% Text title : Kshama Stotram % File name : kShamAstotram.itx % Category : shiva, shataka % Location : doc\_shiva % Author : parameshvarayogi % Proofread by : Sivakumar Thyagarajan Iyer % Description/comments : 28 in Stotrasamuchchaya 1, Edited by Pandit K. Parameshwara Aithal % Latest update : March 30, 2023 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Kshama Stotram ..}## \itxtitle{.. kShamAstotram ..}##\endtitles ## OM shrImahAgaNapataye namaH | shubhAnAmekAntaM paramashi vapAdAbjayugalaM gurUNAmAchAryaM shirasi paribhAvya smR^itishataiH | kShamAstotraM kartuM vyavasitamateH sAhasamidaM sahantAM santo.amI bhuvi sanakayogIndrasadR^ishAH || 1|| shiva tvaM na prIto yadi madaparAdhaikakupita\- stataH kiM vA svAmin pashurayamanAthaH kalayati | aho j~nAtaM daivAnmama tu sharaNaM te sahacharI kShamAstItyetasyAshcharaNakamalaM yAmi sharaNam || 2|| ahaM jAne satyaM satatamaparAdhaikanilayaM madAtmAnaM sAkShAdapi parashivo.api sphuTataram | tathApi kShAnte tvaM kalayasi shivapremaviShayaM muhurmAM tasyAste kimahamadhunA hanta karavai || 3|| kShame tvaM mAtA tvaM shivavibhavasampattilaharI tvamAnandonmeShasphuraNalaharI tvaM para~NgatiH | tvamAtmA tvaM vidyA mama tu sakalakShemapaTalI\- tyahaM matyA dhR^ityA shvasimi kaluShI nirbhayamapi || 4|| sadApyAj~nolla~NghItyahaha mayi kopena bhagavAn na kartuM kiM kiM vA smarati tadayuktaM na cha mama | trAyuktaM mAtaH sphurati mayi vAtsalyavashataH kShame tAdR^ishyAste prakR^itiriyamevaM vijayate || 5|| kShame duShTAtmAhaM shiva shiva shivena shrutimukhA\- nniShiddhaM yadyadvA vihitamubhayorapyamukayoH | viparyAsaM kurve satatamadhunA mAM svajanato nirAkuryAchChambhurghaTaya ghaTayAmba tvamanisham || 6|| shivakShAnte mAM te padayugaladAsaM pashupate\- rayogyaM yogyaM tvaM kalaya dayayA kShemakalayA | idAnIM yAhIti kShaNamitarachintAmupagatA yadi syAH kasyA vA janani purato rodimi vada || 7|| purArAtikrodhaprashamanavidhe devi purato viShIdantaM bhItyA charaNapatitaM pashyasi na kim | ghigetajjanmedaM bhavati duradR^iShTaM mayi yataH svabhAvo mAtaste prakR^itisulabhAyA api mR^iShA || 8|| harakShAnte kiM te mayi paramasUyAsti mahatI kva gachCheyaM keyaM niyatirahahAmbhodhipatitam | mano jvAlAmAlAkulamanalamadyaiva vishatI \- tyahaM manye mAtarjahihi jahihImAM karuNayA || 9|| smarArikrodhAgniprasarabharashAnte karuNayA svato mAyAvattvAt krudhamasakR^idAdAya jhaTiti | mamAjasraM trAsIkaraNachaNadaurbhAgyapaTalI\- jarattR^iNyAkakShe kShipatu bhavatItyeva vR^iNavai || 10|| kShame ghorA mUrtirjvalati bahulajvAlajaTilI\- kR^itakroghATopasphuritanayanAlokaviShamA | ahaM kampe kampe bhR^ishamasakR^idAgaskaratayA tvamevAdya prANAn vibhavamapi pAtuM prabhavasi || 11|| paraM nirviNNo.asmi tripuraharakopaprashamana\- pravR^ittyAmatyantaM chapalamatirAlolanayanaH | bhavatyAH pAdAbjAkalitamaNima~njIrakuhare nilIyaiva kShAnte shvasitumahamichChAmi