% Text title            : Mankanakrita Shiva Stuti 1
% File name             : mankaNakRRitAshivastutiH1.itx
% Category              : shiva, stuti, shivarahasya
% Location              : doc\_shiva
% Transliterated by     : Ruma Dewan
% Proofread by          : Ruma Dewan
% Description/comments  : shrIshivarahasyam | IshvarAkhyaH dashamAMshaH | adhyAyaH 9 | 8-18||
% Latest update         : September 8, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Mankanakrita Shiva Stuti 1 ..}##
\itxtitle{.. ma~NkaNakR^itA 1 shivastutiH ..}##\endtitles ##
(shivarahasyAntargate IshvarAkhye)

ma~NkaNaH
he shambho bhagavanmahesha girijAjAne na jAne vibho
tvattattvaM shashisa~Ngara~njitamahAga~NgAtara~Ngodyata |
vidyutpu~njasamAdhikAvR^itajaTAjUTaM niTAlekShaNaM
devaM devashikhAmaNe garagalodAraM haraM sha~Nkaram || 8||
mArApArasharAtibhIkarakaNAsAreNa saMhAriNaM
bho bharga trijagachCharaNya charaNAmbhojaprabhAbhAvataH |
bhasmoddhUlita kAminIvaradhR^itArdhA~NgA~Ngasa~Nga prabho
tvatto vedmi na chaiva deva kusurodAraM varaM pAmaram || 9||
hAraM dhIrataraM mamaiva hR^idayaM jAnAsi shambho.adhunA
vIkShAshikShitamanmathAndhakapuraM dakShAdidIkShApaham |
tryakShaM bhikShitamauniyoShitamumAkAntaM kShapeshA~NkitaM
ukShA~NgasthitamaprameyavibhavAdhyakShaM hi vIkShe kadA || 10||
bhakShIbhUtagaraM bhavArNavaharaM pakShIndravAhArchitam || 11||
somAvataMsa varasAmasugIta shambho
nirdhUtakAma girijAparipUrNakAma |
niH sImabhUmamahiman bhagavannamaste
tvaM vyomadhAma garimAladhimAsamashcha || 12||
tvachChAsanaM bhasitameva bhavAdiroga\-
saMshAmanaM shamanabhedanameva shambho |
tadbheShajaM bhavati bhUtikaraM mahesha
pAraM bhavedbhavasAritpatitAraNAya || 13||
limpannilimpapadavImadavIyasIM vai
yAtyeva tadbhasitabhAlatalo hi (.api) jantuH |
mR^itsnAmalIkatilakaM tvalike hi bibhra\-
tkR^itsnaM mahAghanichayaM sa labheta shambho || 14||
yo nityaM bhasitatripuNDrarahito hA AhitAgnAvadho
(yo nityaM bhasitatripuNDrarahito vahnau juhoti dvijaH)
bhagno yAtyanuvAsaraM sa nitarAM nagno vibhUtiM vinA |
shAvAspR^ishyasamaM tadIyamadhunA dehaM hi dAhopamaM
hA hA hanta bhaveta pAtakakaraM tryakShAdhunAdrakShaye || 15||
(hA hA hanta bhaveta pAtakakaraM tryakShAdya pashyAmyaham) || 15||
tasyAnukShaNadurmukhAdhamamukhaM dR^iShTaM cha duHkhAspadaM
yAtyevAnudinaM sa shAvajamahAspR^ishyopamaH sUtakI |
ghorAM yAti cha yAtanAM yamakR^itAM niHsImakAmAtigAM
tasyoddhAraparamparAsu na harirvAchAM patirno surAH || 16||
bhANDAstarka vitarkakarkashadhiyo bhasmatripuNDrojjhitA\-
ste sauryuddhatabAhudaNDavidhR^itaprochchaNDadaNDAhatAH |
dhArAkhaDga nipAtanAdhamamahAmuNDAdiShaNDAkulAH
kodaNDorusharAbhighAtasumahAdehA dravantyArtavat || 17||
shivArchanaparau karau shivavilokane lochane
shivadhvanipare shrutI shivanamovinodaM shiraH |
aho paramadurlabhaM kimapi bhAgyamasmAdR^ishAM
shivaikaviShayaM manaH shivapativratA bhAratI || 18||

|| iti shivarahasyAntargate ma~NkaNakR^itA shivastutiH 1 sampUrNA ||

\- || shrIshivarahasyam | IshvarAkhyaH dashamAMshaH | adhyAyaH 9 devastutiH | 8\-18||
##
- .. shrIshivarahasyam . IshvarAkhyaH dashamAMshaH . adhyAyaH 9 devastutiH . 8-18..

##
##
Proofread by Ruma Dewan 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}