% Text title            : Mrityuproktam Shivarchanopadesham
% File name             : mRRityuproktaMshivArchanopadesham.itx
% Category              : shiva, shivarahasya, upadesha, advice
% Location              : doc\_shiva
% Proofread by          : Ruma Dewan
% Description/comments  : shrIshivarahasyam | ugrAkhyaH saptamAMshaH | adhyAyaH 23| vAvRittasholkAH||
% Latest update         : June 16, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Mrityuproktam Shivarchanopadesham ..}##
\itxtitle{.. mR^ityuproktaM shivArchanopadesham ..}##\endtitles ##
(shivarahasyAntargate ugrAkhye)
mR^ityuruvAcha
nityaM shiveti mantreNa pUjayasva sadAshivam |
naitasmAduttamo mantraH shreShTho vedeShvapIritaH || 348||
ayameva mahAmantrI mokShadaH sha~NkarAtmakaH |
ayameva sadA dhyeyo mantro muktyarthibhirnaraiH || 349||
etanmantrasya mahAtmyaM shivo veda na chetaraH |
vedairapi na vij~nAtaM tattvamasya manordhruvam || 350||
etasya tattvaM vij~nAtuM yatante yoginaH sadA |
tathApi tattvametasya j~nAtumeva na shakyate || 351||
tattvaM tu shivamantrasya yena j~nAtaM bhaviShyati |
tena tIrNa iti j~neyo ghorasaMsArasAgaraH || 352||
shiveti yaH paro mantraH sa paraMbrahma kathyate |
parabrahmasvarUpaM tu tato j~nAtuM na shakyate || 353||
tathApi paramo mantraH shivamantraH shrutishrutaH |
tatastenaiva mantreNa pUjanIyaH sadAshivaH || 354||
nityaM maheshapUjA chetkriyate bhaktipUrvakam |
tadA nashyanti pApAni buddhipUrvakR^itAnyapi || 355||
bilvapatrairmahAdevaM yaH pUjayati sha~Nkaram |
sa vidhAyApi pApAni na prApnotyeva tatphalam || 359||
navyairbilvadalairIshaM sampUjayati yaH pumAn |
sa vaMshakoTisaMyuktaH shivalokaM prayAsyati || 369||
bilvapatrairmahAdevaM bhasmadhAraNapUrvakam |
yaH pUjayati yatnena sa samprApnoti sha~Nkaram || 370||
duHkhaM cha mama nAstyeva shA~Nkare shaktikuNThanam (ne) |
mamApi shAsakA yasmAchChA~NkarAH sha~NkarapriyAH || 374||
na mR^ityubhayamApnoti shrImR^ityu~njayapUjakaH |
sarvathA sanyamityAha jAbAlopaniShatsvayam || 375||
ashA~NkarArthe sR^iShTo.asmi sha~NkareNa purA tataH |
ashA~NkareShu me shaktiH kuNThitA na bhaviShyati || 376||
prApyaM mR^ityukR^itaM duHkhamamR^ityu~njayapUjakaiH |
mR^ityu~njayArAdhakaistu tannaiva prApyate dhruvama || 377||
mR^ityu~njayAnyAH sarve.api janmamR^ityujarAdibhiH |
punaH punaH parikrAntAH duHkhitAH santi sarvathA || 378||
nityamavyabhichAreNa pramAdenavinA shivam |
yaH pUjayati yatnena sa na janmAdibhAgdhruvam || 379||
dadAti svechChayA lokAnsR^iShTvA pAti cha hanti cha |
saMhArechChA yadA shambhoH sarvaj~nasyAmitaujasaH || 390||
tadA saMhR^itya sakalaM svayameko.adhitiShThati |
sisR^ikShayA punaH sAmbaH sR^iShTvA sarvamidaM jagat || 391||
sa eva pAlanechChayAM pAlayatyeva sha~NkaraH |
utpattisthitisaMhArA jAyante sha~NkarechChayA || 392||
tatra yatnaM mahAdevo na karotyeva sarvathA |
shivechChayaiva kAryANi sidhyantyAbhUtasamplavam || 393||
tathA cha yatnaM kutrApi na karotyeva sha~NkaraH |
tatraiva yatnaH kriyate svechChayA yanna sidhyati || 394||
svechChAmAtreNa siddhe.arthe na yatnasya prayojanam |
devatAsArvabhaumasya svatantrasya pinAkinaH || 395||
ichChAmAtreNa sidhyanti sarvakAryANi sarvadA |
etAdR^ishaM mahAdevamapramAdena sarvathA || 396||
yaH pUjayati yatnena sa saMsAraM tariShyati |
saMsArataraNopAyaH sha~Nkarasyaiva pUjanam || 397||
yataH sa sha~NkaraH sAmbo bhaktasaMsAratArakaH |
parantvavyabhichAreNa sha~Nkarasyaiva pUjanam || 398||
yaH karoti sa saMsAraM taratyeva hi sarvathA |
saMsArataraNApekShA yasya jantorbhaviShyati || 399||
tena sarvAtmanA tyAjyaM shivAnyasurapUjanam |
sha~NkarAnye surAH sarve yataH saMsAriNastataH || 400||
tadarchanaM tu saMsAratArakaM ma bhaviShyati |
yena tIrNaH sa saMsAraH so.anyaM tArayituM kShamaH || 401||
saMsAriNaM na saMsArI tArayiShyati sarvathA |
andho yathAndhasaMlagnaH patatyeva pade made || 402||
tathA patati saMsAre sha~NkarAnyasurArchakaH |
shivaH pashupatirnityaH pashupAshavimochakaH || 403||
yataH pashupatirdR^iShTaH pashupAshavimochakaH |
viShNubrahmAdayo devA martyAshcha pashavaHsmR^itAH || 404||
tatpAshamochako devaH shivaH pashupatiH smR^itaH |
teShAM pashUnAM pAsho yaH sa saMsArastathA sati || 405||
tanmochako mahAdevAdaparo nAsti sarvathA |
pashuvAshavimokShAya sevyaH pashupatiH sadA || 406||
tasmAtpashupatiM sAmbaM pashupAshavimochakam |
pUjayasvApramAdena nityamavyabhichArataH || 407||

|| iti shivarahasyAntargate mR^ityuproktaM shivArchanopadeshaM sampUrNam ||

\- || shrIshivarahasyam | ugrAkhyaH saptamAMshaH | adhyAyaH 23| vAvR^ittashlokAH||
##
- .. shrIshivarahasyam . ugrAkhyaH saptamAMshaH . adhyAyaH 23 . vAvRRittashlokAH..

Notes:
Mṛtyu ##mR^ityu## delivers Upadeśa ##upadesha## (to Bhilla ##bhilla##) about the merits of worshiping Śiva ##shiva## especially with Śiva Mantra ##shiva mantra## that itself is Parama Brahma ##parama brahma##.
Mṛtyu ##mR^ityu## highlights the importance of worshiping Śiva ##shiva## as Mṛtyuñjaya ##mR^ityu~njaya## and Paśupati ##pashupati##.##
##
Proofread by Ruma Dewan 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}