% Text title            : Kailasavarnanam 1
% File name             : kailAsavarNanam1.itx
% Category              : shiva, shivarahasya
% Location              : doc\_shiva
% Transliterated by     : Ruma Dewan
% Proofread by          : Ruma Dewan
% Description/comments  : shrIshivarahasyam | mAheshvarAkhyaH prathamAMshaH | adhyAyaH 12 - kailAsavarNanam | 4-83||
% Latest update         : December 17, 2023
% Send corrections to   : sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Kailasavarnanam 1 ..}##
\itxtitle{.. kailAsavarNanam 1 ..}##\endtitles ##
(kailAsaupanayanam 1)

skanda uvAcha\-
sarvagasyApi devasya mahAdevasya shUlinaH |
mahAkailAsamityuktaM shivatatvArthavedibhiH || 4||
IshAnagaNamukhyasya kailAsaM dakShiNAshramam |
ayaM mune.amarenadrANAM nivAso merurunnataH || 5||
praviShTaShShoDashAdhastAddvAtriMshanmUrdhni vishrutaH |
vR^iShasstambhamayo bhAti mahAkailAsasannidhau || 6||
kailAsAdapi pUrvasyAM pa~nchAshachcha sahasrakaiH |
yojanaiH prAksthito merurnAnAsuragaNAshrayaH || 7||
jvalajjvalanasaMkAshaH kanakottamaparvataH |
sahasrayojanotsedhaM viddhi meru surAlayam || 8||
ShaTShaShTiH kathito yoginnUrdhvAyAmaikamUlataH |
lakShayojanamAnena kailAso dharaNIdharaH || 9||
kulAchalAssaptashataM prAkAraparighAstathA |
prAkArasyAntarAlasya saptadvIpAssasAgarAH || 10||
saptAbdhayassudhAmbhodhikallolAmalabIjitaH |
koTiyojanamAnena kailAso bhUdharo mahAn || 11||
 rAjato rAjate.atyantaM pa~nchAshallakShamAnataH |
saptapAtAlamUlAntassapatalokAnta uchChrayaH || 12||
mahArAjatabhUbhAgashchandrakoTisamaprabhaH |
nAgnirnavidhurnosUryastattejassaddasho bhuvi || 13||
chaturdasha mahAlokAnuchChrAyashshikharaissvayam |
madhye sudhAsAgarasya phenamaNDopamassthitaH || 14||
na haro na harirdhAtA mahendrAdyAshcha devatAH |
na suparNoragA yakShA na gandharvA ditessutAH || 15||
na vIkShituM shaknuvanti kimpunargantuma~njasA |
tatprabhAbhihatAlokA harAjahariNo dvija || 16||
tattejasA pratihatAssUryendupavanAnalAH |
sudhAsAgarakallolaiH kailAsasparshavAyavaH || 17||
punanti lokAnakhilAnviShNubrahmaharAmarAn |
surAsurANAM gamanaM na tatra manasApi hi || 18||
na vedavachanaishshakyo mahAkailAsaparvataH |
talleshaleshamahimAM kashshakto vaktumapyaNu || 19||
sahasravadanashsheShassahasrAkSho.api nekShate |
kiM punarmAnavAH (kimpunarnAnataH) kShudrA varAkAste sarAsurAH || 20||
shataM kulAchalA mukhyAH prAkArA iva saMsthitAH |
mahadbhiruchChritaishshR^i~NgaiHkechidgopuravatsthitAH || 21||
tadantarantarAleShu parighAkR^itayo.abdhayaH |
tato.api saptaprAkAraM shambhorantargR^ihaM param || 22||
prAkArabhUtAste shailAstA~nChR^iNuShva dvijottama |
kumudaH pAriyAtrashcha mainAkaH pUrvadiggatAH || 23||
dardaro malayo vindhyaH pashchime yogipu~Ngava |
udayAstAchalau mu~nja uttarasyAM dishisthitAH || 24||
nIlodakShiNakailAsohimavAndakShiNesthitaH |
vigAhyAvahitAssarvechAbdhibhissarvatodisham || 25||
 dvIpAbdhayaste parighAssaptasaptaiva parvatAH |
tadantarAntarAleShu viharanti divaukasaH || 26||
gandharvApsarasassiddhAnAgayakShAssuparNakAH |
kinnarAH puruShAHpuNyAvidyAdharasachAraNAH || 27||
munayo gaNasa~NghAshcha nAnAbhUmaikabhUmayaH |
tato.api viShNubrahmAdyA IshAnA rudramUrtayaH || 28||
viharanti patombhodhiprAkAravaramAshritAH |
svAdUdakAbdhitIre cha tato.api pramathAdhipAH || 29||
