% Text title            : Mainakaprati Himavanproktam Shivarchanopadesham
% File name             : mainAkapratihimavAnproktaMshivArchanopadesham.itx
% Category              : shiva, shivarahasya, upadesha, advice
% Location              : doc\_shiva
% Proofread by          : Ruma Dewan
% Description/comments  : shrIshivarahasyam | ugrAkhyaH saptamAMshaH | adhyAyaH 27 madhyArjunamahimAnuvarNanam | vAvRittashlokAH||
% Latest update         : June 16, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Mainakaprati Himavanproktam Shivarchanopadesham ..}##
\itxtitle{.. mainAkaprati himavAnproktaM shivArchanopadesham ..}##\endtitles ##
(shivarahasyAntargate ugrAkhye)
himavAnuvAcha
vayaM shivaikasharaNAstato.asmAkaM sadAshivaH |
shubhapradaH shubhAkAro dAsyatyeva shubhAni naH || 299||
sharaNaM yAnti ye nityaM mahAdevamumApatim |
duHkhAni na bhaviShyanti teShAM svapne.api sarvathA || 301||
tAvadeva hi duHkhAni vividhAni sharIriNAm |
yAvannArAdhyate bhaktyA bhagavAnambikApatiH || 302||
pUjayitvApi gaurIshaM yadi duHkhamavApyate |
vedAH pramANamiti dhIH pramArUpA kathaM bhavet || 303||
astAdreryadyudetyarkastadApi shivapUjakaH |
na prApnotyeva duHkhAni svapne.apIti matirmama || 304||
loke shivArchanAdanyannAsti shokavinAshakam |
satyametatpunaH satyamuddhR^itya bhujamuchyate || 305||
sarvaM pApakR^itaH pApaM vinashyati shivArchanAt |
naShTe pApe kutaH shokaH nAnApAtakahetukaH || 306||
na bhaviShyati vishvAso yeShAmIshvarapUjane |
teShAM bahUni pApAni bhaviShyanti na saMshayaH || 307||
yeShAmIshvarapUjAyAM vishvAsaH satataM bhavet |
sadA teShAM bhaviShyanti shobhanAni sukhAni cha || 308||
ata eva mahAdevaM sarvalokamaheshvaram |
pUjayantyatiyatnena munayo duHkhanAshakam || 309||
hR^idi kShaNaM kShaNArdhaM vA dhyAyedyaH pArvatIpatim |
sa nApnotyeva duHkhAni kadvAchidapi sarvathA || 310||
maheshadhyAnamamalaM duHkhAraNyadavAnalaH |
satyametatpunaH satyaM satyameva na saMshayaH || 311||
maheshasmR^itimAtreNa mahApAtakakoTayaH |
nashyanti duHkhadAH sadyaH shalabhA iva vahnigAH || 312||
mahApralayakAle vA ghorAyAM vA mahApadi |
na prApnuvanti duHkhAni shivArchanaparAH suta || 313||
karmaNA manasA vAchA shivamabhyarchayanti ye |
teShAM shubhapradaH sadyaH prasIdati maheshvaraH || 314||
yamAdapi na bhIsteShAM yeShAM bhaktirmaheshvare |
bhaktirmAheshvarI yasmAtsarvasaubhAgyadAyinI || 315||
dhanyAste kR^itapuNyAste kR^itArthAste sadA priye |
stuvanti pArvatInAthaM pUjayanti cha sAdaram || 316||
ye pUjayanti vidhivat kIrtayanti cha sha~Nkaram |
teShAM hR^idi mahAdevaH shubhadastiShThati dhruvam || 317||
tvamapyatyantayatnena li~NgamUrti maheshvaram |
sarvaduHkhavinAshArthaM pUjayasva vidhAnataH || 318||
kuruShva mR^iNmayaM li~NgaM tasminpUjaya sha~Nkaram |
tatra sampUjitaH shambhuH sadyastuShTo bhaviShyati || 319||
sa santuShTo mahAdevo dadAtyeva sukhaM sadA |
adeyaM shivabhaktAya maheshAya na vidyate || 320||
viShNutvaM yo dadau viShNorviShNunetrArchitaH shivaH |
sa sarvadA sukhaM tubhyaM pUjitaH samprayachChati || 321||
brahmaNA yo.architaH sAmbo brahmatvaM brahmaNe dadau |
sa sarvadA sukhaM tubhyaM pUjitaH samprayachChati || 322||
indrArchito ya indrAya prAdAdindratvamIshvaraH |
sa sarvadA sukhaM tubhyaM pUjitaH samprayachChati || 323||
R^iShibhiH pUjitaH shambhustebhyo mokShaM dadau shivaH |
sa sarvadA sukhaM tubhyaM pUjitaH samprayachChati || 324||
apArakaruNAsindhurjagadApannivArakaH |
na hariShyati kiM shokaM tava putra sa sha~NkaraH || 325||

|| iti shivarahasyAntargate mainAkaprati himavAnproktaM shivArchanopadeshaM sampUrNam ||

\- || shrIshivarahasyam | ugrAkhyaH saptamAMshaH | adhyAyaH 27 madhyArjunamahimAnuvarNanam | vAvR^ittashlokAH||
##
- .. shrIshivarahasyam . ugrAkhyaH saptamAMshaH . adhyAyaH 27 madhyArjunamahimAnuvarNanam . vAvRRittashlokAH..

Notes:
Himavān ##himavAn## delivers Upadeśa ##upadesha## to his son Maināka ##mainAka## about worshiping Śiva ##shiva##, especially in form of Mṛlliṅga ##mR^illi~Nga##.##
##
Proofread by Ruma Dewan 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}