% Text title            : Shri Kanthakritama Dhundhi Stotram
% File name             : kaNThakRRitaMDhuNDhistotram.itx
% Category              : shiva, skandapurANa, stotra
% Location              : doc\_shiva
% Proofread by          : PSA Easwaran
% Description/comments  : skandapurANa | kAshIkhaNDa | uttarakhaNDa | adhyAya 57/17-51||
% Latest update         : June 24, 2025
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Kanthakritam Dhundhi Stotram ..}##
\itxtitle{.. shrIkaNThakR^itaM DhuNDhistotram ..}##\endtitles ##
shrIkaNTha uvAcha |
jaya vighnakR^itAmAdya bhaktanirvighnakAraka |
avighnavighnashamana mahAvighnaikavighnakR^it || 17||
jaya sarvagaNAdhIsha jaya sarvagaNAgraNIH |
gaNapraNatapAdAbja gaNanAtItasadguNa || 18||
jaya sarvaga sarvesha sarvabud.hdhyekashevadhe |
sarvamAyAprapa~nchaj~na sarvakarmAgrapUjita || 19||
sarvama~NgalamA~Ngalya jaya tvaM sarvama~Ngala |
ama~Ngalopashamana mahAma~Ngalahetuka || 2\.57\.20||
jaya sR^iShTikR^itAM vandya jaya sthitikR^itAnata |
jaya saMhR^itikR^itstutya jayasatkarmasiddhida || 21||
siddhavandyapadAmbhoja jayasiddhividhAyaka |
sarvasid.hdhyekanilaya mahAsid.hdhyR^iddhisUchaka || 22||
asheShaguNanirmANa guNAtIta guNAgraNI |
paripUrNacharitrArtha jaya tvaM guNavarNita || 23||
jaya sarvabalAdhIsha balArAti balaprada |
balAkojjvaladantAgra bAlAbAlaparAkama || 24||
anantamahimA.a.adhAra dharAdharavidAraNa |
dantAgraprotadi~NnAga jaya nAgavibhUShaNa || 25||
ye tvAM namanti karuNAmaya divyamUrte
sarvainasAmapi bhuvo bhuvi muktibhAjaH |
teShAM sadaiva harasIha mahopasargAn
svargApavargamapi sampradadAsi tebhyaH || 26||
ye vighnarAja bhavatA karuNAkaTAkShaiH
samprekShitAH kShititale kShaNamAtramatra |
teShAM kShayanti sakalAnyapi kilviShANi
lakShmIH kaTAkShayati tAnpuruShottamAnhi || 27||
ye tvAM stuvanti natavighnavighAtadakSha
dAkShAyaNIhR^idayapa~Nkajatigmarashme |
shrUyanta eva ta iha prathitA na chitraM
chitraM tadatra gaNapA yadaho ta eva || 28||
ye shIlayanti satataM bhavatoM.aghriyugmaM
te putrapautradhanadhAnyasamR^iddhibhAjaH |
saMshIlitA~NghrikamalA bahubhR^ityavargai\-
rbhUpAlabhogyakamalAM vimalAM labhante || 29||
tvaM kAraNaM paramakAraNakAraNAnAM
vedyo.asi vedaviduShAM satataM tvamekaH |
tvaM mArgaNIyamasi ki~nchana mUlavAchAM
vAchAmagocharacharAcharadivyamUrte || 2\.57\.30||
vedA vidanti na yathArthatayA bhavantaM
brahmAdayo.api na charAcharasUtradhAra |
tvaM haMsi pAsi vidadhAsi samastamekaH
kaste stutivyatikaro manasApyagamya || 31||
tvadduShTadR^iShTivishikhairnihatAnnihanmi
daityAnpurAndhakajalandharamukhyakAMshcha |
kasyAsti shaktiriha yastvadR^ite.api tuchChaM
vA~nChedvidhAtumiha siddhidakAryajAtam || 32||
anveShaNe DhuNDhirayaM prathito.asti dhAtuH
sarvArthaDhuNDhitatayA tava DhuNDhi nAma |
kAshIpraveshamapi ko labhate.atra dehI
toShaM vinA tava vinAyaka DhuNDhirAja || 33||
DhuNDhe praNamya puratastava pAdapadmaM
yo mAM namasyati pumAniha kAshivAsI |
tatkarNamUlamadhigamya purA dishAmi
tatki~nchidatra na punarbhavatAsti yena || 34||
snAtvA naraH prathamato maNikarNikAyA\-
muddhUlitA~Nghriyugalastu sachailamAshu |
devarShimAnavapitR^Inapi tarpayitvA
j~nAnodatIrthamabhilabhya bhajettatastvAm || 35||
sAmodamodakabharairvaradhUpadIpai\-
