% Text title            : Chitraguptaproktam Mrityunjayamahimakhyanam
% File name             : mRRityunjayamahimAkhyAnamchitragupta.itx
% Category              : shiva, shivarahasya
% Location              : doc\_shiva
% Transliterated by     : Ruma Dewan
% Proofread by          : Ruma Dewan
% Description/comments  : shrIshivarahasyam | ugrAkhyaH saptamAMshaH | adhyAyaH 16 | 181.2-199||
% Latest update         : April 28, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Chitraguptaproktam Mrityunjayamahimakhyanam ..}##
\itxtitle{.. chitraguptaproktaM mR^ityu~njayamahimAkhyAnam ..}##\endtitles ##
chitraguptaH uvAcha \-
sampUjyaH shA~NkaraM li~NgaM bilvapatrAdibhirmudA |
svargApavargadAtAraM sha~NkaraM yo.archayiShyatiH || 217||
sa no mR^ityuvashaM yAti kalpakAle.apyasaMshayam |
abhIpsitArthadaM nityaM maheshaM yo.archayiShyatiH || 218||
sa no mR^ityuvashaM yAti kalpakAle.apyasaMshayam |
ananyasharaNo nityaM yo.archayiShyati sha~Nkaram || 219||
sa no mR^ityuvashaM yAti kalpakAle.apyasaMshayam |
mR^ityu~njayaM mahArudraM yo.archayiShyati sha~Nkaram || 220||
sa no mR^ityuvashaM yAti kalpakAle.apyasaMshayam |
sarvadevottamaM sAmbaM yo.archayiShyati sha~Nkaram || 221||
sa no mR^ityuvashaM yAti kalpakAle.apyasaMshayam |
mR^ityu~njayaM samabhyarchya bilvapatrAdisAdhanaiH || 222||
kAlamR^ityuM tarantyeva kimmutarhyapamR^ityavaH |
yatpUjayA purA viShNurviShNutvaM prApa durlabham || 223||
yatpUjayA purA brahmA brahmatvaM prApa durlabham |
tadarchanaparaH ko.api na mR^ityuvashameShyati || 224||
yatpUjayA vimuktishchApyayatnenaiva labhyate |
yatpUjayA vinashyanti bhIkarA ApadaH kShaNAt || 225||
tadarchanaparaH ko.api na mR^ityuvashameShyati |
yaH sarvarUpaH sarvAtmA sAkShI sakalakarmaNAm || 226||
tadarchanaparaH ko.api na mR^ityuvashameShyatiH |
yaH kAlakAlaH kAlAtmA kAlarUpI sadAshivaH || 227||
tadarchanaparaH ko.api na mR^ityuvashameShyati |
yastriNetro vishvakartA vishvasya paripAlakaH || 228||
tadarchanaparaH ko.api na mR^ityuvashameShyatiH |
yamarchayanti yogIndrAH sarvadA sAmbamIshvaram || 229||
tadarchanaparaH ko.api na mR^ityuvashameShyatiH |
sa eva sukhamApnoti sa evAkhilasampadaH || 230||
yasya nityaM mahAdeve bhaktiravyabhichAriNI |
tasyaiva janma saphalaM jIvitaM cha sujIvitam || 231||
tasyaiva jananI dhanyA tasyaiva kulamuttamam |
yasya nityaM mahAdeve bhaktiravyabhichAriNI || 232||
tasyaiva janako dhanyo dhanyastasya pitAmahaH |
yasya nityaM mahAdeve bhaktiravyabhichAriNI || 233||
tasyaivArogyamanishaM AyurvR^iddhiH kShaNe kShaNe |
yasya nityaM mahAdeve bhaktiravyabhichAriNI || 234||
tasyaiva bhAgyamutkR^iShTaM tasyaiva sakalotsavAH |
yasya nityaM mahAdeve bhaktiravyabhichAriNI || 235||
tasyaiva vimalaM j~nAnaM tasyaiva vimalaM manaH |
