% Text title : Shri Kunchitanghri Stava % File name : kunchitAnghristavaH.itx % Category : shiva % Location : doc\_shiva % Proofread by : Aruna Narayanan % Description/comments : From shrInaTarAjastavamanjarI % Latest update : July 10, 2022 % Send corrections to : Sanskrit@cheerful.com % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Shri Kunchitanghri Stava ..}## \itxtitle{.. shrI ku~nchitA~NghristavaH ..}##\endtitles ## shrImadumApatishivapraNItaH shrIgaNeshAya namaH | shrI chitsabheshAya ma~Ngalam || ku~nchitA~NghriM namaskR^itya kuNDalIkR^itagAyakam | ku~nchitA~NghriM stavaM vakShye brahmaniShTha umApatiH || brahmANDaM yasya dehaM ravijadishipado vaktravR^indAnyudIchyAM tadvairAjAntara~Nge vilasati hR^idayAmbhoruhe dakShiNAgre | madhye sammelanAkhye munivaramanasA bhAvite yantrarAje yashshaktyA nR^ityatIshastamapi naTapatiM ku~nchitA~NghriM bhaje.aham || 1|| pa~nchAshatkoTisa~NkhyA parimitadharaNi shrIvirADAkhyadhAtro\- rekasvAntAbjabhittisthita kanakamahAyantrarATkarNikAyAm | nR^ityantaM chitsabheshaM trisR^ibhirapi sadA shaktibhissevitA~NghriM nAdAnte bhAsamAnaM navavidhanaTanaM ku~nchitA~NghriM bhaje.aham || 2|| yasminnAmUlapIThAvadhi kanakashilAmAtR^ikAvarNaklR^ipte brahmashrInAtharudreshvara sharamukhabhAksAmbasAdAkhyamUrdhni | bhUtaishshAstraishcha vedaiH stutabahucharitaM stambharUpaishcha kuDye nR^ityantaM chitsabheshaM niravadhisukhadaM ku~nchitA~NghriM bhaje.aham || 3|| yatsaMsatpUrvabhAge dishidishi vilasatpUrvabhAgA nitAntaM svAntargUDhottarAMshAshshivamukha bhavanAshchAgamAH kAmikAdyAH | aShTAviMshAnusa~NkhyA dhR^itakanakamaya stambharUpAH stuvanti stutyaM taM nR^ittamUrtiM shrutishatavitutaM ku~nchitA~NghriM bhaje.aham || 4|| yadgoShThyAM dvArabAhye rajatagirinibhaM pa~nchavarNasvarUpaM sopAnaM dvArabhAgaM jayavijayamukhai rakShitaM dvArapAlaiH | tattvAnAM ShaNNavatyA saha vidhimukharAH pa~ncha devAshcha nityaM yasyAntarbhAnti tasminnaviratanaTanaM ku~nchitA~NghriM bhaje.aham || 5|| yatstUpyashshaktirUpAH tadadharavilasadromarUpAshcha kIlAH uchChvAsAH svarNapaTTAH tadudaranihitA daNDarUpAshcha nADyaH | nADyantassarvalokAH phalakatanugatA hastarUpAH kalAshcha tasyAM yo nR^ityatIshaH tamanupamatanuM ku~nchitA~NghriM bhaje.aham || 6|| vighneshaskandalakShmI vidhimukhashararATpAdukAvajrali~Nga\- jyotirnR^ittasvarUpaiH varuNamukhajuShA hATakAkarShamUrtyA | svAgre dakShe cha vAme parivR^ita sadasi shrIshivAnAyako yo madhye nR^ittaM karoti prabhuvaramanaghaM ku~nchitA~NghriM bhaje.aham || 7|| Adau mAse mR^igAkhye suragurudivase tasya bhe pUrNimAyAM bhittau shrIchitsabhAyAM munivaratapasA datta vAkpUrtaye yaH | nR^ittaM kR^itvA.avasAne phaNadharavapuShaM vyAghrapAdaM maharShiM chAhUyAbhyAM adAt yo niyatanivasatiM ku~nchitA~NghriM bhaje.aham || 8|| yasminnR^ityatyanAdau nikaTataTagatau bhAnukampAkhyabANau sha~NkhadhvAnaiH mR^ida~Ngadhvanibhirapi mahAmbhodhi ghoShaM jayantau | yasyo~NkAraprabhAyAM dhvanimanusahitA rashmayashchaikaviMshA vidyante taM sabheshaM natasuranikaraM ku~nchitA~NghriM bhaje.aham || 9|| pUrvaM mAdhyandiniryachChivajanimavaraM pUjayanyatprasAdAt labdhvA vyAghrA~NghribhAvaM tanayamapi shivAnugrahAddugdhasindhum | AnIyAsmai pradatvA sadasi cha paramaM dR^iShTavAnyasya nR^ittaM taM devaM chitsabheshaM nigamanutaguNaM ku~nchitA~NghriM bhaje.aham || 10|| yannR^ittadhyAnayogadviguNitatanubhR^it shrIshasaMvAhabhugna\- svA~NgashsheShaH kadAchiddharimukha kamalotpannayadvR^ittamAdhvIm | pItvA taptvA.atighoraM rajatagiribiladvAramArgeNa yasya kShetraM prApyAnvapashyannaTanamadhisabhaM ku~nchitA~NghriM bhaje.aham || 11|| Adau yaH karmakANDa pravachanamahimA jaiminirnAma yogI vyAsoktyA chitsabheshaM prabhuvaramurasA.a.anamya gatvA sabhAntaH | pAdAnte vedayuktaM stavavaramakarotsarva saubhAgyadaM yaM pashyannadyApi devaM sadasi vasati taM ku~nchitA~NghriM bhaje.aham || 12|| gauDeshaH siMhavarmA svatanugatarujA vyAkulassvIyadeshAt Agatya svarNapadmAkaravarasalilasnAna nirmuktarogaH | bhUtvA shrIhemavarmA munivarasahitashshambhunR^ittaM cha dR^iShTvA yatprAsAdaM vichitraM maNimayamakarot ku~nchitA~NghriM bhaje.aham || 13|| AmnAyeShvapyananteShvanitarasulabhAnbhinnasaMsthAnvidhIna\- pyAhR^itya shrIphaNIndro naTayajana mahaprokShaNArtha~ncha sUtram | kR^itvA.a.adau dattavAn yattadudita vidhinA yaM sadA.a.arAdhayanti traisAhasraM dvijendrAH tamapi naTapatiM ku~nchitA~NghriM bhaje.aham || 14|| nityaM ShaTkAlapUjAM naTanapatimude kurvatAM bhUsurANAM tadbhaktAnAM dvijAdi pramukhatanubhR^itAM saukhyadAtA bhrakuMsaH | svasthAne li~NgamekaM sphaTikamaNimayaM majjanAdIni kartuM yajvabhyo dattavAn yastamatisukhakaraM ku~nchitA~NghriM bhaje.aham || 15|| antarvedyAM mahatyAM shatadhR^itirakarodabdasAhasra sAdhyaM yaj~naM tasminmunIndrAssadasi samabhavanvyAghrapAdoktibhirye | tatpUjArthaM shikhIndra prabhavamaNinaTaH preShito yena modAt tanmUrtermUlabhUtaM navamaNimakuTaM ku~nchitA~NghriM bhaje.aham || 16|| nityaM puNyAhamAdau guruvaranamanaM shoShaNAdi trayaM cha bhautIM shuddhiM karA~Nga praNavasuramukhanyAsa jAtaM cha kR^itvA | japtvA mantrAn samastAn shivamayatanavashchAntarArAdhya yaM prAk viprA bAhye yajanti prabhuvaramapi taM ku~nchitA~NghriM bhaje.aham || 17|| sthAnAdi prokShya pAdyAchamanamapi sumairarchayitvA.atha sha~NkhaM gavyArchAM kumbhapUjAM jalayajana vR^iShAbhyarchane dvAra pUjAm | kR^itvA vighnAdipUjAM sphaTikajanimaratneshayormajjanAdyaiH yanmUrtiM pUjayanti pratidinamanaghAH ku~nchitA~NghriM bhaje.aham || 18|| gavyaistailaiH payobhirdadhighR^ita madhubhishsharkarAbhishcha shuddhaiH pashchAtpa~nchAmR^itAdyaiH likuchaphalarasaiH kairapAthobhirannaiH | gandhaiH ga~NgAdbhiranyairanudinamanaghA yasya li~NgaM munIndrAH ShaTkAlaM pUjayanti prabhumapi tamajaM ku~nchitA~NghriM bhaje.aham || 19|| bhittau shrIchakrasaMsthAM tadanu naTapatiM shaivachakrAntarasthaM tadvAme yugmahastAmapi cha shukakarAM j~nAnashakti~ncha yaShTvA | gobrahmAdInatheShTvA sakalavidhacharUnarpayitvA balIMstAn homaM kR^itvA yajanti pratidinamapi yaM ku~nchitA~NghriM bhaje.aham || 20|| dhUpairdIpai rathAkhyaiH phaNipuruShavR^iShaiH kumbhapa~nchAgnihotraiH R^ikShaiH karpUrabhasmavyajanavarasitachChatrakaishchAmaraishcha | AdarshaiH mantrapuShpairuparitalasukarpUrakaiH prArchya yaM drAk tyaktvA.avidyAM prapashyantyanudinamanaghAH ku~nchitA~NghriM bhaje.aham || 21|| yadgeha prAntabAhye dashavR^iShasahitAnyabjapIThAni nityaM shakrAdInAM trikAleShvapi baliharaNe pIThamuttu~Ngamanyat | yadbAhye dikShu chAgre navashikharisamA bhAnti daNDA dhvajAnAM tadgehAntassabhAyAM anavaratanaTaM ku~nchitA~NghriM bhaje.aham || 22|| pratyabdaM jyeShThamAse navavR^iShasahitAH ketavo bhAnti mAghe mAse pa~ncha dhvajAssyuH mR^igashirasi tathA keturekaH pradhAnaH | yasya brahmotsavAnAM navasharashikhinashchaikavahniH pradhAnaH taM devaM chitsabheshaM navanidhinilayaM ku~nchitA~NghriM bhaje.aham || 23|| yasyAdye saptaviMshatyamaladinamahe R^itvigagryA nava syuH mAghe pa~nchartvigagryA mR^igashirasi shivarkShotsave chaika eva | nityArchAsveka eko yajanakR^ita ime yajvavaryeShu shuddhAH taM devaM chitsabheshaM nirupamitatanuM ku~nchitA~NghriM bhaje.aham || 24|| Adau kR^itvA.agnihotraM vapanapavanamantrAchamAnAni pashchAt kUshmANDairdehashuddhiM padayajanamukhaM vAstuparyagnikarma | nAndImR^itsva~NkurANi pratisaramR^iShabhaprokShaNaM yanmaheShva\- pyArAdArohayanti dhvajapaTamanaghAH ku~nchitA~NghriM bhaje.aham || 25|| ma~nche chandrArkabhUteShvapi vR^iShagajarADrAjatAdriShvathAshve somAskandasvarUpassvayamurunayane gorathe mArgaNo yaH | sthitvA brahmotsaveShu triShu cha naTapatiH pratyahaM vIthiyAtrAM kR^itvA snAtvA sadassvaM pravishati shivayA ku~nchitA~NghriM bhaje.aham || kroDena shrIshanAmnA charaNasarasijaM yasya shambhorna dR^iShTaM haMsena brahmanAmnA na makuTashikharaM yasya dR^iShTaM kilAsIt | o~NkAre nityavAsaM tridalasumavarairarchyamAnA~NghriyugmaM haMsaM haMsairupAsyaM hariharavapuShaM ku~nchitA~NghriM bhaje.aham || 27|| pUrvaM j~nAnopadeshaM maNimayavachase kundavR^ikShasya mUle kR^itvA sAditvamAptvA nR^ipatikaralasatsvarNavetraprahAram | labdhvA tenoktagAnairmadhurasabharitaistR^iptimAptavA.atha tasmai muktiM prAdAdya IshastamakhilasuhR^idaM ku~nchitA~NghriM bhaje.aham || 28|| devo yaH pulkasAya dvijakulajanuShe valkalasyAtmajAya nandAbhikhyAya muktiM kaNatR^iNasudhiye dattavAnbhaktivashyaH | nityatvaM vyAghrapAdaprathitaphaNipatistotrakR^itjaiminibhyaH tAMstAnkAmAMshcha sarvAn tamajaramamaraM ku~nchitA~NghriM bhaje.aham || 29|| AhR^itya brahmashIrShaM sakalajanimatAM darshanAya svadakShe pArshve saMsthApya pUrvaM shrutivadanavidhiM vAmato.asthApayadyaH | adyArabhyAtmayone madupahR^itahavishsheShabhuktvaM bhaveti svAj~nApyAkAsharUpastamapi naTapatiM ku~nchitA~NghriM bhaje.aham || 30|| pArthAya svAstradAnaM pashupatirakarodyaH purArAjatAdrau yuddhaM tenaiva kR^itvA vanacharatanubhAgbhinnashIrShastathAsIt | bhImasvAntArchanADhyaistridalasumavaraishChannagAtro nitAntaM jAtastaM chitsabheshaM nikhilatanugataM ku~nchitA~NghriM bhaje.aham || 31|| AsInmerushsharAso dharaNirapi ratho jyA.abhavatsarparAjo.a\- pyAstAM chakre.arkasomau sarasijanilayassArathiryasya shambhoH | AsannashvAshcha vedo jalanidhisharadhestraipuraM hantumichChoH hetuM taM lokasR^iShTisthitilayakaraNe ku~nchitA~NghriM bhaje.aham || 32|| kShIrAbdhermandarAdri pramathanasamaye.apyutthite kAlakUTe gachChatsu prApya bhItiM nikhilasura kuleShvapyanAdiH purastAt | AvirbhUya prabhuryassakalasuragaNAn prAshya taM kAlakUTaM sadyo.arakShattamIshaM tuhinagirinutaM ku~nchitA~NghriM bhaje.aham || 33|| kR^itvA jambUphalAbhaM viShamakhilajagadbhakShaNe jAgarUkaM svAsye prakShepamAtrAnnijajaTharavasatprANisaukhyAya devI | kaNThaM sa~NgR^ihya hastAtpriyamukhakamalaM vIkShamANA kilAsIt tAM dR^iShTvA.anvagrahIdyastamakhilavaradaM ku~nchitA~NghriM bhaje.aham || 34|| mArkaNDeye purA shrIrajatagiripaterli~NgapUjApravR^itte pAshaiH karShatyathArkau bhayakaravadane li~NgamadhyAnmaheshaH | AgatyArakShadetaM munimatha shamanaM mArayAmAsa devo yastaM nityaM naTeshaM nikhilanR^ipanutaM ku~nchitA~NghriM bhaje.aham || 35|| sR^iShTvA brahmANamAdau shrutigaNamakhilaM dattavAnyo maheshaH tasmai nirmAlyabhuktvaM svasadasi vilasatpa~nchapIThAdharatvam | sUtatvaM svasya mUrdhasthitamakuTavaraprekShaNe haMsabhAvaM taM devaM chitsabhAyAM sthitijuShamamalaM ku~nchitA~NghriM bhaje.aham || 36|| yo mAraH preShito.abhUtsvasavidhamasurotsAritaissvargibhiH svaM yogArUDhAtsamAdheshchalayitumachale rAjate.ananyadR^iShTim | taM mAraM bhAlanetrajvalanahatatanuM yo.akaroddakShiNAsyaH sevAhevAkalakShmIpatimukhanibiDaM ku~nchitA~NghriM