% Text title            : Kailasodyanavarnanam
% File name             : kailAsodyAnavarNanam.itx
% Category              : shiva, shivarahasya
% Location              : doc\_shiva
% Transliterated by     : Ruma Dewan
% Proofread by          : Ruma Dewan
% Description/comments  : shrIshivarahasyam | IshAkhyaH dvAdashamAMshaH | 1 kailAsodyAnavarNanam | 15-67 ||
% Latest update         : December 28, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Kailasodyanavarnanam ..}##
\itxtitle{.. kailAsodyAnavarNanam ..}##\endtitles ##
(shivarahasyAntargate IshAkhye)

subrahmaNya uvAcha |

jaigIShavya mahAbhavya havyavAhasamaprabha |
divyaM kathAnakaM shambhornAkibhirmunibhirgaNaiH || 15||
shR^iNvaparNApatestUrNaM pUrNaM karNarasAyanam |
(shR^iNvaparNApatestUrNaM santAraNakaraM shubham .)
bhavArNavanimagnAnAM santIrNatarimadbhutAm || 16||
purA kailAsatadane madanAntakaro haraH |
ratnaprAsAdasambAdhe saudhagopuramaNDite || 17||
shikhaNDitANDavayute DambarADambarairyute |
udyadbhAskarasa~NkAshavidrumastambhamaNDape || 18||
nAnAtarugaNApAraphullapuShpavirAjite |
tatpuShpasundarataraparAgAvR^itamArute || 19||
nAnApakShirutApArananditAnandakandare |
chandanAnandasubhagagandhamedurapUjite || 20||
parvatAkharvasarvasvasharvarInAthasaprabhe |
shikhare vijahAresho haro gauryA sadAryayA || 21||
mudA hR^idA tadA devo darshayan tadvanasthalIm |
nAnApuShpataruchChannAmabhrabhrAntinivAriNIm || 22||
hariNIgaNasaMyuktAM patatpatravarairyutAm |
niyutAyutavistIrNAM sa~NkIrNAM mR^igapakShibhiH || 23||
bhramanmAta~NgasAra~NgAM ratnaga~NgAtaTojjvalAm |
tu~NgashA~NgamahAli~Ngasa~Nga saudhojjvalatprabhAm || 24||
bhAvituM manasA sarvairashakyAM tAM vanasthalIm |
utphullahallakAkrAntAM krau~nchasArasasevitAm || 25||
pata~NgAMshusamutphullaraktAbjavarashobhitAm |
parAgarAgasvachChodAM taTaprAsAdashobhitAm || 26||
tatprAsAdAgramadhyasthasihmAsanavarAshritaH |
divyA~Ngasa~Ngasubhago bhargo devyA samanvitaH || 27||
chandrApIDo mR^iDo gauryA darshayAmAsa tadvanam || 28||
svasyAsyamAdarshatale dadarsha
sharvo.atha gauryApratibimbitaM vanam |
sarvaikanAthaH sa hi vishvanAtho
vishvaM yathA svAtmapathaM karoti || 29||
mattadvirephakalahaMsakulAbhirAmaM
puMskokilAkalitakAkalirAgamuktam |
utpuchChaguchChasamaraishchamarairupetaM
tryakSho mudaikShata vanaM shivayA sametaH || 30||
shAradamudirAbhaphullamallI\-
sumagandhodyatameduraM vanAntam |
sa dinAnte.atha vasantavAsare
shikhare shailavare dadarsha sharvaH || 31||
bhallAli~Ngitakundavallikalike(kaM)protphullamallIgaNe(NaM)
tajjAtAladivyagandhasumahAbandhAndhasanmArutaM
jighran sAmbashivastadAsta shikhare kailAsabhUbhR^idvare || 32||
tamAlatilakAlakaM tilakitAchChasatketakaM
praphullavanarAjikaM shivapadAbjasaMsevakam |
dadarsha shikharAvR^itaM haritapItarItIyutaM
praphullanagasaMyutaM girimathaikShatAmbAsutaH || 33||
kadambajasunimbajaiH saphalabimbavallIvR^itaiH
sadambujasarovarairvR^itamapArajambUdrumaiH |
hR^idambaramudaM vyadhAt varadishAmbaro.ahaskara\-
