% Text title            : Shri Malayaraja Stuti 02 15
% File name             : malayarAjastutiH.itx
% Category              : shiva, stuti
% Location              : doc\_shiva
% Proofread by          : Aruna Narayanan
% Description/comments  : From stotrArNavaH 02-15
% Latest update         : July 25, 2021
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Malayaraja Stuti ..}##
\itxtitle{.. shrImalayarAjastutiH ..}##\endtitles ##
yo na dhiyAmadhigamyastasya kutaH sambhavo girAM vR^itteH |
staumi tathApi bhavantaM manoratho yAtyabhUmimapi || 1||
yAmi manovAkkAyaiH sharaNaM karuNAkaraM jagannAtha |
janmajarAmaraNArNavataraNakaraNDaM tavA~Nghriyugam || 2||
sarvata eva shrutimAn sarvagatashcheti gIyase sadbhiH |
ata idamarhasi bhagavan sthAgo kR^ipaNAdvachaH shrotum || 3||
sharaNamasi saMshrayo hyasi gatirasi nAtho.asi sarvabhUtAnAm |
bhUtesha tena te mayi vij~nAyAtikShamA kAryA || 4||
yenAShTadhA vibhajya prajAsu hitahetunA tanurdhattA |
kastAdR^ishaM na yAyAttvAmiha karuNAkaraM sharaNam || 5||
praNatajanarakShaNena kShaNamekaM kAlakAla vAmena |
trinayana samagradarshin dAsajanaM chakShuShA pashya || 6||
pAtAlaM divamatha vA gachChAmi palAyya yadi digantaM vA |
tatrApi trAtA me mR^ityornAnyastvayaiva vinA || 7||
kAlavyAdho dhAvati bhagavannAsannameva hantuM mAm |
krandAmi tvAmIshaM pAshachChedAya tenArtaH || 8||
AsannamaraNamasharaNamunmArgabhramaNakhinnamavasannam |
trAyasva shiva samAshritamandhamadhastAtpatitaM mAm || 9||
parilulitakamaladalagatajalalavachalametadAyurapayAti |
tvadbhaktishcha na sulabhA punariti matvA prasIda vibho || 10||
prANairviyojya jantuM tyajati ripurjagati pApashIlo.api |
mR^itamapi na vimu~nchati yastrAyasva tato.ariShaDvargAt || 11||
gAyantaM cha rudantaM shAntaM kR^ipaNaM hasantaM cha |
rakSha vibho mAmArtaM gR^ihItamAshApishAchikayA || 12||
bhavamarumArgabhramaNashrAntasya shiva prasIda dInasya |
tvayi(tvan)mAnase prasanne shAmyati tIvrA hi me tR^iShNA || 13||
yasminnipatitameva grasate rAgorago mahAbhogaH |
dehi vibho bhavakUpe triyambakAlambanaM patataH || 14||
yenaikameva sarvaM dvaitena tvAM mahesha pashyAmi |
saddR^iShTipratibandhaM Chindhi mamAj~nAnatimiraM tat || 15||
bhagavanstribhuvanabhayakR^itkR^itAntakR^iShNAhidaMShTrayA daShTaH |
tR^iShNAbhidhAnayA yastvameva tannirviShIkuruShe || 16||
mohamahAvyAdhimimaM deva chikitsasva dushchikitsaM me |
bhiShajaM bhaiShajyaM cha tvAM hi mahAntaH prashaMsanti || 17||
taM devanarakahutavahabahulajvAlAkalApasantApam |
tvaddR^iShTirvR^iShTiriva prashamayatu shiva prasIda vibho || 18||
deva mahAkAruNika prasIda karuNArdrayA dR^ishA pashya |
shAmyati yayA mano me duHsahaduHkhAnalajvalitam || 19||
shiva shiva bhagavan bhagavan andhamanAthaM cha rakSha rakSha vibho |
tava pAdapIThalagnaM harati haThAdeva mR^ityurmAm || 20||
atikR^ipaNamArtamasharaNamAkrandantaM vashIkR^itaM pAshaiH |
AkrAntamantakabhaTairmAM shiva sharaNAgataM rakSha || 21||
sharaNAgatAnasharaNAn maraNabhayAbhidrutAn drutaM dayayA |
rakShAmyahamiti mayyapi kuru pratij~nAM vibho saphalAm || 22||