bhaje.aham || 37|| viShNurbrahmA ramendro dahanapitR^ipatI rAkShasAnAmadhIshaH pAshI vAyuH kuberaH tridR^igaruNamukhA devatAshchandrasUryau | nityaM yatkShetrarAje pashupati naTanaM dR^iShTavantaH svanAmnA li~NgAn saMsthApya natvA sukhavaramabhajanku~nchitA~NghriM bhaje.aham || 38|| sItAjAniH purastAdvidhikulajanuShaM rAvaNaM sA~Ngameko hatvA taddoShashAntyai nalamukhakapibhiH nirmite rAmasetau | li~NgaM saMsthApya yasyAnavaratayajanAtprAptavAniShTasiddhiM taM shambhuM vedavedyaM praNatabhavaharaM ku~nchitA~NghriM bhaje.aham || 39|| mohinyA shambhurAdAvati nibiDa vane dArukAkhye charanyaH saundaryAdvipradArAnmunigaNamapi taM mAyayA mohayitvA | vyarthIkR^ityAbhichAraM dvijakulavihitaM sampradarshyAtmanR^ittaM viprAMshchAnvagrahIdyastamapi girishayaM ku~nchitA~NghriM bhaje.aham || 40|| pUrvaM vAlkalyabhikhyAnnihatatanuvaro devarADviShNumAptvA choktvA svodantamasmai saha muraripuNA prApya yatkShetramIsham | ArAdhyAptvA suvIryaM yadanaghakR^ipayA mArayAmAsa shatruM taM devaM chitsabheshaM vararuchivinutaM ku~nchitA~NghriM bhaje.aham || 41|| yaddakShe.adyApi viShNurmaNimayasadane dakShiNe svA~NghriyugmaM kR^itvAsyaM chottarasyAM sharamukhaphaNirADbhogatalpeshayAnaH | nityaM nidrAM prakurvannapi hR^idi satataM yatpadaM dhyAyatIDyaM devyA taM chitsabheshaM sutagajavadanaM ku~nchitA~NghriM bhaje.aham || 42|| sambandhassundaraH shrImaNimayavachano jihvikArAjanAmA chatvAro.apyAtmagAnairvividharasabharaisstotrarUpairyamIsham | stutvA tattatsthalAntaH sthitijuShamapi yaM chaikamadvaitamUrtiM prApurmuktiM tamAdyaM kR^itavidhumakuTaM ku~nchitA~NghriM bhaje.aham || 43|| kailAsAdrau vaTadrornikaTamadhigato dakShiNAmUrtirUpaH tarjanya~NguShThayogAtsanakamukhamahAyoginAM j~nAnadAtA | maunena shrIkumAraM niTilanayanato dagdhadeha~ncha kR^itvA yashchAptvAdrIndrakanyAM sutavaramasR^ijatku~nchitA~NghriM bhaje.aham || 44|| shUrAdidhvaMsanArthaM sutakarakamale dattavAnshaktimAdau sarvAstra~nchopadishya prabalasuraripUnkAlasAmIpyabhAjaH | kR^itvodUhyendrakanyAM vanacharatanujAM gehamAyAhi tAte\- tyuktvA chAnvagrahIdyo guhamapi muditaH ku~nchitA~NghriM bhaje.aham || 45|| kAlyA sAkaM purA yassuramunisadasi svA~Nghrimudyamya chordhvaM nR^ittaM kR^itvA.atha kAlIM pashupatirajayattadbahiShkArapUrvam | sarve devA munIndrAH prabhuriti cha vadantyUrdhvanR^itteshamUrtiM yaM devaM pUjayanti pratidinamanaghAH ku~nchitA~NghriM bhaje.aham || 46|| antarvedyAM svayaj~ne diviShadadhipatau sAmagAnaistathochchaiH AhUte.anAgate.asminyadamalanaTanaM dR^iShTavantaM surendram | sadyo budhvA.a.atmabhUstaM svayamatitarasA.a.anIya yasyAtideshAt vipraissAkaM svayaj~naM suranutamakarotku~nchitA~NghriM bhaje.aham || 47|| yashshambhuH kAlahantA jaladharamasuraM svA~Nghri chakreNa hatvA tadduShkR^ityAstrashastraiH vinihatavapuShassarvalokAnarakShat | yaM svakrodhasvarUpaM jaladharamasuraM nAshayantaM vareNyaM sarve lokA vadanti pramathapatinutaM ku~nchitA~NghriM bhaje.aham || 48|| kailAsAdrau kadAchitpashupatinayanAnyadrijAtApidhAya krIDAM chakre.andhakArAtsuraripurudabhUdandhakAkhyo.atiduShTaH | tad duShkR^ityaM jagatyAM prasR^imaramasahaissarvalokaiH stuto yaH taM hatvA.arakShadetAMstamajaharinutaM ku~nchitA~NghriM bhaje.aham || 49|| hAlAsye mInanetrApariNayasamaye darshanAyAgatAbhyAM sarpendravyAghrapadbhayAM rajatasadasi yassvA~Nghrimudyamya vAmam | nR^ittaM kR^itvA munIndrAvitaramunisurAMstoShapAthodhimagnAn chakre taM sundarA~NgaM madhuripuvinutaM ku~nchitA~NghriM bhaje.aham || 50|| mAghe mAse makharkShe varuNavirachita brahmahatyAvimuktyai prItyA yassannidhAya svayamurumakaraiH pUrite.abdhau jalesham | snAnAnmuktasvapApaM nikhilamapi janaM kArayAmAsa pUrvaM taM devaM chitsabhAyAM anavaratanaTaM ku~nchitA~NghriM bhaje.aham || 51|| dakShe yaShTuM pravR^itte paramashivamanAdR^itya tatkanyakAyAM gatvA tatra svatAtaM natavadanamupekShyaindramagniM vishantyAm | gauryAM kopAdya Isho dashashatavadanaM vIramutpAdya kAlIM tAbhyAM dakShAdinAshaM vyarachayadatulaM ku~nchitA~NghriM bhaje.aham || 52|| pArtho yalli~Ngabud.hdhyA yadukulatilakaM pUjayAmAsa pUrvaM tannirmAlyaM samastaM rajatagiriniShachCha~NkarA~Nghrau pradR^iShTvA | bhImasvAntArchitaM cha svasakhamapi guruM pR^iShTavAntachcharitraM taM devaM chitsabhAyAM kR^itanaTanavaraM ku~nchitA~NghriM bhaje.aham || 53|| kR^iShNo yalli~NgapUjAmanudinamakarodyAmune vAmatIre tannirmAlyaM gR^ihItvA yajati parashivaM chopamanyau munIndre | j~nAtvaitadvR^ittamArAttadamalakaravAgdR^iShTibhirdIkShito.abhUt tatpUjAli~NgamUlaM tamanaghanaTanaM ku~nchitA~NghriM bhaje.aham || 54|| o~NkArArthaM ShaDAsye rajatagirivare pR^ichChati brahmadevaM cho~NkArArtho.ahamasmItyanuvadati vidhau shikShayAmAsa taM yaH | tadvaktAdarthamenaM svayamapi kutukAchChrotumatyAdareNa svA~Nke saMsthApya sUnuM pramuditamakarot ku~nchitA~NghriM bhaje.aham || 55|| vaikuNTho nityamAdau pashupatimanaghaiH puNDarIkaissahasre\- NArchAM kurvan kadAchinna charamakamalaM dR^iShTamAsIttadaiva | utpATya svAkShipadmaM yadamalapadayorarpayitvA.atha yasmAt chakraM samprApya reje tamapi naTapatiM ku~nchitA~NghriM bhaje.aham || 56|| kailAsodyAnadeshaM saha girisutayA.a.aptvaikadA chandrachUDaH sadyastatrendirAgAdharabhuvi nivasanyaH kapIshArchito.abhUt | yastasmai sArvabhaumatvapadamapi dadAvastrashastrAvali~ncha taM devaM pArijAtAdyakhilasumadharaM ku~nchitA~NghriM bhaje.aham || 57|| svargAdhIshaH kadAchitkapivadananR^ipAnnAshayitvA svashatrUn datvA.asmai tyAgarAjaM ShaDapi taditarAnpreShayAmAsa rAj~ne | so.apyAdhArAdi saptasthalavarasadaneShvagrajairarchate sma tanmUrtInAM cha mUlaM munigaNavinutaM ku~nchitA~NghriM bhaje.aham || 58|| vAsiShThAdyA munIndrAH pratidinamayutaM pa~nchavarNaM japanto yatkShetre vatsarAnte havanamapi tathA tarpaNaM brahmabhuktim | kR^itvA svAbhIShTamApurnaTapatipuratastatsaparyAM vidhAya premNA taM chitsabheshaM vidhimukhavinutaM ku~nchitA~NghriM bhaje.aham || 59|| ka~nchiddevaM sabhAyAM sakalamunivarairarchyamAnA~NghripadmaM ichChAdevyA svashaktyA militamanupamaM sachchidAnandanR^ittam | vAme bhittyardhavAme sthitayugabhujayA j~nAnashaktyA cha dR^iShTaM sarveShAM bhaktibhAjAM nikhilasukhakaraM ku~nchitA~NghriM bhaje.aham || 60|| lakShmIpuShpaM tathArkaM bakagarutamadhaH kR^iShNadhuttUra puShpaM ga~NgAchandrau jaTAshcha svashirasi satataM karNayorgAyakau dvau | hasteShvahyagniDhakkAH padakamalayuge ratnama~njIrabhUShA dhR^itvA yassAmbarUpassadasi jayati taM ku~nchitA~NghriM bhaje.aham || 61|| bhUShArUpaiH phaNIndrairdviguNitamahasaM puShpahAsaM purAriM bhasmAliptA~NgamIshaM bhavamayajaladhestArakaM bhaktibhAjAm | dharmAdIMstAnpumarthAndadatamanudinaM dakShiNAsyaM svabhaktaiH bhAShArUpaishcha gAnaiH kR^itanutimamitaM ku~nchitA~NghriM bhaje.aham || 62|| yasyordhve dakShapANau vinihitaDamarormAtR^ikAvarNarUpaM traichatvAriMshadarNaM chaturadhikadashAla~NkR^itaM sUtrajAlam | jAtaM yattadgR^ihItvA paNanasutamukhAH shabdashAsrAdigarbhaM tattachChAsrANyakurvandarahasitamukhaM ku~nchitA~NghriM bhaje.aham || 63|| vAme kR^itvA shikhIndraM Damarumapi kare dakShiNe.abhItimudrAM yo.anyasminvAmapAdaM sarasijasadR^ishaM ku~nchitaM DolahastAt | bhuktermukteshva dAne nipuNamidamiti prANinAM darshayitvA nR^ityantaM chitsabhAyAM shrutishikharanutaM ku~nchitA~NghriM bhaje.aham || 64|| mUlAdhArAdiShaTke.apyanavaratanaTaM yaM virAjo hR^idabje sarpendravyAghrapAdapramukhamuninutaM ShaTsu kAleShu vedaiH | ArAdhyAbhIShTasiddhiM dvijakulatilakAH prApnuvanti prabhuM taM chichChaktyA yuktamAdyaM kanakagirikaraM ku~nchitA~NghriM bhaje.aham || 65|| vedAntoktAtmarUpaM vidhiharitanujaM vishvanAthaM sadassthaM svadhyAnAnnAshayantaM sakalabhuvanagaM mohamapyandhakAram | chandrottaMsaM smitAsyaM sitabhasitalasatbhAladeshaM trinetraM vishvairdevairnatA~NghriM vividhatanugataM ku~nchitA~NghriM bhaje.aham || 66|| chakShUMShyarkAgnichandrAshcharaNamahibhuvi vyomni keshAshcha yasyA\- pyaShTAvAshAshcha vastraM nikhilabhuvana saMlagnahasto.advitIyaH | kukShirvArAshijAlaM naTanashubhatalaM rudrabhUmishcha nityaM taM devaM chitsabheshaM shrutigaNavinutaM ku~nchitA~NghriM bhaje.aham || 67|| dIrghAyuH putrapautrAndhanagR^ihavasudhAvastrabhUShAgajAshvAn vidyArogyeshabhaktIrjalajasamamukhIssundarIH bhR^ityavargAn | muktiM yannR^ittamUrteshcharaNasarasijaM pUjayanto labhante taM devaM chitsabheshaM sakaruNahR^idayaM ku~nchitA~NghriM bhaje.aham || 68|| nityArchAsvanvahaM yaH pradishati nitarAM bhuktaye kA~nchanAdIn viprANAM saptapAkAnhavirapi sakalaM saumikAssaptasaMsthAH | kR^itvA nR^itteshapUjAM shrutivihitapathA kurvatAM shrIsabheshaH taM devaM nR^itta mUrtiM maNimayapadakaM ku~nchitA~NghriM bhaje.aham || 69|| bhUte saMsthApya chaikaM charaNasarasijaM dakShiNaM vAmapAdaM shi~njanma~njIrashobhaM vidhimukhadiviShatpUjitaM bhaktibhAjAm | dharmAdIShTAnpradAtuM dhanalipisahitaM ki~nchiduddhR^itya tiryak chAku~nchyAnandanR^ittaM kalayati varadaM ku~nchitA~NghriM bhaje.aham || 70|| yAmye shrIn purAkhyA janibhR^idaghaharA nimnagA bhAti yasyo\- dIchyAM shvetAbhidhAnA varuNadishi mahAvIrabhadrAkhyavApI | prAchyAmabdhissamIpe tadudaravilasattilvakAntAranAmni kShetre yashchitsabhAyAM naTati sakalagaM ku~nchitA~NghriM bhaje.aham || 71|| pa~nchaprAkArayukte pravilasati pure pa~NktitIrthapravIte sarvAshAvyAptakIrtidvijavaranibiDe vyomanAmnyAtmarUpe | madhye shrIchitsabhAyAM kalayati naTanaM sarvadA sAmbiko yaH taM devaM vedamUrdhasthitijuShamanaghaM ku~nchitA~NghriM bhaje.aham || 72|| bhAsante naiva yasmin ravishashihutabhuktArakAshchApi vidyut yasmAdbhItyendravAyU mihirakiraNajo dUrato yAnti nityam | yadrUpaM yogivaryA hR^idayasarasije chintayantyanvahaM taM shrImantaM chitrarUpaM vasukarakamalaM ku~nchitA~NghriM bhaje.aham || 73|| ShaTkAlArchAsu nityaM sphaTikamaNimaye li~NganR^itteshamUrtI shuddhaistIrthaiH kadAchitsvamapi naTapatiM chAbhiShektuM samantram | mUrdhAla~NkArabhUtA pravahati paramAnandakUpe yaduktyA ga~NgA taM chitsabheshaM suravaravinutaM ku~nchitA~NghriM bhaje.aham || 74|| stambhAkAraiH purANairdhR^itakanakasabhA bhAti yasyAgrabhAge yasyAM dharmasvarUpo vR^iShabhapatirudagvaktrapadmo vibhAti | yasyAmIshasya devyAH sphaTikavaTukayo ratnamUrteH munIndrAH kurvantyadbhiH prapUjAM tamapi naTavaraM ku~nchitA~NghriM bhaje.aham || 75|| yadgehaM pa~nchasAlairdishi dishi vilasadgopurairvedasa~NkhyaiH annAdi brahmakoshatvamupagatasabhApa~nchakairbhAti tIrthaiH | shrImUlasthAnadevIharigajavadanaskandagehaishcha nityaM tatratyAnandakoshe virachitanaTanaM ku~nchitA~NghriM bhaje.aham || 76|| ga~NgAtIrasya pashchAdvilasati sadane sachchidAnandarUpA devI yA sarvavidyAlayamukhakamalA bhAsate vedahastA | yA yasya