% Text title            : Kailasavarnanam 5
% File name             : kailAsavarNanam5.itx
% Category              : shiva, shivarahasya
% Location              : doc\_shiva
% Transliterated by     : Ruma Dewan
% Proofread by          : Ruma Dewan
% Description/comments  : shrIshivarahasyam | mAheshvarAkhyaH prathamAMshaH | adhyAyaH 25 - kailAsavarNane vRiSha(kRita)stutiH | 1-33||
% Latest update         : December 17, 2023
% Send corrections to   : sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Kailasavarnanam 5 ..}##
\itxtitle{.. kailAsavarNanam 5 ..}##\endtitles ##
(kailAsashaile vR^iShagopuravarNanam 5)

skandaH \-
kailAsAntarataH prAchyAM puShparAgavinirmitam |
pa~nchalakShapramANena prAkAravaragopuram || 1||
udyadbhAnushatAdhikyachAkachakyamanoharam |
puShparAgamaNiprodyadvR^iShabhaissamadhiShThitam || 2||
prAkAraM lakShamAnena manasA shUlinA kR^itam |
rudrAvatAracharitairvedikApaTTikAnvitam || 3||
rAjadvR^iShabhakumbhAgradodhUyitapatAkakam |
puShparAgamaNijyotitiraskR^itashashidyuti || 4||
tatraivAntarmahAratnagarbhamaNDapamuttamam |
stambhaishcha dashasAhasraissamunnatimanoharam || 5||
shikhAbhirmaNikLLiptAbhirvalibhishchumbitAmbaram |
nAnAratnamahAvedipIThavidrumaputrikaiH || 6||
shobhitaM ratnaguchChAchCha mAlAlambitapIThakam |
tatra sihmAsane divye navaratnagaNaishchite || 7||
dhUpadIpAdibahule muktAmAlApariShkR^ite |
vitAnadyotidikchakre nAnArudragaNairyute || 8||
ShaShTisAhasrasa~NkhyAkairahimanyubhiruddhate |
tripuNDravilasatkAlai rudrAkShavarabhUShaNaiH || 9||
trishUlodyatkaraishshubhrairhetichApasharAvR^itaiH |
jaTAtaTanivaddhendushekharairindusamaprabhaiH || 10||
samantAtsevito nityaM vR^iSho dharmAkR^itirmahAn |
dharmAdhAramahApAdo yuganAbhorupAdakaH || 11||
sandhyAMshasukhuroddAmavarNAshramakR^itA~NghrikaH |
maNima~njIraninadanAnAdharmaikashabdavAn || 12||
chaturvedopavedodyadvedAntimatadantakaH |
purANanyAyamImAMsAdvayatantrorughaNTakaH || 13||
pUrvasiddhAntarAddhAntatatvashabdaghaNAghaNaH |
graiveyashobhitodAraghaNTAkalitakandharaH || 14||
kailAso ja~Ngama iva shR^i~NgadvayavibhUShitaH |
sudhAmaNDalajottu~NgasupANDaramahAChaviH || 15||
saMsthito devadevasya sannidhau nandikeshvaraH |
pa~nchalakShapramANena gaNaiH (gAtraiH) karpUrasannibhaiH || 16||
udyatsudhAMshupUrNA~Ngo lakShayojanapR^iShTabhUH |
kakudA dashasAhasrayojanonnatavR^ittayA || 17||
mukhena triMshatsAhasraM netrayordvisahasrakam |
karNayoH pa~nchasAhasraM viShANe cha sahasrakam || 18||
nAsAvivaramuktAchChanAsApa~nchasahasrakam |
sahasrayojanAyAmalelihAnAgrajihvakam || 19||
pashyannanimiSheNaiva lochanAbhyAM maheshvaram |
svapR^iShTAstR^itaratnAchChapalya~NkAlambimauktikam || 20||
svanAsAvivarotthAnavAtodbhUta mahAgirim |
tadvAtoddhUtavelAshcha chodyatodyattara~NgakAH || 21||
samudrAssaritashchaiva tachchalatkhuradAritA |
bhUrbhAti kampitA shailaissAgaraishcha vilolitA || 22||
shR^i~NgakoTimaNibhrAjimukuTena virAjitam |
karNAlambishashijyotidhavalAlambichAmaram || 23||
pa~nchAshallakShamAnena padaiH khuravarairyutam |
dashasAhasravistArairindranIlamaNiprabhaiH || 24||
khurAghR^iShTagirivrAtaM nAdamoditakandaram |
sAstrayA lambitAsvachChapa~nchasAhastrayojanam || 25||
hu.nbhAravamahAbhIta trailokyatalavAsinam |
kAmadhenugaNaishchaiva koTibhiH paritovR^itam || 26||
sharachchandraprabhAbhAsvadbhirimaulividAraNam |
lambinA vR^iShaNenApi shatayojanakena cha || 27||
vAlena triMshatsAhasrayojanena vilambinA |
chAmarAgramahAkeshapuchChabhAreNa shobhitaH || 28||
muktAmANikyajAlaishcha protthitena maNiprabhaH |
tatrAsti gopuraM shambhordhAmatatra vR^iSheshituH || 29||
prAkArarAjadvR^iShabhaM tasyeShTaMli~Ngamaishvaram |
kAmadhenUdhasodbhUtaiH payobhirabhiShichya cha || 30||
gandhairbilyaishcha mandAraiH pa~NkajairdhUpadIpakaiH |
naivedyaiH pAyasApUpatAmbUlaChatrachAmaraiH || 31||
sampUjyastautidharmeshaM bhasmarudrAkShabhUShitaH |
muktAtripuNDrabhAlA~Nko shashidhR^ikChR^i~NgayordvayoH || 32||
pashyantsaMstauti hR^iShTAtmA nAdakIlitadiktaTaH || 33||

|| iti shivarahasyAntargate mAheshvarAkhye kailAsashaile vR^iShagopuravarNanam ||

\- || shrIshivarahasyam | mAheshvarAkhyaH prathamAMshaH | adhyAyaH 25 \- kailAsavarNane vR^iSha(kR^ita)stutiH | 1\-33||
##
- .. shrIshivarahasyam . mAheshvarAkhyaH prathamAMshaH . adhyAyaH 25 - kailAsavarNane vRRiSha(kRRita)stutiH . 1-33..

Notes:
Skanda ##skanda ## describes about the residence of Vṛṣabha ##vR^iShabha ## (Dharma ##dharma##), towards the Eastern quarters of Mount Kailāsa ##kailAsa shaila##, that has predominace of Topaz - viz. Puṣparāga ##puShparAga##; and mentions about the Śivaliṅga ##shivali~Nga ## that He worships there.
Śivarahasyam Aṃśaḥ-1 (Māheśvarākhya) ##shivarahasyam aMshaH\-1 (mAheshvarAkhya) ## has several descriptions about Mount Kailāsa ##kailAsa shaila ## and Śiva ##shiva##. Selected verses from some of the chapters are presented here.##
##
Encoded and proofread by Ruma Dewan

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}