% Text title            : Kailasashailalingamahima
% File name             : kailAsashailalingamahimA.itx
% Category              : shiva, shivarahasya
% Location              : doc\_shiva
% Transliterated by     : Ruma Dewan
% Proofread by          : Ruma Dewan
% Description/comments  : shrIshivarahasyam | mAheshvarAkhyaH prathamAMshaH | adhyAyaH 39 - kailAsashailaliNgamahimA | vAvRittashlokAH ||
% Latest update         : December 17, 2023
% Send corrections to   : sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Kailasashailalingamahima ..}##
\itxtitle{.. kailAsashailali~NgamahimA ..}##\endtitles ##
IshvaraH \-
pashya li~NgAni me devi maNidhAmagatAnyume |
dhAmamaulimahAkumbhadhArAvyAptAni sha~Nkari || 1||
chandrachandanaliptAni tripuNDrojvalitAni cha |
maNimundaramandArapuShpamaulIni sha~Nkari || 2||
bilvottamA~NgasaundaryasAragarbhANi pArvati |
varakAkodarAnaddhaphaNAbhUShaNakAnyapi || 3||
nandanAnandamAlAbhishchandanAla~NkR^itAnyapi |
dAvadagdhAgarurasairdhUpitAni sadAmbike || 4||
dIpitAni maNijvAlAjAlakAntIni pashya me |
yathA me devadeveshi mano li~NgaprapUjane || 5||
na tathA jagato jAlanirmANa me mano.ambike |
tatpAlane taddhanane nAnyadharmeShu me manaH || 6||
nago.ayaM mama kailAsassarvAnandapayonidhiH |
etasya tapasA tuShTaH prAyachChaM varamuttamam || 7||
tavamaulo nivatsyAmi nAnAli~NgasamAshrayaH |
pralayenaiva nAsho.asti matsAnnidhyavalAttava || 8||
ityukto girirAjo.ayaM mamAnandapradassadA |
(ityukto girirAjo.ayaM mamAnandapradasshivaH |)
pralaye sAgarAssarve kailAsasya shatottare || 9||
pAdamUle sthitiM devi yAsyanti cha nagA api |
maharlokAvadhi mahAvIchIkallolasa~NkulaiH || 10||
saptabhiH pavanairvApi chAlitAste tadAdrije |
himAchale mandare.api kedAreshvarasa~nj~nakaH || 11||
nivatsyAmi shubhApA~Ngi sadA li~NgAshrayo hi saH |
merAvayi mahAdevi shikharaM mama sundaraM || 12||
taduttare.apikailAse nAnAli~NgaikabhAsuram |
shikharaM tatra devaishcha pUjito nivasAmyaham || 13||
eka evAhamadvaito nIrUpo.ahamihAdrije |
tvayA kailAsashikhare tuShTo vAsamarochayam || 14||
sarvAvAso.apyahaM devi kailAse nivasAmyaham |
anantArbudali~NgAni mama kailAsaparvate || 15||
tatprAsAdamaNIrAgashikharAdyoditaprabhAH |
tiraskR^itArkachandrendrA na tachChakyaM hi varNitum || 16||
tatrApi koTili~NgAnAM gaNanA kila sundari |
uttameShu mahAdevi tatrApAreShu pArvati || 17||
tatrApi li~NgasAhasraM mamaiva prItidAyakam |
darshanAtsaMsparshanAchcha pUjanAnmokShadAyakam || 18||
vinA j~nAnena tapasA karmaNA shraddhayA shive |
nayaj~nairna vratAchArairyogaissA~Nkhyairmaheshvari || 19||
sAgatirnaiva labhyeta yathA talli~NgapUjayA |
kailAsAchalamaulisthali~NgAnAM darshanaM shive || 20||
durlabhaM sarvadevAnAM nR^iNAM kimuta sha~Nkari |
kailAseshvaramukhyAni li~NgAnyatyadbhutAnicha || 21||
maNigarbhagR^ihAdhArasaMsthitAnyagaje sadA |
prodyatkumbhapatAkAni mayA sampUjitAnyapi || 22||
prAtassa~NgavasAyAhnapradoSheShu maheshvari |
teShu li~NgAvaliM bhadre shR^iNu vakShyAmi sAdaram || 23||
kIrtanashravaNenApi pApabhedIni sha~Nkari |
svargApavargadAnyAshu nR^ibhista~NkIrtitAnyapi || 24||
pUrvato mama kailAse nAnAli~NgakuleShvapi |
tagnirerdakShiNe chApi pashchAdapi shubhAnane || 25||
taduttare.api deveshi nAnAjyotirmayAni cha |
na shakyaM varNituM devi devaishsheSheNa bhAmini || 26||
AdyaM ma~NgaladaM devi kailAseshvarasa~nj~nitam |
yannavedairapij~nAtaM vedAntairakhilairapi || 42||
asminneva layaM yAnti brahmaviShNumaheshvarAH |
(atraivAntelayaM yAnti brahmaviShNumaheshvarAH) |
layanAtsarvajagatAM li~Ngamityuchyate budhaiH || 43||
mamaiva nirguNaM sAkShAdrUpametanmaheshvari |
asyaiva bhAsA sarve.api bhAnti lokAshchaturdasha || 44||
asyaiva chetanAtsarvajagachchetayati priye |
asyaivAnandaleshena sarvAnandamayaM priye || 45||
li~NgametadbhUmadhAmasomadhAmaprabhAdhikam |
etadbrahmaiva deveshi mamaiva paramaM priyam || 46||
yasmintsampUjitej~nAtedhyAtesvAtmanishailaje |
li~NgIli~NgAtigobhAtitadidaMli~Ngamuttamam || 53||
nAmarUpAtigaM bhAti kailAseshvarasa~nj~nitam |
tannAmAni shR^iNuShvArye sAdaraM kamalAnane || 54||

|| iti shivarahasyAntargate mAheshvarAkhye kailAsashailali~NgamahimA ||

\- || shrIshivarahasyam | mAheshvarAkhyaH prathamAMshaH | adhyAyaH 39 \- kailAsashailali~NgamahimA | vAvR^ittashlokAH ||
##
- .. shrIshivarahasyam . mAheshvarAkhyaH prathamAMshaH . adhyAyaH 39 - kailAsashailalingamahimA . vAvRRittashlokAH ..

Notes:
Īśvara ##Ishvara ## describes to Devī ##devI ## about His Residence and the several Śivaliṅga-s ##shivali~Nga ## at Kailāsa ##kailAsa##, especially the Kailāseśvaraliṅga ##kailAseshvarali~Nga##.
Śivarahasyam Aṃśaḥ-1 (Māheśvarākhya) ##shivarahasyam aMshaH\-1 (mAheshvarAkhya) ## has several descriptions about Mount Kailāsa ##kailAsa shaila ## and Śiva ##shiva##. Selected verses from some of the chapters are presented here.##
##
Encoded and proofread by Ruma Dewan

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}