j~nAnashaktishshivapadasahitA kAmasundaryabhikhyA taddevyA dR^iShTanR^ittaM shrutinihitapadaM ku~nchitA~NghriM bhaje.aham || 77|| brahmaivAkhaNDametannaTanapatitanuM prApya vaktrAt dvijendrAn bAhubhyaH kShatravargAn sakalapashutateH pAlanAyoruyugmAt | vaishyAnpadbhyAM cha shUdrAnavikalamasR^ijallIlayA devarADyaH taM devaM chitsabheshaM shrutivinutakathaM ku~nchitA~NghriM bhaje.aham || 78|| svasyAM shrIchitsabhAyAM naTanamatimudA kartumudyuktavAn yo devendre veNuhaste murajakarayuge shrIpatau tAlahaste | brahmaNyAnandabhAjo jiminasutaphaNivyAghrapAdAstadAnIM jAtAstaM brahmarUpaM saguNamatiguNaM ku~nchitA~NghriM bhaje.aham || 79|| viShNorma~nchaH kadAchichCharavadanayutashrIpata~njalyabhikhyaH chAtreH putratvamAptvA shivapaNanajayossUtrabha~NgIM samIkShya | shambhoryasya prasAdAdarachayadatulaM shrImahAbhAShyasa.nj~naM granthaM yatkShetrarAje tamalikanayanaM ku~nchitA~NghriM bhaje.aham || 80|| pa~nchAshadvarNayuktairmanubhirabhimataM kA~NkShiNAM dehabhAjAM svakShetrAbhikhyamantrairapi vitatamahApa~ncha pa~nchaprayogaiH | yuktairgAyatrisa~NkhyairdhvanimanubhirathAbhIShTasiddhiprado yaH taM tattvAtItamAdyaM kanakakavachinaM ku~nchitA~NghriM bhaje.aham || 81|| yasya svAntAmbujAtAduDupatirudabhUchchakShuShashchaNDarashmiH vaktrAmbhojAchcha vahnirdiviShadadhipatiH prANato gandhavAhaH | yannAbherantarikShaM charaNasarasijAtkumbhinI dyaushcha shIrShNaH kAShThAshcha shrotrayugmAttamapi parashivaM ku~nchitA~NghriM bhaje.aham || 82|| vidyAM vAmekShaNendoH shriyamapi kalayan dakShanetrAbjabandhoH phAlekShAchchitrabhAnoH sakalajanimatAM pApatUlaM cha dagdhvA | svasyA~NghryAlokamAtrAdupaniShaduditabrahmabodhaM prayachChan yassarvAn rakShatIshastamuDupatidharaM ku~nchitA~NghriM bhaje.aham || 83|| kailAse bhogapuryAM sakalajanimatAM heturAste shivo yaH sarvakShetreShu gUDho vilasati satataM svAMshasAdAkhyarUpaH | so.apyevAMshI dharaNyA hR^idayasarasije chitsabhAntasthabhittau kurvannR^ittaM mudA.aNDAnavati tamanaghaM ku~nchitA~NghriM bhaje.aham || 84|| yadbhAsA bhAti nityaM sakalamapi jagattatparaM jyotireva vairAje hR^itsaroje kanakasadasi vai sAmbanR^itteshamUrtiH | bhUtvA nR^ittaM karoti prabhurapi jagatAM rakShaNe jAgarUkaH taM devaM chitsabheshaM vidhR^itasumasR^iNiM ku~nchitA~NghriM bhaje.aham || 85|| Atmaiva shrInaTesho dharaNiravijalAnyagnivAyU vihAya\- shchandro yajvA cha bhUtvA.avati jagadakhilaM pa~nchaviMsheshabhinnaH | tattvAtIto mahesho.apyururaNurakhilAbhyantare rAjate yaH taM somaM somamitraM sumukhaguhasutaM ku~nchitA~NghriM bhaje.aham || 86|| yadbrahmochChvAsarUpA shrutirapi sakalA tatsamAnA smR^itishcha kalpA gAthAH purANaM vividhamanuvarAssetihAsAshcha vidyAH | sarvatrAdyApi bhAnti svayamapi kR^ipayA yatsabhAyAM naTesho bhUtvA lokAnsamastAnavati tamasamaM ku~nchitA~NghriM bhaje.aham || 87|| vedAnte vAkyarUpA upaniShada imA brahmasAmIpyabhAjaH tAsAM mukhyA dashasyuryativirachitamahAbhAShyayuktA mahatyaH | stambhAkArAH stuvanti svaviditanaTanaM sarvadA brahmarUpaM taM devaM chitsabheshaM paramatimahasaM ku~nchitA~NghriM bhaje.aham || 88|| shAbde shAstre phaNIndraiH pramiti phaNitiShu shrIkaNAdAkShapAdaiH vedAnte vyAsarUpairjiminasutakR^itau bhaTTakaumAratulyaiH | kalpe bodhAyanaistaishshrutiShu vidhisamaiH pUjyate yo munIndraiH traisAhasraissabhAyAM tamapi guruvaraM ku~nchitA~NghriM bhaje.aham || 89|| ka~njAkShyA svasya shaktyA sahakR^itanaTanaM kasya shIrShachChidaM taM kAlaM kAmaM purANi svapadasarasijAtbhAlanetrAsmitAshcha | hatvA brahmarShisUnuM sakaladiviShadashchApi rakShantamIshaM deveDyaM chitsabheshaM dashashatavadanaM ku~nchitA~NghriM bhaje.aham || 90|| yalli~Nge brahmaviShNupramukhasuravarA bhasmarudrAkShabhAjaH sastrIkAssAmbamUrtiM sakalatanubhR^itAM sarvadaM sarvarUpam | abhyarchyAptveShTasiddhiM divi bhuvi sakalaissevyamAnA babhUvuH taM devaM chitsabheshaM vidhihutahaviShaM ku~nchitA~NghriM bhaje.aham || 91|| shraddhAvantaH shrutij~nAH parashivakR^ipayA.adhItashAstrAdividyAH vyarthAM vAchaM tyajantaH pratidinamasakR^itpUjayantaH prabhuM yam | kurvantaH shrautakarmANyanitarasulabhAnyAtmabodhaM labhante viprendrAH svAMshabhUtAH parashumR^igadharaM ku~nchitA~NghriM bhaje.aham || 92|| phAle bhasmatripuNTraM phaNinamapi gale pAdapIThe cha bhUtaM bAhvorvahni~ncha DhakkAM vadanasarasije sUryachandrau shikhIndram | o~NkArAkhyaprabhAyAM surabhuvanagaNaM pArshvayorvAdyakArau yaH kR^itvA.a.anandanR^ittaM svasadasi kurute ku~nchitA~NghriM bhaje.aham || 93|| sarveShAM prANinAM yassvapadasarasijaM pUjituM pANiyugmaM svaM draShTuM lochane dve svacharitamakhilaM vaktumIshassuvAcham | svasya prAdakShiNArthaM charaNayugamapi dhyAnayogAya chittaM datvA rakShatyajasraM tamudakamakuTaM ku~nchitA~NghriM bhaje.aham || 94|| nAhaM kartA cha bhoktA, na cha mama sukaraM duShkaraM karma ki~nchit dharmAdharmau cha, duHkhaM sukhamapi, karaNaM naiva mattaH paro.anyaH | so.ahaM brahmAsmi nityo, nahi janimaraNe, nirvR^ito.ahaM sadeti svAnte pashyanti bodhAdyamapi yativarAH ku~nchitA~NghriM bhaje.aham || 95|| ga~NgApAtho vahantaM gajavadananutaM gandhavAhasvarUpaM gAyatrIvallabhAkhyaM nagapatitanujAsvIkR^itArdhA~NgamIsham | govindAnveShitA~NghriM guruvaravapuShaM gopateH pR^iShThavAsaM gaurInAthaM guNIDyaM girivaravasatiM ku~nchitA~NghriM bhaje.aham || 96|| padmAkArAsanasthaM paramasuraripuM pa~nchavaktrAravindaM pANDoH putrArchitA~NghriM pavidharavinutaM pArvatIpremapAtram | pashvIshaM pItarUpaM parashumukhadharaM pa~nchavaktrArimAdyaM nR^ityantaM chitsabhAyAM niTilavaradR^ishaM ku~nchitA~NghriM bhaje.aham || 97|| bhImasvAntArchitA~NghriM bhujagavaradharaM bhogamokShaikahetuM bhaktAnAM rakShitAraM bhavabhayajaladhestArakaM bhAsamAnam | bhUShAbhirbhargamIshaM bhiShajamupaniShadvedinaM bhUtanAthaM brahmAnandasvarUpaM bhavamakhilatanuM ku~nchitA~NghriM bhaje.aham || 98|| shATIpAlAkhilAshApatimukhavinutaM sha~NkhapANyarchitA~NghriM shambhuM sharvaM shiveshaM shashadharamakuTaM shAkkarendre vasantam | shoNAdrIshaM shubhA~NgaM shukakarashivayA.a.ali~NgitaM shrautagamyaM nR^ityantaM svarNasaMsadyakhilanatapadaM ku~nchitA~NghriM bhaje.aham || 99|| kA~nchyAM pR^ithvIshali~NgaM janima jalamayaM jambukeshe.asti nityaM shoNAdrau vahnili~NgaM vanacharapatinA pUjitaM kAlahastau | vAyvIshaM tilvavanyAM trishikharamakuTe saMsthamAkAshali~NgaM yalli~NgaM sarvametattamapi naTapatiM ku~nchitA~NghriM bhaje.aham || 100|| yasmAtsarvaM charaM chAcharamapi samutpannamAdau jagattat yenedaM rakShita~ncha pravilayasamaye lIyate yatra sarvam | taM devaM chitsabhAyAM anavaratanaTaM brahmaviShNvAdipArshvaM tejorUpaM trikUTasthitijuShamamalaM ku~nchitA~NghriM bhaje.aham || 101|| sR^iShTyai brahmANamAdau harimatha jagatAM rakShaNAyAtmarUpaH saMhR^ityai rudramUrtiM tvatha nikhilatirodhAnahetormahesham | tallokAnugrahArthaM himagiritanayAsaktasAdAkhyamUrtiM yassR^iShTvA.a.anandanR^ittaM sadasi vitanute ku~nchitA~NghriM bhaje.aham || 102|| tryakShaM trailokyavAsaM tripuravijayinaM traiguNAtItarUpaM tretAgniShvagnimUrtiM trishikharishikhare rAjamAnaM trishaktim | traisAhasradvijArchyaM trisR^ibhirapi sadA mUrtibhirdR^iShTanR^ittaM traividyaM chitsabheshaM nigamamayatanuM ku~nchitA~NghriM bhaje.aham || 103|| dharmaM datvA janAnAM DamarukaninadairarthamapyagninA yaH kAmaM datvA.abhayena svapadasarasijAnmokSharUpaM pumartham | datvA lokAn samastAnavati naTapatiH nAyakashchitsabhAyAH taM devaM nR^ittamUrtiM visadR^ishacharitaM ku~nchitA~NghriM bhaje.aham || 104|| andhaHkoshe vidhAtA garuDavararathaH prANakoshe cha rudraH chetaHkoshe maheshastadanu cha varavij~nAnakoshe sadAkhyaH | AnandAbhikhya koshe lasati cha satataM yasya shambhornideshAt taM devaM rAjarAjeshvaravarasuhR^idaM ku~nchitA~NghriM bhaje.aham || 105|| dhR^itvA yaH sarvadeshaH padajalajamukhe shreShThamuktAlima~Nge sauvarNaM ka~nchuka~ncha prathitamaNichitaM bhUShaNaM divyavastram | nR^ittaM kR^itvA.a.agatAnAM sakalatanubhR^itAM dharmamukhyAnpumarthAn datvA rakShatyanAdirmunikR^itayajanaH ku~nchitA~NghriM bhaje.aham || 106|| shiShyANAM vedabAhyasthitimadhijuShatAM bodhanArthaM paThantaH charyAyogA~NghribhedaprakaTitavibhavAn kAmikAdyAgamAMstAn | bhUdevA vAjapeyakratugatanR^ipatiproddhR^itoddAmashukla ChatrA yaM pUjayanti shrutipathavidhinA ku~nchitA~NghriM bhaje.aham || 107|| vedAntodgItarUpaM jvalanaDamarukau dhArayantaM karAbhyAM anyAbhyAM DolamudrAmabhayamapi sadA.apasmR^itau dakShapAdam | vinyasyAku~nchitena praNamadakhiladaM vAmapAdena nityaM devyA sAkaM sabhAyAM rachayati naTanaM ku~nchitA~NghriM bhaje.aham || 108|| AmanvashraM sudIptAM nijatanumabhitassatyarUpaprabhAntaH vAme yuktaM svashaktyA vasudalakamalasvArNaki~njalkashobham | vyAptaM sAhasrakoShThasthitashivamanubhirmohanAdyairyadIyaM chakraM sampUjayanti pratidinamanaghAH ku~nchitA~NghriM bhaje.aham || 109|| traichatvAriMshadashre vasunR^ipakamale vR^ittabhUchakramadhye bindau santAnakalpadrumanikarayute ratnasaudhe manoj~ne | brahmAdyAkArapAde shivamayaphalake svarNama~nche niShaNNo devyA yaH pUjyate taM harimukhavibudhaiH ku~nchitA~NghriM bhaje.aham || 110|| yallIlArabdhanR^itta prasR^itavarajaTAjUTasammardavega\- prodyatsvargApagAmbhojanitakaNagaNA yatra yatra prapetuH | te.apyAsaMstatra tatra svajanimamukharA mUrtayaH kShetrarAje taM devaM nandimukhyapramathagaNavR^itaM ku~nchitA~NghriM bhaje.aham || 111|| shrIvidyAShoDashArNairmilitamapi tathA pa~nchavarNaiH kumArI\- bIjairyanmantrarAjaM muhurajakamalAnAtharudreshasharvAH | japtvA saMsR^iShTirakShAlayasakalatirodhAnakAnugrahAdyAH siddhIrApustamIshaM shubhakaranayanaM ku~nchitA~NghriM bhaje.aham || 112|| yasyAhurnR^ittamUrteH shrutihR^idayavidashshaktimekAmapIDyAM kAlIM kope cha durgAM yudhi jagadavane viShNurUpAM bhavAnIm | bhoge j~nAnakriyechChAmayavividhatanuM sarvasaMhArakAle svAntarlInAM prasannAM tamibhamukhasutaM ku~nchitA~NghriM bhaje.aham || 113|| shrIhIrAllabdhachintAmaNi manumanusandhAya nirjIvadehe mAturmAmalladevyA nishi vigatabhayo harShanAmopavishya | vipraH shrIrudrabhUmau yadadhikakR^ipayA mAtaraM sarvavidyAM siddhIranyAshcha lebhe karadhR^itaDamaruM ku~nchitA~NghriM bhaje.aham || 114|| ga~NgAmAhartukAme kapilamunitapovahnisandagdhadehAn svargaM netuM pitR^InsvAnyajati raghupatau yaH purastAdudetya | garvAdvyomnaH patantIM svashirasi kaNikAsannibhAM tAM nirudhya stutyA rAj~naH pR^ithivyAM vyasR^ijadanupamaM ku~nchitA~NghriM bhaje.aham || 115|| vaMshyaH kAkutstharAj~no dasharathanR^ipatiHyasya putrapradeShTiM kShetre kR^itvA vasiShThapramukhavachanataH sashriyaM pa~nchavarNam | japtvA varShaM vasitvA sadasi naTapateH darshanAdrAmapUrvAn viShNoraMshAnsuputrAnabhajadaghaharaM ku~nchitA~NghriM bhaje.aham || 116|| kumbhodbhUtopadeshAdvanabhuvi virajAhomasambhUtabhUtyAM AsInaM soDhasItAvirahamapi sadA vedasAraM sahasram | nAmnAmAvartayantaM dasharathatanayaM vItashokaM vyatAnIt gItAvAkyairya IshaH svasharamapi dadau ku~nchitA~NghriM bhaje.aham || 117|| gandharvashchitrasenaH surapativachanAttilvakAntAramadhye nR^ityantaM chitsabhAyAM girivaratanayApA~NgadugdhAbdhichandram | shambhuM natvA muhuryatkaraDamaruravAdhItasa~NgItavidyA\- siddhAnto.abhUttamIshaM suragaNavinutaM ku~nchitA~NghriM bhaje.aham || 118|| yannR^ittaM draShTukAmA ravishashimukharAH svAbhidhAnairgraheshAH li~NgAnsaMsthApya ga~NgAtaTavaranikaTe pUjayitvA sabhAyAm | tejorUpaM cha lAsyaM bahiriva hR^idaye santataM chintayantaH vAsaM chakrustamIshaM nikhilatanumayaM ku~nchitA~NghriM bhaje.aham || 119|| shrIvidyAM sa~njapanto bahudinamasakR^idye hayagrIvakumbho\- dbhUtapraShThA munIndrAH parashivamahiShIM pAshakodaNDa hastAm | sAkShAtkR^ityAtha tadvAgamR^itajanimayAddevamantraprabhAvAt nR^ittaM dR^iShTvA.a.atmabodhaM sukhakaramabhajan ku~nchitA~NghriM bhaje.aham || gItyAM sandihyamAnaH kalaharasikahR^innAradAkhyassurarShiH dhAturvAkyena gatvA yadamalanilayaM mantrayogAnmahesham | pratyakShIkR^itya DhakkodbhavasarigamapAdhAnivarNAdviShaTkAn budhvA gAyansavINaH sadasi vasati taM ku~nchitA~NghriM bhaje.aham || 121|| pAThInAkArabhAjaM phaNibhuvanasamAnItavedAsuraghnaM puchChAghAtaprashAntAmbunidhishikhishikhaM parvatendrAnukalpam | viShNuM dR^iShTvA.atibhItyA vibudhaparibR^iDhaiHstUyamAnaH kapAlI yastaM nighnanjahAra dvinayanamapi taM ku~nchitA~NghriM bhaje.aham || 122|| bhImaM pItAmburAshiM kamaThavaratanuM kAlakUTopamAgni\- jvAlAsandigdhavaktraM jagadapi nikhilaM kShobhayantaM svakR^ityaiH | brahmAdyairapyajayyaM harimadhivasudhaM karShayanyastadIyAn a~NgAn kaNThe dadhau taM nikhilasuranutaM ku~nchitA~NghriM bhaje.aham || 123|| potrIrUpaM mahAntaM jaladhigatadharAM daMShTrayoddhR^itya vegAt yuddhe hatvA hiraNyaM suraripumakhilAniShTakR^ityaishcharantam | vaikuNThaM bhairavo yashshitashikhavigaladvahnikIlAsashUla\- protaM kR^itvA tadIyaM radamurasi dadhau ku~nchitA~NghriM bhaje.aham || 124|| bhItyA santrAsamAne naraharivapuSho devatAnAM samUhe dhAtrA saMstUyamAnaH sharabhavaratanuH sAluvaH pakShirAjaH | vegAttaM ChedayitvA svapadanakhamukhaistattvachA.ala~NkR^ito.abhUt daMShTrAsandIptalokastamakhilavaradaM ku~nchitA~NghriM bhaje.aham || 125|| yuddhe bhagnorukAyaM naraharivapuShaM gaNDabheruNDarUpI\- bhUtvA garjantamagre sharabhakhagapatiryaH svaphAlAkShikuNDAt | ugrapratya~NgirAkhyAM shatashatavadanAM kAlikAmAshu sR^iShTvA tasyA jihvAgravahniM sucharuvadanayatku~nchitA~NghriM bhaje.aham || 126|| yA~nchAkhavI~NkR^itA~NgaM balimakhasadasi svAM tanUM vardhayitvA dyAvAbhUmI surArermakuTamapi padA mAnayitvA trilokIm | hu~NkArAdbhIShayantaM suragaNavinuto vAmanaM yo vinighnan ka~NkAlaM tasya dehatvachamapi hR^itavAnku~nchitA~NghriM bhaje.aham || 127|| shrIchakrasyandanasthAM gajaturagasamArUDhashaktyagrabhAgAM nityAvArAhimantriNyanucharasahitAM dR^iShTabAlAsravidyAm | sarvAstrAshliShTahastAM raNabhuvi vilasadyuddhaveShAM bhavAnIM dR^iShTvA tuShTo.abhavattaM dhanapatisuhR^idaM ku~nchitA~NghriM bhaje.aham || 128|| viShNoraMshAvatArAndasha karanakharaiH yuddhara~Nge sR^ijantI kAmeshAlokanodyadgajavadanakaradhvastavighneshayantrA | yasyAstreNAshu bhaNDaM sasutagaNapuraM nAshayAmAsa daityaM devI shrIchakrasaMsthA tamapi shivakaraM ku~nchitA~NghriM bhaje.aham || 129|| dvAtriMshadrAgabodhachyutamakuTashashisvachChapIyUShadhArA\- sa~NgAvAptasvajIvAmbujabhavavadanoddAmagItAbhirAmam | stabdhIbhUtarShinArIgaNamadhivipinaM sarvashR^i~NgArarUpaM yaM dR^iShTvA viShNumAyA patimatimatanot ku~nchitA~NghriM bhaje.aham || 130|| mAtR^idrohAghashAntiM svapitR^inidhanakR^itkShatrashailendrapakSha dvandvachChedAtitIkShNaprabalaparashumapyAptukAmo munIndraH | nR^ittaM yasyedamAtmanyanugatamasakR^id bhAvayan jAmadagnyo rAmo lebhe chirAyuHpramukhavaravarAn ku~nchitA~NghriM bhaje.aham || 131|| yatpUjAlabdha bhUtiprabhavita yuvatI bhAvavR^iddhasvajAyo yatkShetrAnekasevAshamitamunivaradhvaMsanAgovikAraH | tAlA~Nko rauhiNeyaH prabalahalavarAkR^iShTaduShTapralambo jAto yasya prasAdAdamR^itakaradharaM ku~nchitA~NghriM bhaje.aham || 132|| AruhyAshvaM mukundaH pratikalivigamaM kalkirUpI pR^ithivyAM gachChanpAShaNDavargaM kumatimaghayutaM tatra tatraiva saMstham | a~NguShThAkArabhAjaM yadamalakaruNAvAptakhaDgena nighnan sarvAM bhUmiM yathAvatkalayati tamajaM ku~nchitA~NghriM bhaje.aham || 133|| madhye mArgaM svabhaktaM dvijavarajanuShaM gaNDabheruNDasiMha vyAghrAshvebharkShatArkShyaplavaganaramukhe mAdhave bhakShayitvA | krodhAdbrahmANDavargaM muhurapi cha mudhA tarjayatyAshu taM yaH hatvA.arakShatsvabhaktaM jagadapi sakalaM ku~nchitA~NghriM bhaje.aham || 134|| yenoktaM rAjatAdrau charitamanitaraj~nAtapUrvaM mR^iDAnyai shrutvA tadyogalabdhabhramaravaratanuH puShpadantaH svasakhyA | prAkAshyaM nIyamAnaH kupitanagasutAshApato martyayonau utpannaH saMstuvan yaM svapadamadhigataH ku~nchitA~NghriM bhaje.aham || 135|| daityAnAM dhvaMsanArthaM sakalamapi jagadrakShaNArthaM murAriH lakShmyA kShIrAmburAshau kR^itakaThinatapAH sAmbamUrtiM prabhuM yam | bhaktyA sampUjya chitte manuvaramapi yannAmasAhasrasa.nj~naM stotraM labdhvA japanstatprabhurabhavadajaM ku~nchitA~NghriM bhaje.aham || 136|| Aj~nA yasyAkhilAnAM na bhavati hi sadA la~NghanIyA yadIyaM tattvAtItasvarUpaM vidhimukhavibudhA varNituM naiva shaktAH | yaM draShTuM vedavAcho.apyagaNitavibhavaM nUnamadyApi yatnaM kurvantyambAsahAyaM sanakamukhaguruM ku~nchitA~NghriM bhaje.aham || 137|| yuddhe sa~njAtakampaH pitR^ipatitanayo bhIShmamukhyapravIrAn chakrAbjAkArasenAgatarathagajarADashvapAdAtivargAn | jetuM kR^iShNopadiShTo madhumayanutibhistoShayan yasya shaktiM durgAM tasyAH prasAdAdajayadaribalaM ku~nchitA~NghriM bhaje.aham || 138|| yasyAghorAstrarUpaM vasukaravidhR^itoddaNDabhetAla ghaNTA\- DhakkA kheTAsipAtratrishikhashikhishikhaM bhImadaMShTrAdharogram | sauvarNashmashruvaktraM rathamukhanihitasvA~NghrimAraktavastraM dhyAyechchetkAlamR^ityuM tarati vidhujaTaM ku~nchitA~NghriM bhaje.aham || 139|| ArogyaM labdhukAmo divasakaramahAmaNDalAntaryamambA\- yuktaM rukmAbhamAdyaM kalayati nitarAM yo japan raudramantrAn | tasya tva~NmAMsaraktAvayavagatamahArogavargAH praNAshaM yAnti shrIsundarA~NgaH sa cha bhavati shivaM ku~nchitA~NghriM bhaje.aham || 140|| putrAkA~NkShI pumAnyaH parashumR^igavarAbhItihastaM trinetraM gauryA skandena sAkaM vR^iShabhamadhijuShaM sAnukampaM smitAsyam | sarvAla~NkArabhAjaM sakalanigamavistUyamAnApadAnaM dhyAyatyApnoti putraM guhamiva sa cha taM ku~nchitA~NghriM bhaje.aham || 141|| yo vidyArthIM vaTadrornikaTataTagataM pustakaj~nAnamudrA\- vINArudrAkShamAlA kR^itakarakamalaM yogapaTTAbhirAmam | tattvArthaM bodhayantaM sakalamunitateshchandraga~NgAhibhUShaM yaM dhyAyatyAshu vAgmI sa cha bhavati guruM ku~nchitA~NghriM bhaje.aham || 142|| bhikShAM dehIti chakShan munisutasahitaH krodhabhaTTArakAkhyaH dUrvAsA yannagaryAmanadhigatacharuH kShunnivR^ityai nishIthe | shaktiM yasyAnnapUrNAM hR^idi parikalayan satvaraM yatprasAdA \- vAptakShIrAnnabhuktyA sukhamabhajadajaM ku~nchitA~NghriM bhaje.aham || 143|| kashchillubdho girIndre mR^iganibiDavane li~NgamaishaM yadIyaM dR^iShTvA gaNDUShatoyaiH svakachadhR^itasumairbhuktasheShaishcha mAMsaiH | pUjAM kurvan kadAchinnijanayanavaraM chArpayitvA.atibhaktyA netre yasyAnurUpaM padavaramabhajat ku~nchitA~NghriM bhaje.aham || 144|| bAlo viprasya goShThasthitapashunikaraM dohayitvA payobhiH nadyAstIre yadIyaM janima sukhakaraM pArthiva~nchAbhiShi~nchan | dhyAyan krodhAtsvapUjAvikR^itikarapitushChedayitvA padaM yaM stutvA yatpArShadAnAmadhipatirabhavatku~nchitA~NghriM bhaje.aham || 145|| yeShAM vedoktakarmasvanadhikR^itirabhUdadrijAtA pR^ithivyAM teShAM dharmAdimAptyai parashivarachitaM kAmikAdiprabhedam | sA~NgaM siddhAntatantraprakaramapi chatuShShaShTisa~NkhyAH kalAshcha yasyAdeshAtprakAshaM tvanayadaganutaM ku~nchitA~NghriM bhaje.aham || 146|| kurvantaH kShetravAsaM hR^idayasarasije chintayanto japanto vidyAM sauvarNara~Nge yamajaharinutaM svechChayAvAptanR^ittam | pashyantaH sArvakAlaM vibudhaparibR^iDhA labdhakAmAssukhitvA bAhye saudhe ramante charamavayasi taM ku~nchitA~NghriM bhaje.aham || 147|| sarvasvArAbhidhAne diviShadabhimate saptatantau dvijendraH kashchidyajvA hutAshe nijamapi cha vapustyaktumatyantabhIruH | yaM dhyAtvA yatprasAdAdagamadanitaraprApyamaupAdhihInaM dhAma svargaM sadehastamatulavibhavaM ku~nchitA~NghriM bhaje.aham || 148|| krIDAsaMsaktagaurIkanakaghaTanibhottu~NgavakShojashaila\- prodyatshR^i~NgAramAdhvImadhurarasadhunI lolabhR^i~NgAyatAkSham | bhUShAnAgoktasaukhya pravachanaghaTajastabdhagarvAbdhitArkShya\- vrIDAkR^ichChvAsavaktrapramathapatinutaM ku~nchitA~NghriM bhaje.aham || 149|| nR^itteshaM bANadaityapramukhagaNavaroddaNDadorvR^indavarya\- krUrodvegAhatodyadghaTadhimidhimitakshabdabhAvAnukalpam | tAnAtAnAtaneti kvaNitadashashatI tantrivINAnugAno\- nmododgrIvAhibhUShAvalayamabhayadaM ku~nchitA~NghriM bhaje.aham || 150|| sAhasakrUravaktraprabhava gurumarutpUrahuM huM bhabhaM bhaM\- jha~njhIkR^ichCha~NkhashR^i~NgapramukhavaramahAvAdyabhR^idbhAnukopam | dR^iShTvA hAhAhaheti bhramitasuragaNA.abhItisandAyipArShad\- vyApte ra~Nge ya Isho naTati tamanaghaM ku~nchitA~NghriM bhaje.aham || 151|| kailAsAdriM kadAchitprabalabhujabalAdrAvaNashchAlayitvA dAkShAyaNyA.atibhItyA kimidamiti samAli~NgitasyAshu yasya | pAdA~NguShThAgranItadvirasanabhuvanakShmAdharochChinnabAhuH sAmnA stutvA yamiShTaM varamalabhata taM ku~nchitA~NghriM bhaje.aham || 152|| shrIrudraM koTisa~NkhyAtriguNitamanishaM yatpurastAjjapitvA shailAdiryasya shambhoranavadhikakR^ipApA~NgapUrAbhiShiktaH | mattulyo.asi priyo.asi tvamapi cha sakalaM j~nAtavAnshchAsi tAte \- tyukto yenAya yasya pramathapatirabhUt ku~nchitA~NghriM bhaje.aham || 153|| shrImAnbhR^i~NgI munIndro mR^igaparashukaraM devamevaikamIshaM natvA tatpArshvagAyA nijavimukharuShashchaNDikAyAshcha vAkyAt | shAktaM mAMsAdivargaM svatanuvaragataM protsR^ijan yatprasAdAt lebhe daNDaM tripAdaM svadhuri cha vasatiM ku~nchitA~NghriM bhaje.aham || 154|| kashchidviproriTAkhyaH svapatiniyamavidhvaMsakampAtara~NgAM nArIM dagdhvA satIM tachchitigatabhasitairlepayan sAmbamUrtim | naivedyaM kartumichChanniha naya charumityAhvayan yatprasAdAt kAntAM bheje nijAnte shivapadamapi taM ku~nchitA~NghriM bhaje.aham || 155|| gauryAM shR^i~NgAravApyAM svasakhivaragaNaiH krIDayantyAM kapardI gatvA taddhastapa~NkAt janitamapi naraM dvAHsthamuddaNDachaNDam | hatvAntassampraviShTaH