% Text title            : Mahadevaproktam Shivanamamarmopadesham
% File name             : mahAdevaproktaMshivanAmamarmopadesham.itx
% Category              : shiva, shivarahasya, upadesha, advice
% Location              : doc\_shiva
% Proofread by          : Ruma Dewan
% Description/comments  : shrIshivarahasyam | ugrAkhyaH saptamAMshaH | adhyAyaH 23| 198-237||
% Latest update         : June 16, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Mahadevaproktam Shivanamamarmopadesham ..}##
\itxtitle{.. mahAdevaproktaM shivanAmamarmopadesham ..}##\endtitles ##
(shivarahasyAntargate ugrAkhye)
\- shivapArtavatIsaMvAde \-
pArvatyuvAcha |
bhagavan shrImahAdeva sarvalokashiva~Nkara . 198\.2
adyaikaM praShTumichChAmi tadvadasva kR^ipAnidhe |
aShTottarasahasraM tu nAmnAmuktaM tvayA purA || 199||
tAni nAmAni mukhyAni muktidAni na saMshayaH |
tatrApyatyuttamaM nAma kimastyekaM vadasva me || 200||
yannAmajapamAtreNa muktirhastagatA bhavet |
mahAdeva uvAcha |
shiva ityasti yannAma taddhi nAmottamottamam || 201||
tadeva paramaM brahma tadevAhaM varAnane |
shivanAmasvarUpeNa vyakta brahmAhameva hi || 202||
shivanAmAhameveti vijAnIhi yathArthataH |
tadavyaktaM paraM brahma vedAntapratipAditam || 203||
tattadeva vijAnIhi shiva ityakSharadvayam |
idaM vyutpattirahitaM shivanAma nira~njanam || 204||
nirAkAraM paraM brahma naitasmAdbrahma vidyate |
upAsitavyametaddhi brahmetyanvahamAdarAt || 205||
shiva ityakSharAkAramakSharaM brahma shAshvatam |
namaHpUrvaM yakArAntaM brahmedaM chAdya pUjyate || 206||
brahmasvarUpamApnoti brahmavidbrAhmaNo janaH |
evametadbrahmatattvaM yo vijAnAti tattvataH || 207||
sa brahmaviditi j~neyastadanyo brahma (vi) tanna hi |
brahmakoshaM chaturjAlaM yaM mR^ityurnAvapashyati || 208||
tadApyatItya prApnoti brahma brahmavidIdR^isham |
evamuktA mahAvidyA brahmavidyA mayAdhunA || 209||
gopanIyA prayatnena nAkhyeyA yasyakasya chit |
iyaM hi paramA vidyA mokShavidyeti gIyate || 210||
nAtaH paraM mokShavidyA sarvasvamiyameva hi |
tArakaM brahma paramaM shiva ityakSharadvayam || 211||
naitasmAdaparaM kishchittArakaM brahma sarvathA |
idameva paraM brahma kAshyAM malli~NgadhAriNAm || 212||
antakAloparaktAnAM mayA devyupadishyate |
malli~Ngamiti tajj~neyaM kevalaM bhasmadhAraNam || 213||
rudrAkShadhAraNaM tadvatkevalaM li~NgapUjanam |
pa~nchAkSharaM japennityaM rudrAdhyAyaM japettathA || 214||
somavAravrate niShThA matkathAshravaNe ratiH |
imAni mama li~NgAni yeShAmavyabhichArataH || 215||
tebhya eva para brahma mayA devyupadishyate |
idaM yattArakaM brahma shivanAmAbhidhaM shive || 217||
etasminbrahmaNi shraddhA na vinA madanugraham |
anantapuNyapUtAtmA madanugrahasaMyutaH || 217||
tArakaM brahma paramamidaM matvAdhitiShThati |
sarvathA dIpyate devi na yasminmadanugrahaH || 218||
na tasyAtra brahmabuddhirjanmakoTyarbudairapi |
brahmabuddhiH na yasyAtra ma saMsArI bhaviShyati || 219||
punaH punaH sa saMsArI narakaM chAdhigachChati |
madarthaM koTisho dharmAH kR^itA yenamuhurmuhuH || 220||
tasyAtra bhavati shraddhA brahmabuddhishcha jAyate |
paraM brahmedameveti yo jAnAti visheShataH || 221||
sa na saMsArabhAgbhUyo bhaviShyati varAnane |
anekakalpaparyantaM tapastaptaM bhavedyadi || 222||
tadA brahmedameveti vijAnAti visheShataH |
anekakalpaparyantaM yadi malli~NgadhR^igbhavet || 223||
tadA brahmedameveti vijAnAti visheShataH |
brahmavidyAmimAM devi yo.anyathA bhAvayiShyati || 224||
brahmavidyeyamadhunA tubhyamuktA mayA shive |
na mayoktA purAnyasmai satyaM satyaM na saMshayaH || 225||
tvayApyatyantabhaktAya brahmavidyeyamuttamA |
vaktavyAtivinItAya nAnyasmai tu kadAchana || 226||
vidyeyaM gopanIyaiva prayatnena varAnane |
yato mokShapradA vidyA seyameveti manmahe || 227||
tvamatyantapriyAsIti mokShavidyeyamambike |
tubhyamuktA mayA prItyA gopanIyApi vastutaH || 228||
\- \-
gautama uvAcha
ityuktAM paramAM vidyAmimAM j~nAtvA tadA shivA |
Achakhyau svakumArAya ShaNmukhAya shivAj~nayA || 229||
Achakhyau nandikeshAya kumAro girijAj~nayA |
agastyAya samAchakhyau sa kumAraj~nayA tataH || 230||
agastyo mahyamAchakhyau nandikeshAj~nayA tataH |
yuShmabhyamuktA vidyeyaM prasa~NgAdadhunA mayA || 231||
iyaM tu paramA vidyA durlabhA mokShadA dvijAH |
gopanIyA prayatnena dhyAtavyA cha prayatnataH || 232||
sadAshivashivetyeva shivanAmAnukIrtanam |
kartavyamatiyatnena muktikAmairaharnisham || 233||
yasyAstyavikalA buddhiH shivanAmAnukIrtane |
tasminnanugrahosstyeva mahAdevasya santatam || 234||
sha~NkarAnugR^ihItAnAM shivanAmAnukIrtanam(ne) |
bhaktirbhavati nAnyeShAM satyaM satyaM na saMshayaH || 235||
shiveti nAma vimalaM yena sAdaramuchyate |
tena ghoratarastUrNaM tIrNaH saMsArasAgaraH || 236||
shivanAmAgninevAyaM ghorasaMsArasAgaraH |
shuShyate tatra sahasA nAnyadastyeva shoShakam || 237||