dhana~njayanishAkaraprakaTalochanostAmbayA || 34||
(dhana~njayanishAkara prakaTa chakShurAstAmbayA) || 34||
sunIpataru saMvR^itaM prathitatApapApApahaM
apAyasharaNaM vanaM tagaradhUpasammodanam |
chirantanatapovanaM shivavihArataH pAvanaM
dadarsha kilakAnanaM sa shivayA svakIyAnanam || 35||
praphullanAnAvidhagulmashobhitaM
latAvitAnAdimanoramaM vanam |
virUDhashaShpaiH paritaH priya~NgubhiH
supuShpitaM kaNTakitaM cha ketakaiH || 36||
tamAlaguchChairnichitaM sugandhibhi\-
rnikAmapuShpairvakulaishcha sarvashaH |
ashokapunnAgavanaiH supuShpitaiH
dvirephamAlAkulapuShpasa~nchayaiH || 37||
kvachitpraphullAmbujareNurUShitaM
viha~NgamaishchArukalapraNAdibhiH |
vinAditaM sArasahaMsapa~NktibhiH
pramattanatyUharutaishcha shobhitam || 38||
kvachichcha chakrAhvarutairvinAditaM
kvachichcha kAraNDavanAdamaNDitam |
kvachichcha mattAlikulAkulIkR^itaM
madAkulAbhirbhramarA~NganAdibhiH || 39||
niShevitaM chArusugandhipuShpaM
kvachitsapuShpaiH sahakAravR^ikShaiH |
latopagUDhaistilakaistamAlaiH
pragItavidyAdharasiddhachAraNam || 40||
vivasvatprabhApu~njagu~njAphalADhyaM
virAjatsudhAMshoHshashashobhimadhyam |
girAvadrivR^indaprabhAnIlavastraM
viyadvyAdhaveshmeva vishvaM vibhAti || 41||
pravR^ittanR^ittAnugato.apsarogaNaM
prahR^iShTanAnAvidhapuShTasanmR^igam |
pramattahArItakulopapannaM
mR^igendranAdAkulasannashambaram || 42||
kUchichcha rudrorukadambamR^igya\-
vilUnashaShpA~NkuravApyamaNDitam |
praphullasaddhallakanIlakotpalaiH
satpuNDarIkaiH kamalaishcha shebhitam || 43||
viTapanichayanIlaM nIlakaNThAbhirAmaM
madamuditaviha~NgavrAtanAdAbhirAmam |
kusumitatarushAkhAnIlamattadvirephaM
navakisalayashobhAshobhitaprAntashAkham || 44||
kvachichcha dantikShatachAruvIrudhaM
veNudrumairruddhamarIchimArgam |
kvachillatA.a.ali~NgitaphullavR^ikShaM
R^ikShaughasandAritamUlabhAgam || 45||
kvachidvilAsAlasagAminIbhi\-
rniShevitaM rudragaNA~NganAbhiH |
pArAvatadhvanibhirUrjita chArushR^i~Nga\-
mabhra~NkaShaiHsitasitAyitaparvatAgraiH || 46||
sa~NkIrNapuShpanikarapravibhaktabhAsai\-
rvibhrAjitairabhrasamaishcha shR^i~NgaiH |
prAntodbhavAgaru davodbhavadhUmarekhA\-
lekhAmukhAghrANasukhaikasanmukham || 47||
vR^ikShAgrasa~NkalitapuShpavichitrapa~Nkti\-
sambaddhagulmavihagairgahanaM dadarsha || 48||
tu~NgAgrairnIlapuShpastabakabharanataprAMshushAkhAshikhAbhi\-
rmAlAprAntAntalInashrutisukhajananaiH kUjitaM pakShisa~NghaiH |
rAtrau chandrasya bhAsA kusumitatilakai (rekataH shyAmakAntaM)
ChAyAsuptaprabuddhasthitahariNagaNAluptadUrvA~NkurAgram || 49||
haMsAnAM pakShavAtaprachalichakamalasvachChasampUrNatoyaM
tattIraprathitoruchArukadalI(pAlI)nR^ityanmayUrampuraH |
mAyUraiH pakShachandraiH kvachidavapatitairarchitakShmApradeshaM
desho.abhAse vilInapramuditavigalatsAndrakastUrikaiNam || 50||
sAra~NgairupashobhisatpradeshaM
prachChannaM kusumachayaiH kvachidvikIrNam |
hR^iShTAbhiH kvachidapi rudrakA~NganAbhi\-
rvINAbhiH sumadhuragItaramyaShaNDam || 51||
AmUlAtphalanichitaikachidvishAlai\-
