% Text title            : Rishi Agastyaproktam Mrillingamahimopadesham 2
% File name             : mRRillingamahimopadesham2.itx
% Category              : shiva, shivarahasya, upadesha, advice
% Location              : doc\_shiva
% Proofread by          : Ruma Dewan
% Description/comments  : shrIshivarahasyam | ugrAkhyaH saptamAMshaH | adhyAyaH 27 madhyArjunamahimAnuvarNanam | 656-677||
% Latest update         : June 16, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Rishi Agastyaproktam Mrillingamahimopadesham 2 ..}##
\itxtitle{.. R^iShi agastyaproktaM mR^illi~Ngamahimopadesham 2 ..}##\endtitles ##
(shivarahasyAntargate ugrAkhye)
agastyaH (uvAcha)
ato mR^inmayali~Ngasya pUjanaM sarvakAmadam |
tuShTo bhavati gaurIsho yato mR^illi~NgapUjayA || 656||
sampUjya mR^inmayaM li~NgaM yo nityamanumodane(te) |
taddvAri mattamAta~NgAstiShThantyevAmitA mune || 657||
mune pArthivali~Ngasya pUjanaM sha~Nkarapriyam |
dharmArthakAma mokShANAmachireNaiva dAyakam || 658||
bhasmagomayavArkShAdi li~NgAnyapi sanAtana |
pUjanIyAni yatnena dhanadhAnyAbhivA~nChibhiH || 659||
mune bhasmAdi li~NgAni mokShadArnyApa vastutaH |
bhavanti bhaktatuShTyarthaM dhanadhAnyAnnadAnyapi || 660||
ekaikamapi talli~NgaM dhanadhAnyapradaM mune |
mokShadaM cha tathApyuktaphalaM bhavati tatkShaNaM(kShaNAt) || 661||
mune shivArchanaM yasmAchchaturvargaphalArthibhiH |
shivodadAti viShNutvaM santuShTo li~NgapUjayA || 662||
tathA brahmatvamindratvaM dadAtyeva maheshvaraH |
vinA tapobhirdAnaishcha kevalaM shivapUjayA || 663||
mune bhavantyabhIShTAni shrI maheshaprasAdataH |
yatpAdapadmamabhyarchya svanetrAbjena keshavaH || 664||
chakraM cha prApa gaurIshAtpUjanIyo mumukShubhiH |
stuvanti yaM sadAdevA vedAshchApistavonmukhAH || 665||
sa devadevo gaurIshaH pUjanIyaH prayatnataH |
yamAhurviShNujanakaM yamAhurjanakaM vidheH || 666||
yamAhurgirijAnAthaM yamAhurmandanAntakam |
sa devadevo gaurIshaH pUjanIyaH prayatnataH || 667||
yamAhuH skandajanakaM yamAhuH sarvagaM prabhum |
sa devadevo gaurIshaH pUjanIyaH prayatnataH || 668||
mune vishvAdhikaM rudraM yamAhuH shrutayo.akhilAH |
sa devadevo gaurIshaH pUjanIyaH prayatnataH || 669||
mune vishvAdhikaM rudramabhyarchyaM sarvakAmadam |
parityajyArchayantyanyAnamarAnpAmarA narAH || 670||
ko nu vishvAdhikAdrudrAdanyaM pUjayati bhramAt |
R^ite mahApAtakinaM pApiShThaM narakAshrayam || 671||
sarvadevottamaM sAmbaM yo nArchayati santatam |
durAtmA sa tu pApiShThaH sa surApaH sa pulkasaH || 672||
shivArchanaparo martyo na bibheti yamAdapi |
kiM punarjanma maraNajarArogAdibhiH (to) mune || 673||
yatashcharamadehAnAM shive bhaktiH prajAyate |
tato janmajarAdibhyo na bibheti shivArchakaH || 674||
mahadbhAgyaM shAmbhavAnAM shambhu saMsaktachetasAm |
yataH punarnajanmAdibhayaM teShAM mahAtmanAm || 675||
yasya shaivo bhavAmIti buddhirbhavati bhAgyataH |
sa dhanyaH kR^itakR^ityashcha mAnyaH sarvAmarairapi || 676||
dhanyAnAM shivabhaktAnAM matirnirmaladehinAm |
yadbhAgyaM tAdR^ishairbhogyamamarairapyapekShitam || 677||

|| iti shivarahasyAntargate vasiShThamuniprati R^iShi agastyaproktaM mR^illi~NgamahimopadeshaM 2 sampUrNam ||

\- || shrIshivarahasyam | ugrAkhyaH saptamAMshaH | adhyAyaH 27 madhyArjunamahimAnuvarNanam | 656\-677||
##
- .. shrIshivarahasyam . ugrAkhyaH saptamAMshaH . adhyAyaH 27 madhyArjunamahimAnuvarNanam . 656-677..

Notes:
Ṛṣi Agastya ##R^iShi agastya## delivers Upadeśa ##upadesha## (to Vasiṣṭha Muni ##vasiShTha muni##) about the merits of worshiping Śiva ##shiva##, especially through the form of Mṛnmayaliṅga/Mṛlliṅga ##mR^inmayali~Nga/mR^illi~Nga##.##
##
Proofread by Ruma Dewan 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}