% Text title            : Kailasashailaprakaravarnanam 1
% File name             : kailAsashailaprAkAravarNanam1.itx
% Category              : shiva, shivarahasya
% Location              : doc\_shiva
% Transliterated by     : Ruma Dewan
% Proofread by          : Ruma Dewan
% Description/comments  : shrIshivarahasyam | mAheshvarAkhyaH prathamAMshaH | adhyAyaH 14 - kailAsaprAkAravarNanam ||
% Latest update         : December 17, 2023
% Send corrections to   : sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Kailasashailaprakaravarnanam 1 ..}##
\itxtitle{.. kailAsashailaprAkAravarNanam 1 ..}##\endtitles ##
(kailAsashaile aShTadiggopuravarNanam 1)

munidevagaNA UchuH \-
kumAramArasa~NkAsha mAramArA~Ngasambhava |
umAramaNapAdAbjadhyAnamArita pAtaka || 1||
amarArimahAshUra tArakAsurasaMhR^ite |
tvattashashrutamareSheNa kailAseshvarapUjanam || 2||
bhavadvaktrotthitashivakathAnanditamAnasAH |
nirdhUtapAtakA jAtA dhanyAH pAvanapAvanAH || 3||
punashshivakathAsindhutara~NgodyatamAnasAn |
kuruShva tripurArAtivaraputrAtulamabha || 4||
sUta uvAcha \-
itthaM devaishcha munibhirgaNendraiH prArthitastadA |
kumAraH prAha tAndhanyA~njaigIShavyaM purassthitam || 5||
pariNatahimadhAmakAntavaktro vikachasutAmaralochano nagAriH |
navachampaka~NuDbhalAbhanAsaH kuruvindAbharado babhANa vipram || 6||
skanda uvAcha \-
parNAdA munayassarve chAparNApativaibhavam |
tUrNamabhyarNagAssarve samAkarNayatAdhunA || 7||
suparNavAhanAdyAshcha yUyaM karNarasAyanam |
arNavAntarnivasateshcharitaM varNayAmyaham || 8||
mahAkailAsabhUbhAge pa~nchakoTipramANake |
shailaprAkAramaddhaye tu gaNAnAM vasatiH kR^itA || 9||
navalakShapramANena pUrvadvArAdigopuram |
nIlashailajasAreNa nAnArudragaNAnvitam || 10||
paTTikApiNDikAdyaishcha devakoTyA sushobhitam |
mahadbhiruchChritaishshR^i~NgairullikhantamivAmbaram || 11||
dashashasAhasraphalakairgavAkShitamivasthitam |
vR^iShabhaishcha shilArAjadbhadrarUpaiH parIvR^itam || 12||
nandIshvarAlyaM tatra hemaraupyavirAjitam |
nAnAsaudhatalopeta vanavATIvirAjitam || 13||
sahasrastambhasaMyuktaM patAkojvalakumbhakam |
kakShyAgavAkShavitataM siMhAsanavarAnvitam || 14||
tatrasthanandikeshAnaM svarNavetralasatkaram |
navaratnaprabhAbhAsvatkirITakasushobhitam || 15||
somadhAmasamAnAsyaM rAjadbAlendushekharam |
chaturbhujamudArA~NgaM tripuNDrojvalabhAlakam || 16||
bhasmAbhyaktaM jaTAshobhimastakaM raktakuNDalam |
muktAntaritarudrAkShamAlAshatavirAjitam || 17||
suyashApatimAshAsyadhyAnapUtahR^idantaram |
gaNendraishcha munIndraishcha surendrairnnAdAdibhiH || 18||
gandharvApsarasAM sa~NghaiH rudrairnnagaishcha siddhakaiH |
upAsitaM mahAtmAnamindreNa maruto yathA || 19||
sevitaM nandikeshAnaM pramathaiH parivAritam |
tatrAlayaM maheshasya navaratnavichitritam || 20||
hemaprAkArasampannaM nAnAvR^iShabhashobhitam |
garbhAgAraM tatra shambhossphaTikopalanirmitam || 21||
nandIshvarAbhidhaM li~NgaM tatrAstyekaM manoharam |
darshanAtsparshanAchchApi pApasa~NghanibarhaNam || 22||
dhUpairdIpopahArAdyarbhakShyairbhojyaishcha nityashaH |
kamalAmalamAlAbhirnIlotpalasahasnakaiH || 23||
bilvachampakapunnAgavakadhurtUrapATalaiH |
sahasrabilvapatraishcha pa~nchAmR^itaniShechanaiH || 24||
sAmrANyagarudhUpaishcha dIpaiH karpUrakhaNDajaiH |
pUjayantaM maheshAnaM nandikeshaM shilAdajam || 25||
stotraisstuvantamIshAnaM trikAlaM sAvadhAnataH |
tatstutiM kathayAmyadya tanmune shruNu sAdaram || 26||
\- \-
nandikeshvara uvAcha \-
indukhaNDalalitAmalamaule kundakAntisadR^ishottamadeha |
indirAramaNalochanapUjya manmanogahanapa~NkajavAsa || 27||
\- \-
skanda uvAcha \-
itya stuvantantali~NgaM prAkaprAkArasya saudhagaH |
saMsthitassuyashAnAtho gaNakoTiparIvR^itaH || 28||
niShadho hemakUTashcha prAkaprAkArasya parvatAH |
pa~nchalakShapramANena tatraivAgneyagopuram || 29||
rudrAvatAracharitairvR^iShabhaishshikharairvR^itam |
tatrAlayaM maheshasya gaNendrasya mahAtmanaH || 30||
li~NgAkAraM tatra shambhussukesheshvarasa~nj~nakaH |
pUjito gaNapendreNa gaNalakShaparIvR^itaH || 31||
sukeshena stutaM li~NgaM sukesheshvarasa~nj~nitam |
pUjita~ncha trilokeShu bilvapatraissumaistathA || 32||
\- \-
sukeshaH \-
pa~nchakoshagaganAtiga shambho vyomakesha guNasArasahaMsa |
kAshikApuranivAsa mahesha pAhi sha~Nkara sukeshamahesha || 33||
\- \-
nIlashcha mandarashchaiva prAkAre dakShiNe nagAH |
tatrApi gopuraM shambhornAnArudragaNAvR^itam || 34||
dashalakShapramANena chochChritaM gaganAtigam |
ullikhantaM devamArgaM sahasratalasaMyutam || 35||
rudrAvatArakrIDAbhirvR^iShastambhaishcha shobhitam |
chaNDIshvarAlayaM tatra taptahemavibhUShitam || 36||
sahasrastambhasaMyuktaM muktAvitatatoraNam |
nIlasanmaNikLLipta~ncha kakShyAshatavirAjitam || 37||
sopAnai ratnasa~nChannairupetaM vanabhUShitam |
(saudhApAralasachChR^i~NgairupetaM vanabhUShitam |)
tatra sihmAsanAsInaM vidyutpi~NgajaTAdharam || 38||
parvasharvarinAthArdhadharaM bhasmavibhUShitam |
tripuNDravilasadbhAlaM rudrAkShAbharaNAnvitam || 39||
mahArhavasanopetaM nAnAratnapariShkR^itam |
nimIlitAkShaM dhyAyantaM divyaM shambhoH padAmbujam || 40||
kimpUruShaissiddhasAdhyairmunibR^indairyamena cha |
gaNendraissevitapadaM rudrasa~NghairniShevitam || 41||
tatreshvarasya sadanaM madanAntakarasya cha |
prAkAragopuropetaM navarannaprakalpitam || 42||
chaNDikesheshvaraM li~Nga~nchaNDapApapraNAshanam |
talli~NgajyotiShA sarvedyayoditAssUryasomakAH || 43||
talli~NgaM pUjayatyeSha chaNDikeshasrikAlataH |
bilvairmandArakusumairmallikAkaravIrakaiH || 44||
karNikArairapAmArgairmAlatIbhishcha sha~Nkaram |
dhUpadIpopahArAdyairnartanaiH karatAlakaiH || 48||
stotraisstauti mahAdevaM prA~njalishchaNDikeshvaraH || 46||
\- \-
chaNDikeshvaraH \-
chaNDIsha khaNDaparasho shashikhaNDachUDa brahmANDamauliga dharAdharakArmukesha |
vidhyutthamuNDavaramAlaka kuNDalIsha chochchaNDatANDava maheshvara shUladaNDa || 47||
\- \-
shrI skanda uvAcha \-
itthaM vidhAya stutimAdareNa chaNDIshvarasrijagatAM patimindumauLim |
natvA maheshvarapadAmburuhaM sadaiva dhyAyantsadaiva hR^idayAbjasukhaM vidhatte || 48||

