% Text title            : Maheshvara Tushtikarana Stuti by Narada Veda Devas
% File name             : maheshvaratuShTikaraNastutiHnAradavedAdisurANAMvirachitA.itx
% Category              : shiva, shivarahasya, stuti
% Location              : doc\_shiva
% Proofread by          : Ruma Dewan
% Description/comments  : shrIshivarahasyam | bhargAkhyaH panchamAMshaH | adhyAyaH 6| 22-50||
% Latest update         : June 18, 2023
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Naradavedadisuranamvirachita Maheshvara Tushtikarana Stuti ..}##
\itxtitle{.. nAradavedAdisurANAMvirachitA maheshvaratuShTikaraNastutiH ..}##\endtitles ##
nAradaH \-
    hara hara purahara bhavAbdhipAra smarahara sha~Nkara tArya pArya vArya |
    garakandhara bhUdharorumAla dhR^itashUlAvR^itakAla bAlapAla || 22||
    shashikhaNDashikhaNDamaNDane vidhimuNDAmalahastamaNDale |
    dhR^itanAgasukuNDalorugaNDe tvayi cheto vidadhAmi sha~Nkare || 23||
    sA~NgopaniShado vedAstadA tuShTuvurIshvaram |
R^igvedaH \-
    sakalAmaratulyamekamIshaM bhagavantaM manute vimUDhachetAH |
    vadatIyaM shrutirIsha bahvR^ichAnAM mAtvarudravachogaNairmahesha || 24||
    bhavarogaharauShadhapradhAne bhiShajAM nAyaka ityapi shrutiH |
    paramaMho girirUpiNo.api ye vai bhagavaMstvaM hi jalAShabheShajaH || 25||
yajurvedaH \-
    saMsAraghorajanitAM rujamAshu chesha sadyo vinAshaya mahesha kR^ipAmburAshe |
    tvAM rudramAhurakhilAgamatatvasArAH dhIrAstvadIyachaturA vinivR^ittamArAH || 26||
    satvAnastava he maheshvara mahAdeveti nAmAmR^itaiH (stutvAnastava)
          lokaM shokabhayAgnidagdhatR^iNakaM si~nchanti varShanti cha |
    tebhyashchAkaravaM praNAmamadhunA vedo.api vakti svayaM
          tvadbhakteShva khileShu pAhi dayayA vishvesha sarvasvayA || 27||
sAmavedaH \-
    tvaM sAmastomabhUmA maduditanamasAM pAtramIshastvamAdyo
          vaidyaH sarvairabhedyastvadhipatiriti yatkShetramitrAdivAkyaiH |
    annAnAM patireka eva dhanapastvAM stobhagAnAtmakaiH
          gItairgAyati gAnalola bhagavan sAmashrutiH sha~Nkaram || 28||
    shambho shAkvararaivataishcha bhagavan vairAjamAhendrakaiH
          raudrairdevavratAdyaiH pratipadanamasAM rAshibhiH stobhagumbhaiH |
    tvAM stavyaM stuvate maheshvara sadA sAmashrutInAM gaNo
          rAjadrAjanahikR^iteH pratipadairAdyantarairbhUskR^itaiH || 29||
atharvaNaH \-
    yo vai rudreti mantraiH pratipadanamasAM rAshibhistvAmatarkya
          tarkAdInAmagamyaM praNavapadahitaM sUkShmabuddhayAdi pashyan |
    pashyantyete yamitakaraNA vA~Nmano j~nAnamAtmA
          shAntyA bud.hdhyA prasannastvamasi hi bhagavannantarAyAdvihInaH || 30||
    ajAtastvaM devaH shrutishikharavaryaikavachanaiH
          bhavAnIsho vaktraM tava cha bhava yAmyaM bhavaparam |
    sa gachChedatyantaM janimaraNanAshAya sharaNaM
          sharaNyaM shambhuM tvAM sharaNada vareNyaM prabhumaho || 31||
o~NkAravaShaTkArau \-
    devastvaM namasAM patiH shrutishatairbhItyA namontaiH padaiH
          AdyantoparidhArayadbhavaharApArArthasaMsUchakam |
    stomaM vo ChAdyarudraiH shrutipadatilakaiH bahvR^ichaistaittirIyaiH (stomaM chochchArarudraiH)
          sAmnAM devavratAnAmakhilashivataro ratnabhUtastvamIshaH || 32||
    svAmadhvare shaMsitAraH stuvanti rathantaraM sAmagAshchopayaM (gAM) ti |
    adhvaryavaH kalpayante cha bhAgaM somAtmakaM chAdhvaresha prasIda || 33||

