% Text title            : Mrityunjaya Ashtakam 2
% File name             : mRRityunjayAShTakam2.itx
% Category              : shiva, aShTaka
% Location              : doc\_shiva
% Author                : Krishnananda Saraswati
% Proofread by          : Rajesh Thyagarajan
% Description/comments  : Minor works of Shri Krishnananda Saraswati
% Latest update         : November 6, 2025
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Mrityunjaya Ashtakam 2 ..}##
\itxtitle{.. mR^ityu~njayAShTakam 2 ..}##\endtitles ##
bhaktaikAntavashaMvadena bhavateM sa~NkupyatA vetsi ya\-
nmArkaNDeyamupadravanpurabhidA nirbhetsyase vakShasi |
sa svAmI mama sha~NkaraH shamana te darpaM vinetA punaH
yanmAmantimadurdashAgatamiva pratyeShi paryeShi cha || 1||
ashrAntaM prabhavApyayakrakachayorashrAntarApIDitaM
bhadraM bhAvi janurbhaviShyati punashsharmeti chintAyatam |
paryAvR^ittamidaM jagatparimR^ishan saMsArachakre bhR^ishaM
santrastashsharaNAgato.asmyasharaNo mR^ityu~njaya tvAmaham || 2||
yAvatsairibhavAhanaM sarabhasA.adhikSheparUkShAnanaM
baddhabhrUkuTidurnirIkShavikaTadhvastAkShamIkShe trasan |
tAvattvAmakala~NkachandrasubhagasmerAnanAmbhoruhaM
pashyeyaM vR^iShabhAdhirUDhamumayA sAnandamagresaram || 3||
kAyeShu vyathamAnamarmasu kaphe kaNThoparodhodyate
sIdadvR^ittiShu chendriyeShu manasi vyAmohamAseduShi |
paryaste bhiShaguttamaiH parijane bAShpAkulAkShe paraM
pashyeyaM paramesha te padayugaM nAhaM paretAdhipam || 4||
bhaiShajyAdbhiShaji sthite parijane paryAkulAkShe bhR^ishaM
truTyanmarmaNi varShmaNi pratibhaye kAle samAsIdati |
utkrAntishramamudbaNaM prashamayannuttu~Ngasatpu~Ngavo\-
pArUDho jagadambikAsahacharaH syAnme purastAnmR^iDaH || 5||
saMsIdatyasupi~njare bhayabharaklAntAntare jIvite
pratyAsIdati kAlaki~NkaragaNe chitte muhurmuhyati |
abrahmaNyaravashravA saha dayAsAraissamAshvAsayan
mA bhaiShIriti mAmupaitu bhagavAnArAdumAkAmukaH || 6|
krodhAvartitalochane kuTilitabhrUbha~Ngarau drAnane
solluNThasphuritAdhare sarabhasaM kAle samAsIdati |
santrAsavyathitAntarasya mama santrANAya sannahyate
shambho te tripurAntakAntaka haretyujjR^imbhatAM kAhalI || 7||
anva~nchaddruhiNAdikAryaniyamavyAsa~NgabhAji tvayi
pratyAsannakR^itAnta ki~NkarabhayaklAnte nitAntaM mayi |
shrImR^ityu~njaya sha~NkarAntakaripo devetyudAradhvaniH
shambho te jayakAhalI yamabhaTatrAsAya sa~njAyatAm || 8||
matkShemAya tavaupavAhyavR^iShabhagraiveyaghaNTAdhvanA\-
vArAda~nchati va~nchitAntakabhayaH prekSheya sAkShAdaham |
vitrAsadrutasairibhaM vinipatadvibhrAntasainyAkulaM
visrastAkhilashastramantakachamUmanvagyamaM vidrutAm || 9||
marmANi vyathayantu gADhakupitA nissandhibandhAni me
vyAkarShantvasupa~njaraM yamabhaTAH pAshairdR^iDhaM pAshitam |
santAmyantu mamendriyANi sakalAnyante paraM te vibho
chetashchumbatu kAlamAthicharaNaM tvAmambikArdhAsanam || 10||
nityaM yo niyataH paThatyavahito mR^ityu~njayAkhyastavaM
dhyAyannAtmani suprasannavadanAmbhojai bhavAnIpatim |
nirdhUtApamR^itissa jIvati chirAdante cha mR^ityu~njayaM
sAkShAtkR^itya mahIyate shivapade nishshokamohe sukham || 11||
shrIrAmabhadrayogIndracharaNAmbujareNunA |
kR^iShNAnandayatIndreNa kR^itaM mR^ityu~njayAShTakam |

iti kR^iShNAnandakR^itiShu mR^ityu~njayAShTakaM sampUrNam ||
##
Proofread by Rajesh Thyagarajan

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}