% Text title            : Shri Krishnarjunabhyam Kritam Rudra Stotram
% File name             : kRRiShNArjunAbhyAMkRRitaMrudrastotram.itx
% Category              : shiva, mahAbhArata, stotra
% Location              : doc\_shiva
% Proofread by          : PSA Easwaran
% Description/comments  : mahAbhArata | droNaparva | adhyAya 57/49-58||
% Latest update         : November 15, 2025
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Krishnarjunabhyam Kritam Rudra Stotram ..}##
\itxtitle{.. shrIkR^iShNArjunAbhyAM kR^itaM rudrastotram ..}##\endtitles ##
namo bhavAya sharvAya rudrAya varadAya cha |
pashUnAM pataye nityamugrAya cha kapardine || 49||
mahAdevAya bhImAya tryambakAya cha shambhave |
IshAnAya bhagaghnAya namo.astvandhakaghAtine || 50||
kumAragurave nityaM nIlagrIvAya vedhase |
vilohitAya dhUmrAya vyAdhAyAnaparAjite || 51||
nityaM nIlashikhaNDAya shUline divyachakShuShe |
hantre goptre trinetrAya vyAdhAya vasuretase || 52||
achintyAyAmbikAbhartre sarvadevastutAya cha |
vR^iShadhvajAya pi~NgAya jaTine brahmachAriNe || 53||
tapyamAnAya salile brahmaNyAyAjitAya cha |
vishvAtmane vishvasR^ije vishvamAvR^itya tiShThate || 54||
namo namaste sevyAya bhUtAnAM prabhave sadA |
brahmavaktrAya sharvAya sha~NkarAya shivAya cha || 55||
namo.astu vAchaspataye prajAnAM pataye namaH |
namo vishvasya pataye mahatAM pataye namaH || 56||
namaH sahasrashirase sahasrabhujamanyave |
sahasranetrapAdAya namo.asa~NkhyeyakarmaNe || 57||
namo hiraNyavarNAya hiraNyakavachAya cha |
bhaktAnukampine nityaM sidhyatAM nau varaH prabho || 58||
evaM stutvA mahAdevaM vAsudevaH sahArjunaH |
prasAdayAmAsa bhavaM tadA hyastropalabdhaye || 59||

iti mahAbhArate droNaparvaNi 57 adhyAyAntargataM
shrIkR^iShNArjunAbhyAM kR^itaM rudrastotraM sampUrNam |

mahAbhArata | droNaparva | adhyAya 57/49\-58||
##
mahAbhArata . droNaparva . adhyAya 57/49-58..

Proofread by PSA Easwaran 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}