% Text title : KailAsavarnanam from Shrikanthacharita % File name : kailAsavarNanamshrIkaNThacharitam.itx % Category : shiva % Location : doc\_shiva % Transliterated by : Ruma Dewan % Proofread by : Ruma Dewan % Description/comments : shrImaNkhakakavikRitaM shrIkaNThacharitam | chaturthaH sargaH \- kailAsavarNanam || % Latest update : Ocober 8, 2023 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Kailasavarnanam ..}## \itxtitle{.. shrIkaNThacharite kailAsavarNanam ..}##\endtitles ## shashishubhrAH kiranbhAso hAso dhanapaterdishaH | girirastIha kailAso nivAso vR^iShalakShmaNaH || 1|| bimbitairyo mR^igairbhAti suTasphATikasAnuShu | kautukena kR^ito dhAtrA rAshibhiH shashinAmiva || 2|| rashmayo.abhra~NkaShA yasya shrayante saralashriyaH | mUle mR^iNAlanAlatvaM brahmAsanasaroruhaH || 3|| yadaMshusrotasaH sa~NgAduttamA~Nge.api dhUrjaTeH | nenduH kShIrodakallolanivAsaprItimujjhitaH || 4|| sarvato.api pranR^ityadbhiryashchakAsti gabhastibhiH | likhanmuseShu kakubhAM karpUrasthAsakAniva || 5|| pAdairmahadbhirAkrAntadiganto yaH sitadyutiH | vimarti kShamamAtmAnaM bhoktu navasudhAbharam || 6|| jahAti yasya limpadbhiH karairAchAntakAlimA | jaladaH prAvR^iSheNyo.api na shAradapayodatAm || 7|| saguhAM prakaTAhInakaTakAM dadhadAkR^itim | sadApinAkamAkramya sthitaH pAdavaladgaNaH || 8|| dadhAno.adhigatashvetasAnurahasharIratAm | svasAmyamiva yo nItaH sevAprItena shambhunA || 9|| AbaddhapariveShasya rashmibhiH sphaTikAshmanAm | pradakShiNamapravR^itteva rAjate yasya jAhnavI || 10|| dhatteM.ashubhiH samAlabdhAM bharganetrahavibhurjaH | yo mUrti rohaNaM jetuM padmarAgamayImiva || 11|| yatra sphaTikatejobhirbhargasya cha galatviShA | rajanyapi dina.nmanyA rAtri.nmanyaM bhavatyahaH || 12|| dikShu dyutibhireNA~NkagabhastiprativastubhiH | yashAMsi varShatA yena rAjanvanto mahIbhR^itaH || 12|| nR^ityadbhavapadakShuNNayatkShoNIreNuvipruShaH | bhanibhena nabho nUnaM naktaM naktamupAsate || 14|| shivavAhakhuropaj~najAtarUpasamR^iddhibhiH | kShaNAnmerusahasraM yaH sUte shailaprajApatiH || 15|| yatra netrAnalaH shambhoH pratibimbAvalambanAt | kalpate.analpadAvAgnishilpakR^idratnasAnuShu || 16|| rudrottaMsavidhUdrekadravachchandrAshmajanmabhiH | pravAhairiva yaH sakhyaM kachinnojjhati nirjharaiH || 17|| kiMsvidgaurIharerbhItyA vinItyA kimu dhUrjaTeH | dUrAdrathamR^igaM tayaktvA yaM mR^iduH sevate.anilaH || 18|| darIShu ki.nnarIlokaM dhatte yaH ploShavilaplave | nyAsIkR^itamana~Ngena bhANDAgAramiva svakam || 19|| shvetAsmakuharairmadhyasuptashyAbhramaNDalaiH | vyanakti yaH shailavR^ipA sahasramiva chakShuShAm || 20|| avagUDho dR^iDhaM devyA paulastyebhujanartite | yatra kShaNaM vibhurlabhe dolAkelirasaj~natAm || 21|| atyunnatasya pAdeShu kShapAsu luThatendunA | yasya prabhurapi spardhAM naiti chandrashikhAmaNiH || 22|| dikShu prasAritabR^ihatprabhApakShatisampuTaH | yo mAnase jagallakShmIkelihaMsa iva sthitaH || 23|| yo madhyamadhyasa~NkrAntanavAbhrakaNashAritaiH | lauhitIkataTairbhAti svaprashastipaTairiva || 24|| sphuli~Ngabha~NgibhirmAnoH pratibimbairya IkShyate | rAshirbhUteriva tryakShapluShTAnAM vishvapApmanAm || 25|| mAnasAskandanapaTuH spR^ishannutkaTakAntatAm | dadhAnaH sukhada rUM siddhasAdhyagaNAshritaH || 26|| sAlakAntasthitirnIrukaNThAdhyAsanapAvanaH | ya ivAbhAti yachchitramaharyakShaistu sevyate || 27|| kvachitkavachitaH sAndranavAmbudakadambakaiH | yo vimudrayati kShoNIra~njadrimadadruhaH || 28|| sImantarekhA rodasyoH kShaumanIra~NgikA dishAm | kakupku~njarayUthasya puromukhapaTachChaTA || 29|| dvitIyabhUtirbhargasya phenashrIrmInasAmbhasAm | bhUpannagasrInirmoko bhAti yatkAntisantatiH || 30|| sa~NkrAntaM yo vahatyantarvapuShi sphATike jagat | AchAntamiva kalpAnte shikShayA vR^iShalakShmaNaH || 31|| bimbitArkadhR^itApANDusharIro yo virAjate | sAndrerAma~njarIpuShpaguchChottaMsa iva kShitau || 32|| sphaTikAshmasu yatrAste bimbito guhabarhiNaH | dattayAtra ivAkraShTumahInpAtAlvAsinaH || 33|| vishvAtmane svanAthAya digasbaradashAjuShe | vayatIvAmbaraM dikShu yastatairaMshutantubhiH || 34|| yo.ashrAntashashabhR^itsa~NgadravachchandrAshmashIkaraiH | vyanakti bhagavatpAdapAtAnandAshrudurdinam || 35|| yo bibharti jvalattu~Ngapata~NgAshmaguhAtmanA | dattAM bhagavatA dR^iShTimahni vahnimayImiva || 36|| DhaukitAnantakusumaprakaraH pArshvapAdapaiH | kIrNArgho girijAsiMhakarajonmuktamauktikaiH || 37|| dhUpadhUmamabhivya~njanbharairnavapayomuchAm | dattadIpAlikaH shR^i~NgabhajvarattapanopalaiH || 38|| snAnAni yachChannachChinnamuchChaladbhiritastataH | niyaniHShyandamAnendudR^iShatsUtibhirambubhiH || 39|| sadhAtunirjharArabdhasamAlabhanavibhramaH | stuvandarImukhairvAtalaharImukharIkR^itaiH || 40|| shubhopakalpitabalirnAnAvidhaphalarddhibhiH | taTabhastutasa~NgItabha~NgIko divyachAraNaiH || 41|| yo bhasmasmerasarvA~Ngo nibhR^itAM sthitimashnute | nityasannihitaM devadevamabhyarchayanniva || 42|| dhAtupATalamutkShepaparibhUtyaparAdhini | yo.adyApIva mukhaM dhatte sakopaM dashakandhare || 43|| sUryagrAvAgninA dunvansi~nchannindUpaladravaiH | kopabhasAdasambheda iva yo.anA~NgadAhinaH || 44|| soragAshleShaniHsheShatApaghnasthANusa~NgateH | shrIkhaNDaMshailaM kurute yaH sAmyAnugrahAtithim || 45|| divApi patAsu maheshashekharaprajAgarUkeNa kura~NgaketunA | kadAchana proShitabhartR^ikAvrataM shikhAsu yasyauShadhibhirna shikShitam || 46|| shikharAdhvani yasya ShaTpadadyutichaurA navakekibandhavaH | jvaladoShadhidIptisampadAM dadhate sambhR^itakajjalashriyam || 47|| tanuranupasarati shrIsaMstavaM yasya shR^i~Nge\- Shvanurajani sudhAMshomUrtibhirbimbitAbhiH | bharasahanabhR^itAntastoShabhargaprasAdI\- kR^itanijanR^irakapAlasraksahasrA~nchiteva || 48|| sphaTikakaTakakuTTimeShu yasya pratimitayaH kharatejaso juShante | vicharaNachaNasharvavAhapAdapraNayasamudgatajAtarUpashobhAm || 49|| yasyAH saurabhaki~NkarIkR^itamilanmattAlimAlAnibhA\- dvyajyante.anavadhikrudho ratipaterbhrUbha~NgavichChittayaH | chitrA chaitrarathAnilasya laharI sA yatra sa~njAyate mAnAnadhyayanAnAShTamI shishutamIjIvAtubhR^itsubhruvaH || 50|| nihnotuM kShaNamIshate gaNapaterye.atyUrjitaM garjitaM svairaM tArakavairivAhashikhino ye maunamudrAbhidaH | te yatra stanitormayo jalamuchAM devIhaThAli~Ngana\- krIDAsAdarasaukhyadAnapatitAmAyAnti khaTvA~NginaH || 51|| kAluShyaprAgabhAvapraNayini nibiDaprAvR^iDAta~Nkanashya\- ddhaMsashreNIsharaNye prakaTataTaluThadvIchilekhAjaTAle | yo mukhye mAnasAkhye parisarasarasi prAptasa~NkrAntiranta\- rbhUlokAlokanechChojjigamiShaduragAdhIshabha~NgIM bibharti || 52|| kva yasya