% Text title            : mahAmRityuMjaya kavacha 1
% File name             : mahaamRikavacha.itx
% Category              : kavacha, shiva
% Location              : doc\_shiva
% Author                : Traditional
% Transliterated by     : WebD
% Proofread by          : Ravin Bhalekar ravibhalekar at hotmail.com
% Description-comments  : rUdrayAmala\_tantra
% Latest update         : January 02, 2005, January 13, 2008
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. mahAmRityu.njaya kavacha ..}##
\itxtitle{.. mahAmR^ityu~njayakavacham ..}##\endtitles ##
shrI gaNeshAya namaH |
bhairava uvAcha |
shR^iNuShva parameshAni kavachaM manmukhoditam |
mahAmR^ityu~njayasyAsya na deyaM paramAdbhutam || 1||
yaM dhR^itvA yaM paThitvA cha shrutvA cha kavachottamam |
trailokyAdhipatirbhUtvA sukhito.asmi maheshvari || 2||
tadevavarNayiShyAmi tava prItyA varAnane |
tathApi paramaM tattvaM na dAtavyaM durAtmane || 3||
viniyogaH
asya shrImahAmR^ityu~njayakavachasya shrIbhairava R^iShiH\,
gAyatrIChandaH\, shrImahAmR^ityu~njayo mahArudro devatA\,
OM bIjaM\, jUM shaktiH\, saH kIlakaM\, haumiti tattvaM\,
chaturvargasAdhane mR^ityu~njayakavachapAThe viniyogaH ||
OM chandramaNDalamadhyasthaM rudraM bhAle vichintya tam |
tatrasthaM chintayet sAdhyaM mR^ityuM prApto.api jIvati || 1||
OM jUM saH hauM shiraH pAtu devo mR^ityu~njayo mama |
OM shrIM shivo lalATaM me OM hauM bhruvau sadAshivaH || 2||
nIlakaNTho.avatAnnetre kapardI me.avatAchChrutI |
trilochano.avatAd gaNDau nAsAM me tripurAntakaH || 3||
mukhaM pIyUShaghaTabhR^idoShThau me kR^ittikAmbaraH |
hanuM me hATakeshano mukhaM baTukabhairavaH || 4||
kandharAM kAlamathano galaM gaNapriyo.avatu |
skandhau skandapitA pAtu hastau me girisho.avatu || 5||
nakhAn me girijAnAthaH pAyAda~Ngulisa.nyutAn |
stanau tArApatiH pAtu vakShaH pashupatirmama || 6||
kukShiM kuberavaradaH pArshvau me mArashAsanaH |
sharvaH pAtu tathA nAbhiM shUlI pR^iShThaM mamAvatu || 7||
shishrnaM me sha~NkaraH pAtu guhyaM guhyakavallabhaH |
kaTiM kAlAntakaH pAyAdUrU me.andhakaghAtakaH || 8||
jAgarUko.avatAjjAnU ja~Nghe me kAlabhairavaH |
gulpho pAyAjjaTAdhArI pAdau mR^ityu~njayo.avatu || 9||
pAdAdimUrdhaparyantamaghoraH pAtu me sadA |
shirasaH pAdaparyantaM sadyojAto mamAvatu || 10||
rakShAhInaM nAmahInaM vapuH pAtvamR^iteshvaraH |
pUrve balavikaraNo dakShiNe kAlashAsanaH || 11||
pashchime pArvatInAtho hyuttare mAM manonmanaH |
aishAnyAmIshvaraH pAyAdAgneyyAmagnilochanaH || 12||
nairR^ityAM shambhuravyAnmAM vAyavyAM vAyuvAhanaH |
urdhve balapramathanaH pAtAle parameshvaraH || 13||
dashadikShu sadA pAtu mahAmR^ityu~njayashcha mAm |
raNe rAjakule dyUte viShame prANasa.nshaye || 14||
pAyAd oM jUM mahArudro devadevo dashAkSharaH |
prabhAte pAtu mAM brahmA madhyAhne bhairavo.avatu || 15||
sAyaM sarveshvaraH pAtu nishAyAM nityachetanaH |
ardharAtre mahAdevo nishAnte mAM mahomayaH || 16||
sarvadA sarvataH pAtu OM jUM saH hauM mR^ityu~njayaH |
itIdaM kavachaM puNyaM triShu lokeShu durlabham || 17||
phalashruti
sarvamantramayaM guhyaM sarvatantreShu gopitam |
puNyaM puNyapradaM divyaM devadevAdhidaivatam || 18||
ya idaM cha paThenmantrI kavachaM vArchayet tataH |
tasya haste mahAdevi tryambakasyAShTa siddhayaH || 19||
raNe dhR^itvA charedyuddhaM hatvA shatrU~njayaM labhet |
jayaM kR^itvA gR^ihaM devi samprApsyati sukhI punaH || 20||
mahAbhaye mahAroge mahAmArIbhaye tathA |
durbhikShe shatrusa.nhAre paThet kavachamAdarAt || 21||
sarva tat prashamaM yAti mR^ityu~njayaprasAdataH |
dhanaM putrAn sukhaM lakShmImArogyaM sarvasampadaH || 22||
prApnoti sAdhakaH sadyo devi satyaM na sa.nshayaH
itIdaM kavachaM puNyaM mahAmR^ityu~njayasya tu |
gopyaM siddhipradaM guhyaM gopanIyaM svayonivat || 23||

| iti shrIrudrayAmale tantre shrIdevIrahasye
mR^ityu~njayakavachaM sampUrNam |
##
Proofread by Ravin Bhalekar ravibhalekar@hotmail.com

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}