kupitasakhimude taM punarjIvayitvA tasmai vighneshvaratvapramukhavaramadAtku~nchitA~NghriM bhaje.aham || 156|| ekAnte jAtu yasya pramuditamanasA proktavedAnta tattvo\- pekShAruShTasya vAkyAddhimagiritanayA dhIvarAdhIshavaMshe | AvirbhUyAmbudhisthaprabalashapharasa~NgrAhiNaM yaM vareNyaM vR^itvA tadvAmabhAge vasatimapi gatA ku~nchitA~NghriM bhaje.aham || 157|| kekI bhUtvA mR^iDAnI svapitR^ikR^itashivadveShasaMvR^iddhapApaM bhasmIkartuM purANaM shatadhR^itirachite kAnane yaM triNetram | sampUjyAnanyadR^iShTaM naTanamatimudA vIkShamANA kR^ipArdraiH yasyAlokaiH punItA samajani nitarAM ku~nchitA~NghriM bhaje.aham || 158|| yasya kShetre mR^itAnAM sakalajanibhR^itAM sa~nchitAdIni pApA\- nyabdAnekaprabhojyAnyapi cha nimiShato bhairavarashshUlaghAtAt | bhasmIkR^ityAshu bhUyo jananamR^itiharaM tArakaM yannideshAt tattvaM sambodhayanyatsadasi vasati taM ku~nchitA~NghriM bhaje.aham || 159|| viShNoranyaH paro netyasakR^idapi mudhA jalpamAnaM munIndraM nandI kopaprabhUtastanitanibharavastambhitaprochchabAhum | vyAsaM dR^iShTvA mukundaH svapatiriti shivaM bodhayan yatkR^ipAyA ninye pAtratvamIshaM tamakhilavinutaM ku~nchitA~NghriM bhaje.aham || 160|| sarve devAshcha viShNorhR^idayasarasijodbhAsi li~NgaM yajantaH kruddhe.apyanyonyacharchApadaghanavilasatpa~ncharudrAdimantraiH | stutvA yatprAptavidyAjapaparakavirADyogasantaptalokAn saukhyaM ninyurnitAntaM yadamaladayayA ku~nchitA~NghriM bhaje.aham || 161|| yasyoktyA vighnarAjassuragaNavinuto rakShasAM sArvabhaumAt mAyAsammohitAdyajjanima shubhakaraM bAhunA.a.adAya bhUmyAm | saMsthApyAgre yuyutsuM tamapi nishicharaM svIyashuNDAgrarandhrA\- karShAtsambhugnadehaM dashabhujamakarotku~nchitA~NghriM bhaje.aham || 162|| AryAvAmAMsabhUShAnavamaNigaNabhAsa~NgavaivarNyanIla\- grIvAlokAtisha~NkiprasR^itaviShabhayAkrAntadikpAlavargam | chUDAchandrAjihIrShAdaravivR^itaphaNAkuNDalIkarNalolad ga~NgAkUlAyamAnasvasaTavaravanaM ku~nchitA~NghriM bhaje.aham || 163|| shi~njanma~njIrama~njudyutishamitajaganmohamAyAvilAsaM phAlAkShisphArakuNDaprabhavahutavahadhvasta kAmaprabhAvam | saMsArAmbhodhimadhyabhramadakhilajagattAranaukAyitA~NghriM dvandvAdvandvAdishUnyaM vijayinutakR^itiM ku~nchitA~NghriM bhaje.aham || 164|| ekAnte yasya lIlAradavasanasukhAsvAdadantakShatAni vyAghratvagromarUkShA kanakamR^idutarakShaumabhUtIrajAMsi | dR^iShTvA kasmAdiyaM shrIstvayi bhavati vadetyAligIH sopahAsaM shrutvA gaurI tadAsInnatamukhakamalA ku~nchitA~NghriM bhaje.aham || 165|| krIDannAste mahesho girivarasutayA sapramodaM manoj~ne harmye naivAdya devA gaditumavasaro yAta maunena shIghram | evaM kopAruNAkSho vidhiharimukharAn vArayan yaddharAbhR^in \- mUle nandI gaNendrairvasati tamaparaM ku~nchitA~NghriM bhaje.aham || 166|| akShakrIDAsu labdhatridashapuravadhUbodhanAtsvAntakAle nUtnAnUtnAnuyogAtsavishayashamanaprAptayatsannidhAnaH | pApAropAtiroShapraharaNasabhayodbhrAntachitro yaduktyA vipraH kashchinnidhInAmadhipatirabhavatku~nchitA~NghriM bhaje.aham || 167|| haMsyAM labdhasvajanmA karaTavaravapussvarNakAntirbhusuNTho lebhe yasya prasAdAdanitarasulabhaM mR^ityubhIterabhAvam | kalpe kalpe vasiShThapramukhamunivaraprashrutAnekavR^itto.a pyAste yad.hdhyAnayogAtkanakagirivare ku~nchitA~NghriM bhaje.aham || 168|| dhUmrAkShaM raktabIjaM mahiShamapi madhuM kaiTabhaM chaNDamuNDau krUraM shumbhaM nishumbhaM suraripumaparaM durgamatyugravR^ittam | hatvA yuddhe vidhIndrapramukhamakuTabhAdIptasiMhAsanasthA durgA yasyAdishaktiH nikhilamavati taM ku~nchitA~NghriM bhaje.aham || 169|| jyotiShTomAkhyasomakratusavanahaviHpu~njamatyantabhaktyA gUDhAkAraM yamIshaM sagaNamapi shivaM yaj~navATapraviShTam | heramboktyA prabudhvA svayamapi mudito yAjyayA yatkarAbje datvA mArAbhidho.agryaH shivanagaramagAtku~nchitA~NghriM bhaje.aham || 170|| krIDArthaM svAgrabhAgasthitagiritanujAvaktrachandrAvaloka prodyatkandarparakShAmukulitavaradR^ikbhAlapaTTAbhirAmam | lIlADolAnukUlashvasanamukhavR^iShaprAntarAyAtamoha \- bhrAntasvardhenumR^igyatsuranijasharaNaM ku~nchitA~NghriM bhaje.aham || 171|| vidhyaNDAnekakoTichyutikaraDamarusphAraghoShAn nitAntaM kalpAntAsha~NkilokAbhayakaravalayavyAlaratnAMshukAntam | tiryakki~nchitpraku~nchIkR^itapadaravibhAvAptimodAnudhAvad \- hastaM prochchaprasarpachChikhilasitakaraM ku~nchitA~NghriM bhaje.aham || 172|| bho bhoH bhrAtastavaiShA ShaDapi vadanatA brUhi mahyaM kimarthaM jAtA chetyAdareNa dvipavaravadanenAnupR^iShTe kumAre | svAminShaTchChAstramadyAbhyasitumatha pitushchaikadeti bruvANe dR^iShTvA.ajighratpurA yo guhamadhigiri taM ku~nchitA~NghriM bhaje.aham || 173|| matsyAkShi krUrakUrmAt pR^ithutarakaThinatvag varAhendradaMShTrA ghoratraivikramAsthi prabalanaraharisphAraraktAjinAni | viShNornetrAmbujAtaM vidhimukhanichayaM pUShadantAMshcha dhR^itvA yastaddarpaprashAntyai prathayati vibhutAM ku~nchitA~NghriM bhaje.aham || 174|| AsetorAsumerordharaNigatanijakShetravaryeShu nityaM sAhasrAkArabhAjAM svatanumadhi cha juShachchitkalAnAM pramodAt | ekAM saMyojayaMstAM nishi nishi nijahR^itpa~Nkaje sannirundhan yo bhAtyAnandamUrtirbahuvidhaphaladaM ku~nchitA~NghriM bhaje.aham || 175|| kalpe kalpe svakIyaprabhavalayabhayaM tyaktumAdye parArdhe vedA yaM kAlakAlaM bahuvidhatapasA toShayitvA yaduktyA | traisAhasraM dvijatvaM diviShadasulabhaM labdhavantaH krameNa nityaM yaM pUjayanti svasaraNividhinA ku~nchitA~NghriM bhaje.aham || 176|| yasyotkarShaM cha viShNossadanamadhigato vahnisandagdhapIThe sthitvA shrutyantavedyaM shivamapi paramaM bodhayansvAM cha bhUtim | dhikkurvan durmatInAM nikaramapi yadIyAj~nayA bandhuvargaiH vipraH kashchid budheDyo rajatagirimagAtku~nchitA~NghriM bhaje.aham || 177|| gauryAH pANiM gR^ihItvA himagirikaTake satvaraM sthUlapR^iShThaM dharmAkAraM vR^iShendraM nijacharaNajavolla~NghitAmbhodhivargam | adhyArUDho nijA~NkasthitagiritanayAM preyasIM vAgvilAsaiH lajjAnamrAM prakurvannatanuta vihR^itiM ku~nchitA~NghriM bhaje.aham || 178|| yatbhAlasthaM mR^igA~NkaM svaradamiti mudhA shuNDayA.a.adAya tasmin bimbe dR^iShTasvavaktrapratiphalanasamAkarShaNavyagrachittam | dAnAmodAnudhAvadbhramaramukharitasvargapAtAlabhAgaM yo.ajighratsvA~NgasaMsthaM gajamukhamanishaM ku~nchitA~NghriM bhaje.aham || 179|| kAtyAyanyAH karAbjaM dinakaravadanAdhItavedArthabodhAt labdhAnandAntara~NgaprashamitatamasastApasasyAshrame yaH | gR^ihNan saMsAravArdhAvadhikabhayakare magnasatvaprapa~nchaM nityaM rakShannajasraM jayati shivapure ku~nchitA~NghriM bhaje.aham || 180|| yanmUrtiM brahmaniShThAH paramahasi pade prAj~namAnandarUpaM shaivAssadAkhyamUrtiM harimiti cha pare shaktimanye.apare tu | vighneshaM chetare.ahnAM patimiti vaTukaskandavidhyagnishakrAn induM kechidvibhAvyAkhilasukhamabhajanku~nchitA~NghriM bhaje.aham || 181|| ekaM brahmAdvitIyaM trividhamapi chaturvA~NmayaM pa~nchabANa\- bhrAtR^ivyaM ShaDvipakShadviShadabhivinutaM saptajihvAlikAkSham | aShTamyeNA~NkachUDaM navarasanaTanAlolavAso dashAshaM rudraissAdityavargaiH satatanatapadaM ku~nchitA~NghriM bhaje.aham || 182|| viShNorlalATadeshachyutarudhirajharIsa~NgamenApyapUrNaM brAhmaM haste kapAlaM Damarumapi vahan vishvakadrUn svapArshve | daMShTrAgrAbhApisha~NgIkR^itavipulajaTo bhairavaH kShetrapAlo vishvaM rakShannupAdheryamapi bhajati taM ku~nchitA~NghriM bhaje.aham || 183|| sItAhastAbjapiNDIkR^itavarapR^ithivIli~NgamUlAnukarSha \- truTyadvAlAsyashAkhAmR^igapatirachitastotratuShTAntara~Ngam | rakShovR^indaprahAraprabhavakalinivR^ittyAshritAmbhodhitIra \- shrIrAmapraShTharAjArchitapadayugalaM ku~nchitA~NghriM bhaje.aham || 184|| yogAnnirbIjasa.nj~nAtsamuditaparamAnandakAShThAsamAdhi\- sthityA valmIkagUDhAM tanumavanigatAM nItakalpAM dharan svAm | shrImAn shrImUlasa.nj~no nR^ipanutacharito nityanissa~Ngavidyo.a\- pyAdyassiddho yamantaH kalayati nitarAM ku~nchitA~NghriM bhaje.aham || hallIsonmukhyakelInamitanijashirassaMsthaga~NgAmukhendoH AlokotpannakopatvaritagatishivAsAntvanavyagrachittam | dR^iShTvA kaNThasthanIlaM jalamugitimudhA.a.ayAtakaumAravAhAt bibhyadbhUShAphaNInAM maNiruchi suShamaM ku~nchitA~NghriM bhaje.aham || 186|| svargAdhIshopadiShTAmakhilasukhakarIM yattirodhAnashakteH vidyAM modAjjapitvA surayuvatisamAmApabhaimIM svakAntAm | yatsevAnirgatA.a.arkigraharachitamahopadravo naiShadhendro vishvaM rakShannijAnte dyusadanamabhajatku~nchitA~NghriM bhaje.aham || 187|| kandarpANAM bahUnAM prasavakaravarApA~NgavIkShAvilAsaiH udyAne rAjatAdrerharidhR^itasutanoH shAstrabhikhyaM kumAram | utpAdyAyAtagaurImadhuravachanataH pAlakatvaM vanAnAM sarveShAM dattavAn yastrijagadabhinutaM ku~nchitA~NghriM bhaje.aham || 188|| mugdhe kailAsavAsIjaraThashubhakaro gauri charmAmbaro.asau brahmannaishvaryado.ambe pitR^ibhuvi naTakR^idvipra kaivalyadAtA | evaM yadvAkyabha~NgIM muhurapi cha tiraskR^itya sadmAntarAlaM gantuM vyagrAmumAM yo.apyakuruta muditAM ku~nchitA~NghriM bhaje.aham || 189|| yaddhAsenduprabhUtA nikhilamapi jagadvyApinI chandrikAbhA\- pyAviShNu sthAvarAntaM hR^idayamadhigataM bAhyagaM chAndhakAram | dUrIkR^ityAshu sarvAn svapadasarasijadhyAnashIlAnajasraM rakShatyAdyantahInaM gurubhR^iguvinutaM ku~nchitA~NghriM bhaje.aham || 190|| godAvaryAstaTastho.anR^itavachanaparo duShTakArtAntiko yat kShetre gaulyAM janitvA nijasukR^italavAtsvIyapAtoktidoSham | bhasmIkartuM chiraM yaM stutibhirabhinaman sundarA~Ngo yaduktyA jAto yatkShetrapAlo jayati tamasamaM ku~nchitA~NghriM bhaje.aham || 191|| bhuktvA hAlAhalAMshaM yudhi nihatatanuM dArukAkhyaM surAriM kR^itvA ghorasvakR^ityaprachalitabhuvanAM bhadrakAlIM shivo yaH | pratyetyAnandanR^ittaM pitR^ipatibhuvane darshayitvA tayA.aNDAn sarvAnsaMrakShatIshastaminavidhunutaM ku~nchitA~NghriM bhaje.aham || 192|| yasyodvAhe himAdriM gatavati nikhilaprANivarge.arkasUnoH AshAmaunnatyabhAjaM rachayitumadharAM vindhyamadri~ncha daityam | dhikkartuM kumbhajanmA chulukitajaladhiH preShito yena modAt taM devaM koTikoTi dyumaNitanuruchiM ku~nchitA~NghriM bhaje.aham || 193|| vINAsa~NkrAntakAntAmadhuratararasAlApagItipramoda \- prodyadromA~ncha kUTadviguNatanulatAbhogasaundaryashilpam | yannAnAratnabhUShAkiraNakabalite diktaTe vapralIlAM kurvantyadyApi modAt dviradaparibR^iDhAH ku~nchitA~NghriM bhaje.aham || 194|| kastvaM kinnAmadheyo dharaNisuravapuH kampitApAdachUDo gotraM sUtraM kulaM tvatpitaramapi tathA mAtaraM bandhuvargam | shatruM mitraM kalatraM tanayamapi vayo j~nAtumIhe taveti provAchAdrau purA yaM prati giritanayA ku~nchitA~NghriM bhaje.aham || 195|| skande vighneshashuNDAM svakarasarasijaiH mAnayitvA taduktaiH svIyairvaktrAkShisa~NkhyAgaNanaparibhavai rodite sAnukampA | devI dR^iShTvA svasUnoshcharitamapi yadIyAj~nayA hemakUTe vAchA sapremabhAjAvatanuta