% Text title            : Kailaseshvarapradoshapujavarnanam 1
% File name             : kailAseshvarapradoShapUjAvarNanam1.itx
% Category              : shiva, shivarahasya, pUjA
% Location              : doc\_shiva
% Transliterated by     : Ruma Dewan
% Proofread by          : Ruma Dewan
% Description/comments  : shrIshivarahasyam | mAheshvarAkhyaH prathamAMshaH | adhyAyaH 13 - kailAseshvarapradoShapUjAvarNanam | 1-24||
% Latest update         : December 17, 2023
% Send corrections to   : sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Kailaseshvarapradoshapujavarnanam 1 ..}##
\itxtitle{.. kailAseshvarapradoShapUjAvarNanam 1 ..}##\endtitles ##
(skandaproktaM kailAseshvarapradoShapUjAbhAShaH 1)

sUta uvAcha \-
kailAseshvarali~Ngasya mahAdevaH sanAtanaH |
varivasyAM svayaM chakre (tatashchakre) sarvapUjyo.api sha~NkaraH || 1||
R^iShayaH \-
sa kathaM sarvapUjyo.api bhagavAnagajApatiH |
kailAseshvarali~Ngasya pUjanaM kR^itavAnvada || 2||
sUta uvAcha \-
evameva purA pR^iShTo jegIShavyena sha~NkaraH |
tamAha vinayAnamraM devasenApatiH purA || 3||
skandaH \-
sAdhu pR^iShTantvayA vipra tatte vakShyAmi sAmpratam |
devadevasya charitaM shR^iNvatAmaghanAshanam || 4||
sa sarvagopyo dharmAtmA sarvAkAratayA sthitaH |
li~NgArchanaM hi sarveShAM vimuktidamiti dvijAH || 5||
svayaM karoti bhagavAnambikApatirIshvaraH |
bhuktidaM muktida~ncheti sarveShAM bodhanAya hi || 6||
saMsArasAgaremagnAntsamuddhartummaheshvaraH |
kAryaM surAsuraishchaivaM viShNubrahmamarudgaNaiH || 7||
devairmunIndrairgaNapairdvijaishchaivAtha shA~NkaraiH |
pUjaiva paraM shreya iti darshayituM shivaH || 8||
svayaM devyA mahAdevaH pUjAM li~Nge karoti hi |
talli~NgapUjanaM devyA shivenAkAri tachChR^iNu || 9||
prAtassa~NgavamadhyAhnapradoSheShu munIshvarAH |
nandikeshAdigaNapaiH rudrANIbhissadAshivaH || 10||
pUjAprakalpanaM shambhoshshambhunA varivasyayA |
kailAseshvarali~Ngasya pUjanantachChR^iNuShva me || 11||
saptasAgarapAtrottharasadhArAdibhishshivaH |
gaNAnItaishcha sambhArairmanasA kalpanakShamaiH || 12||
pUjayA bhogamokShau cha sarveShA~ncha pradarshitum |
karotyapachiti shambhuH kailAseshvarapUjanam || 13||
jagIShavyaH \-
tatpUjana prakAraM me kathaya shravaNoddhataH |
ebhirmunivaradevairgaNendraishcha visheShataH || 14||
skanda uvAcha \-
shR^iNutvaM devadevena kailAseshvarapR^ijanam |
yathAkR^itaM maheshena shR^iNutvaM muktidAyakam || 15||
shravaNenApi bhaktAnAM sarveShAM muktidAyakam |
shR^iNuShvaikamanA vipra tvamebhirbhUsuraissuraiH || 16||
gaNaughairnandikeshAdyairambikApatipUjanam |
devyai devena kathitaM pR^ichChaintyai sha~Nkarassvayam || 17||
tadavakShyAmi samAsena shR^iNu tvaM pApanAshanam ||
 - \-
snAtvA kailAsaga~NgAtaTamaNikalite maNDape shambhurIsho |
devyA nandIshamukhyairgaNavarasahito bhasmanoddhUlya gAtram |
sthitvA li~NgAlaye sve maNigaNakhachite svAsane sanniviShTa\-
shshiShTassarveShTadAtA samasamasamado hyarchati prAj~navaryaH || 18||
kR^itvA phAlatale tripuNDrarachanAM bAlendumaulissvayaM
rudrAkShAmalahArakaNThavalayaH pa~nchAsyapa~nchAkSharaH |
ki~nchitki~nchiduda~nchada~nchalahR^igambhojAvalImAlikAM
vAraMvAramihArpayatyagajayA jIvajjayArthI shivaH || 19||
tatreshAnavarasya pa~nchavaradAsyAsyAsyapa~nchAnane\-
shAnasyeshvarali~NgadbhutatamaM tatpa~nchavaktreshvaram |
tadvaktrAmalato jharIbhararasaiH pa~nchApagA nissR^itAH
kailAsAchalanimnagAtaTamahAli~NgaikasaudhAlayAH || 20||
prAchyAM ratnAchChaga~NgA shivataragabhavA devaga~NgAkilAste
pashchAtkailAsaga~NgA tadaparabhuvigA ratnasopAnayuktA |
tatrAvAchyAM cha shuddhA kamalagaNagaNaissaMyutAtyugraga~NgA
tanmadhye brahmaga~NgA sphaTikanibhajalA pa~nchatAH pa~nchatAntAH || 21||
etA yA maNili~Ngapa~nchamukhatassannissR^itA maNDapA\-
tpuNyAH puNyatara~NgashItalajalAH kUla~NkapAkhyAH parAH |
divyApArashivAlayasthitamahAli~Ngaikasa~NghAkulA\-
stIreShu prathitorumaNDapamaNIkLLiptaissudhAbdhiMgamAH || 22||
nAnAbilvavanairapAratarujaiH phullaprasUnAkulaiH
pakShINAM cha ravaishcha tIravakulai raktAchChadehallakaiH |
kokAnA~ncha kulaissukachChapamahAmInairbakAnAM kulai\-
sstokaiH potakachakravAkakuraraiH puNyaishcha satsArasaiH || 23||
tattIrAmalamaNDape maNimahAkLLipte susihmAsane
devyA nandigaNeshvarairharavaraH pashyantsarinnirjharIH |
li~NgaM pa~nchamukheshvaraM madhurimAnetrA~nchalaisha~Nkara\-
stadvaktrAmalapa~NkajodbhavanadIH puNyAstadAheshvaraH || 24||