rmAlyaiH sugandhabahulairanulepanaishcha |
samprINya kAshinagarIphaladAnadakShaM
proktvAtha mAM ka iha sidhyati naiva DhuNDhe || 36||
tIrthAntarANi cha tataH kramavarjito.api
saMsAdhayanniha bhavatkaruNAkaTAkShaiH |
dUrIkR^itasvahitaghAtyupasargavargo
DhuNDhe labhedavikalaM phalamatra kAshyAm || 37||
yaH pratyahaM namati DhuNDhivinAyakaM tvAM
kAshyAM prage pratihatAkhilavighnasa~NghaH |
no tasya jAtu jagatItalavarti vastu
duShprApamatra cha paratra cha ki~nchanApi || 38||
yo nAma te japati DhuNDhivinAyakasya
taM vai japantyanudinaM hR^idi siddhayo.aShTau |
bhogAnvibhujya vividhAnvibudhopabhogyA\-
nnirvANayA kamalayA vriyate sa chAnte || 39||
dUre sthito.apyaharahastava pAdapIThaM
yaH saMsmaretsakalasiddhida DhuNDhirAja |
kAshIsthite ravikalaM saphalaM labheta
naivAnyathA na vitathA mama vAkkadAchit || 2\.57\.40||
jAne vighnAnasa~NkhyAtAnvinihantumanekadhA |
kShetrasyAsya mahAbhAga nAnArUpairihasthitaH || 41||
yAni yAni cha rUpANi yatra yatra cha te.anagha |
tAni tatra pravakShyAmi shR^iNvantvete divaukasaH || 42||
prathamaM DhuNDhirAjo.asi mama dakShiNato manAk |
ADhuNDhya sarvabhaktebhyaH sarvArthAnsamprayachChasi || 43||
a~NgAravAsaravatImiha yaishchaturthIM
samprApya modakabharaiH parimodavadbhiH |
pUjA vyadhAyi vividhA tava gandhamAlyai\-
stAnatra putra vidadhAmi gaNAngaNesha || 44||
ye tvAmiha pratichaturthi samarchayanti
DhuNDhe vigADhamatayaH kR^itinasta eva |
sarvApadAM shirasi vAmapadaM nidhAya
samyaggajAnana gajAnanatAM labhante || 45||
mAghashuklachaturthyAM tu naktavrataparAyaNAH |
ye tvAM DhuNDhe.archayiShyanti te.archyAH syurasuradruhAm || 46||
vidhAya vArShikIM yAtrAM chaturthIM prApya tApasIm |
shuklAM shuklatilairbaddhvA prAshnIyAllaDDukAnvratI || 47||
kAryA yAtrA prayatnena kShetrasiddhimabhIpsubhiH |
tasyAM chaturthyAM tvatprItyai DhuNDhe sarvopasargahR^it || 48||
tAM yAtrAM nAtrayaH kuryAnnaivedyatilalaDukaiH |
upasargasahasraistu sa hantavyo mamAj~nayA || 49||
homaM tilAjyadravyeNa yaH kariShyati bhaktitaH |
tasyAM chaturthyAM mantraj~nastasya mantraH prasetsyati || 2\.57\.50||
vaidiko.avaidiko vApi yo mantraste gajAnana |
japtastvatsannidhau DhuNDhe siddhiM dAsyati vA~nChitAm || 51||
Ishvara uvAcha |
imAM stutiM mamakR^itiM yaH paThiShyati sanmatiH |
na jAtu taM tu vighnaughAH pIDayiShyanti nishchitam || 52||
DhauNDhIM stutimimAM puNyAM yaH paTheDDhuNDhisannidhau |
sAnnidhyaM tasya satataM bhajeyuH sarvasiddhayaH || 53||
imAM stutiM naro japtvA paraM niyatamAnasaH |
mAnasairapi pApaistairnAbhibhUyeta karhichit || 54||
putrAnkalatraM kShetrANi varAshvAnvaramandiram |
prApnuyAchcha dhanaM dhAnyaM DhuNDhistotraM japannaraH || 55||
sarvasampatkaraM nAma stotrametanmayeritam |
prajaptavyaM prayatnena muktikAmena sarvadA || 56||
japtvA stotramidaM puNyaM kvApi kArye gamiShyataH |
puMsaH puraH sameShyanti niyataM sarvasiddhayaH || 57||

iti shrIskAdapurANe kAshIkhaNDe uttarArddhe saptapa~nchAshattamA\- dhyAyAntargataM
         shrIkaNThaproktaM DhuNDhistotraM samAptam |

skandapurANa | kAshIkhaNDa | uttarakhaNDa | adhyAya 57/17\-51||
##
skandapurANa . kAshIkhaNDa . uttarakhaNDa . adhyAya 57/17-51..

Proofread by PSA Easwaran 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}