tato.api ratnaprAkAro dashasAhasrayojanaH |
tadratnakAntidhArAbhirmaNDitaM bhuvanatrayam || 30||
mattakokilanetrAbhastatrAsteratnaparvataH |
shatayojanakochChrAyaH padmarAganagottamaH || 31||
mayUkhamAlAvitatatanmayUkhatiraskR^itaH |
chandrakAntamaNiprodyatprAkAro.asti tadantarA || 32||
pa~nchAshataM sahasra~ncha yojanAyAmato dvija |
somAchChashatapIyUShaniryaddhArAsamanvitaH || 33||
tatkAntisAradhArAbhI ra~njitAstatra bhUmayaH |
himasAramahAtAradhArAvyApinagottamaH || 34||
dashasAhasramAnena tatrAste hIrako hyagaH |
indranIlAmalamaNiprAkAro.asti tadantare || 35||
pa~nchAshatso.api mAnena nIlanIlotpaldyutiH |
tannailyagarbhasaundaryadhArAdhIraikabhUmayaH || 36||
tatrAsti parvatavarashchendranIlashilochchayaH |
nIlanIradasaMshliShTavidyullekhAnvitaChaviH Il 37||
dashasAhasravistAraH pariNAhe.api tAdR^ishaH |
harinmaNIndrapravarabhAkAro.asti tadantarA || 38||
tanmaNIndraprabhAbhAsiharitA eva bhUmayaH |
pravAlaparvatastatra viMshatsAhasramunnataH || 39||
bimbAmalalasatkAntikAnto bhUdharanAyakaH |
tadantare.api prAkAro gomedamaNikalpitaH || 40||
triMshatsAhasramAnena madhupi~NgalasundaraH |
tatrochchaH parvato vipra kuruvindamaNiprabhaH || 41||
pakShasaMkhyAsahasrANAM shikhararaishchApi tAdR^ishaH |
tasyAntare.api prAkAraH puShparAgashilA~nchitaH || 42||
chatvAriMshatsahasrANAM yojanonnatamAnataH |
tasyAmalaChavigaNaissadR^ishAstatra(shAmala) bhUmayaH || 43||
tatrApi bhUdharashreShTho muktAmaNishataishritaH |
unmattAkhubhujottu~NgalochanAmalasaChaviH || 44||
tadantarA tviShAkAraviMshatsAhasramAnataH |
tatviShA chAbhitassarvapItIbhUtadigantaraH || 45||
(tatviShabhi(prabhAbhi)stataH sarvapItIbhUtadigantaraH) || 45||
vaiDUryAnekasUtrAchChadhArArasavijR^imbhitAH |
(vaiDUryAtmakasatvothadhArArasavijR^imbhitAH |)
bhUmayastatra shobhante vismayAnAM smayapradaH || 46||
tatrAsti parvatavaro navaratnayutaChaviH |
kvachinmarakatasvachChalaharIharitAkR^itiH || 47||
kvachidvidrumasa~NkAshassandhyAghananibhaH kvachit |
kvachiddhIrakajAtyachChaphalamUlasamaChaviH || 48||
kvachidvaiDUryasUtrotthabhAbhAsitadigantaraH |
unmattakokilAkShAbhakuruvindanibhaH kvachit || 49||
puShparAgasarAgodyadrAgarakto.aruNaH kvachit |
tR^iNagrAhimahAnIlanIlimnA cha nabhopamaH || 50||
kvachidgomedakApAramadhudhArAsamaChaviH |
(kvachidgomedakasphAramadhudhArAsamachChaviH |)
muktAkAntitiraskArishlakShNairmalyabhAyutaH || 51||
svachChAchChasphaTikopAntabimbitAkhiladiktaTaH |
nAnArAgamayUkhaughashchendrachApanibhaH kvachit || 52||
tatrAsti maNDapavaraM nAnAchitravichitritam |
padmarAgamaNistambhastambhapIThamanoharam || 53||
sihmashArdUlasharabhagajahaMsashukAkR^itiH |
vyAlishuNDAnalinyAdichitrachitritavismayam || 54||
ekaikaratnasa~NkLLiptanIloChrAyaikabhAsuram |
pa~NktishasstambhasAhasrairnavaratnapariShkR^itaiH || 55||
ApAdapIThajashlakShNagopAnasisubhittikam |
svachChAdarshatalaprAyabhUmibhAgaikara~njitam || 56||
tatra stambhaprabhAjyotsnAprabhAkarashataprabham |
nasUryachandrau bhAsete vahinakShatravidyutaH || 57||
tiraskR^itAH prabhAstatra na rAtrirna divAkvachit |
evaM lakShastambhayuktAmaNDapAstatrakalpitaH || 58||
paryantagopurottu~NgaratnasaudhAyutairvR^itaH |
sahasralakShaphalakaisstambhakumbhairyuto mune || 59||
gopurANAM pramANantu manasApi na shakyate |
nAnArudrAvatArAdimaNikahipitavigrahaH || 60||
