% Text title            : Kailasamaulivarnanam
% File name             : kailAsamaulivarNanam.itx
% Category              : shiva, shivarahasya
% Location              : doc\_shiva
% Transliterated by     : Ruma Dewan
% Proofread by          : Ruma Dewan
% Description/comments  : shrIshivarahasyam | mAheshvarAkhyaH prathamAMshaH | adhyAyaH 18 - kailAsamaulIvarNanam | 16-33||
% Latest update         : December 17, 2023
% Send corrections to   : sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Kailasamaulivarnanam ..}##
\itxtitle{.. kailAsamaulivarNanam ..}##\endtitles ##
maNidvIpanIpAnprapashyAmbike tvaM tavApAramodapradA sA cha bhUmiH |
sudhAsindhukallolashItAtivAto mahAnandakandaM vidhatte maheshi || 16||
harinmaNinibhe.adrije tava sharIrakAntyAdhikaM
samastakaladhautajo.apyagavaro.ayamapyunnataH |
vibhAti haritaprabhassamR^igapakShivallIdrumaH
prapashya mukure.ambike tava sarUpabhAgyAdhikaH || 17||
manmaulisthitachandrakAntinikaraiH kAntyA svayA shailarAT
svAmyApArashikhAbhinR^ittashikhibhiH puMskokilAnAM ravaiH |
sAra~Ngai rurukairbakaishchamaribhiH prodbhUtapuchChessadA
khaDgAnAM nivahairlulAyajakulaiH proDDInadeNIkulaiH || 18||
haritamaNitR^iNAgraM sa~ncharantashcharanti kanakamayamR^igAste muktabindUchitA~NgAH |
rajatanibhakapotA ratnapAdAH kaNAshAssvakagalaraNitaiste svapriyApR^iShThalagnAH || 19||
haMsAnA~ncha kulaM svavaktrajamahAmuktAphalaiH pakShati\-
vyAdhUnAttadigantakAntibahulAste svachChadehAmalAH |
krIDanti prasabhaM prabhUtapayasi protphullaraktAbjinI\-
madhyasthA iva chakravAkajakulaM maunaM vidhatte shive || 20||
sukhayati mR^iduvAto.apyatra bhItyA mamAdya mR^igamadasumasaMsthairgandhamAdyatparAgaiH || 21||
kastUrImR^igakA api drutataraM dhAvanti gandhAshayA\-
ssvasyA~Ngasthitamapyume nahi tarAM jAnanti mUDhA iva |
deheShu sthitamapyume munisurA jAnanti no mAM yathA
tadvatte.api mR^igA vimUDhamatayaH kailAsashaile mama || 22||
mR^idutaraketakadhUlIpAlIpi~njaritashailavaramAnuH |
konususvanna bhajetApyatrasthA diviShado hasantyeva || 23||
harinmaNinibhAshshukA vadanaratnagomedakA\-
ssuratnamaNikalpitAH kanakahIranIlaprabhAH |
vadanti nagamauligAshshiva shiva prabho pAhinaH
prakR^iShTadayayA dR^ishA pramathanAtha kaShTaM hara || 24||
sushArikasukokilA hara haresha vishveshvarA\-
pyanAthajanavatsala purahara prapashyAdyanaH |
iti dhvanikR^itasmadA shikharishIpajahatA\-
suratnamaNisannibhAstaralakAntaraktAkShakAH || 25||
pashyAdrije kisalayaM surasAlajAtaM puMskokilApalapanena tudanti bhuktau |
kIrAnane paripatantyalayaH prakAmaM jambUphalabhramajitashshuka eSha mUDhaH || 26||
palAshakalikA bhramanmadhuparAgasaukhyAdasau
yathAviShayiNo.ambike sukR^itatarShaduHkhAkulAH || 27||
vR^ikShAlambitashR^i~NkhalAsuchalite vaiDUryama~nche shiva\-
stadvatpuShpakakAntirAgavilasanma~nchasthitA sAmbikA |
DolADolanakairvane viharatassvairaM shivau sundarau
devIbhiH kalitaissuchAmaragaNaissevyau cha vR^ittau tadA || 28||
shrIchandanaprabhavasAraviliptagAtrau chikrIDaturnagasumoddhR^itavAyugandhaiH |
nakhamukhavighaTitadADimIphalodyanmaNinibhabIjavaraM dadAti devI || 29||
svakarAmbujasaMsthakIravaktrachChadanaM vIkShya maheshitussahAsam |
kIro.api sha~NkaramukhAbjamavekShya devIM natvA girA samabhiyAchata bAlavAchA || 30||
dehIsha sha~Nkara vibho shashikhaNDachUDa mAdyadramAlakadalIphalasArabha~Ngam |
Aj~nApayeti tava nAma vadAmi shambho vishvesha chAttumiti tasya girA sahAsaH || 31||
indranIlamaNikalpitasaudhe ma~nchasaMsrutashashidyutikAnte |
talpake.adhishayitasya purAreH pAdapa~NkajayugaM svakarAbjaiH || 32||
ra~NgamaNDalagatA muhurambA vINayA vadati sha~NkaranAma ||
ratnotthAmalasaudhabhUmiShu puro devasya devyAH puro
rudrANyo navayauvanAvR^itakuchAH krIDanti hallIsakaiH |
mallIguchChakachAnatAnanakarAH prodyajjhaNannUpurAH
kailAsAchalamauligAssumadhuraM gAyanti nR^ityanti cha || 33||

|| iti shivarahasyAntargate mAheshvarAkhye IshvaraproktaM kailAsamaulIvarNanam ||

\- || shrIshivarahasyam | mAheshvarAkhyaH prathamAMshaH | adhyAyaH 18 \- kailAsamaulIvarNanam | 16\-33||
##
- .. shrIshivarahasyam . mAheshvarAkhyaH prathamAMshaH . adhyAyaH 18 - kailAsamaulIvarNanam . 16-33..

Notes:
Description in this chapter is about the Mount Kailāsa peak ##kailAsamaulI ## that is Abode of Śiva ##shiva ## and Devī ##devI##.
Śivarahasyam Aṃśaḥ-1 (Māheśvarākhya) ##shivarahasyam aMshaH\-1 (mAheshvarAkhya) ## has several descriptions about Mount Kailāsa ##kailAsa shaila ## and Śiva ##shiva##. Selected verses from some of the chapters are presented here.##
##
Encoded and proofread by Ruma Dewan

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}