paramAtman parameshvara vettha mamAntassthameva deva tvam |
yadi tava charaNAmbujayoH svapne.apyahamanyathAchetAH || 23||
sarvesha sarvashakte sarvaga sarvaj~na sharva sarvAtman |
tyaktasya deva bhavatA bhavitA nAnyo mama trAtA || 24||
kamaparamadhunA yAche ka~ncha krandAmi mandapuNyo.aham |
kamasharaNaH sharaNaM vA vrajAmi deva tvayA tyaktaH || 25||
dIneShu dayA kAryetyAryeShu kR^itA tvayaiva maryAdA |
Arya tvaM tvayyeva hi dainyaM mayyeva hi paryAptam || 26||
kiM tyajasi mAmanAthaM nAtha kathaM te dayA na mayi dIne |
pApinamapi sharaNAgatamasharaNamujjhanti na mahAntaH || 27||
trAtari sarvagate tvayi shivanAmani nAma paramakAruNike |
deva dishaH kathametAH sa~njAtAstrANashUnyA me || 28||
ubhayamasambhAvyamidaM sukhamiha duHkhaM tvadAshrite.anyatra |
kaH shraddadhAti tuhinaM dahane dAhaM cha shItAMshau || 29||
krandantameva deva tvamapi yadIshAna saMshritaM tyajasi |
tadasharaNaM sharaNAgatavatsalatAM hanta nihantyeva || 30||
abhyarthitaH prasIdasi bhagavannityapi mamaiSha kuvikalpaH |
jagadarthamarthitastvaM kurvan bahudhA tanuM kena || 31||
suchiraM mayA na sevitamiti shiva na trAyase na tadghaTate |
kiM sadya eva pItaM nAmR^itamajarAmaraM kurute || 32||
parituShTe kila bhagavan svAtmani tuShTiM dadAsi lokAnAm |
tuShTe.api tvayi duHkhaM na shrutapUrvaM kadAchidapi || 33||
tvayi nikhiladuHkhahantari hR^idayagate duHkhituM na yuktaM me |
udite bhagavati bhAsvati timiramanaShTaM kva vAdR^iShTam || 34||
kShaNamapi yatra mahAnto vasanti tatrApado vinighnanti |
vasasi sadA mama hR^idaye duHkhitvaM kimidamAshcharyam || 35||
dArayati dAruNamidaM duHkhaM dahatIva me hR^idayam |
viphalIbhavati bahuphalo yadyatsa~NkalpakalpataruH || 36||
yasyechChayaiva gachChati jagadakhilaM sambhavaM cha nAshaM cha |
tatra tvayyapi shambho sati duHkhaM hA hato.asmi tataH || 37||
tava charaNasharaNagamanAnno bhagnA nApadaH sapadi yachcha |
AtmA tena mamAyaM bhagavannindyastvavandyashcha || 38||
chintAmaNimapi labdhvA kaShTamabhavyo daridra evAsmi |
shivamapi sharaNaM gatvA maraNabhayAdyanna mukto.asmi || 39||
tribhuvanamapyuddhartuM tvadbhaktAH shaktatAM gatAH sarve |
ahamiha punaravasannaH pApI svayameva saMsAre || 40||
vyagraH samagrashakte dAsajanAnugrahaH kvAsau |
bhavato yato na mAM prati samprati karuNAyate chetaH || 41||
shvetahitAya kR^itAntaM kR^itavAnasi bhasmasAdyayA sahasA |
sA tava bhagavan karuNA niShkaruNA mayi kathaM jAtA || 42||
pApAH pApaghnAnAM kR^ipaNAH karuNArdrachetasAM satatam |
taruNAH karuNAkShetraM bhavAdR^ishAM mAdR^ishA eva || 43||
dInaM dayArdrahR^idayAstrAyante bhavAdR^ishA upetya vibho |
tvaM tu mayi yAchamAne na trAtA chitrametadaho || 44||
naiShA kR^ipA kR^ipAvan paramesha visheShavR^ittinA(tA)yeyam |
dIneShu dayAvantaH santaH sAmyena vartante || 45||
tava dAsabhAvamapunardAsyAyaivaM vadanti yadi santaH |
lobhahatakasya dAsyaM tadiha mamAdyApi nAtha katham || 46||
adya shvo vA maraNaM trANaM tvatto na me.asti gatiranyA |
bhrAmyati tAmyati truTyati muhyati shuShyati cha mama chetaH || 47||
dharaNitalena kalevarametanme kAShThavadyAvat |