    aparNAramaNaM dR^iShTvA suparNagatiruttamam prA~njaliH |
    shrImaheshAnaM tuShTAva praNatastadA || 34||
viShNuH \-
    somastvaM janitA jaga~njanayitA viShNostathA brahmaNaH
          sutrAmNaH pavanasya vahnijanakaH pR^ithvIdivoH shItagoH |
    aryamNo janakamtvameva bhagavan devAsurANAM punaH
          vishvaM tvadbhavameva sarvamadhunA vedo.api vakti svayam || 35||
    agnIShomamayaM jagachChrutigaNaiH sarvatra sampUjyate
          tasmAtsarvajagadgataM cha bhagavan vahnishcha somAtmakam |
    rudro vA eSha chAgniH shrutipadashatakairnAtha ekastvamIDyaH
          somashchomAmahesha prakR^itipuruShajaM vishvametadvichitram || 36||
    haMsamantnAkSharagataM haMsavAho maheshvaram |
    prA~njalI rudramantraishcha tuShTAva jagadIshvaram || 37||
brahmA \-
    aruNataraNisaMsthaM tAmramAshAsya mIshaM
          nIlagrIvamudAradikShu satataM rudraH sadAsaMvR^itam |
    jyok pashyema suchakShuShA sulalitaM vishveshamatyAdarAt
          AgopAlaghaTodacheTibhiraho dR^ishyaM sadA yogibhiH || 38||
    babhrurbabhrusha ityapi shrutishatairuchchaistavamR^idghuShya se
          krUrAn krandayase ripUn pR^itanayA patrIsha jejIyase |
    satvAnastava dhIvase sukhayituM pApaM tadIyaM punaH (dhAvase)
          nishsheShaM sahase tamIsha dayayA j~nAnena puShNAsi tAm || 39||
    sukumArakumAreNa kekikaNThaikavAhinA |
    saMstutaH parameshAnastadA prA~njalinA shivaH || 40||
skandaH \-
    tvatto na ojasvitaro.asti devaH patiH pashUnAM mahimA pratiShThaH |
    tvalli~NgasampUjanamAtratuShTAH syAmo rayINAM patayo vayaM hi || 41||
    tvamAtman mahAtman sukhAtman bhavaghnaH pradoShe svadoShaikanAshe.astadoShe |
    tvadIyaM mahAli~Ngasa~NgaM kadAchit sa muktiM labhetaiva bhAvo visa~NgaH || 42||
    nadaddviradavaktreNa shuNDAdaNDena rAjatA |
    saMstutaH parameshAnaH praNatArtiharo haraH || 43||
gaNapatiH \-
    tvamugro.ahamavyagra eva tvadIyaM padAbjaM samagraM madIyaiH phaNIndraiH |
    yamodagradurgrAhasa~NgrAmamArgaM na pashyAmi shashvat prapannaH prapannaH || 44||
    sudhAmaNDalAkhaNDalochchaNDatejaH sphuranmerukodaNDapANe.akhilANDam |
    tvadAj~nAvashaM daNDitArAtiShaNDaM samuchchaNDamuNDAriNIsha prapannaH || 45||
    paThachChrIrudrasUktena munivrAtena sha~NkaraH |
    sumanogaNavarSheNa jayashabdena bhUriNA || 46||
    saMstutaH parameshAnashchandrArdhakR^itashekharaH || 47||
munayaH \-
    pugaM midaM tvAmabhitaH praNonumo AShADhamugraM sahamAnamIsham |
    jetAramIshaM na kuto.aparAjitaM dhanurdharaM hetidharaM natAH smaH || 48||
    bhUrerdAtAraM satpatiM rudrasUktaiH stoShyAmastvAM bhAvayuktA gR^iNImaH |
    tasmAdasmAn rakSha rakShesha shambho grAme hyasminnAturaM naiva bhUyAt || 49||
devAH \-
    bhagavaMstava sundarA~NghripadmaM puruhUtAmaravR^indasannutam |
    praNatAH sma punaH punarmudA shamitAsheShadurantaduHkhajAlam || 50||

|| iti shivarahasyAntargate nAradavedAdisurANAMvirachitA maheshvaratuShTikaraNastutiH sampUrNA ||

\- || shrIshivarahasyam | bhargAkhyaH pa~nchamAMshaH | adhyAyaH 6| 22\-50||
##
- .. shrIshivarahasyam . bhargAkhyaH panchamAMshaH . adhyAyaH 6. 22-50..

Notes:
The shlokas numbers are maintained per the referenced source text.

Proofread by Ruma Dewan

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}