tanayau ku~nchitA~NghriM bhaje.aham || 196|| svAmin mA.astvAdhipatyaM shamanapadamahArAjyabhAre mamAlaM pAshaM daNDa~ncha vAhaM mahiShamapi bhaTAn tvatpade.adyArpaye.aham | ityuktavAgre natAsyaM shivayajanaparAkarSha kupyadgaNendro\- dvignaM dR^iShTvA yamaM yo.apyakuruta muditaM ku~nchitA~NghriM bhaje.aham || 197|| pitrorduHkhaikahetuM kamaThanibhatanuM pApajAM svAM pramoktuM vArdhau sthitvA nirundhan rathamapi taraNestanmukhAdyasya vidyAm | labdhvA japtvA.atha bhUtvA surayuvatisamAhlAdi saundaryakAyo rAjA svAmAtyaputrIpariNayamakarotku~nchitA~NghriM bhaje.aham || 198|| kiM dAraiH ki~ncha putraiH kimiti cha vasubhiH kiM suhR^idbhiH kimanyaiH bhUyAnnAstyeva satyaM phalamiti hR^idaye santataM chintayantaH | tyaktvA duHkhAdihetuM yadamalavasudhAprAntaklR^iptAshramAste siddhAssarve babhUvuryadanugatadhiyaH ku~nchitA~NghriM bhaje.aham || 199|| hemAdriprAntabhAgasthalakamalavanAkrIDanodyogahaMsa\- vrAtAlokApadeshAtsavidhagatashivAhastagADhopagUDham | nAnAkArAnubhUtAnupamaratisamutkUjitAryAkuchAgra\- sparshonmR^iShTAlikAntasthalasitabhasitaM ku~nchitA~NghriM bhaje.aham || 200|| draShTuM naivAdya viShNo bhavati cha samayo vedavAkyArthabodhe brahmankAlo na cheSho harimukhavibudhA gachChatAnyatra yUyam | AstAM vINAmune so.apyupadishati paraM brahmatattvaM munInAM ityuktvA tAnyaduktyA tvarayati gaNarAT ku~nchitA~NghriM bhaje.aham || 201|| yadvarShaM mAnuShANAM tadapi cha divasaM devatAnAM prasiddhaM proktaM tachchApakumbha prathamayugaharistrIShu mAseShu ShaTsu | Asan yannR^ittamUrterudayamukhavarAbhyarchanAste tamindrA\- dyaShTAshApAlapUrvAkhilasuravinutaM ku~nchitA~NghriM bhaje.aham || 202|| yasyeshasyAMshabhUtAshsharabha\-vaTukarADvIrabhadrAdidevAH kalpe kalpe.ambujAkShadruhiNamukhadhR^itakrUrasatvograkR^ityam | nighnantassArvakAlaM jagadapi sakalaM pAlayanto.antara~Nge dhyAyanto yaM jayanti prasR^imaramahasaM ku~nchitA~NghriM bhaje.aham || 203|| kupyattAtoktibha~NgyA vipinamadhigaman vipragosa~NgharakShAM kurvaMstatraiva diShTyA sarasi cha vihR^itiM tanvatInAM surINAm | gAyantInAM manAMsi svavashamapi nayan yatpadadhyAnayogAt reje kashchinnarendro jitaripunikaraH ku~nchitA~NghriM bhaje.aham || 204|| sauvarNashmashrukAntyA kapishakumudinInAthabimbaM vijetuM nAsAlolambabhUShAmaNiruchibhiriva pronnaTaddivyasindhum | mUrdhnA bibhrANamachChachChavimukhakamalAmodapuShpandhayAkShaM nAnAvidyA~NkurAbhadvijagaNalasitaM ku~nchitA~NghriM bhaje.aham || 205|| jvAlAmAlAntarAla pravilasadamalasvA~Ngalolamba chelA mUlAlagnAlishilpollalitakaTiraTatki~NkiNI jAlabhUSham | nailIhAlAhalAbhAkabalita jalamuktArakolAhalodyat \- kelImAyUralAsyapramuditalalanaM ku~nchitA~NghriM bhaje.aham || 206|| yo yasya j~nAnashaktiM daharakuhariNIM shrImahAShoDashArNAM vidyAM shrInAthavIraiH gurubhirapi nutAM yoginIdUtisevyAm | AtmAbhinnAM shivAM tAM hR^idi parichinute sa svayaM nirvikalpo bhUtvA yogIndrapUjyo bhavati tamaguNaM ku~nchitA~NghriM bhaje.aham || 207|| yachChambhornR^ittara~NgaM pitR^ibhuvanamabhUtkAlakUTaM cha bhikShA bhUShA nAgA vibhUtirmalayabhavarajo brahmashIrShaM kapAlam | adriH shayyA cha vastraM tvagapi sahakR^itA bhUtabhetAlavargAH vAhashchokShApatistaM dhR^itaharivishikhaM ku~nchitA~NghriM bhaje.aham || 208|| vAsiShThabrahmadaNDapramuShitasudhanurbANasenAsamUho brAhmaNyaprAptikAmo rachitavaratapAH kaushikaH kShatravaryaH | tuShTasvAyambhuvAsyaprabhavitasavitR^ikhyAta yachChakti vidyA \- prAptasveShTAnubhAvo bhuvi jayatitarAM ku~nchitA~NghriM bhaje.aham || 209|| yAtAyAtAdihInaM yamaniyamaparaprArthita brahmatattvaM yaj~naM yaj~nAgnirUpaM yajanakarabudhairIDyamAnaM trisandhyam | yAthArthakAralInAkhila bhuvanamajaM yAminIshAnachUDaM yA~nchAkApaTyahInaM yativaravinutaM ku~nchitA~NghriM bhaje.aham || 210|| vishveshaM vishvavandyaM vividhabhayaharaM vishvarUpaM vR^iShA~NkaM viShNuM vindhyArikAntAmukharamunisatI pUjitA~NghriM virAgam | vidyAvishrAnti bhUmiM vidhudharamakuTaM vyuptakeshaM vinAsha\- sthityutpatyAdihetuM vikR^itimavikR^itiM ku~nchitA~NghriM bhaje.aham || 211|| kelyAmautsukyabhAjA tuhinagirijayA saspR^ihaM dattavITI\- sevAraktAdharoShThadyutijitadinakR^idbAlabimbAMshuchakram | gIti prAvINyashailI prakaTanakutukAt hastavAstavyalolAM vINAM saMvAdayantaM prathamarasamayaM ku~nchitA~NghriM bhaje.aham || 212|| ashvatthAmA kR^ipAryo balirapi hanumAn kumbhakarNAnujAto vyAsarShirjAmadagnyo.apyadhigatayashasassapta dhIrA mahAntaH | yatpAdAbjArchayA.a.apurjanimadasulabhaM shrIchira~njIvibhAvaM taM kR^iShNashvetaraktadyutimatikaruNaM ku~nchitA~NghriM bhaje.aham || 213|| jAyAdAnaprakupyatsvajanakR^itaraNAveshakAle prasannaM yaM dR^iShTvA netravArisrapitatanulatAbhogasAta~NkakampaH | yasyA~NghridhyAnabhAnuprakaTitavibhavo vaishyajo bhaktavaryo.a\- pyadhyArUDho vR^iShendraM rajatagirimagAt ku~nchitA~NghriM bhaje.aham || 214|| tyaktasvasvAdhikArAssarasijanayanAshchAgataM devasaukhya\- prAptyai govindamuktvA kushalamapi karAshleShapUrvaM pramodAt | vatsa tvaM brahmatatvaM hR^idi na vikalayanprArthyase duHkhahetuM karmetyudbodhayanto yamapi girivare ku~nchitA~NghriM bhaje.aham || 215|| bho bho brahmarShimugdhAH sadayamapi mayA shikShitAshchApyajasraM vedAnte tattvabodhe na bhavata vibudhA yattato.adyApi yUyam | medhAprAptyai sabheshaM vrajata sharaNamityAdarAdbodhayitvA dhAtA yatkShetrarAjaM munigaNamanayatku~nchitA~NghriM bhaje.aham || 216|| gIrvANAdriM kadAchidvipularadanayorantare svarNarambhA\- bhrAntyA sandhArya vegAdrajatagirivare krIDayantaM gaNesham | dR^iShTvA premNA.adrijAtA yamapi cha tarasA.a.ahUya nirdishya sUnoH vR^ittaM tuShTA.abhavattaM diviShadadhipatiM ku~nchitA~NghriM bhaje.aham || 217|| sotsAhaM vIrabAhupramukhasakhiyuto dorbhirabdhiM ShaDAsyaH tIrtvA pUrvakShamAbhR^ichChikharamadhijuShaM bAlamArtANDabimbam | cholImAnIyamAno dhuri cha virachayansaiMhikeyasya lIlAM yadvAchA saMvyadhAttaM nabhasi cha paramaM ku~nchitA~NghriM bhaje.aham || 218|| sadvyoma vyApi\-tArapravalayavilasadj~nAnavA~nChAkriyAdi\- shrImachchichChakti vidyAhR^itavipulatamo rAjasaM sadbhrukumsam | gADhA.avidyAkavATonnayanashamamukhadvArapAlAbhigopyan\- mokShadvArAntara~NgopaniShadupachitaM ku~nchitA~NghriM bhaje.aham || 219|| AviH smerAnanasya dyutibhirabhinavaiH pANipadmAntarAla\- prodyatkAnti prarohairnabhasi cha rachayan jAlamahnAM patInAm | navyAmambhodamAlAmadhidharaNiruchA pArshvagAyAshshivAyAH chitraM yo nAnaTIti bhramaranaTanakR^itku~nchitA~NghriM bhaje.aham || 220|| achChAmachChinnadhArAmamR^itakararuchervarShayan labdhakAmAM dInAmatyantakhinnAM ratimapi muditAM saMvyadhAdIshvaro yaH | yadra~NgAkhaNDalAshAmadhigataparamAnandakUpAmbupAnAt vAchAlatvaM prapannAssuragurumukharAH ku~nchitA~NghriM bhaje.aham || 221|| o~NkArasvarNa saMsatprasR^itaparashivajyotirAnandanR^ittA\- lokAduttIrNamugraM bhavamativipulaM vArdhikalpaM munIndraiH | UhApohAdihIna svatanugatajagadvR^indamadhyAtmavidyA\- bodhAchAryaM purANaM prashamitatamasaM ku~nchitA~NghriM bhaje.aham || 222|| dakShAdvAmAchcha pR^iShThAt druhiNahariharAn sarvasampatsamR^iddhAn kalpArambhe ya Isho.apyanitarasulabhasvechChayA sapramodam | sR^iShTvA saMsR^iShTirakShAlayakaraNavidhau yojayitvA tu vANI\- lakShmIgaurIti shaktitrayamapi cha dadau ku~nchitA~NghriM bhaje.aham || 223|| kAchinnAlAyanIti prathitamunisatI bharturiShTAnukUlA mANDavyaproktashApajvalanashamanakR^iddurdinashrIvilAsA | yanmantradhyAnayogAdanitarasulabhAn pa~ncha kAntAn narendrAn lebhe janmAdihInaM shivapadamapi taM ku~nchitA~NghriM bhaje.aham || 224|| siMhaskandhAdhirUDhaM sitavasanadharaM sindhusambaddhashIrShaM si~nchanmAdhvImadhUkapramukhasumagaNoddAmabhUShAmanoj~nam | siddhAdityAhi vidyAdhara pitR^i diviShaddaityagandharvayakSho\- rakShoyogIndra sAdhyAkhila janavinutaM ku~nchitA~NghriM bhaje.aham || 225|| pratyAhArAdiyogairhR^idayakamalato brahmarandhraM svakIyaM prANAnAnIya divyaM gaNamapi sharadAM vAhayanto mahAntaH | yogIndrAssiddhavidyauShadhimaNigulikAsevayA vajradehAH svAtmAnaM yaM bhajanti jvalanavaradR^ishaM ku~nchitA~NghriM bhaje.aham || 226|| sAnAvasminkimarthaM vasata suravarA gachChatAdyAkhilesha\- kShetrAdhAraM dharAyA hR^idayakamalagaM puNDarIkAbhidhAnam | kShetraM tatraiva devo dashashatakalayA rAjatIti priyoktyA nandI yaddarshanArthaM tvarayati cha gireH ku~nchitA~NghriM bhaje.aham || 227|| sR^iShTyarthaM brahmaNA yasstutanijavibhavastasya lalATadeshAt AvirbhUya svatantro vikR^itatanuvarAn rudravargAn gaNendrAn | sR^iShTvA tAnprerayitvA jagadavanavidhau sarvadA satvasaMstho\- .arakShadvishvAdhikaM taM natajanasukhadaM ku~nchitA~NghriM bhaje.aham || 228|| vAchAM keliShvamandaM ditijadiviShadormuShTimuShTIraNe.abdheH tIre jAte sudhADhyaM ghaTamapi kalayanhastakoNe murAriH | sammohyAdyAn dvitIyAnarachayadamR^itAn kAminI kAminInAM bhUtvA yashshUlapANeranavadhidayayA ku~nchitA~NghriM bhaje.aham || 229|| padme mAstvadha lIlAphaNipatishayanaM vainateyo.api nAlaM bhUmi tvaM shIghramAyAhyahamapi naTate tillavanyAM purAreH | hastAbhyAM vAdayiShyAmyahaha chaTutaraM maddalaM chetyudIrya prAyAdyadra~NgamAdau harirapi tamajaM ku~nchitA~NghriM bhaje.aham || 230|| pashyedaM svarNashR^i~NgaM mama sadanavaraM gaurikedArasa.nj~naM kAshIM kA~nchIpurImapyaruNagirivaraM shvetakAntAradeshyam | vedAraNyaM cha setuM muhurapi vR^iShabhaM yo.adhitiShThanpriyAyai nirdishyApnoti naijaM nilayamanudinaM ku~nchitA~NghriM bhaje.aham || 231|| svAmin bhikSho bhavedvA kva nu tava nagare parvate vA vane vA vAsaH kasmAdiha tvaM charasi vada vibho kutra gantA.asi bhikShAm | kurvannatraiva tiShThan virachayatu bhavAn kelimasmAbhirevaM straiNaM yaM chAbhyadhAvadvanabhuvi vivashaM ku~nchitA~NghriM bhaje.aham || 232|| vAmA vAmA~NgabhAgo nayanamapi jaTAH kuNDalau yaj~nasUtraM vAho bANashcha chApadhvajarathaturagA yasya jAtA vichitram | sUtashchApi sphuli~NgairniTilanayanajairdAhayitvA.aNDajAlaM kalpe kalpe punaryassR^ijati tadakhilaM ku~nchitA~NghriM bhaje.aham || pAdA~NguShThasya yasya dyutikavachitadikchakravAlAntarAle brahmA haMsaM murAriH kalashajalanidhiM devarAjo gajendram | svaM ChatraM vAjapeyI dinakarashashinau saiMhikeyashcha shuklaM varNaM shilpI nitAntaM mR^igayati satataM ku~nchitA~NghriM bhaje.aham || 234|| j~nAnechChAbhyAM sakhibhyAM saha rahasi mudA naktamashrAntalIlo bhUtvA prAtassabhAyAmiha kimu bhavatassAhasaM nandanIyam | yAtu svargApagAyA nikaTataTamayaM nArthanIyo janashche\- tyuktvA sAchIkR^itAmanvanayadagasutAM ku~nchitA~NghriM bhaje.aham || 235|| kalpAnte vR^iddhibhAjAM kabalitajagatAM saptavArAnnidhInAM madhye pAlAshashAyI haririha puruSho nAsti matto.aparo.anyaH | evaM darpAvalIDho.apyanupadamuditaM shUlinaM bhairavaM yaM dR^iShTvA bhItyA