% Text title            : Kashiyatravidhyupadesham
% File name             : kAshIyAtrAvidhyupadesham.itx
% Category              : shiva, upadesha, advice, shivarahasya, tIrthakShetra
% Location              : doc\_shiva
% Transliterated by     : Ruma Dewan
% Proofread by          : Ruma Dewan
% Description/comments  : shrIshivarahasyam | ugrAkhyaH saptamAMshaH | adhyAyaH 12 | vAvRittashlokAH ||
% Latest update         : March 8, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Kashiyatravidhyupadesham ..}##
\itxtitle{.. kAshIyAtrAvidhyupadesham ..}##\endtitles ##
\- shivapArvatIsaMvAde \-
kAshI yAtrAvidhiM vakShye shR^iNusAdaramambike |
niyamA bahavaH santi kAshIyAtrAratAtmanAm || 99||
tatastvayaM samuchchAryo mantraH sarvArthasAdhakaH |
pUjayitvA visheSheNa li~NgarUpiNamIshvaram || 109||
shiva gaurIpate shrIman bhaktavatsala sha~Nkara |
kAshIyAtrAM kariShye.ahaM nirvighnaM kuru sarvadA || 110||
atha gaNesha mantraH
vighnesha bhaktavarada vighnarAja gaNAdhipa |
kAshIyAtrAM kariShye.ahaM nirvighnaM kurusarvadA || 111||
atha bhairava mantraH
kAlabhairava sarvAtman kAlanAshakara prabho |
kAshIyAtrAM kariShye.ahaM nirvighnaM kuru sarvadA || 112||
atha durgA mantraH
jaya durge jagadvandye jaya durge shivapriye |
kAshIyAtrAM kariShye.ayaM nirvighnaM kuru sarvadA || 113||
tato mAM vR^iShabhArUDhaM divyama~Ngalavigraham |
muktAdAmaparItA~NgaM ma~Ngalapradamuttamam || 114||
gaurIbhUShitavAmA~Ngamabhayapradasattamam |
dhyAtvA samyaktato gachChedanyagrAmaM shubhe dine || 115||
nirAhAreNa nirgachChenmaunavrataparAyaNaH |
agR^ihItvopAnahrAdInkITAnaspR^ishya bhUgatAn || 116||
shiva gaurIpate shrIman vishvanAtha sadAshiva |
kalyANadeti satataM smaran mantramimaM japan || 117||
rudrAdhyAyasyachAvR^ittiH kartavyA vidhipUrvakam |
tato rudrAkShabhasmAdi dhR^itvA gachChedyathAvidhi || 136||
evaM prayatnato nityaM gantavyaM vidhipUrvakam |
yAtrAphalepsubhirmartyaiH shaivaH shivaparAyaNaH || 137||
kAlatraye.api kartavyaM shivali~Ngasya pUjanam |
madhyAhne shivatuShTyarthaM bhojanIyAH shivArchakAH || 138||
tataH shivakathAH shrAvyAH shrotavyAH pApanAshikAH |
AsAyamatiyatnena tataH sandhyAshivArchanam || 139||
evaM yAtrArataiH shaivairmadbhaktaistu pade pade |
ashvamedhaphalaM pUrNaM prApyate nAtra saMshayaH || 140||
yathA yAtrAparaM shaivaM dR^iShTvA tatpitaraH priye |
atyantaM modamAnAste nR^ityaM kurvanti yatnataH || 141||
narake patitAnasmAnuddhariShya tyayaM sutaH |
kAshyAM shrAddhaM visheSheNa kariShyati na saMshayaH || 142||
j~nAnavApIjalaM ramyaM dhR^ivakR^itAmR^itamuttamam |
dAsyatyasmabhyamamalamayaM nAstyatra saMshayaH || 143||
j~nAnavApItaTe ramye so.ayamasmabhyamodarAt |
shrAddhaM kR^itvA vidhAnena piNDadAnaM kariShyati || 144||
snAtvA.ayaM shivaga~NgAyAM vaMshoddhArakaraH sutaH |
shrAddhaM kR^itvA vidhAnena piNDadAnaM kariShyati || 145||
ayaM kArkoTake kuNDe viShaduHkhavinAshake |
snAtvA shrAddhaM piNDadAnaM kariShyati na saMshayaH || 146||
shrImado~NkarakuNDe.api snAtvA shrAddhaM kariShyati |
piNDadAnamayaM kR^iShNatilaiH sArdhaM kariShyati || 147||
kedArakuNDe vimale piNDadAnaM kariShyati |
jalaM kR^iShNatilaiH sArdhaM bahudAsyatyasaMshayam || 148||
padbhyAM vA yajjalaM spR^iShTvA kAshIsthamaghanAshanam |
dAsyatyakShayyamamalaM duHkhaM tyAjyaM tataH param || 149||

|| iti shivarahasyAntargate kAshIyAtrAvidhyupadeshaM sampUrNam ||

\- || shrIshivarahasyam | ugrAkhyaH saptamAMshaH | adhyAyaH 12 | vAvR^ittashlokAH ||
##
- .. shrIshivarahasyam . ugrAkhyaH saptamAMshaH . adhyAyaH 12 . vAvRRittashlokAH ..

Notes:
Śiva ##shiva## details to Pārvatī ##pArvatI## about the do's and don't's of Kaśīyātrā ##kAshIyAtrA##. Some Śloka-s are collated here for this webpage.
Kaśī ##kAshI## harbors several TīrthaKṣetra ## tIrthakShetra## that are outlined in ŚivaRahasyam saptāṃśaḥ ##shivarahasyaM saptAMshaH##.##
##
Proofread by Ruma Dewan 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}