% Text title : Mahadevatapashcharyavarnanam % File name : mahAdevatapashcharyAvarNanam.itx % Category : shiva, shivarahasya % Location : doc\_shiva % Transliterated by : Ruma Dewan % Proofread by : Ruma Dewan % Description/comments : shrIshivarahasyam | IshAkhyaH dvAdashamAMshaH | adhyAyaH 8 mahAdevatapashcharyA | 1-68 || % Latest update : December 28, 2024 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Mahadevatapashcharyavarnanam ..}## \itxtitle{.. mahAdevatapashcharyAvarNanam ..}##\endtitles ## (shivarahasyAntargate IshAkhye) skanda uvAcha | tadA brahmA harishchaiva sadakSho vAsavaH surAH | natvA stutvA mahAdevaM yayurlokAn surAstadA || 1|| mahAdevo.api vishvAtmA brahmaNA parisantvitaH | jagAma gaNavR^indaishcha nandinA vishvanandinA || 2|| gaNAnAM garjanaishchaiva bherIpaTahagomukhaiH | kAhalaiH sha~NkhagoshR^i~NgairnadadbhiH gaNavaktrataH || 3|| nAnAChatra dharairanyaishchAmarAsaktapANibhiH | gaNendraiH ketuhastaishcha chandrasphATikanirmalaiH || 4|| bhasmabhUShitasarvA~NgairgaNendrairvaruNopamaiH | vR^iShArUDho mahAdevaH koTitrayagaNAvR^itaH || 5|| satyA viyogaduHkhena tapastaptuM mano dadhe | jagAma mandire tatra nAnAdruma virAjite || 6|| champakAshokapunnAgabakulaiH samala~NkR^ite | sAlatAlatamAlaDhye a~NkolakadalIyute || 7|| kapitthapUgahintAlarasAlapanasAvR^ite | pArijAtakasampUrNe nAnApakShivirAjite || 8|| puShpaguchChaikasubhagamiladbhR^i~NgakulAkule | parabhR^itsundaragirA pallavollAsimArute || 9|| nR^ityanmayUrakekAbhirnadannatyUhashobhite | haMsakre~NkArasarasIsArasaiH samala~NkR^ite || 10|| phullahallakapadmAlinIlotpala sukaumudaiH | kadambama~njarIlolasravatpuShparajovR^ite || 11|| galanmadhusravAlolashAkhAndolitamArute | bhramatsAra~NgamAta~Nga sa~NgharShitamahAdrume || 12|| utpuchChachamarIsa~Nghe saraghoDDInasa~Nkule | kastUrikAmR^igabhrAmyadgandhavAhaikasundare || 13|| kapotagalahu~NkArai golA~Ngulotthahu~NkR^ite | vAnarodarasambaddhastandhayakutUhale || 14|| shAkhAlIDheShu saMlIna shashivaktrakaNAdare | sapakShapakShivikShepaiH pakShipotaishcha bhAsure || 15|| kharorunakharotkIrNalikShAvIkShaNavAnare | naikadhAtushataishchitre vichitrakusumojjvale || 16|| shAkhAshatasahasrADhye davadhUmasamAkule | kadambakadalIpuShpavanAndolanasundare || 17|| girimastakasaMsrAvinirjharapravirAjite | palvalodataTAntasthagulmavallIgR^ihairyute || 18|| phullavallImahAvallIguchChahallIsa(Sha)shobhite | veNusa~NgharShaNotpannahavyavAhashikhAvR^ite || 19|| veNukrI~NkArabahule jhillIgaNavinAdite | hallIsa(Sha)lAsyaM kurvadbhirdrumahastaiH parasparam || 20|| mAta~NgabR^iMhitaravaiH kolaghargharaniHsvanaiH | ghargharaistAlapatrANAM nArikelaishcha shobhite || 21|| tadbhUtapatrasallUna pakvanArelatAlakaiH | samAvR^itA sA bhUrbhAti mAta~Ngamadapa~NkilA || 