% Text title : Kailasashailaprakaravarnanam 3 % File name : kailAsashailaprAkAravarNanam3.itx % Category : shiva, shivarahasya % Location : doc\_shiva % Transliterated by : Ruma Dewan % Proofread by : Ruma Dewan % Description/comments : shrIshivarahasyam | mAheshvarAkhyaH prathamAMshaH | adhyAyaH 16 - panchabrahmaprAkAravarNanam || % Latest update : January 6, 2024 % Send corrections to : sanskrit@cheerful.com % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Kailasashailaprakaravarnanam 3 ..}## \itxtitle{.. kailAsashailaprAkAravarNanam 3 ..}##\endtitles ## (kailAsashaile pa~nchabrahmaprAkAravarNanam 3) skanda uvAcha\- shruNudhvaM brahmavichChreShThA (brahmaviShNavAdyA) munayashcha gaNottamAH (tapodhanAH) | jaigIShavya mahAprAj~na shR^iNudhvamamalAH kathAH || 7|| shambhorvichitravibhavAshshrotrapAvAmalAH kathAH | kShIrodadhimahAkhAtaprAkAro.astitadantaraH || 8|| (tatpuruSha) udbhUtachandrakiraNaistara~Ngachaiva bhAsuraH | rajatochChrAyashR^i~NgAgro mahAvR^iShabhalA~nChitaH || 9|| nAnAgopuraratnaughaprabhAbhAsitadi~NmukhaH | sphaTikaiH kR^itadeveshavarasundaravigrahaiH || 10|| shobhito gopurANA~ncha samUhaiH parishobhitaH | tatpUrvadeshe devasya tatpUrvasya manoharam || 11|| gopuraM saudhasubhagaM stambhavidrumaputrikam | maNikLLiptAchChavalabhIniryatpArAvatIgaNam || 12|| tatra siMhAsanavaraM navaratnavichitritam | tatra sthitaM gaNairdevaishshUlatejolasatkaraiH || 13|| kapardadhR^itachandrArkairbhasitAmalalochanaiH | tripuNDravilasadbhAlairvilasadbhAlalochanaiH || 14|| ratnAntaritarudrAkShamAlAlaLitakandharaiH | nIradodyatprabhAbhAsvannIrajopamakandharaiH || 15|| vAtAshanakR^itochChvAsachaladdhAramanoharaiH | mahADamarunAdena bhIShitAkhiladiktaTaiH || 16|| phaNAmaNikR^itApAranUpurA~Ngadaka~NkaNaiH | raNanma~njIravalayaissiMhasaMhananairgaNaiH || 17|| puNDarIkAjinabhavatkR^iShNarekhAkaTItaTaiH | mahebhacharmavasanairbAlAtapasamaprabhaiH || 18|| gaNendrairvAraNendrAbhaiH karishuNDorubAhubhiH | ahimanyubhirutkR^iShTaiH koTibhirgaNapairvR^itaH || 19|| pR^iShatkakaranistR^iMshavANAsanadharairvaraiH | pUrvato bhAtitatpUrShashchendukundasamaprabhaH || 20|| jaTAmukuTasaMshobhirAjarAjakalAdharaH | bhasmAbhyaktastripuNDrA~NkachaturbAhurudAradhIH || 21|| triNetro nIlakaNThashcha bAlasUryAyutaprabhaH | tatpUruShaM mahAli~NgaM sampUjya varivasyayA || 22|| samarchayati viprendra bilvapattraishshivArchakaH | stuvate sAvadhAnena talli~NgaM ratnadhAmagam || 23|| \- \- tatpuruShaH \- svachChaChatrAbhirAmaM ChavijitarajataM ChandasA~NgItatuShTam svachChandAyAM nirichChodadhinijamahigochChannamachChAchChadeham | ChadmebhAriChadAchChaChadamajamajaraM pi~nChatApi~nChaguchCha\- ChAyAsaChAyavAmA~NgamamadadhiShaNe sadvipachChedanechCham || 24|| AshIviShA~Ngada sadaiva mahesha kAshIvAsIkR^itAnandavana prasIda | saMsAravArAshitare purAre kInAshanAsha bhayamAshu vinAshayAya || 25|| \- \- skandaH \- itthaM stauti sadAkAlaM puruShaH puruSheshvaram | (itthaM stauti sadAkAlaM tatpUruShaH parameshvaram) | (aghora) tatrAstegaNapAdhIshaHprAchIntAmpAlayandisham || 26|| kShArodadhiparIvR^ittaH kAlAyasavinirmitaH | prAkAro rAjate vitra dakShiNe gopurairvR^itaH || 27|| lavaNAmbhodhikallolaghargharAnilaghoShitaH | tatra nAnA mahAbhogaphaNArattrAlayo mahAn || 28|| saudhAntarasthapIThasthobhrukuTI kuTilAnanaH | uchchaNDatarakodaNDakhaNDitArAtimaNDalaH || 29|| jaTAmaNDalagodbhAsisudhAmaNDalashekharaH | vidyullateva ghanavaddaMShTrAshobhitavaktrakaH || 30|| nIlAmalatanUbhAsvadbhAsitAlepasundaraH | sajaloddamaghanagagarbhAntaravidyutA || 31|| sadR^ishAmalapuNDrA~NkastilakAkalpabhUShitaH | dhanurhetidharastAdR^iggaNapairabhito vR^itaH || 32|| prasannakarasa~NkAshadordaNDavarachaNDakaiH | brahmANDasphoTanArAvaiH kodaNDavaramaNDitaiH || 33|| aghoro ghoravadanaH pAtitAndakShiNAndisham | chaNDAj~nAnatamochchaNDakhaNDanemaNDitAlakaH || 34|| aghoreshaM mahAli~NgaM sampUjya stauti bhaktitaH || \- \- aghoraH \- sajjannirjararAjarAjamakuTInIrAjanabhrAjipa\- drAjIvaM jagadArtibha~njanarata~njetAramAjau purA(ra)m | AsAmrAjyamihaiva jIvitanaye sAyujyamevejyayA dAtAraM bhaja dhUrjaTiM svahR^idaya me jahnukanyAbhuja~Ngam || 35|| anikaTagamakapaTagirAmahikaTakaM naTanalampaTaM khapaTam | aghapaTalapATanapaTuM hATaka godhAridhAriNaM vande || 36|| \- \- skandaH \- (sadyojAta) pratIchyAmapitatrAsti prAkAraH puShparAgajaH | puShparAgamaNijyotirvibhAsitadigantaraH || 37|| tanmaNIndrakR^itAnekarudrakrIDAdivigrahaiH | vR^iShabhaistAdR^ishaireva gopurAgraprakalpitaiH || 38|| gopurairbhUdharAkAraiH rAjatkalashasundaraiH | tatrAsti bhavanaM puNyaM nAnAmaNivirAjitam || 39|| vedikApaTTikopetaM sihmAsanavarairvR^i(ryu)tam | sadyojAtaM sukhAsInaM kShArasAravibhUShitam || 40|| pUrvajAtanishAnAthabhAsurA~Ngamanoharam | rAjatpi~NgAmalajaTAkR^itApIDanishAkaram || 41|| uDunAyakasaMshobhibhAlAnalavilochanam | prachaNDataramArtANDamaNDalottamabhUShitam || 42|| nIlendIvarasa~NkAshagrIvAyalayasundaram | puShparAgakR^itAnekamAlAkalitakandharam || 43|| vaiyAghracharmavilasatkaTiratnasukA~nchikam | ahimanyuvarAnekatAdR^ishairgaNapairyutam || 44|| pAshA~NkushAbhayakaraM pAshinA parisevitam | dadhimaNDamahAmbhodhimadhyasaudhavarAshrayam || 45|| gaNaishchApimahoddaNDaDimbhArAvavibhIShaNaiH | sevitaM pAshibhistatrapashchimAmpAtitAndisham || 46|| sadyojAteshvaraM li~NgaM stauti bhaktyA prapUjayan || 47|| \- \- sadyojAtaH \- pATIradrumakITaketanajaTAkoTIrabhAgeraTa\- tspATochchaistaTinIsyadArbhaTataTajjUTIkR^itAhiChaTa | ghoTAkR^itrimagokaTItaTapaTIbhUtebhacharmAmbara kShoNIruNNikaTATakhATaviTapinmachchittataTyAmaTa || 48|| vataMsitasudhAkaraM varaguNaugharatnAkaraM sphuranniTilalochanajvalanadagdhamInadhvajam | kulAchalakumArikAkuchataTIpaTIrA~Nkitam bhajAmi bhajatAM sadAbhayadamIshvaraM sha~Nkaram || 49|| \- \- skandaH \- iti stauti sadA li~NgaM sadyojAto maheshvaram | (vAmadeva) taduttare.api prAkAro gomedhamaNikalpitaH || 50|| ghR^itodenAvR^itastatra tatkallolotthavAyubhiH | parIvIto gopuraishcha tanmaNIndrakR^itaishshubhaiH || 51|| vararudrAvatArodyadvigrahairvR^iShabhairyutam | shobhitaM tatprabhAbhishcha tasthAnaM cha tasya hi || 52|| saudhairapArashikharairbahustambhavirAjitaiH | tatra saMsthaM mahAbAhuM vAmadevaM trilochanam || 53|| sihmAsane sukhAsInaM bhasmoddhUlanapANDaram | harinmaNinibhAkAraM vidyunnibhajaTAdharam || 54|| tipuNDrA~NkitasadbhAlaM kha~NgakheTagharaM shubham | prasannAsyanIlakaNThaM rAjadindukalAdharam || 55|| haritairgaNapaishchaiva vAyubhiH parisevitam | udyanmaratakIgarbhasundarairvAyuvegitaiH || 56|| tipuNDrachandrArdhadharairjaTAmaNDalamastakaiH | bANabANAsanadharairhallakAbhUShabhUShitaiH || 