॥ श्रीमहाकालभैरवस्तोत्रम् ॥

ॐ महाकाल महाकाय महाकाल जगत्पते । महाकाल महायोगिन् महाकाल नमोऽस्तु ते ॥ १॥ महाकाल महादेव महाकाल महाप्रभो । महाकाल महारुद्र महाकाल नमोऽस्तु ते ॥ २॥ महाकाल महाज्ञान महाकाल तमोऽपहन् । महाकाल महाकाल महाकाल नमोऽस्तु ते ॥ ३॥ भवाय च नमस्तुभ्यं शर्वाय च नमो नमः । रुद्राय च नमस्तुभ्यं पशूनां पतये नमः ॥ ४॥ उग्राय च नमस्तुभ्यं महादेवाय वै नमः । भीमाय च नमस्तुभ्यं ईशानाय नमो नमः ॥ ५॥ ईशानाय नमस्तुभ्यं तत्पुरुषाय वै नमः ॥ ६॥ सद्योजात नमस्तुभ्यं शुक्लवर्ण नमो नमः । अधः कालाग्निरुद्राय रुद्ररूपाय वै नमः ॥ ७॥ स्थित्युत्पत्तिलयानां च हेतुरूपाय वै नमः । परमेश्वररूपस्त्वं नील एवं नमोऽस्तु ते ॥ ८॥ पवनाय नमस्तुभ्यं हुताशन नमोऽस्तु ते । सोमरूप नमस्तुभ्यं सूर्यरूप नमोऽस्तु ते ॥ ९॥ यजमान नमस्तुभ्यं आकाशाय नमो नमः । सर्वरूप नमस्तुभ्यं विश्वरूप नमोऽस्तु ते ॥ १०॥ ब्रह्मरूप नमस्तुभ्यं विष्णुरूप नमोऽस्तु ते । रुद्ररूप नमस्तुभ्यं महाकाल नमोऽस्तु ते ॥ ११॥ स्थावराय नमस्तुभ्यं जङ्गमाय नमो नमः । नमः स्थावरजङ्गमाभ्यां शाश्वताय नमो नमः ॥ १२॥ हुं हुङ्कार नमस्तुभ्यं निष्कलाय नमो नमः । अनाद्यन्त महाकाल निर्गुणाय नमो नमः ॥ १३॥ प्रसीद मे नमो नित्यं मेघवर्ण नमोऽस्तु ते । प्रसीद मे महेशान दिग्वासाय नमो नमः ॥ १४॥ ॐ ह्रीं मायास्वरूपाय सच्चिदानन्दतेजसे । स्वाहा सम्पूर्णमन्त्राय सोऽहं हंसाय ते नमः ॥ १५॥ ॥ फलश्रुति ॥ इत्येवं देव देवस्य महाकालस्य भैरवि । कीर्तितं पूजनं सम्यक् साधकानां सुखावहम् ॥ १६॥ । ॥ श्रीमहाकालभैरवस्तोत्रं सम्पूर्णम् ॥ Encoded and proofread by Pranav Tendulkar pranav.tendulkar at gmail.com

% Text title            : mahAkAlabhairavastotram
% File name             : mahAkAlabhairavastotram.itx
% itxtitle              : mahAkAlabhairavastotram
% engtitle              : mahAkAlabhairavastotram
% Category              : shiva
% Location              : doc_shiva
% Sublocation           : shiva
% Author                : Traditional
% Language              : Sanskrit
% Subject               : philosophy/hinduism/religion
% Transliterated by     : Pranav Tendulkar pranav.tendulkar at gmail.com
% Proofread by          : Pranav Tendulkar pranav.tendulkar at gmail.com, NA
% Latest update         : February 19, 2017
% Send corrections to   : Sanskrit@cheerful.com
% Site access           : http://sanskritdocuments.org
This text is prepared by volunteers and is to be used for personal study and research. The file is not to be copied or reposted for promotion of any website or individuals or for commercial purpose without permission. Please help to maintain respect for volunteer spirit.

BACK TO TOP