% Text title            : Mantrarnamuktavali
% File name             : mantrArNamuktAvalI.itx
% Category              : shiva, mantra
% Location              : doc\_shiva
% Author                : Krishnananda Saraswati
% Proofread by          : Rajesh Thyagarajan
% Description/comments  : Minor works of Shri Krishnananda Saraswati
% Latest update         : November 6, 2025
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Mantrarnamuktavali ..}##
\itxtitle{.. mantrArNamuktAvalI ..}##\endtitles ##
##A garland of 24 verses studded as it were with pearls
of Beejakshara of Medha Dakshinamurti moola mantra##
OM namo bhagavate dakShiNAmUrtaye mahyaM medhAM praj~nAM prayachCha svAhA |
##The verses start with letters corresponding to the letters in the mantra in sequence.##

OMkArasanmaNisamudganidheya nityanIvImayAya nigamAntavidAM munInAm |
Anandabodhaghanama~NgalavigrahAya nyagrodhamUlanilayAya namaHshivAya || 1||
nakShatranAthaparipATalachArugAtraM mandasmitA~nchitamukhaM svasukhAlasAkSham |
chinmudrikAkalita pustaka chinhapANiM pashyAmyapasmR^itiharaM haramantara~Nge || 2||
mokShAya muktaviShayairmunibhiH purANaiH shrIdakShiNAnanamupAsyamapAsya mandAH |
moho mahAnayamaho muShitA hR^iShIkairyaddevatAntaramupAsitumArabhante || 3||
bhavyo bhavassarahitAdibhavapravAhe yasmin pathi trayagamAgamakhedakhinnAH |
diShTyA mahApathika vishramadivyavR^ikShaM devaM vaTadrutaTama~NgalamAshrayante || 4||
gamyaM girAmanidamAdimasambhavAnAmanteShu santatasamAdhigatAntara~NgaiH |
pAre tamaH parachitaM parayogadR^iShTyA divyaM vaTadrutaTavAsi mahaH prapadye || 5||
vastAmabhAvukabharerajinaM mR^igANAmAstAmanAthavadadho vadabhUruhasya |
AlambatAmapi chitAbhasitA~NgarAgamantastameva sharaNaM maraNe.api kurve || 6||
te te samasta jagatAmabhilobhanIyA bhAvA bhavantu hR^idi me chiramAvirAvIH |
tejastadeva paramAshritavR^ikShamUlamAlambate hR^idayamAdR^itayodhamudram || 7||
datte svayaM saghanadatvamudArabhogaM vAgIshvaratvamapi vA~nChitamokShalakShmIm |
yasya smR^itau sakR^idapasmR^itihAri tejo jAgarti hR^ittimiramaNDalachaNDabhAnuH || 8||
kShipraM kShiNotu duritaM mama dakShiNAsyaM kShINAghatApasapachelimabhAgadheyam |
jyotiryadAntaratamaM vaTavR^ikShamUle kShemAya dIkShitamudIkShitamAttapuNyaiH || 9||
NAviShTavatprakR^itikAryamiti bruvANA yannAmavarNaguNagandhyapi pANinIyAH |
vidyAvishAradagaNeShu gaNeyarUpAstaM dakShiNAnanaguruM guNayAmi chitte || 10||
mUrchChAkulasya muhureva bhavAdhidAvajvAlAvalIsamavalIDhasudhI kulasya |
ArterapAkaraNamAshvasanIyamAste mUrtaM mahaH kimapi mUlataTe vaTadroH || 11||
taptaM tapaH paramatItabhavAntareShu dattaM cha vittamabhigamya mahattamebhyaH |
ArAdhitA gurujanA yadadho vaTadrorIkShe mahaH kimapi ma~NgaladAyi sAkShAt || 12||
ye kechidAjanijaDA api chaiDamUkA mUkAshcha kevalamamI yamanusmarantaH |
chUDApadeShu viduShAmapi vAvadUkA dIvyanti divyagurudeshikamenamIDe || 13||
mandAkShamantharadR^ishA shivayAsitA~NkaM mandAkinIpR^iShatama~njujaTAkalApam |
chinmudrikAkShaguNapustakakuNDikADhyaM shrIdakShiNAbhimukhamAdiguruM bhajAmaH || 14||
hyante vasanti munayo hitadeshanArthA maunaM vibharti muhurAdimadeshiko.api |
pashyantyathApi paratatvamamuntu manye sAkShAtkR^ite nahi bhavatyupadeshakA~NkShA || 15|
medhAvino.api vasu me vasanAdikaM me kShetrANi me kShitiriyaM sakalaiva veti |
me me girAjasamajopamitA vaTadruvAstavyavastuvivashA mama shochanIyAH || 16||
dhAmnA kadApi hR^idayaM sadayantu tasmin dhAtAstu vA shatamakho dhanado gururvA |
ArAdhyamAdigurumAdarate vaTadrumUlAlayaM yadi na mUDhamatirnamasyan || 17||
pratyakShamAkalayata pratibhAM purastAdastAdhibhirmunibhirantarupAsanIyAm |
ChAyAmayantimiramachChatanuprakAshairAtanvatIM vaTatarostarutAnumeyAm || 18||
j~nAntAni kAryakaraNAni vivichya vij~nairyajj~nAnayoganiratairyatibhirvicheyam |
jyotiH paraM kimapi tadvaTavR^ikShamUle vIkShadhvamakShijaDimakShipamAttadeham || 19||
pratyarchanIyakushalA mama te shukAdyAshshAkhAsu ye.api bahupAdurupAdapasya |
chAchaMyamaM kamapi vAsitabodhamudramAsAdya satsadasi deshikatAM bhajante || 20||
yatsambhavo yamavatAmuchitAnvavAye yachchApi sadgurupadAbjaparAgasevA |
yachchApyapasmR^itiharasya harasya vidyA sarvaM tadanyabhavasa~nchitabhAgadheyam || 21||
Chando mameti bahupAdapi sambhaveyaM yo dakShiNAnanagurorupasaMshrayeNa |
maunAvalambamatilambijaTAkalApamAsevitaM shukamukhairupayAmi sAmyam || 22||
svArAjyamastu divi vA diviShanniShevyaM yAmyA bhavantu niraye mama yAtanA vA |
kravyAdabhavyamapi vA vipine mR^igatvaM smerAnanaM yadi manaH smarati smarArim || 23||
hA hAnta pashyata sameta vaTadrumUle mohaM nudatkimapi vastu munIndraguhyam |
chakShuH shuchaM prashamayachcharaNAbhibhUtApasmAramasti bahuvismayanIyashIlam || 24||
o~NkAradhvanivAsanAmupaniShaddyosallatAvallarIM
hArdavyomasamudyadindukalikAmantarnishAhardashAm |
nyagrodhadrumamUlanityanilayAmekAmanAkAlikI\-
machChAbhAM pratibhAM vibhAvayata tAmantardR^iguddIpinIm || 25||
ityeShA vihitA vimokShapadavIdIkShAgurordakShiNA\-
mUrterArtajanAvanavyasanino mantrArNamuktAvalI |
AkalpaM sudhiyAmanalpasuShumA kaNTheShu kalpyA sadA
vidyAmuktivadhUsvayaMvaravidhau mA~NgalyamAlAyitA || 26||
shrIrAmabhadrayogIndracharaNAmbujareNunA |
kR^iShNAnandena mantrArNamuktAvaliriyaM kR^itA || 27||

iti mantrArNamuktAvalI samAptA ||
##
Proofread by Rajesh Thyagarajan

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}