sampadi || 12|| katha~NkAraM lokAH suradanujadaiteyamanuja\- pradhAnA vartante kushalamuditAH samprati kila | ime sarve.apyAgAMsyaparimitasa~NkhyAni dadhate smR^itaM kShAnte tvatto nanu bhavati saukhyaM trijagatAm || 13|| kShame sAdhAraNyAdimamapi samuddhartumalami\- tyavaiShi prAyo.ahaM shiva shiva mahApApanikaraiH | samudbhUtasvAtmA hyadhikatarayatnena janani drutaM madhyaM baddhApyanimiShatayA tiShThatu puraH || 14|| yathA mAmAnandasphuradamalanetrAbjayugalI\- kaTAkShairAplAvya smitamadhuravAchA smaraharaH | aye vatsAjasraM jagati na bibhIhIti nigadet tathA kartuM kShAnte prabhavasi dayA chet tava mayi || 15|| niShiddhAnuShThAnairjanitamaparAdhaM shamayituM vR^ithA prAyashchittAdyakaravamanekairjanishataiH | keyanto jAyante nimiShasamaye.apyetadadhikA\- stataH shAnti kShAnte kalaya sakalAnAM tvamadhunA || 16|| yathaiva kShAnte me satatamaparAdhapraNayitA svabhAvastadvat te paramashivakopaprashamanam | tataH kA vA glAnistava mama samuddhAraNavidhau kimAlochyaM mAtaH sulabhahR^idayetyeva vR^iNavai || 17|| aye kShAnte mAtaH shivamanasi kopena kaluShe pravishyainaM shIghraM svaguNanikarairbandhaya dR^iDham | prasIded devo.ayaM sulabhakaruNatvAdiha puna\- rna sandeho lesho.apyahamapi sutIrNArtijaladhiH || 18|| kiyanme prArabdhaM prabhavati kiyat sa~nchitamidaM tR^iNAyaitanmanye smaraNamapi nAgAmini mama | paraM shambhoretajjanirasakR^idAgaskaramabhU\- diti kShAnte taptaM hR^idayamidamekaM tu shamaya || 19|| tvayA svAdhInashchedakhilabhuvanAnAmadhipatiH kva saMsAro mAtarjananamaraNAkhyaH prabhavati | na sha~Nke.atashchetastava tu navanItAchcha sulabhaM dravIbhUyAt kShAnte mama hR^idayasantApavisaraiH || 20|| ahaM yAche mAtastava padasarojAtayugalI\- puraH pAtampAtaM pashupatirayaM mAmapi pashum | svakIyaM matvaiva vyapanayatu pAshaM karuNayA yathA vA kShAnte tvaM virachaya tathetyeva vR^iNavai || 21|| kutashchintAmantaHkr kalayasi harakrodhashamana\- kShame nAhaM shaktaH kShaNamapi cha soDhuM vimukhatAm | madIyaM santApaM na gaNayasi kiM vA bahutaraM batAtyantaM bAlaH shirasi himavantaM vahati kim || 22|| kadA vA kShAnte tvaM girishahR^idayArAmapadavI\- mupasthAtuM sa~NkhyA saha karuNayA sa.nj~napayasi | iti premNA mAtarbata sapadi pashyAmyanimiShaM yathA kAdambinyAH sphuraNamabhitashchAtaka shishuH || 23|| kadA shambhukShAnte kuvalayadalashyAmaladayA\- kaTAkShaiH pashyestvaM purabhidapi santuShTamanasA | svakIyaM jAnIyAditi bahulachintAparavashaM svasandhyAkarmAdInyapi bata visasmAra hR^idayam || 24|| kuto vA mAhAtmyaM parashivaguNAnAM prabhavati tvayA sarve.apyete paramiyadudAttatvamahitAH | ahaM jAne kShAnte vishadamanukampAmapi sakhIM tathApyeShA mAtastvayi nihitabhArA viramati || 25|| sakhImAhUya tvaM sapadi paripR^ichChAmba karuNAM tadA jAnAsyetad vitathamathavA syAdavitatham | tataH pashchAdvA mAM pashupatipadAmbhojasharaNaM svayaM kuryAH kShAnte mayi kalitavishvAsalaharI || 26|| purA bhargakShAnte bhramashataparIpAkavashataH purANairAmnAyaiH shamadamapurogairbahuvidhaiH | madAgo.abdhiM tartuM vihitabahuyatno bata jaDaH parishrAnto daivAt taraNimavalambe.adya bhavatIm || 27|| prasannatvaM shambhorvilasati kayA veti bhuvane vichAryAhaM kShAnte tvayi nihitabhAro.asmi sapadi | kuto mAtaH kAlaM chakitamanaso yApayasi me muhUrtaM kiM sahyA mama hR^idayasantApalaharI || 28|| kShame tvaM vaimukhyaM yadi mayi dadhAsyamba nimiShaM pateyaM pAtAle.akaTakaTa nimajjeyamudadhau | tataH kA vA kShAnte mama gatiridaM chintaya manA\- galaM pashchAdyanmAM nayasi tadidaM me.astu kushalam || 29|| yato ghorAM mUrtiM shamayasi samAshliShya madhura\- smitajyotsnAhR^idyaM kalayasi mukhaM shA~NkaramataH | shivA mUrtiH shambhorbhavasi jananItyeva manavai tatastvatto bhinno na bhavati shivaH kApi viShaye || 30|| yadA kopArbhaTyAH prabhavasamayaH syAt tava tadA prabhAvonmeShasya prakaTanamahotsAhasamayaH | tadanyasmin kAle kimu mahimalesho.api vidito bhaved devi kShAnte vilasati mayA so.apyavasaraH || 31|| kShamAyA vashyo.ayaM nikhilajagatAmIshvara iti praNamrA devAdyAH khalu shivapadAmbhojayugale | aye mAtaH seyaM praNatirabhavat te nanu tataH prapadye tvAmeva prakR^itaharakopA~nchapaladhIH || 32|| prapadye.ahaM shambhoH prakR^itisuguNAyuShkarakalA\- kShamAmAsmAkInAn prasabhamaparAdhAn shamayitum | kShaNaM jAgratvAtmanyadhikamayabhaktyendriyagaNA bhavantaH pashchAdvo bhavati saphalaM vA~nChitamapi || 33|| iyAnAtmanyAsaH prabhavatu shivAyaiva sakala\- prapa~nchavyApAre viShayaviShayIbhAvavashataH | yadAnandaprAyaM yadapi paramAnandamayami\- tyupAttaM kShAnte tajjanani ghaTaya tvaM patipashu || 34|| iyAn vA~nChApUraH shR^iNu janani sarvasahapade sthitaH shambhurdevyA saha vR^iShabhamAruhya purataH | prasanno.ahaM vatsa tvamapi varayAbhIShTamiti mAM kadA kShAnte brUyAditi taditaraM nAsti manasi || 35|| yaje.ahaM budhye.ahaM bahutapasi tiShThAmyahamiti bhramAdAtmaprAptiM hyabhidadhati nishreyasamamI | kathA kA vA tasya tvamiha vimukhA chedalamalaM mahAdevakShAnte smaratu bhavatI tAniva na mAm || 36|| tapasyAtmadrohaH savanaviShaye jIvahananaM vR^ithA tiShTheyaM chedahaha sutarAM karmavirahaH | tataH sarvatrApi sphuritamaparAdhaM gamayituM vinA tvAM he kShAnte kushalamavalambaM na manavai || 37|| vinA chet tvAmekAM sakalamapi lokaprayatanaM bhavenmAtaH satyaM karakR^itamakUpArataraNam | ahaM daivAt tvayyAkalitanijabhAro.asmi parato bhavakShAnte chittaM tava mama tu bhAgyaM kathamiva || 38|| prasAdaM vA~nChanti prabalamaparAdhaM tirayituM na manyante kiM te nipuNamatayaH shAstrakushalAH | imaM taM dhImantaM janani manavai yastava pade prAnnaH shrIkShAnte sakR^idapi bhayAviShTamanasA || 39|| mahAdevasyaiva shrutimatamanugrAhanipuNaM shivAM mUrtiM prAhuH katichidapare hanta karuNAm | ahaM manye kShAnte tvamiti sakalAnAmupari te prakAsho mantUnAM sahanasamaye jAgrati