tAvatprasIda sIdati na hi te sharaNAgato jagati || 48||
Avishati vivashametachcheto yAvanna mohapAtAlam |
tAvatprasIda sIdati na hi te sharaNAgato jagati || 49||
dhanino dhanena dhanyAH sevante tvAM guNaishcha guNino.api |
etattu bhaktimAtraM sarvasvaM me gR^ihANa vibho || 50||
pApAtmako.ayamiti mayi vijugupsAM mA kR^ithA jagannAtha |
jagati na tadasti pApaM harati na yatte.a~NghrisaMsmaraNam || 51||
hutavahanichayo himatAM tuhinaM dahanatvametu kadAchidapi | (cha kadAchit |)
na tu tava charaNasmaraNaM moghamamoghasmR^iterbhavati || 52||
divamadhirohatu dharaNI tArAnikaro.api luThatu bhUmitale |
na tu tava charaNasmaraNaM moghamamoghasmR^iterbhavati || 53||
mukhakamalamabhimukhaM kuru dehi vacho jaladanAdaghanaghoSham |
yattu sadAbhayadAnaM bhItevochchaiH samuchcharasi || 54||
vij~nApayAmi kiM vA nAtha bahu tvAM kR^itAntabhayabhItaH |
nAj~nAnaM te ki~nchit madbhakterAtmashakteshcha || 55||
iti taruNakaruNamuchchaiH kR^ipaNasyAkranditaM mamAkarNya |
nAtha tathA kuru kR^ipayA kR^ipaNeShu yathochitaM tvattaH || 56||
jagati tava shaktiratulA sakalajagadghasmarA rayAtsapadi |
kAmo.api lIlayaivaM nayanAnalashalabhatAM yAtaH || 57||
kulishaM kusumati dahanastuhinati vArAM nidhiH sthalati |
shatrurmitrati viShamapyamR^itati shiva shiveti pralapato bhaktyA || 58||
ArtamanAthamasharaNaM dustarabhavabha~NgasAgare magnam |
uddhara rakSha vilokaya paripAlaya mAM jagannAtha || 59||
yadidamanuchitaM dayAlo nAtha mayAkranditaM kR^itAntabhayAt |
etat kShamasva bhagavannArtatayA kimapi na kriyate || 60||
svalpAbhogA bhogA bha~NgI priyasa~Ngamo galatyAyuH |
chalamakhilamityavekShya vrajati janaH sha~NkaraM sharaNam || 61||
Artena malayanAmnA vij~naptastvaM mayA jagannAtha |
sharvaH sarvArtiharastena syAtsarvalokAnAm || 62||
shashabhR^idiva shItalatve shiva deva shivasvabhAva eva tvam |
abhyarthyatAM prayAtaH kaShTaM manmandapuNyatayA || 63||
yA kupitakR^itAntamukhatrastAnAM jagati bhavati gatirekA |
tAM bhaktavatsala vibho namAmi shambho bhavadbhaktim || 64||
tvannAma yathA sulabhaM bhagavan bhUtesha mAdR^ishasyApi |
machchetaH prArthayate tvAmetAM durlabhAM bhaktim || 65||
vidyA yauvanamAyuH priyasya sa~Ngo vibhUtirArogyam |
yugapadapi sulabhametanna punarudArA bhavadbhaktiH || 66||
tena tvAmeva vibho yAche tAM durlabhAM bhavadbhaktim |
viphalA dAtari na tvayi vA~nChA vallIva kalpatarau || 67||
jAtasya divyabhavane tiryagyonau manuShyayonau vA |
sA me sadaiva bhUyAttvayi bhaktiracha~nchalA bhagavan || 68||
paDvargavipinakR^intanasannishitakuThAradhArayA satatam |
sA me sadaiva bhUyAttvayi bhaktiracha~nchalA bhagavan || 69||
yA paramaj~nAnA~NkurasampaddhanavimalabahulajaladhArA |
sA me sadaiva bhUyAttvayi bhaktiracha~nchalA bhagavan || 70||
shaivajananayanamaNiniShyandanachandradhArA yA |
sA me sadaiva bhUyAt tvayi bhaktiracha~nchalA bhagavan || 71||
iti rachayati sma bhagavata indukalAshekharasya malayAkhyaH |
bhaktyA bhaktistotraM bhave bhave bhaktirevAstu || 72||

|| iti shrImalayarAjastutiH sampUrNA ||

##
Proofread by Aruna Narayanan

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}