naktandinachandrikA na dyutirdyuvIthImupatiShThamAnA | sannaddhatAM kandalayatyasheShavarNAntarApahnaviplavAya || 53|| yA kApyudAttataradakShakulaprasUti\- ryA sevate haripadAkramaNakShamatvam | tAM tArakAntakarajanmashubhAnubhAvAM gaurIM tanuM vahati yo dayitAM harasya || 54|| dantA nitambabhuvi pAdatale.alakApti\- ryogyA payodharavivR^ittiShu mekhalA cha | yasyAstara~NgitavalImukhapR^iShThatA cha yastAM samudvahati mUrtimapUrvakAntAm || 55|| uddvellatphaTamuNDakhaNDasachivairutattaMsitA mUrdhabhiH pre~NkhatpattrakarAshritAlilaharIrudrAkShamAlAbhR^itaH | rohaddIrghajaTAstaTeShu tapasi sthemneva yasya drumA\- ste tiShThantyanirodha eva marutAmantaM nayanto rajaH || 56|| yasmi~njAtu na jAyate.ambujavatIkaumAradharmakShati\- rdR^iShTo yatra na vA kadAchidshanAbhij~nashchakorIjanaH | tasminnapyahichakravartinagaroddeshopakaNThe kShaNaM yanmUlasphaTikAshmarashmipaTalaiH ko.api prakAshodayaH || 57|| nairmalyatastulitasAdhujanAshayo yaH sa~NkrAntakomalatamAlataruprakANDaH | jyotsnAsapatnaruchipItatamastara~Ng\- sandarbhagarbhamiva kukShimabhivyanakti || 58|| yo lambodarakumbhasambhavamadasrotaHsirAsIkara\- kShuNNaH svaHsarida~Nkapa~NkajarajaHsaugandhyabandhushcha yaH | vapreShu prasaraH sa yatra marutAmojAyate jAyate yatsevApravaNo gaNe madhulihAM mandAramandAdaraH || 59|| yamadUratastrijagadekakautukavyavahArasargavidhinavyavedhasam | alakA vimudrabahusaudhasIhR^idAdanimeShalochanachayeva vIkShate || 60|| yasyAshchakAsti kaTakeShu sahelakhela\- dvidyAdharIcharaNayAvakapa~NkamudrA | shrIkaNThanetrapathajAnapadArkasoma\- sevAkR^ite satatasannihiteva sandhyA || 61|| vyomola~NghanajA~Nghikena vapuShA niHsheShakAShThAhaTha\- krIDAshleShaviTasya kalpitavato brahmANDamutkarparam | pAtAlAdhishayAlumUlamahasaH sha~Nke na yasya prati\- spardhAvardhanasAhase balabhidaH shailo.api sannahyati || 62|| divi kShIrodanvAnhimagirirajayyo.arkamahasA\- majAtAdhaHpAtasridashasaridoghaH kachati yaH | vama~njtyotsnAjAlaM dishi dishi sapatnaM shashiruchAM chakorIjihvabhirvirachitavR^ithAlehanavidhiH || 63|| dvirbhAvashchandrabhAsAM taruNakumudinInAthachUDATTahAsA\- nuprAsaH shailaputrInavahasitasudhAvipruShAM paunaruktyam | svarga~NgAvIchivIpsA ruchirupachinute chAturIM yasya tasya kShoNIrbharturguNeShu pratipadapaThanaM ko vinirmAtumIShTe || 64|| iti shrIma~Nkhakasya kR^itau shrIkaNThacharite mahAkAvye kailAsavarNanam | || shrIma~NkhakakavikR^itaM shrIkaNThacharitam | chaturthaH sargaH \- kailAsavarNanam || ## .. shrImankhakakavikRitaM shrIkaNThacharitam . chaturthaH sargaH - kailAsavarNanam .. Notes: Śrīkaṇṭhacaritam ##shrIkaNThacharitam ## is a Saṃskṛta Mahākāvya ##saMskR^ita mahAkAvya ## composed by Mahākavi Maṅkhaka ##mahAkavi ma~Nkhaka ## - a 12th century poet from Kashmir. The 25 sections of the Mahākāvya ##mahAkAvya ## describe the incidence of Tripuradāha ##tripuradAha ## and the annihilation of Tripurāsura ##tripurAsura ## by Śrīkaṇṭha ##shrIkaNTha ## (Śiva ##shiva##). Sarga 4 ##sarga 4 ## describes Mount Kailāsa ##kailAsa##, the Abode of Śrīkaṇṭha ##shrIkaNTha ## (Śiva ##shiva##). Encoded and proofread by Ruma Dewan \medskip\hrule\obeylines Please send corrections to sanskrit@cheerful.com Last updated \today https://sanskritdocuments.org \end{document}