22|| vimalasvAdupAnIyairnaikaprasravaNairyute | nirUDhashaShpasampUrmabhUbhAgasamala~NkR^ite || 23|| vanagorasasantaptashilAtala virAjite | snigdhavarNamahAmUlasaTAvaTavirAjite || 24|| mandaM cha tatra gaNapairmahAdevo vR^iShAsthitaH | mahAdevasya devasya sha~NkarasyAmitAtmanaH || 25|| dIptamAdyatanaM tatra haimaM maNivibhUShitam | hemaprAkAra saMyuktaM maNitoraNamaNDitam || 26|| sphATikaiH suvichitraishcha gopuraishcha samanvitam | sihmAsanairmaNimayaiH shubhAstaramasaMyutaiH || 27|| ramyAdarshagR^ihaishchitraishchitrara~NgavichitritaiH vR^ikShapAShANaphalakaishchitritaiH saudhabhUShitaiH || 28|| vitAnatAnitaishchitrairdivyAstaraNikAvR^ite | padmarAgaiH puShparAgairnIlavaiDUryanirmitaiH || 29|| gomedavajramuktAchChavidrumaishcha virAjitaiH | maNDitaiH puShpamAlADhyairdhUpadIpasamAvR^itaiH || 30|| pramathairAvR^ite tatra veNu vINAbjanAdite | jhallarIsha~NkhapaTahabherIgomukhaDiDDimaiH || 31|| siddhadevarShigandharvairbrahmendrAdyamarairvR^itaiH | kimpuruShaistathA nAgairapsarogaNasevitaiH || 32|| gAyadgandharvanikarairvINAtantrIvirAjitaiH(vinAditaiH) | mandAraishchArushikharairupetaM sha~NkarastadA || 33|| dR^iShTvA na harShamApAtha mahAdevo maheshvaraH | tadA rudragaNaiH sArdhaM nishashvAsa muhurmuhuH || 34|| ruddhAhirADivAsvasthaH sthANuH sthANuriva sthitaH | tadA satIviyogArto babhUvAtIva vihvalaH || 35|| dR^iShTvA chandramasaM rAtrau phullamallIgaNAnilam | jighratsvA~NgamahAsarpapAraNAM vyadadhAddharaH || 36|| vinishvasan tadA devastapasyeva mano dadhe | vidhAya svAtmanAtmAnaM bhasmarUShitavigrahaH || 37|| tripuNDravilasadbhAlo rudrAkShA~Ngadaka~NkaNaH | jaTilAlakasanmaulipisha~NgitagiriprabhaH || 38|| prabhAvibhAsisomArkaH sundarAmalavigrahaH | soma dhAmavR^itottaMso mahAdevo maheshvaraH || 39|| utphullapuNDarIkAbhamukhamaNDalabhAsuraH | bhAlAnalAnilAlola netrA~njalasupakShakaH || 40|| udyadbhAnuprabhA bhAsivAmalochanasundaraH | pUrvapuNyasudhAdhAmamaNDalottu~NgadakShadhR^ik || 41|| chAmpeyakalikoddAmanAsApuTavirAjitaH | bimbaprabhAvadhikkAriradachChadavishobhitaH || 42|| svachChAdarshakapolodyatprabhAbhAsitadiktatiH | nAgakuNDala bibhrAjatkarNAvartavishobhitaH || 43|| shambAbhakaNThagarala kIlAlalitakandharaH | karishuNDAbhavR^ittorubAhudaNDavirAjitaH || 44|| chaturdashorubhavanasthAnAyitamahodaraH | vR^ittagambhIrasubhaganAbhIkUpavirAjitaH || 45|| trivalIlalitodAramR^igendrasamasatkaTiH | vyAghracharmaparIdhAnaH kR^ittivAsA maheshvaraH || 46|| rambhAvR^ittorusnigdhoru rukmadaNDapadadvayaH | pAdapadmayugAlIDhavyAlIma~njIraphUtkR^itiH || 47|| nAgahAro mahAdevastyaktvA chAyudhamuttamam | mR^igaTa~Nkau parityajya vaToruviTapAstR^ite || 48|| bhUtale.ajina saMstIrNe vyAghrAjina virAjite | yogapaTTAbhirAmeNa pAdAvAbadhya chAnyataH || 49|| bhasmA~NgarAgasubhagadehakAntivirAjitaH | nAsAgranyastanayano bhaganetranipAtanaH || 50|| ugro.apyaMvyagramanasA indriyANyatha saMharan | vishvataH parameshAnaH rudro vishvAdhikaH prabhuH || 51|| AtmAnamAtmanA dhyAyan bAhyavyApAravarjitaH tamasaH paramaM sAkShAt brahma tannirguNaM param | chaturthaM shivamadvaitaM pUrNAtpUrNataraM shivaM vishvatashchakShuShaM devaM vishvatomukhamIshvaram || 52|| sarvendriyaguNAtItaM sarvendriyavivarjitam | AkAshakoshaM vishveshaM chetanAnAM cha chetanam || 53|| nira~njanaM shivaM nityaM vyApyavyApakavarjitam | bhUtaM bhavyaM bhaviShyachcha yadbhAvyamabhayaM param || 54|| parAtparaM sAkShiNaM cha vishvasmAduttarottaram | amR^itaM paramaM dhAma sImA puchChapratiShThitam || 55|| R^itaM satyaM paraM dhAma vR^iddhaM brahma sanAtanam | aNoraNuM mahAntaM tamIshAnaM vishvatomukham || 56|| purIshayaM guhAsaMsthaM avasthAtItamIshvaram | shAshvataM dhruvamakShayyaM kSharAkSharavilakShaNam || 57|| apANipAdajaghanamachakShurghrANamIshvaram | anakShighrANarasanaM sarvendriyaguNAtigam || 58|| shAshvataM shAntagambhIravedyaM vedyavivarjitam | rasaM paraM haraM tAraM praNavaM nAdabodhitam || 59|| yogasA~NkhyadurApaM taM sarvAtmAnaM guNAtigam | vedavedAntasaMvedyaM vishvAtmAnaM sanAtanam || 60|| bhAvAbhAvaikarahitaM hR^idayaM sharaNaM shivam | pratyagdR^ishyamanaupamyaM sarvadR^iksarvahR^idgatam || 61|| vedavedyaM natadvedyamabhedyaM dvaitavarjitam | AnandaM vyApakaM bodhaM sarvachaitanyabodhadam || 62|| bahurUpamarUpaM cha chidghanaM bhAnabhAnakam | shivaM turIyamadvaitaM sarvAntaryAminaM haram || 63|| vishvAtmAnaM vishvarUpaM vR^ittivAgrUpavarjitam | sUkShmaM sUkShmapratIkAshaM vAchyavAchakavarjitam || 64|| na divyaM nAntarikShaM cha vedAshramavivarjitam | AnandarUpamamR^itaM sadaikarasamadvayam || 65|| akhaNDaikarasaM devaH svAtmAnaM svAtmani sthitam | nishchalasthANuvatsthANuratiShThadgaNasevitaH || 66|| dashasAhasramabdAnAM evaM tepe tapo haraH || 67|| kumAra uvAcha | svAtmAnamAnandamakhaNDabodhaM vedAntasAraM parameshvaraM tadA | svAtmAnamAlokya sanAtanaM shivaM na veda ki~nchAnyadapIshvarastadA || 68|| || iti shivarahasyAntargate subrahmaNyaproktaM mahAdevatapashcharyAvarNanaM sampUrNam || \- || shrIshivarahasyam | IshAkhyaH dvAdashamAMshaH | adhyAyaH 8 mahAdevatapashcharyA | 1\-68 || ## - .. shrIshivarahasyam . IshAkhyaH dvAdashamAMshaH . adhyAyaH 8 mahAdevatapashcharyA . 1-68 .. Notes: Śiva ##shiva## departs from the scene of the Dakṣādhvara ##dakShAdhvara## along with His gaṇa-s ##gaNAH## et al and finds a suitable place where He settles into deep yogic meditation performing tapaḥ ##tapaH## for a very long time.## ## Proofread by Ruma Dewan \medskip\hrule\obeylines Please send corrections to sanskrit@cheerful.com Last updated \today https://sanskritdocuments.org \end{document}