yasya nityaM mahAdeve bhaktiravyabhichAriNI || 236||
tasyaiva vimalaM shIlaM tasyaiva vimalaM yashaH |
yasya nityaM mahAdeve bhaktiravyabhichAriNI || 237||
adhItavedo bAlo.api mR^ityu~njayamanAmayam |
japatyayaM mayAmantraM pUjayitvA sadAshivam || 238||
mR^ityu~njayena mantreNa mR^iNmayaM li~Ngamuttamam |
samyagbilvatarormUle pUjayatyavalokaya || 239||
yastu bilvatarormUle shuddho mR^ityu~njayaM japet |
tasya mR^ityubhayaM nAsti satyaM satyaM mayochyate || 240||
bilvamUle mahAdevaM li~NgarUpiNamAstikaH |
pUjayatyatiyatnena mR^ityupAshavimuktaye || 241||
sidhyanti sampadastasya bilvamUle shivArchanAt |
yasyAstyananyagA bhaktirmahAdeve surottame || 242||
shivaikasharaNo yastu pUjayiShyati sha~Nkaram |
sa eva bhAgyavA.Nlloke yogyo mokShashriyo.api cha || 243||
bilvamUle bilvapatraiH kShIrapluShTairakalmaShaiH |
hutvA shaivena manunA golakShAdhipatirbhavet || 244||
bilvamUle bilvapatrairghR^itapluShTairakhaNDitaiH |
hutvA shaivena manunA labhante sampado.akhilAH || 245||
pUto yo bilvavR^ikShAdhaH shaivaM yadi manuM japet |
tadA sa gurusamprAptamantrasiddhiM cha vindati || 246||
asyApi janakaH shuddho mahAshaivottamo yataH |
tatastadupadiShTashcha mantro.asya saphalo dhruvam || 247||
jvalajjvalanasa~NkAshaM pashya shaivottamArbhakam |
uddhUlanatripUNDrAbhyAM rudrAkShairapi bhUShitam || 248||
rudrAkShaka~NkaNaH sAmbaM li~NgarUpiNamadvayam |
abhyarchayati pashyAmuM bilvapatrairakhaNDitaiH || 249||
Abrahmakalpametasya mR^ityurnaiva bhaviShyati |
siddhamR^ityu~njayamanorasya syAnmaraNaM katham || 250||
yasya mR^ityu~njayaH siddhaH sa cha mR^ityu~njayaH svayam |
tasya dUrataro mR^ityurdhyAyataH kimutApare || 251||
mR^ityu~njayati yo devaH sa tu mR^ityu~njayaH smR^itaH |
sa tu sha~Nkara eva syAdananyasahasho dhruvam || 252||
ye tu mR^ityu~njayaM nityaM pUjayanti japanti cha |
teShAM mR^ityubhayaM nAstiM satyaM satyaM na saMshayaH || 253||
ayaM shivaikasharaNaH shrImR^ityu~njayajApakaH |
kathaM mR^ityuvashaM gachChedatimR^ityurayaM dhruvam || 254||
bAlo.api balavAneSha mR^ityu~njayajapArchanAt |
ato dhikkaraNaM chAsya mayA kartuM na shakyate || 255||
mR^ityu~njayamupAshritya yo dhikkartuM na shakyate |
sa kiM shAsayituM shakyo mR^ityu~njayaparAyaNaH || 256||
yaM mR^ityu~njayamAshritya sthito.anyaiH pUjyate sadA |
sa kiM spraShTuM tvayA shakyo mR^ityu~njayapadAnugaH || 257||

|| iti shivarahasyAntargate chitraguptaproktaM mR^ityu~njayamahimAkhyAnaM sampUrNam ||

\- || shrIshivarahasyam ugrAkhyaH saptamAMshaH | adhyAyaH 16 | 181.2\-199||
##
- .. shrIshivarahasyam ugrAkhyaH saptamAMshaH . adhyAyaH 16 . 181.2-199 ..
##
##
Encoded and proofread by Ruma Dewan 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}