muhuH || 40|| dayAnAmnI kShAnte tava nijasakhI kkApyaNutaraM na vaimukhyaM kartrIM smarati hR^idi patyurvimukhatAm | na vaiyAtyaM tasyA nanu sakalakAle.api bhavatI\- manuj~nApyaiveyaM ramayati shivaM vallabhamapi || 41|| tava svAdhInAyA janani karuNAyA api bhR^ishaM madarthaM vaktavyaM smarasi kimu sApatnyamasaham | svabhAvo bhajyeta triNayanavashIkArakuhanA\- mahAvidye kShAnte tadalamanayerShyAkulatayA || 42|| madIyAnandashrImukhakamalasUryodayakalA harakrodhArbhaTyA shiva shiva ghR^iNA mUrchChitavatI | tvayA sa~njIvinyA sapadi sukhamujjIvatutarA\- miti kShAnte yAche vyasanamayapAshena chapalaH || 43|| manaHshalyaM kShAnte shR^iNu diviShadArAdhyacharaNo madarthaM samprAptAM dayitadayitAM tAmapi dayAm | nirAkR^ityApyAgaHshataniyutakoTyAdigaNane pravR^itto hA kiM syAt tvamasi paramambAmba sharaNam || 44|| na mAM tvaM jAnAsi smaraharadayAmandirashilA\- bahirdvAraprAntasthitashunakadAso.asmi janani | kimAbrahmastambAntamapi samadR^iShTyA nijajanaM na pashyerhe kShAnte mayi vimukhatAyAM kimu phalam || 45|| sadA mAtarbrahmAdibhirapi bahu stUyasa iti prasiddhirvyApnoti trijagadapi mantuM mama punaH | svabhAvArirdevyA bhuvanamapi jitvA vijayate kShame vij~nApyatvAdidamavadamAlochyamaparam || 46|| kadAchid yo mantuM virachayati tasmai pashupatiH prasIdet kAruNyAditi bhavatu nAhaM tadupamaH | yato.asa~NkhyAnyAgAMsyayi shivamanastApashamana\- prabhe nityaM kurve tadidamavituM tvaM prabhavasi || 47|| mR^iShA kopatrAsAjjanani tava pAdAbjapatitaM vitanyatvAdetadvyasanataralAmIkShitumapi | parIhAsAdyatno bhavati na punaH satyamiti me tataH kShAnte ki~nchinnigad sumukhaH syAt tava patiH || 48|| ahaM kva brahmANDapralayabhayadATopaniTila\- jvalannetrAlokaH kva nu sa bhagavAnamba tadalam | manaHpUrvaM kopaM mayi pashupatinaiva kurute kShame mAM saulabhyAdapi sapadi pAtuM prabhavasi || 49|| yadaNDe viShNvAdyaiH pashuvijayamattaiH pramuditaM tadaNDaM yasyaikakShaNavikachaphAlAkShinihatam | tadIyakShAntistvaM kimiti vachanIyAmba pashubhi \- ryathAshakti stotraM kR^itamidamupAshrutya dayatAm || 50|| tanurghorA kopaprakaTanamayI sArdhamuditA shivA mUrtiH shAntiprakaTanamayI sArdhamuditA | tadanyonyaM sAmyAdaviratasamAshleShasubhagaH shivaH sAkShAdAste sapadi karuNe tvaM vijayatAt || 51|| bhavAnyApo jyotiH pashupatiriyaM shItakiraNaH sa sUryaH sA shAntiH krudayamiti vedAntahR^idayam | tayoraikyaM sAkShAdudayati suShumnAtmakamaha\- stadomomoM kShAntistutiriti mayA pUrNamuditam || 52|| stotraM kShamAviShayamAtmasukhaikahetuM sAkShAchchakAra parameshvararAjayogI | kShAmyanti tasya paThanAdaparAdhakoTyo niHsaMshayaM bhuvi bhavanti cha ma~NgalAni || 53|| || iti parameshvarayogikR^itaM shrIkShamAstotraM sampUrNam || ## Proofread by Sivakumar Thyagarajan Iyer \medskip\hrule\obeylines Please send corrections to sanskrit at cheerful dot c om Last updated \today https://sanskritdocuments.org \end{document}