% Text title            : Mankanakrita Shiva Stuti 2
% File name             : mankaNakRRitAshivastutiH2.itx
% Category              : shiva, stuti, shivarahasya
% Location              : doc\_shiva
% Transliterated by     : Ruma Dewan
% Proofread by          : Ruma Dewan
% Description/comments  : shrIshivarahasyam | IshvarAkhyaH dashamAMshaH | adhyAyaH 10 | 17-25||
% Latest update         : September 8, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Mankanakrita Shiva Stuti 2 ..}##
\itxtitle{.. ma~NkaNakR^itA 2 shivastutiH ..}##\endtitles ##
(shivarahasyAntargate IshvarAkhye)

ma~NkaNa uvAcha |
shambho bharga bhavendushekhara mahAdevAvyayeshAna te
pAdadvandva samarchanArjitamahAbhaktiprabhAbhAvitaH |
bhAvo.ahaM bhava bhAvabhAvaparamAnandAmbudhau magnadhIH
unmattottamadhanyamAnyapadavImAsAditaH sAdaram || 17||
(he shambho shashikhaNDasundara jaTAkANDoru)
mAta~Ngatvagala~NkR^itA~Nga girijAdehArdhasa~Nga prabho
haste bAlakura~Ngasa~Nga shashadhR^igvahnyarkanetrojjvala |
li~NgasthA~Nga mahottamA~Ngavilasadga~NgAmR^itAMsho bhava\-
tpAdau vai sharaNaM prayAmi satataM pApaughabha~NgAya me || 18||
ugra bhIma bhava bharga sha~Nkara
tryakSha rakSha makhabhakSha vIkSha mAm |
andhakAntaka kR^itAntakhaNDana
vedavedya jitamanmatha pAhi || 19||
tvapAda padmapariShevaNayatnalabhyaM
puNyAsapatnAmaghahAri vishuddhanUtnam |
hR^iShTo vishiShTa karuNAruNa shiShTamiShTa\-
mojiShThamaShTatanave karavai namaste || 20||
vastu svastidamastu me hR^idi sadA vedorumastastutaM
nistokaM varahastashastralulitabrahmottamA~NgaM param |
shUlatrastasamastadaityanikarArambheNa mAta~NgahR^i\-
chChastaM nistulamAvirastu purato dhvastAghasa~Ngha param || 21||
adrAkShma tryakShapAdaM phaNighR^iNiyuk lekha maulyuttharekhA
kiNamasR^iNasusiddhaM siddhasaMsiddhivandyam |
aruNimasharaNAnAM lokalIlAvinodaM
madamuditabhavAnAM bhAvanAnAshahetum || 22||
ayajmahi purA janau madavashAnna te prItaye
ayujma yadi shA~NkaraM tavasuyogamatyAdarAt |
adadmahi mahApathapratipadorudAnairapi
dadhImahi hR^idAmudA tava saroja pAdaM sadA || 23||
adhImahi sadAghahaM sugamamuktimArgapradaM
shatashrutishirogataM vimalamevarudraM sadA |
ale.api bhasitaM sitaM vimalameva puNDraM sadA
bhavema satataM bhave bhava tavaikabhAvAH sadA || 24||
achakR^ima varivasyAM shA~Ngali~NgottamA~Nge
tava sadayakaTAkShairmodamAnAH sadaiva |
tava shiva charaNAbjAlokanenAlameta\-
nnavarasuravarANAM vAraNe kAraNaM me || 25||

|| iti shivarahasyAntargate ma~NkaNakR^itA shivastutiH 2 sampUrNA ||

\- || shrIshivarahasyam | IshvarAkhyaH dashamAMshaH | adhyAyaH 10 ma~NkaNastutiH | 17\-25||
##
- .. shrIshivarahasyam . IshvarAkhyaH dashamAMshaH . adhyAyaH 10 ma~NkaNastutiH . 17-25..

##
##
Proofread by Ruma Dewan 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}