nanAma stutibhirabhinavaiH ku~nchitA~NghriM bhaje.aham || 236|| yatsaMhArAsravegaM muhurapi hR^idaye tarkayannambarAnte prANatrANAya yatnaM dasharathanR^ipateryuddhara~Nge prakurvan | rohiNyAkArachakrAnugatimapi jahau saurirarkAtmajAtaH taM devaM rAhuketugrahamukhavinutaM ku~nchitA~NghriM bhaje.aham || 237|| induryatkShetrasevAsamasamayavalattilvavR^ikShAnilAnAM sparshAdunmR^iShTavarShmA suraguruyuvatIsa~NgajaiH pAparogaiH | yadvavaktrAlokanena svatanuparigalachchandrikAsArasiktAn sarvAnlokAnakArShItshamanamadaharaM ku~nchitA~NghriM bhaje.aham || 238|| kAlindIvIchijAlairbhuvanamahipaternItamAnandabhAjaM kAntaM sImantinIti kShitipatitanayA kAchidaupAsanaistaiH | saumyairuddAmakalpaiH pramuditamanaso yasya shambhoH prasAdAt prApAvaidhavyayaugaM sukhamapi nikhilaM ku~nchitA~NghriM bhaje.aham || 239|| viShNau nirjvAlachakre bhramitahR^idi vidhau bhAskare dantahIne shakre nirbhinnagaNDe hutabhuji vishikhe tyaktajIve.akhile.anye | ChitvA dakShottamA~NgaM makhabhuvi sagaNaM vIrabhadraM charantaM dR^iShTvA yo.atoShayattaM pramuditahR^idayaM ku~nchitA~NghriM bhaje.aham || 240|| sAvitrIti prasiddhA narapatitanujA kAnanAntaH svabhartuH prANAnAhartukAmaM sabhaTamapi yamaM yasya pUjAprabhAvAt | sammohyAnamya tasmAtpatimapi tanayAn rAjyamanyAH samR^iddhIH lebhe taM kAlakAlaM kaTitaTaphaNinaM ku~nchitA~NghriM bhaje.aham || 241|| brahmaivAhaM shivo.ahaM vibhurahamamalashchiddhano.ahaM vimAyaH so.ahaM haMsassvatantrastadahamatijaraH praj~nayA kevalo.aham | dhyeyadhyAtR^i pramANaiH galitamatirahaM nishchalo.ahaM sadeti prAj~nA yachchitsabhAyAM atishayamabhajanku~nchitA~NghriM bhaje.aham || 242|| kAntAre jAtu kR^iShNo dvijaravimaNihR^idbhallabandIkR^itAyAH saundaryAnnirjitAyAssuravarayuvatIM jAmbavatyAH priyAyAH | pANiM jagrAha yasya pratidinayajanAtkIrtimAshAvihArAM lebhe taM sarvavidyAlayakaranaTanaM ku~nchitA~NghriM bhaje.aham || 243|| mAlAdigbandha pUjAkavachavaramahAyantra vidyArahasya\- shrImatsAhasranAmastavaparivilasadyannavA~NgAni pUrvam | sUtashrIjaiminibhyAM rahasi sakaruNaM proktavAndIkShayitvA pArAsharyo maharShiH shrutivibhajanakR^itku~nchitA~NghriM bhaje.aham || 244|| sadyojAtAdimAnAM vadanajalabhuvAM pa~nchakAdyasya jAtAn mantrAMstrailokyavashya pramukhavara mahAsiddhidAnsaptakoTIn | shrutvA gaurI yaduktyA jagadupakR^itaye saprayogAnsakalpAn tAnlokAnAninAya svayamatulakR^itiM ku~nchitA~NghriM bhaje.aham || 245|| adrAkShInnandikeshaH kanakasadasi yaM hyardhanArIsvarUpaM pashchAnnArAyaNArdhaM punarapi girijArUpamAkArahInam | tAraM tanmaNDalAntarjvalanamanupamaM sachchidAnandamUrtiM nR^itteshAnaM muhUrtaM tamaparasugamaM ku~nchitA~NghriM bhaje.aham || 246|| pArvatyutsa~NgadeshasthitimadhijuShatoH skandaherambayostA\- vAhUyAdyAkhilANDAnjhaTiti cha yuvayoH kassamartho.aTane saH | svIkuryAdetadAmraM phalamiti nigadannagrato yastadIyaM vR^ittaM dR^iShTvA mumoda kShitidharashikhare ku~nchitA~NghriM bhaje.aham || 247|| nAnAjIvAtmavAdi prakaTitakunayAbhAsayuktyadripakSha\- dvandvachChedAnudhAvaDDamarukamukharaj~nAta satyArthalokam | vA~nChAkalpadrukalpa prapadayuganata brahmaniShThAvaliM taM chinmAtraM chitsabheshaM niratishayaguNaM ku~nchitA~NghriM bhaje.aham || 248|| viShNoshchakrApahartuH prathitabalajuSho bhUtachakrAdhipasya kShuttR^iTduHkhaprashAntipradanijacharitastabdhapANDyAtmajAtam | shvashrUvA~nChAbhipUrtyai nijadhuri cha mudA.a.anIta saptAmburAshiM bhaktastrIpakvapiShTAshanaruchimuditaM ku~nchitA~NghriM bhaje.aham || 249|| atreH kAntA.anasUyA nikhilajananutA yaM samabhyarchya putraM dattAtreyAbhidhAnaM trimukhamapi chaturbAhumadvaitavR^ittim | shrutyantoddAmalIlaM sakalamunitateragragaNyaM mahAntaM lebhe taM svAtmabuddhatribhuvanacharitaM ku~nchitA~NghriM bhaje.aham || 250|| kalpArambhe yadIyAdvaragalavivarAdomatheti dvishabdau siddhAntArtha praboddhR^ipravarashivakarAvAvirAstAM purastAt | pashchAdvedAdi vidyAvidhiharimukharA devatAssarvalokAH jAtAstaM dakShiNAsyaM dyutikaranilayaM ku~nchitA~NghriM bhaje.aham || 251|| sa~NkalpollAsahInaM sarigamapadhanI saptavarNAnuvarNa\- prArambhodgAnalolAkhila surayuvatI vR^indasa~NkIrNara~Ngam | nAdadhyAnAnumodAgatanijanikaTAneka siddharShideva\- stotradhvAnairnitAntairjitajaladhiravaM ku~nchitA~NghriM bhaje.aham || 252|| doShAM sAhasrayugmairdhR^itaparashumukhairAnanAnAM sahasraiH traisAhasraistathAkShNAmaparimitajaTAdhoraNI dhATikAbhiH | jvAlAmAlAbhiragnerapahasitaghanairaTTahAsairvishAlaiH nidhvAnairyo.antakAle viharati tamajaM ku~nchitA~NghriM bhaje.aham || 253|| sheShe jAtu svabhogAtsuragirishikharaM veShTayitvA nitAntaM trailokyaprANabhUtAM kabalayati tanUM nAradAt j~nAtavR^ittaH | vAyuryad.hdhyAnayogAt prabalatanurayAt bhugnavaktraM sa bhUbhR^it \- shR^i~NgaM chikShepa vArdhau phaNipatimapi taM ku~nchitA~NghriM bhaje.aham || 254|| vishvAmitraprayuktAt svapurasutasuhR^itkAminI viprayogAt klishyannAlIkavArtAM gaditumapi paTuH pUjayA yasya nityam | labdhvA svAM sampadaM tAmabhajadatha harishchandrasa.nj~no narendro dhAma svAyambhuvaM taM nigamarathavahaM ku~nchitA~NghriM bhaje.aham || 255|| AbAlyAt dravyametatsumukhi tava mude yanmayAttaM tadadya svIkurvANA nitAntaM madanasharahataM gADhamAli~Ngya dorbhyAm | atraivAshvAsayeti tvaritagatimumAmAlibhirvArito.api shrImAnyo hyanvagachChannagataTabhuvi taM ku~nchitA~NghriM bhaje.aham || 256|| Ali tvaM sAntvayAryAM mayi kupitadhiyaM dArukAraNyavAsi\- strINAM kelIvilAsairharidhR^itasutanossAhasAtparvatendre | sa~NgAddivyApagAyA madanadahanatashcheti sAkUtamuktvA kAntAgAre jayAM yo.agamayadasulabhaM ku~nchitA~NghriM bhaje.aham || 257|| yashshambhurlIlayA svaM janima sukhakaraM tApasAnAM vachobhiH hastAdutpATya devaiH kimidamiti bhayAdvIkShito.araNyadeshe | chikShepa brahmaviShNustutibhirapi punastAnmunIn j~nAtatattvAn kR^itvA.apyantardadhe taM praNataphalakaraM ku~nchitA~NghriM bhaje.aham || 258|| siddhAkArapragupta svatanumapi jagaddR^iShTamAhendrajAlaM chitrastambhasthitena prachalitakariNA bhuktapuNDrekShukhaNDam | muktAhArApahAra bhramitanarapati stotranirnidritAntaH padmaM sAhasranetra pramukhanutapadaM ku~nchitA~NghriM bhaje.aham || 259|| maulau ga~NgA galAntargaralamahitateH ka~NkaNaM doShi phAle chandraM tArtIyanetraM jvalanasamashikhaM shUlamAjaM kapAlam | bhUtapretAdisenA nigamamayashuno yasya lIlAkirAta\- syAgre dR^iShTvA kirITI bhramitamatirabhUtku~nchitA~NghriM bhaje.aham || 260|| kastUrIpa~NkalepaM mR^igamadatilakaM puShpamAlAM cha nUtnAM dR^iShTvA jAtvambujAkShI dharaNidharasutA.apyanyathA tarkayantI | nAthedaM lakShma satyAM mayi tava samabhUt brUhi kasyA mude che\- tyAyAntaM nirbabandhAdhikashapathamaraM ku~nchitA~NghriM bhaje.aham || 261|| kathyaM kalpadrukAmyaM karivasanadharaM kR^iShNaraktA~NgavarNaM kAlAtItaM kavIndraM kavikulavinutaM klR^iptalIlAvisheSham | kR^ityAkR^ityAdishUnyaM kumativirahitaM krudhrabANAsanA~NkaM ka~NkAlaM kAlinR^ittapramuditahR^idayaM ku~nchitA~NghriM bhaje.aham || 262|| sarveShAmasmi kartA prabhurapi jagatAM pAlako nAshakashche\- tyuchchairviShNau kadAchitpralapati cha mudA yassvayaM tatsamakSham | rudrassaMhAramUrtiH svatanuruhataterAshu viShNUnasa~NkhyAn sR^iShTvA taddarpavahniM purabhidashamayatku~nchitA~NghriM bhaje.aham || 263|| kAntAsaMhArakupyadbhR^igumunigaditaM bhIkaraM ghorashApaM nAnAjanmaikahetuM shamayitumanishaM pUjayantaM mukundam | utpattInAM dashaiva trijagadabhibhavaddAnavAn shikShituM te bhUyAdityAdidesha prabhuratikR^ipayA ku~nchitA~NghriM bhaje.aham || 264|| lIlAM yasyAnabhij~nA makhabhuvi yatinA yena vedyantarasmin kShiptaM yAvatkapAlaM nirasitumabalA dyosadashchAstuvan yam | pauroDAshasya bhUyAdadhikaraNamidaM saMyajantAmidAnIM ityuktvA.adarshi naijaM nigamamayavapuH ku~nchitA~NghriM bhaje.aham || 265|| devendre vR^itrahattyA paribhavati tadA svargarAjyAdhikAre yuktaM darpAvalIDhaM nahuShanarapatiM kAmitAraM nitAntam | paulomI yasya nAmnAM mananavibhavataH kumbhajAtasya shApa\- vyAjAnninye dharAM taM janakanR^ipanutaM ku~nchitA~NghriM bhaje.aham || 266|| dikkAlAdyairvichintyaM svamanumananakR^inmAnyamadvaitasAraM madhyAdyantAdi hInaM sakalajanamanovR^ittidR^iShTAramAdyam | mAyAtItaM prashAntaM dyutikaramakhilajyotiShAmIshvarAkhyA\- vAchyaM tejomayaM taM paramaparanaTaM ku~nchitA~NghriM bhaje.aham || 267|| bhogAtprArabdhakarmApyadhikabhayakare sa~nchitAgAmike dve j~nAnAnnAshaM prayAte iti nigamavachAMsyAhuretatprasiddham | tAnyapyAlokamAtrAt nijanaTanatanoH prANinAM jAtu diShTyA nighnan yachChan sukhaM yaH sadasi vijayate ku~nchitA~NghriM bhaje.aham || 268|| yaH shambhurbhUrbhuvassvarbhuvanaparibR^iDhaissaMstutaH satyavAdaiH yasmAtsArvAtmyayogAnubhavanipuNatAM lebhire yogivaryAH | lIDhAlIDhArthatattvopaniShadaviShayAkAshago yashshivastaM pratyakbrahmaikyaniShThAgurumamaranutaM ku~nchitA~NghriM bhaje.aham || 269|| vamryAkAratvabhAjA divicharapatinA khaNDiteShvAsakoTi\- truTyadvaktrasya puMso vapuratichakitaM vIkShayanto nilimpAH | yaM stutvA yannideshAtturagamukhayutaM taM vidhAyAshvinIbhyAM chakruryaj~naM yathAvattamapi naTapatiM ku~nchitA~NghriM bhaje.aham || 270|| svAmin kR^iShNAtra yuddhe kanakamayatanurbhUtimAn shUlapANiH vaktrAdagnisphuli~NgAn raNabhuvi vikiransa~ncharatyadvitIyaH | ko.ayaM brUhIti pArthe vadati savinayaM vAsudevo muhUrtaM yogAt dhyAtvA.abravIdyachcharitamanupamaM ku~nchitA~NghriM bhaje.aham || 271|| satyaM brahmaiva nAnyajjagadidamakhilaM cheti mImAMsayitvA traiyantoktyA budhendrA hR^idi cha yamanishaM chiddhanaM durnirIkShyam | dIpajvAlAshikhAvatsatataparichayAnandanR^ittaM vimAyaM shubhraM pashyanti tatsatpadaviShayamaraM ku~nchitA~NghriM bhaje.aham || 272|| vidyAmagnau pratiShThAM payasi cha dharaNau yonivR^ittiM samIre shAntyAkhyAM shAntyatItAM nabhasi nijakalAM yojayan hyaprameyaH | sUkShmAtsUkShmAntara~Nge daharakuharachitpuNDarIkAkhyaveshma\- nyantashchinmAtrarUpaM rachayati naTanaM ku~nchitA~NghriM bhaje.aham || 273|| sauvarNaM viShTaraM yaH kanakaghaTanibhau svapriyAyAH stanau dvau pashyan lIlAkaTAkShaiH karajalajavarairmaNDayansapramodam | adhyAsInaH purastAnmaNimukuragataM svAnubimbaM shivAyAH tuShTyai chAhUtavAn shrIvinutanijapadaM ku~nchitA~NghriM bhaje.aham || 274|| bhUvAyvAkAshatoyajvalanaravishashIyajvarUpaiH prapa~nchaM yo dhatte maskarIndraishchyutamalahR^idayaiH sevyate yasturIyaH | haMsAbhikhyo.advitIyaH svagatanikhilavidhyaNDajAlo hiraNya\- shmashrustaM shAntakalpaM niyatipadabharaM ku~nchitA~NghriM bhaje.aham || 275|| yo.adAnnaijottamA~NgAmR^itakiraNasudhAmaNDapiNDIkR^itA~NgaM tejobhagnenduvahnidyumaNighanaruchijyotiShaM hIrakalpam | nityaM dedIpyamAnaM pratisamayamapi svasya pUjAM vidhAtuM li~NgaM vipreShu modAt bhavabhayaharaNaM