA kiM
     shakyaM vidhAtumahahA mahadAkulo.asmi || 38||
yA vikriyA yamabhaTabhrukuTichChaTAnAM
     pIDAshcha yA navanavA narakAvanIShu |
tA nirvishan bhava kathaM bhavitAsmyamutra
     kutra vrajAmi sharaNaM kataraM prapadye || 39||
smR^itvA.apyaho ravija ki~NkR^itahu~NkR^itInAM
     muhyAmi yAmi vilayaM bhayavihvalAtmA |
AsannamevamahahA viShamaM purastAt
     tatkA gatirmama kukarmanimagnavR^itteH || 40||
AsannapApashatasambhR^itaghorapIDaH
     krandAmyananyagatikatvavashAtpuraste |
tasmAtkathaM na dayase tvaritaM kutashchit
     Agatya vishvamaya sAntvaya mAM varAkam || 41||
pashyan samAnavayaso.api yavIyaso.api
     naktandivaM yamabhaTairapi nIyamAnAn |
AtmanyabhUvamajarAmaratAbhimAnI
     yadviplavAdakaravaM na shubhaM kadAchit || 42||
dvAre luThAmi karuNaM pralapAmi shambho
     vA~nChAmi chumbitumatho parirabhya cha tvAm |
vAtUlatAmupagato.asmi tavAnurAgAt
     hA duHsahastvayi mamaiSha dR^iDho.anurAgaH || 43||
kaNThe.arpayatyuragapAshamasUyayA me
     yAminyadhIshashikha yatsamaye kR^itAntaH |
nUnaM tadA muhurupaimi phaNIndrahAra
     tvattulyatAmiti bhaje maraNe.api harSham || 44||
chittaM na pAradamiva kShaNamujjhatIdaM
     chA~nchalyaviplavamayuktividaH prabho me |
tasmAtkathaM bhavati bhaktirasasya siddhiH
     kastAM vinA cha bhavaghoravipadvinAshaH || 45||
svAminnanudgatavivekalavo.akR^itAtmA
     tiryagvadeva divasAnativAhayAmi |
netA kShaNAchcha vashamantakasauniko mAM
     Ashaiva tanmama kutaH sugatiprasaktyai || 46||
duHsvapna eSha viShamo bhavaduHkhanAmA
     svAmin kathaM tyajati mAM vigataprabodham |
yasmAnmamAnavaratashrutabhUrishAstra\-
     tUryasvanairapi na shAmyati mohanidrA || 47||
kR^itvA pApamasAvapoShyata nijaH kAyo na dIno janaH
     vaivashyAlluThitaM chiraM charaNayoH strINAM gurUNAM na tu |
lobho.akAri mayA dhane na sukR^ite tenAnutapye mahat
     kiM shakyaM mama tatra kartumadhunA nAtha tvamekA gatiH || 48||
ahaM pApI pApakShapaNanipuNaH sha~Nkara bhavAn
     ahaM bhIto bhItAbhayavitaraNe te vyasanitA |
ahaM dIno dInoddharaNavidhisajjastvamitarat
     na jAne.ahaM vaktuM kuru sakalashochye mayi dayAm || 49||
iti parihR^itavAn svakAvyashilpa\-
     prakaTanamAkulito bhavavyathAbhiH |
vyadhita girisha ramyadevajanmA
     tava purato haThadainyataH pralApAn || 50||
etattIvraM vratamupachitaM saikate siddhasindhoH
     vArANasyAM shamadamadR^ishoreSha gADho.anubandhaH |
dInAkrandaM prati pashupaterudyamashchATukAni
     tyaktvA rAj~nAM bata mama shubhaistanyate dhanyateyam || 51||
abhraMshe janma vaMshe sumahati vihito vA~NmayAbdhau hanUmat\-
     saMrambho dAnabhogau tadanu cha rachitau ki~nchidauchityarItyA |
j~nAtvA tattvaM yatitvaM shritamatha mathitA saMsR^itirdurnivArA
     vArANasyAM prasannA sthitiriti kR^itinaH kiM na me nAma siddham || 52||
IrShyAyai paravAdinAM kavikalAkAntA yatiM mAmiyaM
     yachchumbatyadhunApi tanmayi bhavatyabrahmacharyaM na kim |
etAvatskhalitaM kShamasva bhagavan bhUyo.api tubhyaM shape
     shrIvishveshvara deva naiva bhavitAsmyasyA rahasyAtithiH || 53||
nAsatyavyatirekato.akSharamapi prAyu~Nkta yadbhAratI
     naivAnyatparabAdhato yadasakR^itsa~nchintitaM chetasA |
nAkR^ityAditaratra gAtramatanochcheShTAM yatheShTaM cha yat
     sarvatrApi mayA tvameva sharaNaM tatrAshrito dhUrjaTe || 54||

iti shrIloShTadevakR^itaM shrIdInAkrandanaM nAma
             kAshIvishveshvarastotraM sampUrNam |
OM tat sat | 	 	
##
Encoded by Sivakumar Thyagarajan
Proofread by PSA Easwaran

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}