|| iti shivarahasyAntargate mahAdevaproktaM shivanAmamarmopadeshaM sampUrNam ||

\- || shrIshivarahasyam | ugrAkhyaH saptamAMshaH | adhyAyaH 23| 198\-237||
##
- .. shrIshivarahasyam . ugrAkhyaH saptamAMshaH . adhyAyaH 23 . 198-237..

Notes:
Pārvatī ##pArvatI## requests Mahādeva ##mahAdeva## that even though He had previously revealed His AṣṭottaraSahasranāma ##aShTottarasahasranAma## of which all of the Names are capable of bestowing liberation; yet, She wishes to know about That One Name that brings about Mukti ##mukti## with japa ##japa##alone.
Mahādeva ##mahAdeva## delivers Upadeśa ##upadesha## about the Core Meaning of His DvyakṣaraNāma Śiva ##dvayakSharanAma shiva## as being the Nirākāra Parama Brahma ##nirAkAra parama brahma## as expounded in the Vedanta ##vedAnta##. The Name Śiva ##shiva## is Akṣarākāra AkṣaraBrahma ##akSharAkAra akSharabrahma##. The same is recited as Namaḥ Śivāya ##namaH shivAya##. He mentions thus about the japa ##japa## of Pañcākṣara ##pa~nchAkShara## and Rudrādhyāya ##rudrAdhyAya##.
The DvyakṣaraNāma Śiva ##dvayakSharanAma shiva## is Tāraka Brahma ##tAraka brahma##; and that this knowledge is the MahāVidyā ##mahAvidyA##, ParamāVidyā ##paramAvidyA##, MokṣapradāVidyā ##mokShapradAvidyA## and BrahmaVidyā ##brahmavidyA##.
Mahādeva ##mahAdeva## explains that He Himself initiates select-devotees to this Name; and that the inclination to worship Him thus arises only with His Grace - Śivānugraha ##shivAnugraha##.
Ṛṣi Gautama ##R^iShi gautama## shares that this ParamāVidyā ##paramAvidyA## was understood by Śivā ##shivA##, and with due instruction from Mahādeva ##mahAdeva## the same was passed on by Her to Her Son Ṣaṇmukha ##ShaNmukha## who further passed it on to Nandikeśa ##nandikesha##. It was subsequently passed on to Ṛṣi Agastya ##R^iShi agastya## who expounded it to him (Ṛṣi Gautama ##R^iShi gautama##). He iterates that those who recite the Śiva Nāma ##shiva nAma## with much devotion, continually receive Mahādevānugraha ##mahAdevAnugraha##; and that Śiva Nāma ##shiva nAma## is such a Fire that dries up the GhoraSaṁsāraSāgara ##ghorasaMsArasAgara## with such intensity that nothing else remains (to be dried further).
ṚṣiGautamaproktaṃ ŚivaNāmaMarmopadeśam ##R^iShigautamaproktaM shivanAmamarmopadesham## can be referred to in one of the links given below.
The link to the above mentioned ŚivĀṣṭottaraSahasranāma ##shivAShTottarasahasranAma## is also given below.##

##
Proofread by Ruma Dewan 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}