ku~nchitA~NghriM bhaje.aham || 276|| svAtmAnandAnubodha pravitaraNasabhAtArabhUtorukakShyAM adhyAsInairvasiShThachyavanashukamukhaistaiH prasa~NkhyAnayogaiH | IDayaM yaM chAshrayantaH kakubadhipatayo nAdriyante tathA svaM sthAnaM taM tumburUkti pramuditahR^idayaM ku~nchitA~NghriM bhaje.aham || 277|| shakteryasya prasAdAdadhidharaNi mahAnAdisheShAvatAro yogIndro dehabhAjAmaghamativipulaM chittavAkkAyasaMstham | dUrIkartuM cha yaShTuM yamakR^itakapathA yogashabdauShadhArchA\- granthAn pAta~njalAkhyAn svayamapi kR^itavAn ku~nchitA~NghriM bhaje.aham || 278|| dyUtakrIDAvihAre shivagirisutayoH jAtu mithyoktikupyad\- gaurIvAkya prabhUtAmajagaratanutAM tyaktumatyantaghorAm | kailAsopatyakAyAM yamapi cha tapasA toShayan yatprasAdAt lebhe svaM prAktanaM tadvapurapi murabhitku~nchitA~NghriM bhaje.aham || 279|| traiguNyAnAmatItaM trijagadabhinutaM satrivargApavargaM traiyantAchAryamUrtiM tripuTivirahitaM tristhamapyatrirUpam | tR^iShNAhInAshayasthaM trishikhavaradharaM tryakShamAtreyabhUShaM tretAnandaM trikoNasthitijuShamachalaM ku~nchitA~NghriM bhaje.aham || 280|| svastrIvakShojayugme yamadhikakaruNaM bhAvayitvA cha bhaktyA ratyA santarpya tena pramuditamanaso nR^ittamUrteH prasAdAt | yasyAbhUllokajetA sumamayavishikho manmathaH shrIkumAraH taM devaM sundareDyaM dyusadananaTanaM ku~nchitA~NghriM bhaje.aham || 281|| AyuryatkaiTabhAreH paramamabhimataM pUrNatAmeti tAvat kalpo yasya kShaNArdho bhavati cha sugamaH ki~nchidaMshena hInaH | ityAhurvedavAchaH kimuta shatadhR^iteH ki~ncha dikpAlakAnAM taM kAlaM kAlabhakShaM phaNiphaNanaTanaM ku~nchitA~NghriM bhaje.aham || 282|| kAlIM chaNDordhvanR^ittAvanatamukhagaNAM brahmachAmuNDikAkhyAM gaurIkopAgnijAtAM ditisutabhayadAmaMshayuktAM vidhAtuH | svAgashshAntyai nitAntaM savidhakR^itanutiM yaH kR^ipApUrNadR^iShTyA rakShansvakShetrapAlAmakuruta paramaM ku~nchitA~NghriM bhaje.aham || 283|| sarveshaM sarvasatvaprakR^itimavikR^itiM sarvadaM sarvabhUShaM sarvAtItaM sadAkhyaM sakaruNanayanaM sarvavedAntasAram | satyaM sadvyomasaMsthaM sanakamunimukhairarchitaM sAmagItyAM utsAhaM saMsadIshaM sakalakavinutaM ku~nchitA~NghriM bhaje.aham || 284|| kartuM chAkartumetatsakalamapi jagachchAnyathA kartumIshaH shaktashchAkAshatulyo bhavitumapi shivo yassamAdhikyashUnyaH | jAgratsvapnAtishAyI pR^ithutarasukhakR^itsthAna saMstho.api naijAM mAyAmAviShkaroti trividhaguNamayIM ku~nchitA~NghriM bhaje.aham || 285|| sAkaM gauryA himAdrernikaTavarataTe sa~ncharan yonijAsya\- svedodbhataM prabhAbhirvijitadinakaraM bAlamAhUya modAt | bhaumAbhikhyAmajAligrahayugamanR^iNAdhIshvaratvaM cha vAhaM shaktiM bhUShAM dadau taM divicharavinutaM ku~nchitA~NghriM bhaje.aham || 286|| yasmindR^iShTe parasminna chalati hi mano dehabhAjAM kadAchit yasmAtkutrApi nAnyo bhavati cha paramo devatAsArvabhaumaH | eko dAdharti tirya~N nijavapuShi jagatprotamotaM samastaM taM chitraM chitranR^ittapramuditagirijaM ku~nchitA~NghriM bhaje.aham || 287|| kashchidbhUpAlasUnurvR^iShabhamunivarasyopadeshAt yadIyAM shaivIM vidyAM japanyatkavachanutimapi prAptakAmo babhUva | taM sharvaM vArijAkShadruhiNasurapati pretanAthAgnirakShaH\- pAshIvAyvIshayakShadyumaNishashinutaM ku~nchitA~NghriM bhaje.aham || 288|| yadra~NgasvarNakumbhaM dinakR^idanudinaM vIkShya merubhrameNa rathyaM saMrudhya madhye kShaNamapi nivasan yatsaparyAsujAtam | ghaNTAbhA~NkAraghoShaM trishatadashamakhIvedamantrAshcha bhUyaH shrutvA tillIvanAkhyaM puramiti manute ku~nchitA~NghriM bhaje.aham || 289|| kaNThe kAlo lalATe hutabhuguragarADbhUShaNaM charma vastraM bhUtirgandho vihAyo nilayamatha punaH puShpavantau cha netre | vR^ittirbhikShA svakAryaM naTanamagasutA premakAntA gajAsyaH sUnuH yasyAtichitraM samajani sadayaM ku~nchitA~NghriM bhaje.aham || 290|| yatsaMsatsvarNabhittiM paritaranupamAssvarganAryaH karAbjaiH AdarshAdyaShTabhadraM kanakamaNimayaM yasya tuShTyai vahantyaH | sevAM kurvanti pa~nchAvaraNamadhigatairbrahmavidyeshapUrvaiH stutyaM taM chitrakUTasthitibhiratha suraiH ku~nchitA~NghriM bhaje.aham || 291|| bhaktAstraiShaShTisa~NkhyA dvijamukhakulajA yatsaparyAvisheShaiH sArUpyaM yasya nAmnAM muhurapi paThanAt yasya sAmIpyasiddhim | sAlokyaM yasya bhaktiprakaraNajanatAsa~NgasambhAShaNAdyaiH sAyujyaM yasya bhAvAdanupamamabhajanku~nchitA~NghriM bhaje.aham || 292|| yashchitrastambhakakShyAmadhivishadakhila prANivargAn vishuddhAn kurvan kashchin mahAtmA puruShamR^igatanuryogirAD yatsabhAyAH | pUrvasmindvAradeshe nivasati hR^idaye santataM yaM vichinvan taM devaM chidvilAsaprakaTitanaTanaM ku~nchitA~NghriM bhaje.aham || 293|| bheje traisha~NkavIyAM sthitimapi cha gale yasya shambhoH karAlaH kShvelaH kalpAntakAlajvalanakabalanajvAlakallolakIlaH | sAta~NkAhAryajAyAssabhayamadhubhido vAraNapreraNAbhyAM bhUyo bhUyastamAdyaM jaladagalaruchiM ku~nchitA~NghriM bhaje.aham || 294|| lokeShvadvaitavidyAM prakaTayitumanA yassvayaM kR^ittivAsAH modAtsarvaj~napIThasthitijuShamamalaM sha~NkarAkhyaM yatIndram || svAMshAnnaijA~NghripUjAprashamitatamasAM bhUsurANAM kulAbdhau utpAdyAnvagrahIttaM shukamunivinutaM ku~nchitA~NghriM bhaje.aham || 295|| pAtAle martyaloke divi cha purariporyAni yAni priyANi kShetrANyAsaMstadantaHsthitimadhijuShatAM li~NgaberAdimAnAm | hetuH shrImUlanAthaH shivajanimavaro yatsabhodIchibhAge kakShyAyAM bhAti nityaM tamakhilajanakaM ku~nchitA~NghriM bhaje.aham || 296|| brahmansR^iShTiM yathAvatkimapi cha kuruShe bho hare rakShakatvaM sAdhyaM te rudra bhAvaM mama cha vahasi kiM pAlyate.asau trilokI | kenAnuShThIyate kiM bhuvi cha munivarairyaj~na ityaM svasevA\- namraM yo devavargaM mudayati vachasA ku~nchitA~NghriM bhaje.aham || 297|| nirmAtR^INAM ghaTAnAM kulajaladhimaNirnIlakaNThAbhidho.ayaM pashyannityaM munInAM nayavachanagaNairyogirATpratyayArtham | svastrIdaNDAgrahastassarasi sashapathaM gAhamAnaH prapede tAruNyaM yatprasAdAttamanaNumaguruM ku~nchitA~NghriM bhaje.aham || 298|| lAsyaM draShTuM yadIyaM shikhini dashashirAMsyAjuhAvAtibhaktyA rakShonAthastathAdrernikaTa bhuvi phaNAmaNDalaM bhogirAjaH | anye devAshcha daityAH tapasi cha kaThine svAM tanUM nirdahanto jAtAssiddhAshcha sAdhyA naraharivinutaM ku~nchitA~NghriM bhaje.aham || 299|| svAmin saMsAravArdhAvadhikabhayakare dustare pAshanakra\- chChanne magnAntaraM mAmanadhigatasadAchAravR^ittiM shaThAgryam | dInaM tvatpAdapUjAvimukhamaghayutaM rakSha rakShetyajasraM sarve lokAshshrayante yamapi sadasi taM ku~nchitA~NghriM bhaje.aham || 300|| yadyapyaishvaryabhAjo vidhiharimukharAssanti devA jagatyAM teShAM kashchidyugAnte nahi punaraparo rudra eko maharShiH | devo vishvAdhiko.agryo bhavati vibhuriti prAhurashrAntavAchaH vedA yaM pa~nchabhUtaprabhavalayakaraM ku~nchitA~NghriM bhaje.aham || 301|| yasmAchchandrArdhachUDAnmR^iduhasitamukhAnnIlakaNThAt triNetrAt vedAntodgItavR^ittAdvidhiharijanakAt vishvamAyAvilAsAt | vAmAvAmA~NgabhAgAt bhasita varatanoH chitsabheshAt mamaitat cheto nAnyaM surendraM smarati naTapatiM ku~nchitA~NghriM bhaje.aham || 302|| bAlye krIDAvimugdhaH punarahamabhavaM yauvane mInaketoH lakShyo lajjAvihInaH paramudara bhR^itau kAkavatsArvakAlam | deshAddeshAdaTaMstvatpadayugajalajaM nArchayaM pApayogAt sarvaM tatkShamyatAmityayamahamabhajaM ku~nchitA~NghriM bhaje.aham || 303|| sadvR^ittAM sragdharA~NgAM vipulaguNavarAla~NkR^itiM ma~njupAka\- sthAyIshayyArasAdyairvibudhaparibR^iDhAhlAdirItiM suvR^ittim | vedAntArthaprabodhrIM suguNapadagatiM yo.asmadIyAM stutiM tAM a~NgIkurvansukhaM me pradishati guru taM ku~nchitA~NghriM bhaje.aham || 304|| yashshambhurnR^ittarANme prabalataramahAmantrasiddhiM pradatvA gurvIM yogasya siddhiM jananamR^itiharaM chAtmabodhaM mahAntam | sUtAdInAM vimuktipradamapi mahitaM gauravaM patramUlaM svaM nR^ittaM darshayitvA sukhayati nitarAM ku~nchitA~NghriM bhaje.aham || 305|| kroshaM kroshaM yadagre svapatimapi ratirmanmathaM shrIkumAraM shArdUlA~Nghreshcha Dimbhassukhataramabhajaddugdha kallolarAshim | stAvaM stAvaM vareNyaM gagananaTapatiM yaM cha vAchAmalakShyaM toShaM toShaM labhante sakalamapi janAH ku~nchitA~NghriM bhaje.aham || 306|| mandaM mandaM yadIyaM janima surasaridvArayA vyAsajAdyAH sekaM sekaM virAjo hR^idayamadhigataM yatpadaM bhAvayantaH | kAlaM kAlaM dahanto duradhigamatamaHkAnanaM j~nAnayogAt lAbhaM lAbhaM prabodhaM varasukhamabhajanku~nchitA~NghriM bhaje.aham || 307|| bhojaM bhojaM yadarchAjanitamanupamaM bhogamadhyAtmayogAt tAraM tAraM bhavAbdhiM vipulabhayakaraM yasya bhAvAtsudhIndrAH | dAhaM dAhaM hR^idantargatamatijaraThaM pAshavargaM yadarNaM jApaM jApaM ramante paramahasi pade ku~nchitA~NghriM bhaje.aham || 308|| bodha bodhaM yadIyaM naTanamanupamaM shrautatattvArthagarbhaM dhyAyaM dhyAyaM hR^idabje yamapi cha mahasAM pu~njamavyAjamUrtim | vAhaM vAhaM yada~NghriM manasi phaNitarakShva~NghriM jaiminyabhikhyAH prApussarve sadA yatsadasi nivasatiM ku~nchitA~NghriM bhaje.aham || 309|| vAchaM vAchaM mahAntaH shivaharagirijAkAntadevetipUtAH varjaM varjaM vivarjyaM bahutaraviShamakleshamAyAvimoham | tyAgaM tyAgaM kaThorAM trividhaparichayAmIShaNAkhyAM pishAchIM dhyAyanto yaM bhajante satatamapi shivaM ku~nchitA~NghriM bhaje.aham || 310|| dhAvaM dhAvaM sadA yatpriyakaranilayaM bhUtirudrAkShavargaiH bhUShaM bhUShaM svakIyAM tanumapi charitaM yasya vedAntagItam | karNaM karNaM nitAntaM triShavaNayajanaM brahmaniShThA yatIndrAH kAraM kAraM labhante bhavapadamabhavaM ku~nchitA~NghriM bhaje.aham || 311|| nAmaM nAmaM sadA yaM naTapatimalabhaM satkalatraM suputraM pAThaM pAThaM yadagre.apyakR^itakavachanAnyApamabjA kaTAkSham | vAraM vAraM vibhuM yaM havirahamadadAM saptatantuShvachintyaM nityaM nityaM prapadye sharaNamasulabhaM ku~nchitA~NghriM bhaje.aham || 312|| shrAvaM shrAvaM shrutibhyAM yadamala charitaM yatpadAmbhojamAdhvIM pAyaM pAyaM sabhAyAM mama cha rasanayA yaM prabhuM mAnasena | smAraM smAraM prasannaM shrutishikharagataM bhuktimuktipradaM yaM darshaM darshaM prabuddho.asmyatanubudhadR^ishA ku~nchitA~NghriM bhaje.aham || 313|| etatstotraM paThanti pratidinamasakR^idye mamomApatervA\- gudbhUtaM chitsabhAyAM virachita paramAnAndanR^ittasya shambhoH | agre labdhvA.akhileShTAniha tanayakalatrAdimAnAtmayaj~nAd ante kaivalyasa.nj~naM padamapi manujAssaMlabhantAM nitAntam || 314|| umApatirnAma vanAshramo.ahaM trayodashAdhikyashatatrayAnvitam | shrIku~nchitA~NghriMstavarAjamuktvA sAkShAdapashyaM naTanaM sabhApateH || 315|| iti shrImadumApatishivapraNItaH shrI ku~nchitA~NghristavaH sampUrNaH | ## Proofread by Aruna Narayanan \medskip\hrule\obeylines Please send corrections to sanskrit at cheerful dot c om Last updated \today https://sanskritdocuments.org \end{document}