% Text title : Kedaranatha Mahima or Kedareshashivastuti Varnanam by Dikpalas and Devatas % File name : kedAreshashivastutivarNanamkedAranAthamahimadikpAlAdikRRita.itx % Category : shiva, shivarahasya, stuti % Location : doc\_shiva % Proofread by : Ruma Dewan % Description/comments : shrIshivarahasyam | bhargAkhyaH panchamAMshaH | adhyAyaH 11|| % Latest update : June 18, 2023 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Kedaranatha Mahima ..}## \itxtitle{.. kedAranAthamahima ..}##\endtitles ## ##Kedaranatha Mahima or Kedareshashivastuti Varnanam by Dikpalas and Devatas## kedAranAthamahima athavA dikpAlAdikR^ita kedAreshashivastuti varNanam devyuvAcha \- shrutaM bANAsurAkhyAnaM bhavataH parameshvara | kedArasthAnamahimAM vadAdya shiva sha~Nkara || 1|| sUtaH \- mahAdevo maheshAnyA pR^iShTo dakShamakhAntakR^it | devIM prAhAravindAkShaH kedArasthAnavaibhavam || 2|| IshvaraH \- asti kShetravaraM devi kedAraM bhuvi vishrutam | tatkShetramahimA subhru vedairna j~nAyate shive || 3|| tasmin kShetravare devi brahmAdyA vibuvottamAH | nivasanti mahAbhAge kedAreshvarapUjakAH || 4|| talli~NgasadR^ishaM li~NgaM na bhUtaM na bhaviShyati | hitvA kailAsashikharaM girIsho vasatIshvaraH || 5|| sadA tatra mahAshaivA vasanti shivatatparAH | bhasmarudrAkShavItA~NgA tripuNDrAvalibhAsurAH || 6|| kedAreshasya devasya nityamArAdhane ratAH | ShaTsahasraM phalAhArA vAyvAhArAshcha pa~nchakam || 7|| trisahasrAmbuparNAshA bhAsurAH shivatatparAH | chyavanA bhArgavAshchaiva bhAradvAjAshcha kAshyapAH || 8|| maudgalyA vItahavyAshcha vaishvAmitrAtrisambhavAH | matpAdapUjakAH sarve kedArakShetravAsinaH || 9|| brAhmaNA brahmasadR^ishAH R^igyajuHsAmapAragAH | nivasanti sadA devi mama li~NgArchane ratAH || 10|| pa~nchAgniniratAH kechittretAgnisharaNAH pare | nAradAdyAshcha munayo vasanti satataM shive || 11|| gandharvAH siddhanAgAdyA yakShAH kimpuruShAH sadA | patnIbhiH shailashikhare kedArashvarasevinaH || 12|| mAmArAdhyaM samArAdhya brahmaviShNvAdayaH surAH | svaM svaM sthAnamavApuste kedAreshasamarchanAt || 13|| atra kedAranAthaM yo shivarAtrau chaturdashIm | upoShya prayato bhaktyA devi yAmachatuShTayam || 14|| pUjAM kuryAdbilvapatraiH sa mokShamadhigachChati | anyatra koTili~NgArchAphalaM yat surasattame || 15|| kedAreshvaramaulau tu ekabilvArpaNAddhi tat | ekaM vA bhojayedvipraM kedAre koTi tadbhavet || 16|| bhojayechChaivamekaM tu tadanantaphalaM smR^itam | tasya kedAranAthasya kuNDaM parvatamUrdhani || 17|| khyAtaM kedArakuNDaM tadutphullakamalojjvalam | tatkuNDapUtapAnIyaiH snAtvA santarpayetpitR^In || 18|| pitarastR^iptimAyAnti dvAdashAbdaM sureshvari | purAndhakAsuraM hatvA tachChUlAgreNa sha~Nkari || 19|| tvatpituH shikhare puNye tvayA tatkhAnitaM saraH | tasminsarasi vistIrNe tvattaTe tvattapovanam || 20|| matprIyate tvayA devi vichIrNA.atra tapaHkriyA | tattIre sthApitaM li~NgaM tvayA gaurIshvarAbhidham || 21|| talli~NgadarshanAdeva mama loke mahIyate | vasiShThAtrimR^ikaNDvAdyA bharadvAjaparAsharau || 22|| durvAsA gautamAdyAshcha