57|| vallakImurajottu~NgamR^ida~NgavaravAdakaiH | sevitaM parito vIraishshUlAmalalasatkaraiH || 58|| vAmadevaM sAmajAtAjinabaddhakaTItaTam | kaNThe bhuja~NgasaMyuktaM mR^igendrAmalalochanam || 59|| kubereNottarAM pAti dishaM yakSheshvarAvR^itAm | vAmadeveshvaraM li~NgaM sampUjyAstuvadIshvaram || 60|| \- \- vAmadevaH \- tiShThante stutipAThane tava vibho niShThyUtaniShThIvava\- chChAThyaM niShThuratAM vidhUya manasA brahmaikaniShThAH kati | vaikuNThArchita ratnapIThanilaya shrIkaNTha kaNThollasa\- nnIla jyeShTha kaniShTha kuShThahanana shreShThAntarAtiShTha me || 61|| surakuvalayasomaM vAmadevAkhyasAmastutamakhilaguNAnAM sImadhAmAnamIsham | jagadavanavinAshaM shAmbhavodyatsukAmaM nijanayanakaTAkShairdagdhakAmaM bhaje.aham || 62|| \- \- skandaH \- evaM stauti mahAdevaM vAmadevaH prasannadhIH | (IshAna) tadantarA girermUrdhni saMstho hIrakasaudhakaH || 63|| rudrAvatAraprabhavairvigrahairvR^iShabhairapi | uragendramahAhAro maddhyandinaraviprabhaH || 64|| sharvarIshAnamakuTIbhUtibhUShitavigrahaH | gajendracharmavasano hIramAlAkR^itA~NgakaH || 65|| antarikShai rudragaNaiH pAti vyoma manoharam | niSha~NgibhiH kavachibhishChurikAhetidhAribhiH || 66|| vyomakeshaprasAdena cheshAnashchoshitA satAm | IshAneshaM mahAli~NgaM sampUjya stauti bhaktitaH || 67|| \- \- IshAnaH \- rathantararavapriyaM ratharathA~NgapANIsharaM manorathapathAtigaM surathanAthasatka~NkaNaM | bhagIrathapathAnugAvihitajahnukanyAjaTaM bhajAmi surago rathapririyamapArapApApaham || 68|| chaShake nijavAjiheShitaishcharaNe vAyusubhojishi~njitaiH | kaTisImni subhUribR^ihmitairmukharaM daivatamAvirastu chitte || 69|| ashvIkR^itasvIkR^itavedarAshinA~NgIkR^itA~NgIkR^itashambarAriH | astrIkR^itastrIkR^itadAnavArirdevassadA me hR^idaye chakAstu || 70|| \- \- skandaH \- mahAkailAsabhavane maNikalpitamuttamam | ratnaprAkArametaddhipa~nchabrahmaprakalpitam || 72|| maheshena tadA vipra shravaNAdaghanAshanam || 73|| vichitraM shivanirmANaM vichitraM shivacheShTitam | vichitrA shivamAyA sA mahAmAyasya shUlinaH || 74|| || iti shivarahasyAntargate mAheshvarAkhye kailAsashaile pa~nchabrahmaprAkAravarNanam || \- || shrIshivarahasyam | mAheshvarAkhyaH prathamAMshaH | adhyAyaH 16 \- pa~nchabrahmaprAkAravarNanam || ## - .. shrIshivarahasyam . mAheshvarAkhyaH prathamAMshaH . adhyAyaH 16 - pa~nchabrahmaprAkAravarNanam .. Notes: Skanda ##skanda ## continues to describe in detail to Jaigīṣavya ##jaigIShavya##, about the abodes at Mount Kailāsa ##kailAsa shailaprAkAra ## of the five aspects of Śiva ##shiva ## - the Panchabrahma ##pa~nchabrahma ## that include Tatpuruṣa ##tatpuruSha ## in East, Aghora ##aghora ## in South, Sadyojāta ##sadyojAta ## in West, Vāmadeva ##vAmadeva ## in North, and Īśāna ##IshAna ## towards Zenith. He outlines about the worship of the respective Liṇga ##li~Nga ## while describing these five forms/aspects of Śiva ##shiva##. Śivarahasyam Aṃśaḥ-1 (Māheśvarākhya) ##shivarahasyam aMshaH\-1 (mAheshvarAkhya) ## has several descriptions about Mount Kailāsa ##kailAsa shaila ## and Śiva ##shiva##. Selected verses from some of the chapters are presented here.## ## Encoded and proofread by Ruma Dewan \medskip\hrule\obeylines Please send corrections to sanskrit@cheerful.com Last updated \today https://sanskritdocuments.org \end{document}