% Text title            : Kuberakritam Somanatha Stotram
% File name             : kuberakRRitaMsomanAthastotram.itx
% Category              : shiva, skandapurANa, stotra
% Location              : doc\_shiva
% Proofread by          : PSA Easwaran
% Description/comments  : skandapurANa | prabhAsakhaNDa | adhyAya 290/23-35||
% Latest update         : September 6, 2025
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Kuberakritam Somanatha Stotram ..}##
\itxtitle{.. kuberakR^itaM somanAthastotram ..}##\endtitles ##
kubera iti dharmAtmA shrutashIlasamanvitaH |
li~NgaM pratiShThayAmAsa nya~NkumatyAshcha pUrvataH || 21||
kauberAtpashchime bhAge somanAtheti vishrutam |
sampUjya cha yatheshAnaM nya~NkumatyAstaTe shubhe |
stotreNAnena chAstauShIdbhaktyA taM sarvakAmadam || 22||
mUrtiH kvApi maheshvarasya mahatI yaj~nasya mUlodayA
tumbI tu~NgaphalAvatI cha shatasho brahmANDakoTistathA |
yanmAnaM na pitAmaho na cha harirbrahmANDamadhyasthito
jAnAtyanyasureShu kA cha gaNanA sA santataM vo.avatAt || 23||
namAmyahaM devamajaM purANamupendramindrAvararAjajuShTam |
shashA~NkasUryAgnisamAnanetraM vR^iShendrachihnaM pralayAdihetum || 24||
sarveshvaraikatribalaikabandhuM yogAdhigamyaM jagato.adhivAsam |
taM vismayAdhAramanantashaktiM j~nAnodbhavaM dhairyaguNAdhikaM cha || 25||
pinAkapAshA~NkushashUlahastaM kapardinaM meghasamAnaghoSham |
sakAlakaNThaM sphaTikAvabhAsaM namAmi shambhuM bhuvanaikanAtham || 26||
kapAlinaM mAlinamAdidevaM jaTAdharaM bhImabhuja~NgahAram |
prabhAsitAraM cha sahasramUrtiM sahasrashIrShaM puruShaM vishiShTam || 27||
yadakSharaM nirguNamaprameyaM sajyotirekaM pravadanti santaH |
dUra~NgamaM vedyamanindyavandyaM sarveShu hR^itsthaM paramaM pavitram || 28||
tejonibhaM bAlamR^igA~NkamauliM namAmi rudraM sphuradugravaktram |
kAlendhanaM kAmadamastasa~NgaM dharmAsanasthaM prakR^itidvayastham || 29||
atIndriyaM vishvabhujaM jitAriM guNatrayAtItamajaM nirIham |
tamomayaM vedamayaM chidaMshaM prajApatIshaM puruhUtamindram |
anAgataikadhvanirUpamAdyaM dhyAyanti yaM yogavido yatIndrAH || 1\.290\.30||
saMsArapAshachChiduraM vimuktaH punaH punastvAM praNamAmi devam || 31||
nirUpamAsyaM cha balaprabhAvaM na cha svabhAvaM paramasya puMsaH |
vij~nAyate viShNupitAmahAdyaistaM vAmadevaM praNamAmyachintyam || 32||
shivaM samArAdhya tamugramUrttiM papau samudraM bhagavAnagastyaH |
lebhe dilIpo.apyakhilAMshcha kAmAMstaM vishvayoniM sharaNaM prapadye || 33||
devendravandyoddhara mAmanAthaM shambho kR^ipAkAruNikaH kila tvam |
duHkhA.arNave magnamumesha dInaM samuddhara tvaM bhava sha~Nkaro.asi || 34||
sampUjayanto divi devasa~NghA brahmendrarudrA viharanti kAmam |
taM staumi naumIha japAmi sharvaM vande.abhivandyaM sharaNaM prapannaH || 35||
stutvaivamIshaM virarAma yAvattAvatsa rudro.arkasahasratejAH |
dadau cha tasmai varado.andhakArirvaratrayaM vaishravaNAya devaH |
sakhyaM cha dikpAlapadaM chaturthaM dhanAdhipatyaM cha divaukasAM cha || 36||

iti shrIskandapurANe prabhAsakhaNDe prabhAsakShetramAhAtmye
navatyadhikadvishatatamAdhyAyAntargataM kahaberakR^itaM
somanAthastotraM samAptam |

skandapurANa | prabhAsakhaNDa | adhyAya 290/23\-35||
##
skandapurANa . prabhAsakhaNDa . adhyAya 290/23-35..

Proofread by PSA Easwaran 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}