bhR^igukumbhodbhavAdayaH | dadhIchyA~NgirasochathyAH jAmadagnyo mahAbalaH || 23|| kShetramutsAdya viprendraiH prArthitaH shamamAgataH | himavanmUrdhni sarasastIre tapyanti tApasAH || 24|| kedAranAthaM dR^iShTvA mAM pUjya bilvaiH sukomalaiH | upahAraishcha vividhairapAraiH phalamaNDalaiH || 25|| IshvaraH \- tadgaurIsarasi snAtvA puNye pApaughahAriNi | vR^itraM hatvAtha jambhArirvajreNAsurasattamam || 26|| ChadmanA svachChasarasi gauryAkhye pApanuttaye | snAtvA suragaNaiH sArdhaM vR^itrahA shuddhimAgataH || 27|| kedAranAthaM dR^iShTvA mAM shakraH suragaNaiH saha | tuShTAva mAM tadA bhaktyA tatsutiM shrR^iNu shAmbhavi || 28|| indraH \- shambho vishvesha bharga trinayana bhagavankAlakAlAndhakAre purahara duritAhe ghorarUpAntakAre | shamaya shamaya duHkhaM daityavargAriyuddha jvarahara bhayahArin pAhiM kedAranAtha || 29|| IshvaraH \- shakraH kedAranAthaM mAmevaM stutvA praNamya cha | vihAya pApaM taddevi triviShTapamagAt tadA || 30|| varuNo.api mahAdevi viprabhAryAM purA.aharat | uchathyasya balAta pAshI kAmabANaprapIDitaH || 31|| jalodaramahArogagrAhagrasto.abhavachChive | praNamya mAM mahAdevi kedAreshaM prapUjya cha || 32|| vimuktastena pApena mAM stutvaiva sa bhaktitaH || 33|| varuNaH \- mAramAra karavIrasumADhya sragdharAmaravArAdisupUjya | saMsthitAmaragaNendrabhUdhara pAhi mAmakhilapAradavIrya || 34|| IshvaraH \- stutvaivaM pAshahasto mAM natvA sampUjya mA shive | yayau sthAnaM sa nIrogo muktamegha ivoDurAT || 35|| mANDavyenApi subhage shaptashchaNDAMshunandanaH | shApamuktyai sa kedAraM mAM praNamyAtha shUlinam || 36|| bilvapatraiH samabhyarchya snAtvA gaurIsarittaTe | puNyAgnisaptakairmantraiH samuddhUlya svakAM tanum || 37|| tuShTAva mAM vishuddhAtmA kedAreshaM maheshvaram | yamaH \- tasthuShaspatimaho bhagavantaM babhrushaM cha harikeshamudAram | mR^igaM na bhImamupahatnumugraM prasAdya pApairna bibhemi shambho || 38|| IshvaraH \- evaM mAmambike stutvA muktashApaH sa sUryajaH | jagAma dakShiNAmAshAM pitR^ibhiH paripAlitAm || 39|| kubero yakSharADdevi paulastyenAtha nirjitaH | jagAma paramAmArtiM mAM kedAraM praNamya cha || 40|| saMsnAya gaurIsarasi bhasmarudrAkShabhUShaNaH | tatkuNDashodhitairnIrairbilvapatraiH samarchya cha || 41|| yakSharANmAM virUpAkShamastauShIjjagadambike || 42|| kuberaH \- mIDhuShTamaH shivatamastvamasi prasiddhaM siddhAntasAramahiman mR^iDayAshu shambho | saMsAraghoravipinodbhavadAvadagdhaM tvanmUrdhachandrakiraNairmama shItayA~Ngam || 43|| IshvaraH \- itthaM sa yakSharADdevi stutvA mAmagajApatim | dhanAdhipatyaM samprApa uttarAshApatistadA || 44|| evaM dishAnAmadhipA vidishAM patayastathA | abhIShTaM prApuratyarthaM mAmArAdhyaiva bhaktitaH || 45|| agnishcha nirR^itirvAyurIshAno madgaNottamaH | satsArUpyaM mudA prApa mAM kedAraM samarchayan || 46|| tuShTuvurvidishAM nAthA viprashApaprapIDitAH | agnishcha sarvabhakShatvaM nirR^itiH pApakAritAm || 47|| vAyurAyAsarAhityamIshAno matsvarUpatAm | agnivAyunirR^itIshAnAH \- mahAdevo devaH sakalajagadArAdhyacharaNo jagadrakShAshikShAsthitijananachAturyakaraNaH | harirbrahmA skando gaNapatirumA shakraditijAstvadharvANeShu tvaM prathitayashaso vai tava namaH || 48|| IshvaraH \- evaM stutvA.atha te sarve vidishAM patayastathA | lebhire paramAM siddhiM kedArashvarapUjanAm || 49|| munayashchApi deveshi vishvAmitro.atrira~NgirAH | tepustapo mahAghoraM jvalatpa~nchAgnimadhyagAH || 50|| brAhmaNyaprAptaye devi vishvAmitreNa saMstutaH || 51|| vishvAmitraH \- gAyatryA pratipAdito.asi bhagavan saMsArasambharjako bhargastvaM saviturvareNyamahasastvAM sarvadA dhImahi | tejastvAtmagataM dinodayavidhau viprAdibhirdhyAyase buddhiM nishchayakAriNIM cha bhagavan sa~nchodayasyAntaraH || 52|| atriH putravihInashcha ririchAno.anvatapyata | aurvAya putrAn datvA svAn putrAnAptuM tadAdrije || 53|| iShTavAMshchAtirAtreNa hyasmin bhUdharasattame | mAM stutvA chAmbike putrAMshchaturaH prAptavAMstadA || 54|| atriH \- rAjAnaM tvAmadhvaresha cha rudraM hotAraM tvA satyayujaM cha rodasyoH | vidyutpAtasamAdachittamaraNAtpUrvaM shivaM shAshvataM prApto.asmyanvahamekameva sharaNaM hiraNyarUpamavase kR^iNudhvam || 55|| mantrArthavAdavidhiShu shrutiShu pravR^ittAH tAsu kriyA makhashatotthaphalairvichitraiH | poShaM rayiM svargamatha prajAM pashUn puShTiM pratiShThAM cha tathojasi tvam || 56|| tatra prarochakapadeShu niviShTachittAH kiM nashvaraiH phalagaNaiH pramathAdhinAtha | tvAmadhvareshvaramaho phaladAnashIlaM nArAdhayanti sahasA jaDabuddhayaste || 57|| a~NgirAshcha mahAdevi kedAreshamathAstavIt | bhrAtrA vinikR^itaH pUrvaM daurAtmyauddhatyagarviNA || 58|| a~NgirAH \- tathyaM tvadIyajana ityayi sAmichandrachUDa prabho mayi mahAghasamudrakAye | tvaM vedagIta adhivaktR^itayA prasiddha pAhIsha mAmadhikayA sahamAna shambho || 59|| evaM stutvA.atha munayaH svAbhIShTaM prApurambike | kedAreshaprasAdena anye sarve marudgaNAH || 60|| sUtaH \- ko vA kedArali~NgaM janishatavitatApArapApaikabha~NgaM prAleyAchalakanyakAparilasadvAmA~Ngasa~NgaM sadA | dR^iShTvA.ana~Ngabhuja~Ngasa~NgajanitAmandA~NgakopasphuratbhAlApA~NgakR^itA~Ngasa~NgarahitaM shrIsha~NgamIshaM bhaje || 61|| || iti shivarahasyAntargate shivagaurIsaMvAde kedAranAthamahima athavA dikpAlAdikR^ita kedAreshashivastuti varNanaM sampUrNam || \- || shrIshivarahasyam | bhargAkhyaH pa~nchamAMshaH | adhyAyaH 11|| ## - .. shrIshivarahasyam . bhargAkhyaH panchamAMshaH . adhyAyaH 11.. Notes: The Kedarnatha Jyotirlinga is located in Kedaranatha Shiva Kshetra, near Kedara Kunda. Shiva describes the merit of worshipping at Kedaresha, especially during Shivaratri and (Krishna) Chaturdashi tithi-s. The Dikpala-s and Rishi-s (Vishvamitra, Atri and Angiras) worshipped Kedareshwara Shiva with the above mentioned Stuti. Kedaranatha Shiva Kshetra is also an abode to Shivalingas known as Gaurishwara, Nandishwara, Skandeshwara and Ganeshwara. The shloka numbers are maintained per the source text. Proofread by Ruma Dewan \medskip\hrule\obeylines Please send corrections to sanskrit@cheerful.com Last updated \today https://sanskritdocuments.org \end{document}