ruttu~NgaiH panasamahIruhairupetam |
phullAvimuktakalAtAgR^ihalInabarhi\-
kekAravAkramitatadgarimUlasAnum || 52||
ramyapriya~Ngu taruma~njarisaktashR^i~NgaM
bhR^i~NgAvalI kajjalitAmrakadambapuShpam |
puShpottarAnilavidhUtaphaNIndravaktra\-
satpAraNaM vidadhataM cha namatyudAram || 53||
gulmAntaraprasR^itagIta ##. | . | .##
netrAntarAgaladathAshrujashItavAri |
chaNDAMshujAlakalashe tilake manoj~naiH
sindUra ku~NkumakusumbhanibhairashokaiH || 54||
chAmIkarAbhapariphullasukarNikArai\-
rmandArasundarasuvR^ittakachArushAkhI |
kIlAlajAtAnilalolamUla\-
mR^iNAlamaulisthasupadmajAlam || 55||
vAtAhati proddhatapatraghargharaM
virAvitAlaM sutamAlapippalam |
tyaktAH shiveneti cha ketakena
sa~NketabhAjo.atra vasanti ketakAH || 56||
nAgAnubandhena virAgamapyaho
shivA~NgamapyAtanute parAgaiH |
sadvAraNaM vAraNasa~Nghamatra
mandArasandAritameghamAlam || 57||
vaTaM saTAbhirjaTilaprabhaM sadA
vR^itaM cha khedAraNakovidAram |
kailAsamaulikR^itamAlatamAlajAlaM
takkolahintAlarasAlajaM phalam || 58||
a~NkolanArelaphalairvilolaM
kR^itAlavAlaM vakulaM vibhAti |
punnAganAgasaralArjunachampakADhyaM
satpATalIpaTalagandhasugandhitAsham || 59||
sachChiMshupAbadarashAlmalikiMshukADhyaM
shokApahAribhirashokaparamparADhyam |
kapitthatintriNIbakUlakAshvamArashekharaM
sulodhrabhadrakAmrakaiH suphulladADimIphalam || 60||
sumAtuli~Ngara~NgakaM vibhAti tadvanaM paraM
surAdanAmalakyapUgapUgajambukaM vanam |
kadalyayUdhikAvR^itaM samIkShya chAmbayA vasan || 61||
haritprashastatarahastavishastashAkham |
vAtAvadhUtasaradhAdigalatphalADhyam || 62||
golA~NgUlasahasrakapratipatajjambUphalAnIyutam |
bhrAjadbhUmitalaM dvirephabahulaM saMrAjate tadvanam || 63||
iriNaM kharakiraNairaruNaM
tatpravibhAti talaM cha vai girIndre |
sudaridre viShayA yathA.aphalA\-
stR^iNamAtraM nahi rohate tatra || 64||
rAjIvarAjaH inarADgirIshaM
nIrAjatIva pravibhAti tadgirau |
kolorudaMShTrAbhivishastamustA\-
mArShTIva sa~Nghaishcha shilAtalAbhUH || 65||
sakalabhuvanakartA lokanAthastadAnIM
tuhinashikhariputryA sArdhamiShTairgaNendraiH |
vividhataruvishAlaM mattahR^iShTAnyapuShTaM
upavanamatiramyaM darshayamAsa devyai || 66||
(puShpairvanyaiH subhaka(surabhi)kusumai)
puShpairvanyaiH shubhaka(vividha)kusumairgandhitaistadgirIndre
devIM divyAmupavanagatAM bhUShayAmAsa sakhyaH |
sA chApyevaM tuhina girijA sha~NkaraM devadevaM
vanyaiH puShpaiH pashuvarapatiM bhUShayAmAsahR^iShTA || 67||

|| iti shivarahasyAntargate kailAsodyAnavarNanaM sampUrNam ||

\- || shrIshivarahasyam | IshAkhyaH dvAdashamAMshaH | 1 kailAsodyAnavarNanam | 15\-67 ||
##
- .. shrIshivarahasyam . IshAkhyaH dvAdashamAMshaH . 1 kailAsodyAnavarNanam . 15-67 ..

Notes:

Subrahmaṇya ##subrahmaNya## narrates (to Jaigīṣavya ##jaigIShavya##) about the Udyānam ##udyAnam## at Kailāsa ##kailAsa##, where Śiva ##shiva## and Gaurī ##gaurI## spend their time together.##

##
Proofread by Ruma Dewan 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}