|| iti shivarahasyAntargate mAheshvarAkhye kailAseshvarapradoShapUjAvarNane skandaproktaM kailAseshvarapradoShapUjAbhAShaH ||

\- || shrIshivarahasyam | mAheshvarAkhyaH prathamAMshaH | adhyAyaH 13 \- kailAseshvarapradoShapUjAvarNanam | 1\-24||
##
- .. shrIshivarahasyam . mAheshvarAkhyaH prathamAMshaH . adhyAyaH 13 - kailAseshvarapradoShapUjAvarNanam . 1-24..

Notes:
Skanda ##skanda##; upon being inquired by Jaigīṣavya ##jaigIShavya##, provides an introductory overview of of Kailāśeśvara-Liṅga Pradoṣa Pūjā ##kailAsheshvarali~NgapradoSha pUjA##. Skanda ##skanda ## metions about the five Gaṇgā-s ##pa~nchaga~NgA## (viz., Śivagaṇgā ##shivaga~NgA##, Devagaṇgā ##devaga~NgA##, Ratnagaṇgā ##ratnaga~NgA##, Kailāsagaṇgā ##kailAsaga~NgA## and Brahmagaṇgā ##brahmaga~NgA##) and the Pañcamukheśvaraliṅga ##pa~nchamukheshvarali~NgaM##; and, that the details of the Pūjā ##pUjA ## were narrated by Śiva ##shiva ## to Devī ##devI ## upon being requested Her.
Śivarahasyam Aṃśaḥ-1 (Māheśvarākhya) ##shivarahasyam aMshaH\-1 (mAheshvarAkhya) ## has several descriptions about Mount Kailāsa ##kailAsa shaila ## and Śiva ##shiva##. Selected verses from some of the chapters are presented here.##
##
Encoded and proofread by Ruma Dewan

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}