mUrtayo devadevasya devyA vAhanasaMyutAH |
skandaherambanandInAM saptalokAntamuchChritAH || 61||
gopurANAntalairdivyairvistArAyAmalakShakam |
li~NgodbhavastataH pArshvevR^iShavAhastataH param || 62||
sindhuratvakparIvItaH kvachitsAmbassaputrakaH |
skandaherambasahitaH kvachidgaNagaNairvR^itaH || 63||
umAdhavigrahashchApi nR^ittATopayutaH kvachit |
vAmA~NgadakShiNA~NgodyajjanArdanavidhiH kvachit || 64||
devIpariNayAkAraH kvachidbhikShATanAkR^itiH |
shUlAsaktakarashchApi mR^igapANiH purAdihA || 65||
andhakAsurasaMhAro dakShiNAmUrtirUpadhR^ik |
munInAM j~nAnadassiddhichinmudrAparichinhitaH || 66||
tatpUruSha(rSha)vAmadevAdyA IshAnAghorasa~nj~nakAH |
bAlendumukuTAssarve kapardavarashobhitAH || 67||
ratnAbharaNabhUShADhyA mUrtayashsha~Nkarasya hi |
dikpAlapAlikAbhishcha tattadrAgamaNiprabhAH || 68||
kalpitAH parameshenashivalIlAvichitritAH |
paryantasphaTikAbhishcha vR^iShA nIlavilochanAH || 69||
mahAshR^i~NgaikamakuTaghaNTAmaNivibhUShaNAH |
gopurordhvagatAssarve mahAhIrakashR^i~NgakAH || 70||
prAkArarAjadvR^iShabhA mahArhamaNikalpitAH |
talAnAM koTibhishchApi gopurANAM prakalpanaiH || 71||
gopurAgramahAratnakalashaistyaktatArakaiH |
dodhUyamAnochchalitasamIraNapatAkakAH || 72||
tatragarbhagrahaM shambhornavaratnAnvitojvalam |
tatrAsti maNipIThodyachchandrasphaTikasambhavam || 73||
mahAli~NgammahAkAraM ratnanAgaphaNAnvitam |
mahAratnavane jAtaphullamAlAvibhUShitam || 74||
suvarNakhachitAnekabilvachampakapUjitam |
shambhunA cha mahAdevyA lokAnugrahakAmyayA || 75||
samarchitaM trikAleShu pradoSheShu visheShataH |
tatrastharatnaniryAtakAntibhirdIpitantadA || 76||
tatrAtodyAni kurvanti gaNAshshambhormahAtmanaH |
kAhalImurajApAramaDDuDiNDimajarjharAH || 77||
sha~Nkhamaddalabheryashcha nissANAH paTahAnakAH |
gomukhAssvastipAtAlAveNuvINAvi(ni)nAditAH || 78||
rudrakanyAsahasrANi nATyaM kurvanti tatra hi |
hAvabhAvamanoj~nAni peshalAlApavanti || 79||
yauvanonmadadhArANi raNitA~NghrijanUpuraiH |
kvaNadratnajaTATa~NkakapolAmalasachChavi || 80||
dhUpAmodaikabahalagandhagandhAyitA dishaH |
nandiprotsAritagaNAstatrAste sha~Nkaro.ambayA || 81||
pUjitantaM mahAli~NgaM pashyanratnaissupUjitam |
rudrakanyAkarAbjotthanakhakvaNanaghaTTitam || 82||
tantrImukhotthagandharvagAnaM shruNvantsadAmbayA ||
shiva shiva shiva shambho chandramaule.amalAtman
hara hara gurubhAraM shAmbhavAn dayasva |
(hara hara gurubhAraM sAmba shambho modayasva |)
vitara paramuktiM saMsR^itirmA kadAchidbhavatu
bhavabhavAbdhetArakaM tvAM prapannaH || 83||

|| iti shivarahasyAntargate mAheshvarAkhye kailAsavarNanam ||

\- || shrIshivarahasyam | mAheshvarAkhyaH prathamAMshaH | adhyAyaH 12 \- kailAsavarNanam | 4\-83||
##
- .. shrIshivarahasyam . mAheshvarAkhyaH prathamAMshaH . adhyAyaH 12 - kailAsavarNanam . 4-83..

Notes:
Skanda ##skanda##; upon being inquired by Jaigīṣavya ##jaigIShavya##, give to him an overview of the Mount Kailāsa ##kailAsa shaila ## - The Abode of Śiva ##shiva##.
Śivarahasyam Aṃśaḥ-1 (Māheśvarākhya) ##shivarahasyam aMshaH\-1 (mAheshvarAkhya) ## has several descriptions about Mount Kailāsa ##kailAsa shaila ## and Śiva ##shiva##. Selected verses from some of the chapters are presented here.##
##
Encoded and proofread by Ruma Dewan

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}