|| iti shivarahasyAntargate mAheshvarAkhye kailAsashaile aShTadiggopuravarNanam 1||

\- || shrIshivarahasyam | mAheshvarAkhyaH prathamAMshaH | adhyAyaH 14 \- kailAsaprAkAravarNanam ||
##
- .. shrIshivarahasyam . mAheshvarAkhyaH prathamAMshaH . adhyAyaH 14 - kailAsaprAkAravarNanam ..

Notes:
Skanda ##skanda##; being requested by Jaigīṣavya ##jaigIShavya##, describes in detail about regions of Mount Kailāsa ##kailAsa shaila ##prAkAra amongst which is the abode of Maheśa ##mahesha ## and several Rudragaṇa-s ##rudragaNa##. He describes the residences of (and the Śivaliṅga ##shivali~Nga ## worshipped by) Nandikeśa ##nandikesha ## (Nandikeśvaraliṅga ##nandikeshvarali~Nga##), Caṇḍīśvara ##chaNDIshvara## (Caṇḍīśvaraliṅga ##chaNDIshvarali~Nga##), Sukeśa ##sukesha## (Sukeśvaraliṅga ##sukeshvarali~Nga##) in respective directions of the eight - starting with East. The description would be continued in the subsequent adhyāya ##adhyAya##.
Śivarahasyam Aṃśaḥ-1 (Māheśvarākhya) ##shivarahasyam aMshaH\-1 (mAheshvarAkhya) ## has several descriptions about Mount Kailāsa ##kailAsa shaila ## and Śiva ##shiva##. Selected verses from some of the chapters are presented here.##
##
Encoded and proofread by Ruma Dewan

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}