% Text title            : Gayatrikrita Maheshvara Stuti
% File name             : maheshvarastutiHgAyatrIkRRitA.itx
% Category              : shiva, stuti, shivarahasya
% Location              : doc\_shiva
% Proofread by          : Ruma Dewan
% Description/comments  : shrIshivarahasyam | harAkhyaH tRitIyAMshaH | pUrvArdham | adhyAyaH 2| 57-73 ||
% Latest update         : May 6, 2023
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Gayatrikrita Maheshvara Stuti ..}##
\itxtitle{.. gAyatrIkR^itA maheshvarastutiH ..}##\endtitles ##
namo namaste.astu mahesha tubhyaM namo namaste vR^iShabhadhvajAya |
namo namaste girijAdhavAya vidyAsvarUpAya namo namaste || 1||
namo namaste paramAtmane namaH svargApavargaprada bharga shambho |
bhavatpadAmbhojavilokanena sukhAmbudhirmayyanuvR^ittimApa || 2||
ApatkulaM naShTamanantamIsha tvatpAdapadyArpitachittavR^itteH |
shubhAspadatvaM samavApya shambho prasannachitto.api bhavennaro.api || 3||
aNoraNIyAn mahato mahIyAn AtmA guhAyAM nihito.asya jantoH |
tamakratuH pashyati vItashoko dhAtuH prasAdAnmahimAnamIsham || 4||
umAsahAyaM parameshvaraM prabhuM trilochanaM nIlakaNThaM prashAntam |
dhyAtvA munirgachChati bhUtayoniM samastasAkShiM tamasaH parastAt || 5||
avyaktarUpaM paramAtmatattvaM na veda vedAntaparishrame.api |
j~neyaM parantvIshvarapAdapadmaM prasAda vij~neyamiti pramA me || 6||
na yatsvarUpaM tava vedadR^iShTaM na dR^iShTamIshAnasurairapIdam |
mayA paraM bhAgyavashena dR^iShTaM bhAgyasya ko vA bhagavanniyantA || 7||
yatpAdapadmasmaraNapravR^ittAH kR^itAntavArtAmatiduHsahAM tAm |
vihAya chAnandajalAbdhimagnAH saMsAratApairna cha pIDitAH syuH || 8||
maheshvara shrIcharaNAravindaM nidhAya chittAmbujakarNikAyAm |
AnandadhArAvR^itasachCharIrAM surAH prapashyanti narA na dhIrAH || 9||
yadi kShaNaM vA shivapAdapadmaM hR^itpadmasaMviShTamatiprakR^iShTam |
prakR^iShTa evAtinikR^iShTajanmApyutkR^iShTajanmA sa tu kiM punaH syAt || 10||
svargApavargapradamIshvaraM tvAM bhajanti dhanyAH paramantarAyaiH |
vinA vimuktAghaparamparAste samastalokeShu kilAstikAste || 11||
anantakalyANaparamparAsu tiShThanti te sha~NkarapUjakAste |
nAnyat prapashyanti kadApi dhIrAH dhIrAsta eveti vichAritAshcha || 12||
mAya prasAdo.api kR^itastvayA.ayaM tvatpAdasandarshanadAnarUpaH |
Anandakando.ayamanukShaNaM me sUte mahAnandanidhAnamIsha || 13||
kAruNyapUrNAmbudhimIshvara tvAM smR^itvA.api santoShamahAbdhipUrNAH |
dR^iShTvA bhavantaM bhagavantamIsha ko vA na tR^iptaH tarasA sukhena || 14||
anukShaNaM tasya shubhAni shambho sukhAni sampajjalarAshayo.api |
yasyAnapAyA tvayi bhaktirIsha sA tAvadatyantasudurlabhA na || 15||
yenApramAdena kR^ito.asti dharmo mahesha pAdArchanarUpa eva |
tasyaiva tadbhaktishubhapravAhaH na durlabhaM kiM nu satAmadhIsha || 16||
shambho yathA bhargapadapravesho mantre madIye.api tathA prasAdaH |
bhavatvayaM me bhagavan varo.asya varatvamityeva matirmamAstu || 17||

|| iti shivarahasyAntargate gAyatrIkR^itA maheshvarastutiH sampUrNA ||
\- || shrIshivarahasyam | harAkhyaH tR^itIyAMshaH | pUrvArdham | adhyAyaH 2| 57\-73 ||
##
- .. shrIshivarahasyam . harAkhyaH tRRitIyAMshaH . pUrvArdham . adhyAyaH 2. 57-73 ..

Proofread by Ruma Dewan

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}